2025 жылғы 24 ақпан сағат 09:00 жағдай бойынша 1 облыстағы 1 республикалық маңызы бар автомобиль жолдарында көлік қозғалысына шектеу қойылды.
«Үшарал-Достық» автожолының 84-164 шақырым аралығы (Көктума ауылы — Достық стансасы).
Қазір республикалық жолдарды күтіп-ұстауға 715 арнайы техника мен 1751 маман жұмылдырылды.
Синоптиктер 20 ақпанда елордада және еліміздің басым бөлігінде ауа райына байланысты ескерту жариялады, деп хабарлайды «Қазгидромет» РМК баспасөз қызметі.
Ұлытау облысының солтүстігінде, шығысында тұман, көктайғақ болады деп болжанып отыр.
Қарағанды облысының солтүстігінде тұман түседі, көктайғақ болуы ықтимал.
Павлодар облысының оңтүстігіне мен батысына тұман түседі.
Солтүстік Қазақстан облысында қар жауып, жаяу бұрқасын жүреді деп күтілуде. Облыстың батысында, оңтүстігінде тұман түсіп, түнде оңтүстік-батысында солтүстік-шығыстан жел соғады, екпіні — 15-20 м/с. Петропавлда да қар жауып, жаяу бұрқасын жүреді деп болжанды.
Қызылорда облысының шығысы мен орталығына тұман түсуі ықтимал.
Ақтөбе облысының оңтүстігіне тұман түседі деп болжанып отыр.
Жамбыл облысының таулы аудандарында көктайғақ болады. Аталған облыстың солтүстігіне, оңтүстігіне, таулы аудандарына тұман түсуі мүмкін. Таразда да тұман күтілуде.
Ақмола облысының батысында, солтүстігінде қар жауып, жаяу бұрқасын жүреді. Облыстың батысына, солтүстігіне, шығысына тұман түседі. Көкшетауда да түнде және таңертең тұман күтіледі.
Атырау облысының солтүстігінде, оңтүстігінде қар жауып, жаяу бұрқасын жүреді деп болжанды. Атырауда да қар жауады, жаяу бұрқасын жүреді.
Маңғыстау облысының батысында, солтүстігінде, орталығында жаяу бұрқасын жүріп, жауын-шашын (қар, жаңбыр), көктайғақ, түнде және таңертең облыстың солтүстік-шығысында, орталығында тұман болады деп күтіліп отыр. Түнде облыстың батысында солтүстік-шығыстан соққан желдің екпіні — 15-20 м/с. Ақтауда көктайғақ болуы ықтимал.
Қостанай облысының солтүстігіне, оңтүстігіне тұман түседі деп күтілуде. Қостанайда да түнде және таңертең тұман болады.
Түркістан облысының солтүстігіне, таулы аудандарына тұман түсу ықтималдылығы жоғары.
Астанада кей уақыттарда тұман байқалады.
Шығыс Қазақстан облысының солтүстігінде, шығысында, оңтүстігінде тұман болады деп күтіліп отыр. Өскеменде де түнде және таңертең тұман түсуі ықтимал.
19 ақпан – күн құбылмалы бұлтты, жауын-шашынсыз. Түнде және таңертең тұман түседі, жолдарда көктайғақ. Желдің жылдамдығы 0-5 м/с. Ауа температурасы түнде -4…-6°C, күндіз +4…+6°C.
20 ақпан – күн құбылмалы бұлтты, жауын-шашынсыз. Түнде және таңертең тұман, көктайғақ күтіледі. Желдің жылдамдығы 0-5 м/с. Түнде -3…-5°C, күндіз +3…+5°C.
21 ақпан – күн құбылмалы бұлтты, түнде қар, күндіз жаңбыр мен қар жауады. Түнде және таңертең тұман, көктайғақ күтіледі. Жел оңтүстік-шығыстан 2-7 м/с жылдамдықпен соғады. Түнде -3…-5°C, күндіз +3…+5°C.
Ауа райының күрт құбылуына байланысты Астанаға апаратын екі республикалық маңызды жол уақытша жабылды. Бұл туралы «ҚазАвтожол» хабарлады.
Ақпаратқа сүйенсек, Павлодарға және Петропавлға баратын екі жол Ақмола облысы аумағында жабылған.
«2025 жылғы 13 ақпан сағат 08:00-де Ақмола облысында ауа райының бұзылуына байланысты «Астана-Ерейментау-Шідерті» 16-200 ш, Астана қ. уч. – Павлодар облысы шекарасына дейін көліктің барлық түрінің қозғалысына шектеу қойылады», – делінген ҚазАвтожол хабарламасында.
