5 қыркүйекте құқық қорғау органдары Алматы облысының бес тұрғынын ұстады. Олар Қаңтар оқиғасы кезінде ұрланған қаруды жасырған, деп хабарлайды Sona.kz Orda.kz-ке сілтеме жасап.
Бұл туралы ішкі істер министрлігі мәлімдеді. 1 қыркүйектен бастап ел бойынша жүргізілген тексерістер барысында 12 қару-жарақ пен оқ-дәрі жасырылған орын табылды. Сонымен қатар, оқ-дәрілер мен жарылғыш заттар тәркіленді.
«Заңсыз айналымда Қаңтар оқиғасы кезінде қолды болған алты қару түрі, сондай-ақ полицияның арнайы жабдықтары — қызметтік бронежилет пен каскалар болды», – деді Қылмыстық полиция басқармасы бастығының орынбасары Жандос Батырбеков.
