Шерзат Полаттың өліміне қатысты істің мемлекеттік айыптаушысы болған прокурор Дана Сәрсенбай «Үздік мемлекеттік айыптаушы» төсбелгісімен марапатталды. Бұл туралы Бас прокуратураның бұйрығымен белгілі болды.
Сот процесі кезінде Дана Сәрсенбайдың сөйлеу мәнері, кәсібилігі және айғақтарды жүйелі түрде жеткізуі әлеуметтік желі қолданушылары тарапынан жоғары бағаланған еді.
Прокурор айыпталушылардың әрқайсысының әрекетіне қарай 1,5 жылдан 23 жылға дейін бас бостандығынан айыру жазасын сұраған.
Шерзат Полаттың қазасына қатысты іс қоғамда үлкен резонанс тудырып, құқық қорғау органдарының жұмысына ерекше назар аудартқан болатын.
