Sona.kz

Метка: Балалар

  • Жамбыл облысында әйел екі баласын бесінші қабаттың терезесінен лақтырған

    Жамбыл облысында әйел екі баласын бесінші қабаттың терезесінен лақтырған

    Жамбыл облысында екі кәмелетке толмаған баланы өлтіруге оқталу фактісі бойынша қылмыстық іс қозғалды, деп хабарлайды Sona.kz Halyqstan-ға сілтеме жасап.

    Оқиға Тараз қаласындағы Төле би даңғылы бойында орналасқан жатақханалардың бірінде болған.

    Тергеу мәліметтеріне сәйкес, 36 жастағы әйел өз үйінде бола отырып, 2021 жылы туған қызын және 2023 жылы туған ұлын бесінші қабаттың терезесінен әдейі лақтырып жіберген.

    Балалар тірі қалып, жедел түрде Жамбыл облыстық көпбейінді балалар ауруханасына жеткізілді. Дәрігерлер олардың жағдайын ауыр деп бағалап, «политравма» диагнозын қойған. Қазіргі уақытта балалар жансақтау бөлімінде жатыр.

    Оқиғаға дейін әйел мен оның жұбайы арасында жанжал болған. Жанжалдан кейін ер адам үйден шығып кеткен.

    Тергеу барысында әйелдің соңғы жылдары қатты бас ауруларына шағымданып жүргені анықталған.

    Алдын ала деректерге сәйкес, әйел қатты эмоционалдық күйде бола отырып, алдымен қызын, кейін ұлын терезеден лақтырған. Кейін өзі де секіруге әрекеттенген, алайда соңғы сәтте тоқтаған.

    Аталған дерек бойынша ҚР Қылмыстық кодексінің 99-бабы 3-бөлігімен қылмыстық іс қозғалды. Күдікті ұсталып, уақытша ұстау изоляторына қамалды. Қосымша ақпарат бойынша, күдіктінің жұбайы бұрын психиатриялық есепте тұрған.

  • Қазақстан ішінде балалардың әуе билеттері субсидияланады

    Қазақстан ішінде балалардың әуе билеттері субсидияланады

    Мәжіліс туризм саласын және балалар мен жасөспірімдер спортын қолдауға бағытталған түзетулерді екінші оқылымда мақұлдады. Құжатқа сәйкес, Қазақстан бойынша тур сатып алу кезінде балаларға арналған ішкі рейстердің әуе билеттері субсидияланады, деп хабарлайды Sona.kz Tengri Travel-ге сілтеме жасап.

    Депутат Никита Шаталов заңға қосымша қолдау шаралары талаптарын анықтау жөніндегі уәкілетті органның өкілеттілігін бекітетінін атап өтті. Әсіресе, туристік өнімде балалардың ішкі рейстердегі әуе билеттерінің құны субсидияланатын болады.

    Түзетулерге сәйкес, әрбір шетелдік турист үшін туроператорлардың шығындарын субсидиялау да қарастырылған. Бұл қолдауды нақты нәтиже мен экономикалық әсерге бағыттауға мүмкіндік береді.

    Сонымен қатар, жергілікті атқарушы органдардың рөлі күшейеді: әкімдіктер басым туристік аймақтарды анықтап, мемлекеттік қолдау арқылы жасалған немесе жаңартылған нысандардың мақсатты пайдаланылуын бақылауға алатын болады. Бұл жергілікті деңгейде жауапкершілікті арттырады және инвестицияларды қорғауға ықпал етеді.

    Заң жобасының екінші бөлігі балалар мен бұқаралық спортқа қатысты. Спорт мектептері үшін әр спортшыға нормативтік қаржыландыру енгізіледі, сондай-ақ E-Sport сандық платформасы іске қосылады, ол саланы есепке алу, басқару және талдауға мүмкіндік береді. Бір спортшыға бөлінетін шығындар жылына 415 мың теңгеге дейін артатын болады, ал жаттықтырушылардың жалақысы біліктілікке қосымша төлемдер арқылы көбейеді.

  • Әлемде алғаш рет балаларға әлеуметтік желілерді қолдануға тыйым салынды

    Әлемде алғаш рет балаларға әлеуметтік желілерді қолдануға тыйым салынды

    Австралия 16 жасқа толмаған балаларға әлеуметтік желілерді толықтай қолдануға тыйым салған әлемдегі алғашқы ел болды. Жаңа заңға сәйкес TikTok, Instagram, Facebook, YouTube, Snapchat, Reddit, Kick, Twitch және Threads платформаларына кіруге шектеу қойылады, деп хабарлайды Sona.kz Tengrinews.kz-ке сілтеме жасап.

    Платформалар кәмелет жасына толмаған пайдаланушылардың аккаунттарын жоюға және олардың қайта тіркелуіне жол бермеуге міндетті. Талаптарды орындамаған жағдайда компанияларға 33 миллион доллар көлемінде айыппұл салынады.

