Астанадағы түнгі клубтағы қаза: марқұмның әпкесі кінәлілерді жауапқа тартуды талап етті
Астанадағы «Амазон» түнгі клубында болған қайғылы оқиғада көз жұмған жігіттің қарындасы Instagram парақшасында оқиға орнынан бейнежазба жариялады, деп хабарлайды Sona.kz.
Ол жазбасында әділдік орнауын талап етіп, бауырының өліміне қатысты барлық кінәлілердің жауапқа тартылуын сұрады. Айтуынша, шабуыл кезінде клубта күзетшілер, әкімшілік өкілдері мен полиция қызметкерлері болғанымен, ешқайсысы қайғылы жағдайдың алдын алу үшін әрекет етпеген.
«Олар мұны тоқтата алар еді, бірақ ештеңе істемеді», — деді марқұмның қарындасы.
Еске салайық, қайғылы жағдай 7 қыркүйекке қараған түні болған. Туыстарының мәліметінше, шабуылға бес адам қатысып, олардың бірі Азатқа жүрек пен аяғына пышақ салған.
