Sona.kz

Метка: Астана

  • Астанада LRT құрылысына қаржы тарту үшін жер телімдері сатылуда

    Астанада LRT құрылысына қаржы тарту үшін жер телімдері сатылуда

    “City Transportation Systems” ЖШС LRT құрылысына қаржы тарту мақсатында жылжымайтын мүлікті сатылымға қойды. Компанияда бұл қосымша қаржыландыру екені атап өтілді, деп хабарлайды Sona.kz NUR.KZ-ке сілтеме жасап.

    9 қыркүйек күні e-qazyna.kz сайтында CTS-ке тиесілі Нұра ауданындағы жер телімі аукционға шығарылады. Бастапқы баға – шамамен 338 млн теңге. Сондай-ақ Есіл ауданындағы аяқталмаған құрылыс нысаны мен елорданың түрлі аудандарындағы басқа да нысандар сатылымға қойылған.

    CTS баспасөз қызметінің хабарлауынша, сатудан түскен қаражат жеңіл рельсті көлік (LRT) құрылысына бағытталмақ. Бұл қосымша қаржыландыру болып табылады.

    Компания нысандар сатылмаса да, LRT құрылысы тоқтамайтынын айтты.

    CTS нысандардың компания қарамағына қалай өткенін де түсіндірді:

    “Қазақстан Республикасының Азаматтық кодексінің 341-бабына сәйкес, “City Transportation Systems” ЖШС-не міндеттемелердің орындалуын қамтамасыз ететін талап ету құқықтары берілді. Қарызды өтеу үшін талап ету құқығын беру шеңберінде ЖШС-ке мүлік қабылданды. Ол мүлік сатылымға шығарылды”, – деді баспасөз қызметінде.

    Астанадағы LRT құрылысы

    Мамыр айының соңында Қытайдың Таньшань қаласынан Астанаға LRT-нің алғашқы екі құрамы жеткізілді. Жыл соңына дейін елордаға Қытайдан тағы 17 вагон әкелінеді. Маусым айының басында Астанаға ұзындығы 60 метрлік автоматтандырылған басқару жүйесі бар алғашқы LRT пойыздары жеткізілген болатын.

    Осыдан кейін Abu Dhabi Plaza маңындағы станцияда екі вагоннан тұратын екінші LRT құрамы орнатылды.

    Қыркүйек айында LRT-нің сынақ режиміндегі іске қосылуы жоспарланған. Бұл кезең шамамен жарты жылға созылады, ал осы уақытта көлік жолаушыларды тасымалдамайды.

    Бұған дейін депутат LRT вагондарының ішкі көрінісін көрсеткен болатын. Маусым айында депоның 50%-ға аяқталғаны хабарланған.

    Тамызда негізгі желі бойына рельстер төсеу жұмыстары толық аяқталды. Оның жалпы ұзындығы – 22,4 шақырым. Акимат бұл кезеңді LRT құрылысының негізгі кезеңдерінің бірі деп атады.

    Сондай-ақ тамыз айында ресми түрде 18 станцияның атауы бекітілді.

  • Астанада жаңа жұмыс кестесі енгізіледі: мемлекеттік органдар күнін ертерек бастайды

    Астанада жаңа жұмыс кестесі енгізіледі: мемлекеттік органдар күнін ертерек бастайды

    15 қыркүйектен бастап елордада мемлекеттік және квазимемлекеттік құрылымдардың жұмыс уақыты өзгереді, деп хабарлайды Sona.kz қала әкімдігіне сілтеме жасап.

    Жаңа ережеге сәйкес, коммуналдық қызметтер таңғы 07:30-да жұмысын бастайды. Осы уақытта Астана әкімдігі де жұмысқа кіріседі. Бірқатар мемлекеттік органдар мен квазимемлекеттік компаниялар 07:30 бен 08:00 аралығында жұмыс күнін бастайды. Соған сәйкес, олардың жұмыс аяқтау уақыты да ертерек болады.

    Ал жеке құрылымдардың, бизнес нысандарының, мектептердің, балабақшалардың, ауруханалардың, емханалардың, ХҚКО мен басқа да әлеуметтік объектілердің кестесінде ешқандай өзгеріс болмайды.

