Sona.kz

Метка: Ақтөбе облысы

  • Ақтөбеде 75 үлескерді тақырға отырғызған компания басшысы сотталды

    Ақтөбеде 75 үлескерді тақырға отырғызған компания басшысы сотталды

    Ақтөбеде «Жилище» тұрғын үй-құрылыс кооперативінің басшысы Нұрлан Каус 6 жылға бас бостандығынан айрылды. Ол сот залында қамауға алынды.

    Ақтөбе қалалық соты «Алаяқтық» бабымен қаралған іске үкім шығарды. ҚК-тің 190-бабы 4 бөлігі 2 тармағымен тағылған айып толық дәлелін тапты.

    2020 жылы қалада бітуге тиіс 5 қабатты екі үйдің құрылысы аяқсыз қалды. Тұрғындар ақша салған баспаналарына кіре алған жоқ.

    Сот «Жилище» тұрғын үй-құрылыс кооперативінің басшысы Нұрлан Каусқа 6 жыл бас бостандығынан айыру және 3 жыл мерзімге басшылық лауазымдарды атқару құқығынан айыру жазасын тағайындады. Ол сенімге кіріп, пайда табу үшін құрылысты бастап қана қойған.

    Іс материалында сотталушының 2013 жылы «Жилище» тұрғын үй-құрылыс кооперативін құрғаны айтылады. 2018-2020 жылдар аралығында Ақтөбе көпқабатты тұрғын үй тез пайда табуды жоспарлайды. 2021 жылы сотты болып, 2022 жылы жеңілдетілген жазамен бостандыққа шыққан. Сотталушы үлескерлерден барлығы 421,9 млн алды. 237 млн теңгесі құрылыс-монтажға жұмсалды.

    Қалған 184 млн теңгесін өзі иемденіп алған.

    Енді 75 үлескердің шығынын өндіру азаматтық сот тәртібімен қаралады.

  • Ақтөбеде қызғалдақ ұстап фотоға түскен ауыл әкімінің ісін комиссия тексеріп жатыр

    Ақтөбеде қызғалдақ ұстап фотоға түскен ауыл әкімінің ісін комиссия тексеріп жатыр

    Мұғалжар ауданы Құдайберген Жұбанов атындағы ауылдық округ әкімі Ләззат Бердібаеваның фотосын енді арнайы комиссия зерделейді.

    Құдайберген Жұбанов атындағы ауылдық округ әкімі Ләззат Бердібаеваның гүл ұстап түскен фотосы әлеуметтік желі арқылы тарап кетті. Қазіргі кезде полиция фотодағы гүлдің Қызыл кітапқа енген-енбегенін тексеріп жатыр.

    – Тексеріп, қызғалдақтың Қызыл кітапқа енген түрі ме деген сұраққа жауап іздейміз. Кейін құқықтық бағасы беріледі, – деді облыстық ПД баспасөз қызметінің жетекшісі Ерболат Сарқұлов.

    Ал Мұғалжар ауданының әкімі Дархан Ермағамбетов қазір арнайы комиссия құрылғанын айтты.

    – Ауданда Мемлекеттік қызмет істері агенттігі Ақтөбе облысы бойынша департаментінің өкілі бар. Сол комиссияда іс қаралады. Оның құрамында аудандық полиция бөлімінің өкілі де бар. Кейін ғана шешімін айтып, жауапқа тарта аламыз. Ол гүлді қыздары жұлып әкелгенін, фотоға түсіп, WhatsApp мессенджеріндегі статусына қойғанын айтып отыр, – деді Дархан Ермағамбетов.

  • Бюджеттен 272 млн теңге жымқырғандар сотталды

    Бюджеттен 272 млн теңге жымқырғандар сотталды

    Ақтөбе қаласының №2 сотында бюджет қаражатын аса ірі мөлшерде жымқыру фактісі бойынша қылмыстық іс қаралды.

    Бас прокуратураның мәліметінше, осыған дейін Ақтөбе қаласының прокуратурасы бюджет қаражатын пайдаланудың тиімділігіне жүргізілген тексеріс нәтижелері бойынша сотқа дейінгі тергеуді бастады.

    Тергеу барысында Ақтөбе қаласының Жол қозғалысы қауіпсіздігін қамтамасыз ету және цифрлық технологиялар орталығының директоры жеке кәсіпкермен алдын ала сөз байласып, мемлекеттік сатып алу аясында жол таңбаларын салу бойынша 272 млн теңгеден астам сомаға жалған келісімшарт жасағаны анықталды.

    Алайда іс жүзінде жұмыстар орындалмаған, ал ұрланған қаражат қолма-қол ақшаға айналдырылып, иемденілген. Нәтижесінде мемлекетке аса ірі мөлшерде залал келтірілген.

    Осы факті бойынша ҚК 189-бабының 4-бөлігі 2) тармағы (сеніп тапсырылған мүлікті қызметтік жағдайын пайдалана отырып, алдын ала сөз байласу арқылы адамдар тобы болып аса ірі мөлшерде иемдену немесе талан-таражға салу) бойынша сотқа дейінгі тергеу басталды.

