Талдықорғандағы сот отырысында Айзат Джуманованың өліміне қатысты іс бойынша куәгер Татьяна Чебатырёва түсінік берді. Оның айтуынша, қайғылы оқиға болған түні Айзат пен Айбар арасында жанжал шығып, бірнеше рет соққы дауысын естіген, деп хабарлайды Sona.kz NewTimes.kz-ке сілтеме жасап.
Куәгердің сөзінше, күндіз ерлі-зайыптылар арасында ашу-ыза байқалмаған. Алайда түн ортасынан кейін Айзаттың «Тоқтат, мен сені жақсы көремін» деген даусы мен ер адамның айғайы естілген. Соққы дыбыстары шамамен бір сағатқа созылған.
Таңертең аулада полиция қызметкерлері болғанын айтты.
Бұған дейін сотта айыпталушының әкесі баласы Айзатты ес-түссіз күйде көтеріп әкелгенін және оны «кездейсоқ құлап қалды» деп түсіндіргенін мәлімдеген.
Тергеу нұсқасына сәйкес, 22 маусым күні Айбар Жанболат алкогольдік мас күйінде әйелін ұрып-соғып, есінен тандырған. Айзат ауруханаға жеткізілген соң көз жұмған.
Сот отырысы жалғасып жатыр.
