23 қыркүйек күні Астанаға сумо аңызы Хакухо Сё келеді. Ол қазақстандық спортшылармен кездесіп, шеберлік сабағын өткізеді, деп хабарлайды Sona.kz ZTB-ға сілтеме жасап.
Іс-шара сағат 13:00-де Radisson Astana қонақүйінде («Сарыарқа» залы, 3-қабат) өтеді. Кіру тегін.
Шын аты — Мунхбатын Давааджаргал. Ол Моңғолияда дүниеге келген. Әкесі — 1968 жылғы Олимпиада ойындарының еркін күрестен күміс жүлдегері. Хакухо спорттық мансабында рекордтық 45 Император кубогын иеленіп, тарихтағы ең ұлы сумо балуаны атанды.