    Әкімдіктің мәліметінше, кейбір министрліктер мен мемлекеттік органдар қазірдің өзінде жұмыс күнін таңғы 08:00-де бастайды.

  • Жанабыловтардың Instagram-ойыны сотқа жетті

    Жанабыловтардың Instagram-ойыны сотқа жетті

    Астанада танымал блогерлер Ерболат Жанабылов пен Эльмира Толегенованың даулы конкурсына қатысты іс сотта қаралады.

    Министрліктің мәліметінше, Жанабыловтың парақшасында күн сайын ақша, көлік және басқа да қымбат сыйлықтар ұтысқа тігілген. Сараптама қорытындысы бойынша, бұл әрекеттер «Лотерея туралы заңнаманы» бұзу белгілеріне жатады.

    26 тамызда Ерболат Жанабыловқа ҚР Әкімшілік құқықбұзушылық туралы кодекстің 445-1-бабы бойынша хаттама толтырылып, іс Астана қаласының мамандандырылған ауданаралық сотына жолданды. Сонымен қатар, блогердің жарына қатысты да тексеру жалғасуда.

    Айта кетейік, мұндай шағымдар мемлекеттік органдарға жиі түседі. 2024 жылы әлеуметтік желілерде заңсыз лотерея өткізгені үшін 101 адамға 43 млн теңге айыппұл салынса, 2025 жылы тағы 72 адамға 30 млн теңгеден астам айыппұл кесілген.

    Еске сала кетейік, бұған дейін блогерлер 11 автокөлік ойнататынын жариялаған еді. Алайда тікелей эфир орнына жазылушылар 30 мың теңгелік «Zhana Business» курсына сілтеме алды. Бұл жағдай көпшіліктің наразылығын туғызды.

  • Ұржардағы жол апаты: 9 жасар қыз комада, тағы екі бала Астанада ем қабылдап жатыр

    Ұржардағы жол апаты: 9 жасар қыз комада, тағы екі бала Астанада ем қабылдап жатыр

    Абай облысында орын алған ауыр жол-көлік оқиғасынан кейін бірнеше бала ауруханаға түсті, деп хабарлайды Sona.kz Tengrinews.kz.-ке  сілтеме жасап.

    Қайғылы жағдай Ұржар ауданында болған. Жол апатынан зардап шеккендердің ішінде 9 жасар қыздың жағдайы ерекше ауыр. Қазір ол Семей медицина университетінің госпиталінде жансақтау бөлімінде жатыр. Дәрігерлердің айтуынша, ол комада, жасанды тыныс алу аппаратына қосылған.

    Дәрігерлер қызға барлық қажетті медициналық көмек көрсетіліп жатқанын айтады. «Пациенттің жағдайы өте ауыр, өміріне қауіп төніп тұр. Толық көлемде интенсивті терапия жүргізілуде», – деп мәлімдеді Абай облысының денсаулық сақтау басқармасы.

    Сонымен қатар тағы екі бала да жарақат алған. Олар елордаға санавиациямен жеткізілді. Қазіргі таңда балалар Астанадағы көпсалалы клиникалық аурухананың травматология бөлімінде жатыр. Дәрігерлердің айтуынша, олардың жағдайы тұрақты, оларға жоспарлы операция жасалмақ.

    Оқиғаның мән-жайы туралы полиция әлі толық ақпарат берген жоқ. Тергеу амалдары жүргізіліп жатыр. Алдын ала болжам бойынша, көлік жүргізушісі тізгінге ие бола алмай қалған.

    Жергілікті тұрғындар апат болған жол бөлігінің қауіпті екенін айтады. «Бұл жерде жол тар әрі қозғалыс жиі болады. Жаяу жүргіншілерге де қиын», – дейді куәгерлердің бірі.

    Айта кетейік, соңғы айларда өңірде балалар қатысқан бірнеше ірі жол апаты тіркелген. Мамандар ата-аналар мен жүргізушілерді жолда сақ болуға шақырады.

