Sona.kz

Метка: айыппұл

  • Лифтіде баланың бетін тілген жасөспірімнің анасына 78 640 теңге айыппұл салынды

    Лифтіде баланың бетін тілген жасөспірімнің анасына 78 640 теңге айыппұл салынды

    Жасөспірімнің анасы Әкімшілік құқық бұзушылық туралы кодекстің 127-бабына (Кәмелетке толмаған адамды тәрбиелеу және оған білім беру, оның құқықтарын немесе мүдделерін қорғау жөніндегі міндеттерді, қауіпсіздігін қамтамасыз ету жөніндегі шараларды орындамау) сәйкес жауапқа тартылды. Бұл бап бойынша айыппұлдың ең жоғары мөлшері 20 айлық есептік көрсеткіш (АЕК) 78 640 теңге. Жасөспірім әлі де тергеуде, тергеу жалғасып жатыр.

    Айта кетейік, желіде Астанадағы тұрғын үй кешендерінің бірінің лифтінде бақылау камерасынан видео пайда болды. Онда бес жасар баланың бетін кескен жасөспірім түсіп қалған. Кадрларда жасөспірім лифт жабылуына жол бермей, қыздың кетуіне кедергі келтіргені көрінеді. Ол пышақты шығарып, балаға кеземек болады. Бірақ ол бірдеңеден сескеніп, пышақты тықпайды.

    Еске салайық, бұған дейін Астанадағы тұрғын үй кешендерінің бірінде кәмелетке толмаған жасөспірім лифт ішінде 5 жасар балаға шабуыл жасап, бірнеше пышақ жарақатын салған. Қылмыстан кейін жасөспірім оқиға орнынан қашып кеткен.

    Зардап шеккен баланың анасы бірден көмек сұрап, дәрігер болып жұмыс істейтін көршісіне жүгінген. Көршісі – Астанадағы №1 қалалық аурухананың дәрігері, 13 жылдық тәжірибесі бар хирург-эндоскопист Жандос Ахнаев болып шықты. Дәрігер бұл қайғылы оқиға туралы жұбайынан білді. Екеуі де үйде болғанда бес жасар Жандостың анасы көмекке шақырған.

  • Қазақстанда айыппұл төлеуде 50% жеңілдік алынып тасталуы мүмкін

    Қазақстанда айыппұл төлеуде 50% жеңілдік алынып тасталуы мүмкін

    Сенатор Марат Қожаев өзінің депутаттық сауалында айыппұл арқылы ережені қайта бұзумен күрес мүмкін еместігін айта келіп, соңғы кезде жол жүрісі қағидаларының бұзылуы көбейе түскеніне тоқталды.

    «Техникалық құралдар Жол жүрісі қағидаларын бұзудың негізгі бөлігін автоматты түрде тіркейді, қазіргі кезде ол ережені бұзудың саны 3 708 084 болып отыр. Ережені жүйелі түрде бұзудың алдын алуға қолданыстағы құқық қолдану тәжірибесі мүмкіндік бермейді. Өйткені техникалық құралдар автоматты түрде тіркеген жүргізушіні ережені қайта бұзғаны үшін жауапқа тарту мүмкін емес. Себебі, көлік құралының иесіне ереже бұзудың тарихы ескерілмей айыппұл жазылады. Сондай-ақ, жол қозғалысы ережесін жүйелі түрде елемейтін, жол тәртібін қасақана бұзушыларға Жол жүрісі қағидалары бойынша емтиханды қайта тапсыруды міндеттеу мүмкін емес. Сонымен қатар, техникалық құралдар ережені бұзу дерегін ғана тіркейді, бірақ жүргізушінің дайындық деңгейін және оның жол ережесін өрескел бұзу мен қауіпті әрекетке бейімділігін бағалауға мүмкіндік бермейді», – деп атап өтті сенатор.

    Сенатор сондай-ақ кейбір жоғары төлем төлеуге қабілетті жүргізушілер айыппұлды жауапкершіліктен қашудың әдетке айналған тетігі ретінде түсінуіне алаңдаушылық білдірді. Алматыда көлік құралының бір жүргізушісі бір жылда үш миллион теңгеден астам сома айыппұл төлеп, 143 бұзушылық жасаған жағдай тіркелген көрінеді.

