Жетісу облысында облыстық прокуратураның үйлестіруімен киберполиция қызметкерлері «дроп-схемаларға» қатысы бар деген күдікпен 19–22 жас аралығындағы үш жас жігітті ұстады, деп хабарлайды Sona.kz Policia.kz-ке сілтеме жасап.
Алдын ала мәлімет бойынша, күдіктілер алдын ала сөз байласып әрекет еткен және жәбірленушіге психологиялық қысым көрсетіп, банктік шоттар ашуға мәжбүрлеген. Қазіргі уақытта күдіктілер қамауға алынып, тергеу амалдары жүргізілуде.
Құқық қорғау органдары «дроп-схемаларға» қатысу және банктік деректерді үшінші тұлғаларға беру қылмыстық жауапкершілікке әкеп соғатынын ескертеді. Азаматтарды заңсыз қаржылық схемаларға тарту және қысым көрсету әрекеттері заң аясында қатаң түрде жолы кесілетін болады.
