5 қаңтарда Саберио ауылындағы Чолария отбасында болған өрт салдарынан бес бала көз жұмды. Бұл туралы елдің Үкімет әкімшілігі мәлімдеді.
«Грузия Үкіметі өрттен қайтыс болған балалардың отбасы мен жақындарына тағы да көңіл айтады», – делінген ақпаратта.
Алдын ала мәлімет бойынша, трагедияның себебі абайсыздық. Пеш тұтатпақ болған қария бензин мен керосин құйылған ыдыстарды шатастырып алған. Салдарынан от лезде үйді шарпыды. Көршілері тек әйел адамды аман алып қалды. Ол қазіргі уақытта Кутаисиде емделуде.