    «Әсіресе техникалық құралдар тіркеген ереже бұзу дерегі бойынша жүргізушілердің жауапкершілігін күшейту мәселесін қарауды ұсынамыз. ӘҚБтК-дегі өзгерістерде техникалық құралдар тіркеген 10 және одан да көп бұзушылығы бар жүргізушілерді Жол жүрісі қағидалары бойынша теориялық емтиханды қайта тапсыруға жіберуді міндетті ету маңызды. Жүргізуші куәлігінен уақытша айыруға дейін камералармен тіркелген жол қозғалысы ережесін қайталап бұзғаны үшін жауапкершілікті күшейту қажет. Заң талабын бұзушыларға белгілі бір кезеңдегі тәртіп бұзу санын ескеретін сараланған жаза тетігін әзірлеу және ережені жүйелі түрде бұзушыларға айыппұл төлеуде 50% жеңілдікті алып тастау маңызды», – деді депутат.

    Сенатор алдын алу жұмысын күшейту үшін мұндай жүргізушілерді сынақты қайта тапсыруға жіберуді, сондай-ақ қажет болған жағдайда оларды жүргізуші куәлігінен айыруды ұсынды.

  • Нұрлан Өнербаев қазақ тілінде сөйлемейтіндерге айыппұл салуды ұсынды

    Нұрлан Өнербаев қазақ тілінде сөйлемейтіндерге айыппұл салуды ұсынды

    Қазақстанның танымал əншісі әрі қоғам қайраткері Нұрлан Өнербаев қазақ тілінде сөйлемейтін азаматтарға айыппұл салу туралы өзекті ұсынысымен бөлісті.

    Өнербаев өз Instagram парақшасында қазақ тілінде сөйлемейтіндерге 39 320 теңге мөлшерінде айыппұл салу қажет деген жазба жариялады.

    «Күнде бір айыппұл түрін шығарасыңдар! Халық, өзіміз ұсынайық. Қазақ тілінде сөйлемейтіндерге 39 320 теңге айыппұл салынсын», – деп бөлісті ол.

  • Айыппұл төлеу бойынша рекорд орнады

    Айыппұл төлеу бойынша рекорд орнады

    Бас прокуратураның мәліметінше, жол қозғалысы ережелерін елемегені үшін айыппұлдардың шамамен 40%-ы жүргізушілер мен жаяу жүргіншілерге салынған.  2024 жылы қазақстандық жеке және заңды тұлғаларға 304,3 млрд теңге айыппұл салынған. Бұл туралы Kolesa.kz жазды.

    – Прокурорлық антирейтингте екінші орында – салық саласындағы заң бұзушылықтар тұр. Үшінші орында – қоғамдық тәртіпке қатысты, мысалы, ұсақ бұзақылық, қоғамдық орында алкоголь ішу, тыныштықты бұзу және тағы басқасы, – делінген материалда.

    Бұл ретте 2023 жылы Жол қозғалысы ережелерін бұзғаны үшін қазақстандықтарға 88,7 млрд теңгеге айыппұл салынды, яғни өсім 36 пайыз болған.

    Осыдан 10 жыл бұрын, яғни 2014 жылы – 21,672 млрд теңгеге айыппұл салынған, бұл қазіргімен салыстырғанда 6.4 есе аз.

  • Жамбыл облысында жүк тасымалдаушы компанияға 26,8 млн теңге айыппұл салынды

    Жамбыл облысында жүк тасымалдаушы компанияға 26,8 млн теңге айыппұл салынды

    Көлік министрлігі ауыр салмақты жел генераторы бөлшектерін тасымалдайтын «М нефтьСервис» ЖШС-ның көліктерін өлшеді. Нәтижесінде орта есеппен алғанда көлікке тиелген артық жүк мөлшері 85 тоннаны көрсетті.

    Ақпаратқа сәйкес, көліктік бақылау нәтижесі бойынша әкімшілік құқықбұзушылық туралы 22 хаттама толтырылған. Осылайша, ел бюджетіне түсетін қосымша қаражат 26 млн 850 мың теңге болды.

    Тексеру нәтижесінде арнайы рұқсаттағы салмақ параметрлері 85 тоннаға асқаны, жүргізушілердің еңбек және демалыс тәртібін бұзуы, лауазымды адамдарға жұмыс барысында кедергі жасау және халықаралық тасымалдауға рұқсат картасының болмауы анықталды, – делінген хабарламада.

