Белгілі қазақстандық әнші Алмас Кішкенбаевқа 17 жастағы балаға қол жүгіртті деген айып тағылып жатыр.
Кеше түнде құқық қорғау органдарына курьер болып жұмыс істейтін кәмелетке толмаған баланың әкесінен арыз түскен.
«Кешкі 21:00 шамасында курьер жігіт бір мекен-жайға үш бөтелке сыраны жеткізуге тапсырыс алған. Ол тауарды дүкеннен алып, тапсырыс берушіге апарады. Содан кейін түсініксіз жағдай болған. 17 жастағы жасөспірімнің айтуынша, 40-қа таяған ер адам сыраны бірге ішуді ұсынған.
Сол кезде ер адам 11-сынып оқушысын жыныс мүшесінен ұстап алған. Курьер бала үйіне барған соң әкесіне бәрін айтып береді. Арызда келтірілген уәждерді тексеру аясында полиция қызметкерлері сыраға тапсырыс берген ер адамның пәтеріне барып, оны полиция бөлімшесіне жеткізген. Күдікті – Алмас Кішкенбаев», – деп жазды журналист.
Алматының полиция департаменті бұл дерек бойынша тексеріс жүріп жатқанын, күдікті К. есімді азамат полицияға жеткізілгенін айтты.
