Президент спорт министрін лауазымынан босатты

«Мемлекет басшысының Жарлығымен Ермек Боранбайұлы Маржықпаев Қазақстан Республикасының Туризм және спорт министрі лауазымынан босатылды»,- делінген Ақорданың телеграмдағы ресми хабарламасында.

Естеріңізге сала кетейік,  бұған дейін Президент Қасым-Жомарт Тоқаев еліміздегі спорт саласын сынға алғанын хабарлаған болатынбыз.

«Салалық министрлік, Ұлттық олимпиада комитеті, өңірлердегі спорт басқармалары мен федерациялардың жұмысында олқылық көп әрі өзара үйлесімді жұмыс жоқ. Қазіргі жағдайға қарағанда, спорт функционерлері саланы дамытумен емес, миллиардтаған бюджет қаржысын игерумен әлек. Олар түпкі нәтижеге бас ауыртпайды. Спорт саласында жемқорлық фактілері жиі кездеседі. Бұл тек отандық спорттың дамуына ғана емес, елдің абырой-беделіне нұқсан келтіреді. Мұндайға жол беруге болмайды!» – деп Қасым-Жомарт Тоқаев сынға алған болатын.