    Министрліктің мәлімдеуінше, бұған дейін бұл компания өлшеу рәсімінен бас тартып, БАҚ арқылы шындыққа жанаспайтын жалған ақпарат таратқан.

    Еске сала кетсек, қазір елімізде ауыр жүк көліктерін өлшейтін автоматтандырылған станциялар кезең-кезеңімен енгізіліп жатыр. Олар жолдың мерзімінен бұрын тозуын болдырмауға бағытталған. Көліктерге шамадан тыс жүк тиелген кезде жүйе автоматты түрде фотосуретке түсіреді, одан кейін бұл ақпарат көліктік деректер базасының ақпараттық-аналитикалық жүйесіне беріледі. Бұл көлікті бақылау комитетіне салмақ нормаларын асыруға байланысты құқықбұзушылықтар туралы хабарламаларды жедел жіберуге мүмкіндік береді.

    Ақпарат үшін, автокөліктің жалпы салмағы жүкпен бірге келесі мәндерден аспауы керек:

    • үш осьті (М3 санатындағы топсалы автобустарды қоспағанда) – 25 тонна;
    • төрт осьті, оның ішінде екі басқарылатын осімен – 32 тонна;
    • бес осьті – 38 тонна;
    • алты немесе одан да көп осьтері бар – 44 тонна.
  • Қазақ тілін менсінбеген Черчесовке айыппұл салынды

    Қазақ тілін менсінбеген Черчесовке айыппұл салынды

    Қазақстан футбол құрамасының бас бапкері Станислав Черчесовке қазақ тіліне қатысты әзілінен кейін айыппұл салынды. Бұл туралы ҚФФ басшысы Әділет Барманқұлов мәлім етті.

    Қателіктер бар. Біз бұл туралы кеше ғана журналистермен сөйлестік. Черчесовтың әзілі, әрине, шектен шығып кетті. Мен онымен жеке сөйлесіп, мемлекеттік тілдің өзектілігі мен басымдылығын түсіндірдім. Біз онымен әңгімелесу түрінде жұмыс өткіздік. Оған айыппұл салынды, — деді федерация басшысы Әділет Барменқұлов.

    Сондай-ақ ол салынған айыппұл көлемі 200 АЕК немесе 738 400 теңгені қамтитынын атап өтті.

  • Қазфосфатқа 10 млн теңге айыппұл салынды

    Қазфосфатқа 10 млн теңге айыппұл салынды

    Бәсекелестікті қорғау және дамыту жөніндегі агенттігінің Жамбыл облысы бойынша департаменті 2024 жылы жүргізген жұмыстарының қорытындысын шығарды.

    Осы уақытқа дейін департамент 5 тергеу жүргізген. Оның бірі «Қазфосфат» ЖШс-ға қатысты.

    Департамент мәліметінше компания сұйық оттегі бағасын 36 460 теңгеден 102 320 теңгеге негізсіз көтерген. Нәтижесінде компанияға 9,5 млн теңге айыппұл салынды.

    Бұған дейін де экологтар «Қазфосфат» ЖШС-ны тексеру кезінде заң бұзушылықтарын анықтаған болатын.

  • Айыппұл төледім деп жалған анықтама апарған адам 10 жылға сотталды

    Айыппұл төледім деп жалған анықтама апарған адам 10 жылға сотталды

    Астана қаласының прокуратурасы алаяқтық және лауазымды тұлғаға аса ірі мөлшерде пара беруге итермелеу дерегі бойынша қылмыстық істі тергеп бітті.

    Дереккөзге сүйенсек, осы іс аясында пара беріп отырған адамға сот 2018 жылы 672 млн теңге айыппұл төлесін деген жаза бекіткен. Алайда ол уәкілетті органға айыппұлды толық төлегені туралы жалған құжат ұсынған.

    «Қалалық прокуратура бұл қылмыстық деректі дер кезінде анықтап, сотталғанның жазасы айыппұлдан 10 жыл бас бостандығынан айыруға ауыстырды. Тергеп-тексеру барысында бұл адамның айыппұлдан жалтаруына көмектескен тағы бір тұлға анықталды», – деп хабарлайды прокуратура.