  • Астанада шетелдік жүргізуші бірнеше ереже бұзып, ұсталды

    Астанада шетелдік жүргізуші бірнеше ереже бұзып, ұсталды

    Астана орталығында жол қозғалысы ережелерін бұзған шетелдік азамат ұсталды. Оқиға кезінде ол полициядан жасырынбақ болып, бірнеше көлікке соқтығысқан. Бұл туралы Sona.kz Tengri Auto-ға сілтеме жасап хабарлайды.

    Полиция дерегінше, Mercedes көлігінің жүргізушісі патрульді көрген сәтте аулаға кіріп, шлагбаум мен екі көлікке соғылған. Кейін жаяу қашпақ болғанымен, тәртіп сақшылары оны ұстады.

    Тексеру барысында жүргізушінің елде заңсыз жүргені анықталды. Оның бірнеше заңбұзушылығы тіркелді:
    • жалған мемлекеттік нөмірлерді қолдану,
    • сақтандырусыз көлік жүргізу,
    • заңсыз такси қызметін көрсету.

    Mercedes көлігін оған танысы бергені белгілі болды. Ол да әкімшілік жауапкершілікке тартылады. Ал жүргізуші үш тәулікке қамауға алынып, көші-қон заңнамасын бұзғаны үшін қосымша жауапқа тартылды.

  • Астанада автобус апатқа ұшырап, 14 адам зардап шекті

    Астанада автобус апатқа ұшырап, 14 адам зардап шекті

    Астанада автобус қатысқан жол-көлік оқиғасы салдарынан 14 адам жарақат алды, деп хабарлайды Sona.kz Kazinform-ға сілтеме жасап.

    Полиция мәліметінше, Mercedes маркалы қызметтік автобустың жүргізушісі Қабанбай батыр даңғылымен келе жатып, бұрылыс жасау кезінде рөлге ие бола алмай, көлік жол жиегіне түсіп кеткен.

    Қайтыс болғандар жоқ. Қазір оқиғаға байланысты тексеріс жүргізіліп жатыр.

    Қалалық денсаулық сақтау басқармасының ақпаратына сәйкес, зардап шеккендердің барлығы Астананың көпсалалы стационарларына және Ұлттық шұғыл медицинаны үйлестіру орталығына жеткізілген.

  • Астанада ер адамды 5 тәулікке қамады: қыздың бөксесіне қол тигізген

    Астанада ер адамды 5 тәулікке қамады: қыздың бөксесіне қол тигізген

    бойынша 5 тәулікке қамау жазасына кесті, деп хабарлайды Sona.kz t.me/kriminal_kazakhstan сілтеме жасап.

    Оқиға фитнес-жаттықтырушы Ариананың айтуынша, ер адамның оның бөксесіне қол тигізуімен байланысты. Күдікті кешірім сұрағанымен, жәбірленуші оны қабылдамаған.

    «Мен бұл жайлы енді талқылағым келмейді. Мұндай үлкен аудитория мен эмоционалдық қысымды күтпедім. Өмір сүруді әрі қарай жалғастыру керек. Мені қолдағандардың бәріне алғыс айтамын және әрқайсыңызды қолдаймын», – деп жазды Ариана әлеуметтік желіде.

  • Дәрігерлерге жасалған шабуылдардан кейін күзет күшейтілді

    Дәрігерлерге жасалған шабуылдардан кейін күзет күшейтілді

    Астанадағы алты ауруханада медицина қызметкерлерін қорғау мақсатында тәулік бойы полиция бекеттері қойылды.

    Бұл туралы Sona.kz Tengrinews.kz-ке сілтеме жасап хабарлайды.

    Қалалық қоғамдық денсаулық сақтау басқармасының мәліметінше, кезекшілік полиция департаментімен бірлесіп ұйымдастырылған. Криминалдық және жергілікті полиция қызметкерлері енді қабылдау бөлімшелерінде кезекшілік атқарады — дәл осы жерлерде жанжалдар жиі туындайды.

