Астанада жүк көлігі 7 жасар қызды қағып кетті. Бала оқиға орнында көз жұмды.
Қайғылы оқиға Бейсекбаев пен Кенесары көшелерінің қиылысында болған. Полицияның хабарлауынша, жүк көлігінің жүргізушісі жол қиылысында бұрылмақ болған. Сол кезде 7 жасар қыз жаяу жүргіншілер жолынан бағдаршамның жасыл түсіне өтіп бара жатқан.
«Оқиға орнына жедел жәрдем қызметкерлері келді, көрсетілген көмекке қарамастан, биологиялық өлім тіркелді. Қылмыстық іс қозғалды, тергеу жүргізілуде», – деп хабарлады Астананың полиция департаменті.