    Үкім заңды күшіне енген.

  • Жәрдемақы, зейнетақы мен айыппұлдардың мөлшері артады

    Жәрдемақы, зейнетақы мен айыппұлдардың мөлшері артады

    Елімізде келесі жылдан бастап жәрдемақы, зейнетақы мен айыппұлдардың мөлшері көтеріледі. Өйткені 2025 жылдың 1-қаңтарынан бастап айлық есептік көрсеткіш көлемі 3600 емес, 3900 теңге болады. Бұл туралы үш жылға арналған республикалық бюджет туралы заң жобасында жазылған. Яғни айлық есіптік көрсеткіш көтерілсе, жәрдемақы мен айыппұлдардың мөлшері де артады деген сөз. Мәселен мүгедектігі барлар мен асыраушысынан айырылғандарға және жұмыссыздарға төленетін ақы 6,5 пайызға көтеріледі. Ал зейнетақы көлемі 8,5 процентке артпақ.

     

  • Шымкент қаласы экс-әкімінің ағасын телефонмен ұрып, тістегені үшін бұрынғы әйелі 74 мың теңге айыппұл төлейді

    Шымкент қаласы экс-әкімінің ағасын телефонмен ұрып, тістегені үшін бұрынғы әйелі 74 мың теңге айыппұл төлейді

    Шымкент қаласы экс-әкімінің ағасын телефонмен ұрып, тістегені үшін бұрынғы әйелі айыппұл төлейді

    Сот денсаулыққа қасақана жеңіл зиян келтіргені үшін айыппұл түріндегі жаза тағайындады. Даудың басында Шымкент қаласы экс-әкімінің ағасы Марат Әйтенов пен бұрынғы әйелі Дана Атешова.

    «А. оны мәжбүрлеп шығару процесі барысында үй иесіне қарсылық көрсетіп, М.-ны үйге кіргізбей, жәбірленушіні қасақана ұялы телефонымен соғып, оны тістеп алған. Салдарынан М.-ге дене жарақаты келтірілген», — делінген Астана қаласының қылмыстық істер жөніндегі ауданаралық сотының хабарламасында.

    Ведомствоның ақпаратына сәйкес, сотталушының кінәсі жәбірленушінің, куәгерлердің айғақтарымен, сот-медициналық сараптама қорытындысымен және іс материалдарымен дәлелденді. Прокурор 30 АЕК мөлшерінде айыппұл түрінде жаза тағайындауды сұраған. Ал, қорғаушы тарап оқиға мен қылмыстық құқық бұзушылық құрамының болмауына байланысты іс бойынша іс жүргізуді тоқтатуды сұрады.

    «Жасалған теріс қылықтың мән-жайларын және оның ауырлығын ескере отырып, сондай-ақ сотталушының жеке кәсіпкер болып табылатынын, оның асырауында 3 жас баласының бар екенін және жазаның өзге түрін тағайындау оның балаларының өмірі мен тәрбиесі жағдайларына әсер етуі мүмкін екенін ескере отырып, сот сотталушы А.-ға 20 АЕК мөлшерінде айыппұл түріндегі жаза тағайындады», — деп толықтырды аталған ведомствоныың баспасөз қызметінен.

    Яғни, сотталушы 73 840 теңге айыппл төлеуге міндеттелді.

    Үкім заңды күшіне енген жоқ.
    Естеріңізге салсақ, елорда тұрғыны Дана Атешова бұрынғы күйеуі Марат Әйтеновтің полицейлермен және жеке сот орындаушылармен бірге үйіне келіп, балаларды бір-бірлеп үйден мәжбүрлеп шығарғанын, өзін соққыға жыққанын әлеуметтік желіде жариялаған болатын.
    Кейінірек Марат Әйтенов ӘҚБтК 73-бабының 1-бөлігімен кінәлі деп танылып, 5 тәулікке қамауға алынды.
    Содан кейін Марат Әйтеновтың бұрынғы әйеліне сот шешімі шықты.
    Айта кетейік, Марат Әйтенов — Шымкенттің бұрынғы әкімі Мұрат Әйтеновтың туған бауыры. Мұрат Әйтенов 2020-2023 жылдары Шымкентті басқарған.
    Былтыр қыркүйекте Президент Жарлығымен қызметінен босатылды.