    Іс сотқа жолданды. Сот ұсынылған дәлелдемелерді қарап, мемлекеттік айыптаушының ұстанымын ескере отырып, сотталған тапсырыс берушіні мемлекеттік қызметте лауазым атқару құқығынан өмір бойына айыра отырып, 8 жылға бас бостандығынан айыру жазасын тағайындады.

    Ал мердігерге кәсіпкерлік қызметпен айналысу құқығынан 10 жылға айыра отырып, 7 жылға бас бостандығынан айыру жазасын тағайындады.

    Үкім заңды күшіне енген жоқ.

     

  • Ақтөбе облысында ер адамды балаларының көзінше пышақтап кетті

    Ақтөбе облысында ер адамды балаларының көзінше пышақтап кетті

    Ақтөбе облысында пышақ ұстаған күдікті ер адамды балаларының көзінше ойын алаңында пышақтап кетті. Қазір ол бостандықта жүр. Бұл туралы Aktobe_live басылымы хабарлайды.

    Зардап шеккен адам ауруханаға жатқызылып, оған күрделі шұғыл ота жасалды. Күдікті бостандықта жүргендіктен оның әйелі мен балаларының да өміріне қауіп төніп тұр.

    Жантүршігерлік оқиға 6 сәуір күні Абай даңғылы, 15А мекенжайындағы балалар алаңында болды. Зардап шеккен отбасының айтуынша, сағат 15:00 шамасында әкесі аз уақытқа кетіп қалғанда үлкен ұлы бес жасар інісіне қарап қалған. Осы уақытта ересек ер адам пайда болып, үлкен ұлының қолынан ағаш сыпырғышпен ұрған. Артынша салпыншақ пышағымен қорқытып, ағасына жақындауға мүмкіндік бермеген.

    Бала осы уақытта әкесіне телефон соғып үлгереді. Ол келіп, жағдайды бейбіт жолмен шешуге тырысқанмен, қаскөй өзін агрессивті ұстап, куәгерлердің айтуынша, әкесін кеуде тұсынан пышақтап кеткен. Мұның бәрі ойын алаңында балаларының және өтіп бара жатқан адамдардың көзінше болған.

    Зардап шегуші шұғыл түрде ауруханаға жатқызылды. Отбасының айтуынша, операция екі сағатқа созылған, ер адамның жағдайы әлі белгісіз.

    Жәбірленушінің әйелі полицейлер арызды бірден қабылдамағанын, ұлына ешқандай соққы жасалмағанын айтып, сылтауратқан. Шабуыл жасаған адам бостандықта және отбасыны қорқытуын тоқтатар емес.

    «Үйден шығуға қорқамын. Ол зорлық-зомбылық көрсетемін деп қорқытады. Мен тек әділдік пен қорғауды сұраймын», — деп жазды зардап шеккен балалардың анасы әлеуметтік желіде.

    Оқиғаға қатысты облыстық полиция департаменті жауап берді. Олар «Денсаулыққа қасақана ауыр зиян келтіру» бабы бойынша іс қозғалғанын хабарлады.

    «Полиция қызметкерлері күдіктіні пышақтау дерегі бойынша ұстап, полиция бөліміне жеткізді. ҚР Қылмыстық кодексінің 106-бабы бойынша сотқа дейінгі тергеу амалдары жүргізіліп жатыр. Күдікті ешқайда шықпау туралы жазбаша міндеттемеге қол қойды», — деп хабарлады Ақтөбе облысының полиция департаменті.

  • Хромтаудағы шахтада 4 жұмысшы уланып қалды

    Хромтаудағы шахтада 4 жұмысшы уланып қалды

    Ақтөбе облысы Хромтау ауданында төтенше жағдай болып, төрт жұмысшы зардап шекті. 

    Облыстық денсаулық сақтау басқармасы баспасөз қызметінің өкілі Іңкәр Қарашаеваның айтуынша, оқиға бүгін Дөң тау-кен байыту комбинатында болған.

    Кәсіпорында бұрғылау жұмыстары кезінде ауаның қысқа мерзімді тұтануы орын алды. Оқиға салдарынан төрт жұмысшы аудандық ауруханаға жеткізілді. Екі зардап шегуші травматология бөліміне жатқызылды, біреуі үйіне жіберілді, біреуінің жағдайы ауыр, реанимацияда жатыр, – дейді ол. 

    Зардап шеккендерге барлық қажетті медициналық көмек көрсетілген. Олардың барлығы – ер адамдар.

  • Спорт мектебінің басшылары бюджеттің 12 млн теңгесін құмар ойынға тігіп жіберген

    Спорт мектебінің басшылары бюджеттің 12 млн теңгесін құмар ойынға тігіп жіберген

    Ақтөбе облысында спорт мектебінің басшылары 12 млн теңге бюджет қаражатын букмекерлік кеңселерге барып, тігіп жіберген.