Бұл автожолдың Ақмола облысы шекарасынан Павлодар облысындағы Шідерті кентіне дейінгі аумағына да шектеу қойылған. «ҚазАвтожол» ақпаратына сүйенсек, жолдарды 13 ақпан кешкі сағат 17:00-де ашу жоспарланған.
Төтенше жағдайлар министрлігі солтүстікте ауа райының күрт суып кетуіне байланысты ескерту жариялап, тұрғындандар алыс сапарға шықпауды сұрады.
«Қазгидромет» РМК алдағы күндерге арналған ауа райы болжамын жариялады. Синоптиктердің мәліметінше, алдағы күндері республиканың солтүстік облыстарының ауа райын Солтүстік циклонның ойығы қалыптастырады, ал оңтүстік аймақтар оңтүстік циклонның әсерінен болады, онымен қар, боран күтіледі.
Күндізгі уақытта елдің оңтүстігі мен оңтүстік-шығысында қар мен жаңбыр түрінде аралас жауын-шашын болады, мұзды құбылыстар болады.
Республика бойынша жел күшейіп, тұман түседі деп күтілуде. «ҚР батысында ауа температурасы түнде 5-13 аяз, күндіз 6 аяз-1 жылу, елдің оңтүстік-батысында түнде 1-9 аяз, күндіз 3 аяз-2 жылу күтіледі, республиканың солтүстік-батысында ең төменгі температура 10-18-ден 7-16 аязға дейін көтеріледі, ең жоғары температура 3-10 аяз шегінде болады.
Қазақстанның солтүстігінде түнде температураның ауытқуы 7-20-дан 10-22 аязға дейін, күндіз температураның төмендеуі 2-8-ден 5-11 аязға дейін, ҚР шығысы мен орталығында 10-23-тен 7-18 аязға дейін өседі деп болжанып отыр, оңтүстік облыстарда 5-13-тен 0-10 аязға дейін өседі деп күтілуде, күндіз 5 аяздан-5 жылудан 1 аязға дейін-7 жылу, елдің оңтүстік-шығысында түнде 5-25-тен 3-20 аязға дейін, күндіз температуралық фон 5 аяздан-5 жылуға дейін, таулы аудандарда 6-11 аяз көтеріледі», – делінген синоптиктер болжамында.
Қазгидромет алдағы үш күнде күн күрт суытатынын ескертті.
Мекеме алдағы үш күнде республиканың батысында, солтүстігінде, шығысында ауа-райын атмосфералық фронтальды бөлімдер қалыптастыратынын, қар, жаяу бұрқасын, батыс өңірлерде жауын-шашын жаңбыр мен қар түрінде, көктайғақ құбылыстары болжанатынын айтады.
Елдің оңтүстігінде ауа-райы жауын-шашынсыз, температура қолайлы болады деп болжанады. Қазақстан бойынша тұман, желдің күшейетіні айтылады.
Түнде ауа температурасының батыста -8…-13°C дейін, солтүстікте, орталықта -13…-21°C дейін, шығыста -15…-30°C дейін біртіндеп төмендеуі күтіледі.
Қазақстанда ауа райының нашарлауына байланысты екі облыста тасжол жабылды. «ҚазАвтоЖол» мәліметінше, Жетісу облысында «Алматы-Талдықорған-Өскемен-Шемонаиха-РФ шекарасы» автожолының 557-615 шақырым аралығындағы учаскесінде (Үшарал қаласынан Абай облысының шекарасына дейін) көліктің барлық түрінің қозғалысына шектеу қойылды.
«Абай облысында «Алматы-Талдықорған-Өскемен-Шемонаиха-РФ шекарасы» автожолының 615-768 шақырым аралығындағы учаскесі (Жетісу облысының шекарасынан Аягөз қаласына дейін), сол сияқты «Таскескен-Бақты» автожолының 0-75 шақырым аралығындағы учаскесі (Таскескен ауылынан Үржар ауылына дейін) жабық», – делінген хабарламада.
«Қазгидромет» РМК 30 қаңтарға арналған ауа райы болжамын жариялады.
Астанада қар жауып, бұрқасын болады.
Алматыда кей жерлерде көктайғақ болады. Кешке тұман түседі.
Шымкентте күндіз жауын-шашын (жаңбыр, қар), көктайғақ күтіледі. Кейде тұман.