    Бұл шешім технологиялық алыптардың және сөз бостандығын қорғаушылардың сын-пікірін тудырды. Дегенмен ата-аналар мен баланың құқықтарын қорғау ұйымдары бастаманы қолдап, балалардың онлайн қауіпсіздігін күшейтудің маңызын атап өтті.

    Австралия билігінің айтуынша, тыйым кибербуллингтің, онлайн-қорлаудың және әлеуметтік желілердің балалар психикасына кері әсерінің артуына байланысты қабылданған. Заңның орындалуын қадағалау арнайы органға жүктелді.

  • Қазақстанда балаларға лазерлік әдіспен тас алу отасы алғаш рет жасалды

    Қазақстанда балаларға лазерлік әдіспен тас алу отасы алғаш рет жасалды

    Қазақстандық дәрігерлер алғаш рет балаларға арналған урология саласында лазерлік литотрипсия әдісін қолдана бастады, деп хабарлайды Sona.kz Kazinform-ға сілтеме жасап.

    Алматыдағы Балалар мен педиатриялық хирургияның ғылыми орталығында еліміздегі алғашқы лазерлік жүйемен жабдықталған операциялық бөлме ашылды. Бұл — жапон үкіметінің KUSANONE гранттық бағдарламасы аясында жеткізілген Calculase III жоғары технологиялық құрылғысы. Іс-шараға Жапонияның Қазақстандағы елшісі Ясумаса Иидзима қатысты.

    Урология бөлімінің меңгерушісі Бақытжан Әбекеновтың айтуынша, бұл жүйе елімізде балалардың несеп-жыныс жүйесіндегі туа біткен және жүре пайда болған ауруларды эндоскопиялық жолмен емдеуде алғаш рет қолданылып отыр.

    Бұған дейін мұндай оталар ашық тәсілмен жасалып, екі сағатқа дейін созылатын. Ал пациенттер ауруханада екі аптаға дейін емделетін. Енді операция 20 минутқа ғана созылады, маскалық наркоз қолданылады, бала процедурадан кейін бірден ата-анасына беріледі, ал толық қалпына келу уақыты жеті күннен аспайды.

    Литотрипсия — бұл тастарды түрлі энергия түрлерінің көмегімен ұсақтау әдісі.
    Мамандардың айтуынша, жаңа технологияның басты артықшылығы — аз жарақат алу және операция кезіндегі тәуекелдерді барынша азайту.

    Айта кетсек, Қазақстанда жыл сайын 250-260 бүйрек, бауыр және жүрек трансплантациясы жасалады.

  • Ұлттық банк: Балаларға төлем тоқтатылмайды

    Ұлттық банк: Балаларға төлем тоқтатылмайды

    2026 жылы қазақстандық балалар Ұлттық қордан төлем алуды жалғастырады. Бұл туралы Астанада өткен брифингте Ұлттық банк төрағасы Тимур Сүлейменов мәлімдеді, деп хабарлайды Sona.kz Kazinform агенттігіне сілтеме жасап.

    «Қай сарапшылар мұны жоққа шығарып отырғанын білмеймін. Жоқ, жеті айдың қорытындысы бойынша Ұлттық банк Ұлттық қорды басқара отырып, 4,6 млрд доллар пайда тапты. Доходтылық доллармен 8 пайызды құрады. Инвестициялық табыстан шығын жоқ», — деді ол.

    Сүлейменовтің айтуынша, соңғы үш жыл қатарынан қор активтерін арттыруға мүмкіндік беретін тұрақты инвестициялық табыс тіркеліп отыр.

    Алайда төраға 2026 жылғы нақты төлем мөлшері әзірге белгісіз екенін айтты. Бұл көрсеткіш туу деңгейіне, 18 жасқа толатын балалар санына және өзге де факторларға байланысты болады. Дәл жауап 2026 жылдың қаңтарында белгілі болмақ.

    Айта кетейік, бүгін ҚР Ұлттық банкі базалық мөлшерлемені 16,5% деңгейінде сақтап қалды.

  • Астанада өгей балаларын қорлаған әке 5 күнге қамалды

    Астанада өгей балаларын қорлаған әке 5 күнге қамалды

    Астанада өгей балаларымен жанжалдасқан әке 5 тәулікке қамалды. Сот өгей балаларына күн көрсетпеген әкеге отбасы қатынастарындағы ең қатал жазаны тағайындаған, ол 5 күнге қамалды.

    «Сот М-ның пәтерде бола отырып, отбасы мүшелерін қорлап, оларға құрметсіздік танытып,  бірге тұратын өгей балаларымен жанжалдасып, сол арқылы отбасы-тұрмыстық қатынастар аясында құқық бұзушылық жасағанын анықтады», — делінген хабарламада.