    Облыс прокуратурасы спорт алаңдары мен залдарын жалға беру қызметтерінен бюджетке түсуі тиіс болған қаражатты екі балалар-жасөспірім спорт мектебінің басшылары негізсіз иемденгенін анықтады.

    «Олар 12 млн теңгеден астам бюджет қаражатын жеке қажеттіліктеріне, соның ішінде букмекерлік кеңселерде жұмсаған. Аталған фактілер бойынша прокуратура 2 қылмыстық іс тіркеді. Тергеуді облыстық Экономикалық тергеу департаменті жүргізді.

    Осы жылдың 10 қаңтарында тергеу аяқталып, қылмыстық іс (істер біріктірілді) мәні бойынша қарау үшін сотқа жолданды», – делінген хабарламада.

  • Ақтөбе облысында 12 вагон «әлеуметтік» газ ұрлаған бір топ адам қолға түсті

    Ақтөбе облысында 12 вагон «әлеуметтік» газ ұрлаған бір топ адам қолға түсті

    Ақтөбе облысында кен орнының аумағынан «әлеуметтік» газ ұрлау схемасын ұйымдастырған бір топ адам ұсталды.

    ІІМ мәліметінше, күдіктілерді полиция департаментінің ұйымдасқан қылмысқа қарсы күрес басқармасы прокуратура және ҰҚКД-мен бірлесіп өткізді.

    Фигуранттар газ өндіру саласындағы компаниялардың бірінде жұмыс істейді.

    «Күдіктілер есепке алынбаған газды жинақтап, кейін темір жол арқылы тасымалдаған. Кен орнынан сату орнына бара жатқан жолда ұрланған газ бар 12 вагон ұсталды. Тиісті сараптамалар тағайындалды, нәтижелері бойынша келтірілген шығынның сомасы белгіленетін болады. Жедел-тергеу іс-шаралары жалғасып жатыр», – деді ІІМ ұйымдасқан қылмысқа қарсы күрес департаментінің өкілі Қуандық Алпыс.

  • Ақтөбедегі перзентханада жаңа туған сәбиді сатып жіберген

    Ақтөбедегі перзентханада жаңа туған сәбиді сатып жіберген

    Ақтөбе облыстық ПД баспасөз қызметі қылмыстық іс бойынша тергеу жүріп жатқанын хабарлады.

    «Ақтөбе облысының полициясы перзентханада жаңа туған нәрестені сату фактісі бойынша қылмыстық іс қозғады. Барлық мән-жайларды және қатысы бар адамдарды анықтау үшін қажетті тергеу әрекеттері жүргізіліп жатыр. Тергеу жалғасуда», – деп хабарлады Ақтөбе облыстық ПД баспасөз қызметінің жетекшісі Ерболат Сарқұлов. 

  • Ақтөбеде оқиғаға байланысты облыс әкімі мәлімдеме жасады

    Ақтөбеде оқиғаға байланысты облыс әкімі мәлімдеме жасады

    Ақтөбе облысының әкімі Асхат Шахаров тұрғындардың кепілге алынуына қатысты мәлімдеме жасады.

    Бұл туралы әкім әлеуметтік желідегі парақшасында жазды.

    – Облыс орталығындағы қылмыскердің түндегі әрекеті қоғамда жан-жақты талқылануда. Бұл жағдайға қатысты қылмыстық іс қозғалып, тергеу амалдары жүргізіліп жатқанын айтқым келеді. Құқықтық бағасын құзырлы органдар беретін болады. Қазіргі уақытта зардап шеккен жәбірленушіге жан-жақты медициналық және психологиялық қолдау көрсетіліп жатыр.  Ал марқұм болған азаматтардың жерлеу рәсіміне қажетті көмектер ұйымдастырылады. Осы ретте күдіктіні ұстауда кірпік ілмей, кәсібилік танытқан полиция қызметкерлеріне алғысымды білдіремін. Қауіпсіздік шаралары – бақылауымда, дейді әкім.

    14 қаңтарға қараған түні Ақтбеде белгісіз біреу бір отбасының үйіне басып кіріп, үш адамды кепілді ұстаған болатын.

  • Ақтөбе облысында жоғалған балықшылардың денесі табылды

    Ақтөбе облысында жоғалған балықшылардың денесі табылды

    Ақтөбе облысында екі адам 14 желтоқсан күні жоғалып кеткен еді. 16 желтоқсанда Темір ауданындағы өзеннен балықшылардың денесі табылды.

    53 жастағы Владимир Курдюков пен 21 жастағы Михаил Дула 14 желтоқсан күні таңғы сағат 4-те балық аулауға шығып, жоғалып кеткен. Оларға әріптестері мен туыстары хабарласқанымен, балықшылар қоңырауды көтермеген. Кейін туыстары еріктілерден жәрдем сұрады.

     «Алдын ала болжам бойынша, «Нива» автокөлігі көпірден жоғары жылдамдықпен кетіп жатып, суға құлаған. Осы факті бойынша сотқа дейінгі тергеу басталды», деп хабарлады Ақтөбе облысының полиция департаменті.