Мәжіліс депутаты Ардақ Назаров пленарлық отырыс кезінде күтпеген жерден сөз алып, анасын 70 жас мерейтойымен құттықтады, деп хабарлайды Sona.kz парламенттен тараған бейнежазбаға сілтеме жасап.
«Анашым, мен сені жақсы көремін. Бүгін сіздің 70 жасыңыз. Өмір сыйлап, мені тәрбиелегеніңіз үшін рақмет», – деді Назаров мінберден.
Әріптестері депутаттың сөзін қол шапалақтап қарсы алды. Әлеуметтік желілерде бейнеролик тез тарап, қолданушылар мұндай сәттердің парламент жұмысына адами жылылық беретінін атап өтуде.
? Ардақ Назаров – белгілі қоғам қайраткері, спортшы әрі саясаткер. 2023 жылы Мәжіліс депутаты болып сайланған.
