Кездесу барысында тараптар цифрландыру саласындағы ынтымақтастық, Smart city технологияларын дамыту, жасанды интеллект, қала дамуының тұрақтылығы және қала басқаруына инновациялық шешімдерді енгізу мәселелерін талқылады, деп хабарлайды Sona.kz Aqorda-ға сілтеме жасап.
Сонымен қатар мегаполистер тұрғындары мен қонақтары үшін қолайлы, экологиялық таза, қауіпсіз және инклюзивті орта құру мәселелері қаралды.
Мемлекет басшысы екі астананың қала басқаруында жасанды интеллект интеграциясы бойынша ынтымақтастығында үлкен әлеует көретінін атап өтті.
Кездесу барысында Қасым-Жомарт Тоқаевқа Токио қаласының Smart city концепциясы таныстырылды. Бұл концепция өмір сапасын арттыру, басқару тиімділігін жоғарылату және тұрақты даму мақсатында озық технологияларды қолдануды көздейді.