    «Азаматтар тарапынан құқықбұзушылық орын алса, полиция заң шеңберінде әрекет етеді. Соңғы уақытта дәрігерлерге қарсы негізсіз агрессия көбейіп кетті. Костанай облысындағы резонансты жағдай — мұның дәлелі», — деді басқарма басшысының орынбасары Қадыр Жарасбаев.

    Қазіргі уақытта үш ересектерге арналған көпбейінді ауруханада, №2 қалалық балалар ауруханасында және екі республикалық клиникада күзет ұйымдастырылған. Жақын күндері №1 және №3 балалар ауруханаларында, сондай-ақ перинаталдық орталықта да посттар қойылмақ.

    Медқызметкерлер бұл шешімді оң бағалап отыр.

    «Бекеттердің қойылуы бізге сенімділік береді. Күніне 400-ге жуық адам түрлі жарақатпен бізге жүгінеді. Пациенттер ғана емес, туыстары да агрессия танытады. Әркімге шұғыл көмек қажет, бірақ Triage жүйесі бойынша әр науқастың өз кезегі бар. Өкінішке қарай, дәрігерге деген құрмет жиі байқалмайды», — дейді №2 қалалық көпбейінді аурухананың қабылдау бөлімінің меңгерушісі Мәдина Тәбиолдина.

  • Астанадан Щучинскке бағыт алған тасжолда 95 көлік соқтығысқан: кінәлілер әлі анықталған жоқ

    Астанадан Щучинскке бағыт алған тасжолда 95 көлік соқтығысқан: кінәлілер әлі анықталған жоқ

    3 қаңтарда Астана – Щучинск тасжолында болған жаппай жол апатына қатысты тергеу жұмыстары әлі аяқталған жоқ. Бұл туралы «ҚазАвтоЖол» ұлттық компаниясының басқарма төрағасы Дархан Иманашев мәлімдеді, деп хабарлайды Sona.kz Tengrinews.kz-ке сілтеме жасап.

    Оның айтуынша, оқиға бойынша қылмыстық іс қозғалып, қазіргі уақытта сот процесі жүріп жатыр.

    «Тергеу жалғасып жатыр, әзірге кінәлілер анықталған жоқ. Кейбір жүргізушілердің жылдамдықты асырғаны камераға түскен. Бірақ жол қызметтері мен полиция тарапынан барлық қажетті шаралар қабылданған», – деді Иманашев.

    Сондай-ақ ол Алматы – Қонаев тасжолындағы 17 көлік соқтығысқан жол апатына да пікір білдірді. Ол жерде тұман болған, жылдамдықты шектеу енгізілген.

    «Ол жерде де жүргізушілер жылдамдықты асырған. Қазір сот процесі жүріп жатыр. Компанияға әзірге ешқандай талап-арыз түскен жоқ», – деді ол.

    Айта кетейік, 3 қаңтарда Ақмола облысында 95 көлік соқтығысып, 20 адам зардап шекті. Олардың сегізі – бала.

  • Жаңа жұмыс уақыты ұнады ма: министрлік алғашқы нәтижемен бөлісті

    Жаңа жұмыс уақыты ұнады ма: министрлік алғашқы нәтижемен бөлісті

    Қазақстанда мемлекеттік қызметкерлер 08:00–17:30 кестесіне көше бастады. Бұл туралы Еңбек министрлігінің Еңбек инспекциясы комитетінің төрағасы Ерболат Әбілхатин мәлімдеді, — деп хабарлайды Sona.kz Kazinform-ға сілтеме жасап.

    Әбілхатиннің айтуынша, жаңа жұмыс уақыты таңертеңгі кептелісті болдырмай, қызметкерлердің жеке уақытына тиімділік әкелген.

    «Таңертең 7:30-да жұмысқа шыққанда көшелер бос. Кешкі 17:30-да үйге ертерек қайтып, жарықта отбасыңа, жеке шаруаларға көңіл бөлуге болады. Астананың әкімдігі де икемді кестеге көшіп жатыр», — деді ол Үкіметтегі брифингте.

    Сондай-ақ, қызметкерлер тарапынан ешқандай шағым түспегенін айтты.