     

  • Келесі жылы Ұлттық қордан балалардың шотына 100 доллардан көп түседі

    Келесі жылы Ұлттық қордан балалардың шотына 100 доллардан көп түседі

    2025 жылдың басында «Ұлттық қор – балаларға» жобасы аясында кәмелетке толмаған балалардың шотына 100 доллардан көп ақша түседі. Бұл туралы Ұлттық банк төрағасының орынбасары Әлия Молдабекова айтты.

    Осы жылдың он айы ішінде Ұлттық банк Ұлттық қорды басқарудан 5,3 млрд доллар пайда тапқан.

    «Естеріңізде болса, былтыр әр балаға шамамен 100 доллар аударған едік. Бірақ 2023 және 2024 жылдар инвестициялық кіріс тұрғысынан өте позитивті жыл болды. Сол себепті келесі жылдың қаңтарында балалар арасында бөлінетін сома 100 доллардан көп болуы мүмкін», — дейді Молдабекова Ұлтттық банкте өткен брифингте.

    Ол нақты сома балалар санына байланысты болатынын атап өтті. Балалардың шотына төлемдер қаңтар айының басында аударылады.

  • Балалар емінен 44 млн жымқырған «More life» қоры директоры сотталды

    Балалар емінен 44 млн жымқырған «More life» қоры директоры сотталды

    Ол аса ірі көлемде алаяқтық жасады деп танылып, 6 жарым жылға бас бостандығынан айырылды, деп хабарлайды Ratel.kz сайты.

    Сот деректеріне қарасақ, 2022 жылдан 2024 жылға дейін Жулина ауыр дертке шалдыққан балаларды емдеуге жиналған 44 миллион теңгеге жуық қаржыны иемденген.Ең даулы істердің бірі – бүйрегі ауыратын 4 жасар қыз балаға Беларусь елінде шұғыл ота қажет болған жағдай. More Life қоры операцияға қажетті 30 миллион теңгені жинап, бірақ ақшаны клиникаға жібермеген, ал есеп құжаттары жалған болып шыққан. Қыз бала қазірге дейін тек гемодиализ арқылы өмір сүріп жатыр.

    Тағы бір зардап шеккендер – көздің қатерлі ісігі диагнозы қойылған балақайдың ата-анасы. Қор Швейцарияда емделуге уәде еткенімен, құжаттары дұрыс толтырылмаған соң операция жасалмай қалды. Осылайша ата-аналар уақыт жоғалтып алғанымен қоймай, жинаған ақшаларынан да айырылып қалды.

    Алданғандардың қатарында Жулинаның өз апасы да бар. Ол өзінің мүгедек баласын емдеуге Түркияға жіберген. Уәде етілген емнің орнына балаға тегін жасалатын физиотерапия ғана жасалған. Сапардан кейін баланың жағдайы нашарлап, мүгедектік деңгейі ауырлай түскен.

    Жулина өз кінәсін мойындамай, тек көмек көрсетуге тырыстым деп ақталды. Алайда тергеу оның кінәсін толық дәлелдеді. Енді зардап шеккен отбасылар жоғары сот инстанцияларында әділдікке қол жеткізбек.

  • ІІМ балалар арасында тараған қауіпті ойынға қатысты дабыл қақты

    ІІМ балалар арасында тараған қауіпті ойынға қатысты дабыл қақты

    ІІМ-нің ресми өкілі Шыңғыс Әлекешев министрліктің дәстүрлі брифингінде оқушыларға интернеттен келетін зардаптың алдын алу жайлы айтып берді, деп хабарлайды Azattyq Rýhy.

    «Жыл басынан бері мониторинг нәтижесінде суицидтік сипаттағы белгілері бар 43 интернет-ресурс анықталды. Олар бойынша ақпарат бұғаттау үшін уәкілетті органға, яғни мәдениет және ақпарат министрлігіне жіберілді. Соңғы уақытта мессенджерлерде қауіпті ойындар туралы ақпарат таралып жатыр. Мұндай ойындарда өзін-өзі өлтіру элементтері кездеспейді, бірақ онда балалардың психикасына теріс әсер ететін қашу, бағынбау сияқты әрекеттерді құптау қаупі болуы мүмкін», – дейді ол.

    Осыған байланысты ішкі істер министрлігі кәмелетке толмағандардың ата-аналары мен заңды өкілдерін бала тәрбиесіне мұқият көңіл бөлуге шақырды.

    «Жалпы әрбір суицид дерегі бойынша балаларды суицид жасауға итермелеген себептерді және оған қатысы бар адамдарды анықтау мақсатында сотқа дейінгі тергеп-тексеру жүргізіледі. Жалпы, суицид жасаудың нақты себебі тек тергеу нәтижесімен ғана белгілі болады. Суицид жасау және соған әрекеттенген 14 бала мас күйде болған. Сонымен қатар, өз-өзіне қол жұмсау әрекетінің бір жағдайында жасөспірім есірткіге масаң күйде болған.Талдау көрсеткендей, көп жағдайда 15-17 жас аралығындағы, яғни өтпелі кезеңдегі жасөспірімдер суицидке оқталады», – дейді ресми өкіл.