Қазақстан азаматы алтын өндіретін кәсіпорын аумағына заңсыз кіргені үшін жауапқа тартылып, 10 тәулікке әкімшілік қамауға алынды, деп хабарлайды Sona.kz Жамбыл облыстық сотына сілтеме жасап.
Соттың ресми Telegram-каналына сәйкес, 506-бапқа сай заңсыз кіру фактісі бойынша әкімшілік іс Мойынқұм аудандық сотында қаралды.
Анықталғандай, 2025 жылғы шілдеде ер адам жеке күзет ұйымымен қорғалған, қауіпті өндірістік нысан болып саналатын кәсіпорын аумағына заңсыз кірген.
Сотта айыпталушы кінәсін мойындап, жасаған әрекетіне өкінгенін айтып, жазаны жеңілдетуді сұраған. Оның кінәсі протоколдар, полиция қызметкерлері мен кәсіпорын өкілдерінің түсіндірмелерімен расталған.
506-бапқа сәйкес, аталған құқық бұзушылық үшін 15 АЕК (58 980 теңге) айыппұл салу немесе 15 күнге дейін әкімшілік қамауға алу қарастырылған.
Сот ер адамның кінәлі екенін анықтап, 10 тәулікке әкімшілік қамауға алу жазасын тағайындады. Сот шешімі заңды күшіне енген.
