«Қазгидромет» РМК мәліметінше, аптаның басында антициклон сілемі Қазақстанның басым бөлігіне әсер етеді. Ауа-райы жауын-шашынсыз болады.
Содан кейін еліміздің батыс және солтүстік-батыс аймағына Мәскеу аудандарынан келетін циклон әсер етеді. Ол елімізге найзағай мен жаңбыр әкеледі.
9-10 қазанда батыста қатты жаңбырдың жауады деп болжанады. Республика бойынша жел күшейеді. Түнде және таңертең солтүстік өңірлерде тұман түседі.
Күндіз батыста ауа температурасы 12-18 градусқа дейін, солтүстік-батыста және солтүстікте 7-17 градусқа дейін төмендеуі болжанады, ал қалған өңірлерде күрт өзгеріс болмайды.