Абай облысында қар жауып, боран соғады, күндіз оңтүстік пен шығыс бөлігінде қалың қар жауады. Жел екпіні: 23 м/с.
Ақтөбе облысының солтүстігі мен батысында көктайғақ болып, тұман түседі.
Ақмола облысында түнде қар жауып, бұрқасын болады. Желдің екпіні 15-20 м/с.
Алматы облысының таулы аймақтарында күндіз кей жерлерде қалың қар жауады. Облыстың солтүстік, оңтүстік бөліктерінде, таулы аймақтарында көктайғақ болып, кей жерлерде тұман түседі. Жел екпіні: 15-20 м/с.
Атырау облысында көктайғақ болады. Түнде және таңертең облыстың батысында, солтүстігінде және оңтүстігінде тұман түседі.
Шығыс Қазақстан облысында қар жауып, боран соғады. Жел екпіні: 15-20 м/с.
Жамбыл облысында қар жауады, күндіз жауын-шашын (жаңбыр, қар), таулы аймақтарда қар жауады. Жел екпіні: 15-20 м/с.
Жетісу облысының таулы аймақтарында қар жауады, күндіз жауын-шашын (жаңбыр, қар), таулы аймақтарда қар, кей жерлерде қалың қар күтіледі. Кей жерлерде тұман түсіп, көктайғақ болады. Облыстың солтүстігінде оңтүстік-батыстан соғатын желдің екпіні: 15-20 м/с.
Синоптиктер Қазақстанның басым бөлігіне қар жауатыны жөнінде ауа райы болжамын жариялады.
Астана: түнде қар, күндіз жауын-шашын (жаңбыр, қар), көктайғақ күтіледі. Боран. Оңтүстік-батыстан жел соғады, екпіні: секундына 15-20 метр.
Солтүстік Қазақстан облысы: қар, боран, күндіз облыстың батысында жауын-шашын (жаңбыр, қар) болып, көктайғақ күтіледі. Жел 15-20 м/с, кейде секундына 25 метрге дейін жетеді.
Жамбыл облысы: таңертең және түстен кейін облыстың оңтүстігінде, шығысында жауын-шашын (жаңбыр, қар), таулы аудандарда қар жауып, көктайғақ күтіледі. Жел солтүстік-батыстан оңтүстік-батысқа ауысады, облыстың таулы аймақтарында екпіні секундына 15-20 метрге дейін жетеді.
Жетісу облысы: күндіз облыстың таулы аудандарында жауын-шашын (жаңбыр, қар), көктайғақ күтіледі. Жел екпіні: секундына 15-20 метр.
Қарағанды облысы: түнде облыстың батысында, солтүстігінде қар жауады. Жел: екпіні 15-20 м/с, кейде секундына 23 метрге жетеді.
Абай облысы: облыстың батысында, солтүстігінде қар, төменгі боран күтіледі. Желдің жылдамдығы:секундына 15-20 метр.
Шығыс Қазақстан облысы: қар жауып, боран соғады. Желдің жылдамдығы секундына 15-18 метрге дейін жетеді.
Ұлытау облысы: түнде облыстың батысында, солтүстігінде қар жауады. Күндіз боран соғады. Облыстың шығысында кей тұстарында тұман болады. Желдің екпіні: секундына 15-20 метр.
Ақмола облысы: түнде қар, күндіз жауын-шашын, боран, көктайғақ. Желдің екпіні: күндіз секундына 23-28 метр.
Түркістан облысы: оңтүстікте, облыстың таулы және тау бөктеріндегі аудандарында жауын-шашын (жаңбыр, қар), тұман, көктайғақ болады, жел облыстың таулы жерлерінде секундына 15-20 метрге дейін жетеді.
Ақтөбе облысы: облыстың солтүстігінде, батысында, шығысында көктайғақ сақталады, желдің екпіні секундына 15-18 метрге дейін жетеді.
Қызылорда облысы: облыстың басым бөлігінде тұман, көктайғақ күтіледі.
Павлодар облысы: қар жауады, желдің екпіні секундына 15-20 метрге дейін жетеді.
Қостанай облысы: қар жауып, боран күтіледі. Облыстың батысында, солтүстігінде тұман, көктайғақ болады. Желдің екпіні секундына 15-20 метрге дейін жетеді.
Батыс Қазақстан облысы: аймақтың солтүстігінде, шығысында тұман, көктайғақ күтіледі.
Атырау облысы: тұман түсіп, көктайғақ күтіледі.
