Sona.kz Zakon.kz-ке сілтеме жасап хабарлайды, 2025 жылғы 11 тамыздан бастап Қазақстанда электрондық цифрлық қолтаңба (ЭЦҚ) беру тәртібі өзгереді. Енді бұл қызмет тек онлайн форматта көрсетіледі.
Бұл шешім азаматтардың жеке деректерінің қауіпсіздігін арттыру және цифрлық жеке басын қорғау мақсатында қабылданған. Яғни, ЭЦҚ-ны бөгде адамдардың алу мүмкіндігі толығымен жойылады.
Бұған дейін ЭЦҚ-ны Халыққа қызмет көрсету орталықтарында (ХҚО) немесе онлайн алуға болатын. Енді барлық процесс тек онлайн жүреді.
ЭЦҚ алу үшін:
• egov.kz немесе pki.gov.kz порталына кіріп;
• онлайн өтінім толтырасыз;
• биометриялық сәйкестендіруден өтесіз (жүйе бет-жүзді камера арқылы таниды).
МЦРИАП мәліметінше, егер жүйе тұлғаны сәтті таныса, ЭЦҚ бірден беріледі. Егер сәйкестендіру сәтсіз өтсе (мысалы, базада фотосурет жоқ немесе техникалық ақау болса), пайдаланушыға бес ретке дейін қайтадан өтуге мүмкіндік беріледі.
Тек осыдан кейін ғана ХҚО-ға жүгініп, оператор арқылы құжаттарды өткізу арқылы ЭЦҚ алуға болады.
Ведомство өкілдерінің айтуынша, ЭЦҚ — қолмен қойылған қолтаңбамен тең заңдық күшке ие. Сондықтан оның қауіпсіздігін қамтамасыз ету өте маңызды. Биометрия осы талапты орындауға мүмкіндік береді.
