ҚР Ішкі істер министрлігі Ақмола облысының Жібек жолы ауылында орын алған жаппай адам өліміне қатысты жаңа мәліметтерді жариялады. Ресми ақпаратқа сәйкес, қаза тапқандардың барлығының мәйіті опознаниедан өтті. Алдын ала мәлімет бойынша, мерт болған төрт адамның барлығы күдіктінің отбасы мүшелері екені анықталды.
Министрлік осы қылмысты жасады деген күдікпен ұсталған ер адамның бұрын сотты болғанын растады. Қазіргі уақытта ол қамауға алынып, оған қатысты тергеу амалдары жүргізіліп жатыр.
Тергеу жұмыстары әлі де жалғасуда, алайда тергеу мүддесіне байланысты өзге мәліметтер жария етілмейді. Оқиға орнында сарапшылар мен жедел-тергеу тобы дәлелдемелер базасын бекіту үшін жұмысын жалғастыруда.