«Қазгидромет» синоптиктері 24 қаңтарда Қазақстанның барлық аймағында ауа райына байланысты ескерту жариялады.
Ақмола облысының солтүстігінде оңтүстік-батыстан жел соғады, екпіні 15-20 м/с. Көкшетауда оңтүстік-батыстан жел соғады, күндіз екпіні 15-20 м/с.
Абай облысының солтүстігінде аздаған қар, жаяу бұрқасын күтіледі. Жел батыстан, солтүстік-батыстан соғады, түнде облыстың солтүстігінде, шығысында 15-20 м/с.
Алматы облысының солтүстігінде, таулы аудандарында 31 градус аяз болады. Облыстың солтүстігінде, оңтүстігінде, таулы аудандарында кей уақытта тұман болады.
Алматыда кей уақытта тұман түседі. Қонаевта 24 қаңтарда кей уақытта тұман түседі.
Ұлытау облысының солтүстігінде, шығысында кей уақыттарда тұман түседі. Шығыстан, оңтүстік-шығыстан жел соғады, күндіз облыстың солтүстігінде екпіні 15-20 м/с.
Қарағанды облысының солтүстігінде, шығысында кей уақыттарда тұман түсуі мүмкін. Түнде облыстың басым бөлігінде 35-38 градус қатты аяз.
Жетісу облысының солтүстігінде, таулы аудандарында қатты аяз, ауа температурасы 30-33 градусқа дейін төмендейді. Өңірдің шығысында, таулы аудандарында аздаған қар күтіледі. Облыстың шығысында, таулы аудандарында жаяу бұрқасын, тұман. Солтүстік-шығыстан жел соғады, облыстың солтүстігінде, шығысында екпіні 15-20, кей уақыттарда 25 м/с. Түнде қатты аяз 25-29 градус. Талдықорғанда түнде қатты аяз 27-29 градусқа дейін төмендеуі мүмкін.
Батыс Қазақстан облысының батысында аздаған қар, жаяу бұрқасын күтіледі. Түнде және таңертең облыстың солтүстігінде, шығысында тұман күтіледі. Жел шығыстан, оңтүстік-шығыстан соғады, күндіз облыстың батысында, оңтүстігінде, шығысында екпіні 15-20 м/с. Оралда түнде және таңертең тұман күтіледі.
Атырау облысында оңтүстік-шығыстан жел соғады, екпіні 15-20 м/с. Атырауда оңтүстік-шығыстан жел соғады, екпіні 15-20 м/с.
Шығыс Қазақстан облысының солтүстігінде, шығысында қар, бұрқасын күтіледі. Жел батыстан, солтүстік-батыстан соғады, түнде облыстың солтүстігінде, шығысында 15-20 м/с.
Солтүстік Қазақстан облысының солтүстігінде аздаған қар, жаяу бұрқасын күтіледі. Оңтүстік-батыстан жел соғады, түнде облыстың батысында, солтүстігінде, оңтүстігінде екпіні 15-20 м/с, күндіз күші 15-20, облыстың батысында, солтүстігінде, оңтүстігінде екпіні 25 м/с. Петропавлда күндіз аздаған қар, жаяу бұрқасын күтіледі. Оңтүстік-батыстан жел соғады күші 15-20, күндіз екпіні 23 м/с.
Ақтөбе облысында оңтүстік-шығыстан жел соғады, облыстың батысында, орталығында екпіні 15-20 м/с.
Қызылорда облысында жел шығыстан соғады, таңертең және күндіз облыстың орталығында екпіні 15-20 м с.
Маңғыстау облысында оңтүстік-шығыстан жел соғады, облыстың батысында, солтүстігінде, орталығында екпіні 15-20, түнде кей уақыттарда 23 м/с күтіледі. Ақтауда оңтүстік-шығыстан жел соғады, түнде және таңертең екпіні 15-20 м/с.
Түркістан облысының солтүстігінде, таулы аудандарында жаяу бұрқасын, оңтүстігінде тұман түседі. Шығыстан жел соғады, облыстың солтүстігінде, таулы аудандарында күші 15-20 м/с.
Жамбыл облысының таулы аудандарында аздаған қар, жаяу бұрқасын күтіледі. Облыстың оңтүстігінде, таулы аудандарында тұман күтіледі. Солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с. Таразда кей уақыттарда тұман күтіледі.
Қостанай облысының оңтүстігінде, шығысында тұман күтіледі. Оңтүстік-батыстан жел соғады, күндіз облыстың солтүстігінде 15-20 м/с.