Ордабасы ауданының тұрғыны түн ішінде күйеуінің мас болып, мазасын алғанын айтып, полиция шақырған.
Оқиға орнына жеткен полицейлер ер адамның қора ішінде құлыптанып алғанын анықтаған. Темір есікті аша алмаған соң, терезені балтамен бұзып кіріп, ер адамның жіпке асылып тұрғанын көрген. Тәртіп сақшылары шұғыл шешім қабылдап, жіпті кесіп, азаматты аман алып қалған.
Оған алғашқы көмек көрсетіліп, дәрігерлер шақыртылған. Қазір оның өміріне қауіп жоқ. Полиция тарапынан профилактикалық түсіндіру жұмыстары жүргізіліп жатыр.
