Қайғылы оқиға халықаралық маңызы бар автожолдың 129-шақырымында түн жарымында болған. Алдын ала деректерге сәйкес, Honda Odissei жүргізушісі көлікті басқара алмай, алда келе жатқан HOWO жүк көлігінің тіркемесіне соқтығысқан, деп хабарлайды Sona.kz Halyqstan-ға сілтеме жасап.
Полиция департаментінің баспасөз қызметі соққының күшті болғанын, салонда болғандардың ешқайсысы аман қалмағанын мәлімдеді. Жеті адам оның ішінде жүргізуші де бар. Оқиға орнында алған жарақаттарынан қайтыс болды. Қаза тапқандардың жеке басы анықталып жатыр.
Аталған факті бойынша қылмыстық іс қозғалды. Тергеушілер жол апатының нақты қалай болғанын анықтау үшін барлық қажетті шараларды жүргізіп жатыр: көліктердің техникалық жағдайы, ауа райы, қозғалыс жылдамдығы және басқа да ықтимал себептер тексерілуде.
Құқық қорғау органдары жүргізушілерді жолда, әсіресе түнгі уақытта, сақ болуға және жылдамдықты шектен асырмауға шақырады.
