Sona.kz

Метка: Бас прокуратура

  • Санжар Боқаев ұсталды: Бас прокуратура белсендіге тағылған айыптарды жариялады

    Санжар Боқаев ұсталды: Бас прокуратура белсендіге тағылған айыптарды жариялады

    Қазақстанның Бас прокуратурасы қоғам белсендісі Санжар Боқаевтың ұсталуына қатысты ресми түсініктеме берді. Тергеу мәліметтері бойынша, Боқаев қоғамдық саябақ аймақтарында заңсыз ағаш кесу және құрылыс нысандарынан мүлік ұрлау фактілерін әдейі ұйымдастырды деген күдікке ілінген. Қадағалау органының мәлімдеуінше, бұл әрекеттер әлеуметтік желілерде жалған ақпарат тарату және халық арасында теріс қоғамдық пікір қалыптастыру мақсатында жасалған. Күдікті табысы төмен адамдарды тартып, оларға сыйақы беріп, ағаш кесу мен ұрлық жасауды тікелей қаржыландырған деп есептеледі.

    Мұнымен қатар, Санжар Боқаевқа қатысты тағы бір ауыр айып тағылып отыр. Ол алаяқтық жолымен аса ірі мөлшерде қаржы жымқырды деп күдіктелуде. Бас прокуратура бұл істің қоғам үшін маңыздылығын ескеріп, тергеудің басталғанын растады. Қазіргі уақытта Қылмыстық-процестік кодекстің 201-бабына сәйкес, өзге ақпараттар тергеу мүддесіне байланысты жарияланбайды. Бұл оқиға қоғамда үлкен резонанс тудырып отыр, себебі ұсталған тұлға бұған дейін өткір мәлімдемелерімен және белсенділігімен танылған болатын.

  • Қазақстан Бас прокуратурасы Эпштейнге қатысты ақпаратты тексере бастады

    Қазақстан Бас прокуратурасы Эпштейнге қатысты ақпаратты тексере бастады

    Қазақстанның Бас прокуратурасы америкалық қаржыгер Джеффри Эпштейнге қатысты қазақстандық шенеуніктердің ықтимал байланыстары туралы ақпаратты тексере бастады. Бұл туралы ведомство басшысы мәлімдеді.

    Тексеруге Мәжіліс депутаты Асхат Рахимжановтың сауалы негіз болды. Ол жалпы отырыста Бас прокуратура мен Ұлттық қауіпсіздік комитетінен жоғары лауазымды тұлғалардың америкалық қаржыгермен байланысы жөніндегі мәліметтерді тексеруді сұраған.

    Депутат сөзінде бұрынғы премьер-министр әрі ҰҚК-нің экс-төрағасы Карим Масимовтың есімі аталды. Қазір ол мемлекетке опасыздық жасау ісі бойынша жазасын өтеп жатыр. Депутаттың айтуынша, Масимовтің тегі кейбір материалдарда кемінде сегіз рет кездеседі.

    Бас прокурор Берік Асылов Ақорда кулуарында алдын ала тексеріс басталғанын растады. Оның айтуынша, жарияланымдар зерделеніп, ақпараттың шындыққа сәйкестігі анықталуда.

    Сонымен қатар, Эпштейннің Қазақстанға келген-келмегені және қазақстандық шенеуніктердің оған барған-бармағаны да тексеріледі. Жеке тәртіппен Масимов пен Келімбетовке қатысты мәліметтер қаралады.

    Тексеріс нәтижелері бойынша қосымша ақпарат беріледі.

  • Қазақстан Президенті Бас прокуратурада кеңес өткізіп, заң үстемдігі мен цифрлық даму бағытындағы негізгі міндеттерді айқындады

    Қазақстан Президенті Бас прокуратурада кеңес өткізіп, заң үстемдігі мен цифрлық даму бағытындағы негізгі міндеттерді айқындады

    Қазақстан Республикасының Президенті Қасым-Жомарт Тоқаев Бас прокуратурада кеңес өткізіп, «Заң және Тәртіп» қағидатының мемлекеттік саясаттағы маңызын атап өтті. Мемлекет басшысы бұл ұстаным жаңа Конституция редакциясында міндетті түрде көрініс табуы тиіс екенін айтты, деп хабарлайды Sona.kz NewTimes.kz-ке сілтеме жасап.

    Президент қазіргі күрделі халықаралық жағдайда Қазақстан ұстанып отырған саяси бағыттың дұрыстығына күмән жоқ екенін атап өтіп, заң үстемдігін қамтамасыз етуде прокуратура органдарының жауапкершілігі ерекше екенін жеткізді.

    Цифрландыру және жасанды интеллект

    Қасым-Жомарт Тоқаев құқық қорғау органдарындағы цифрландыру үдерісінің жүйесіз жүргізіліп жатқанын сынға алды. Оның айтуынша, әрбір ведомство цифрлық құралдарды өз бетінше әзірлеп, бірыңғай тәсіл қалыптаспаған.

    Нәтижесінде бюджет қаражаты тиімсіз жұмсалып, нақты нәтиже бермей отыр. Мемлекет басшысы мұндай жағдайды жол беруге болмайтынын айтып, Үкіметке енгізілген барлық цифрлық шешімдерге талдау жүргізуді тапсырды.

    Президент күштік құрылымдар үшін ортақ технологиялық стандарттары бар бірыңғай цифрлық экожүйе құру қажеттігін атап өтті.

    Дербес деректерді қорғау және киберқылмыс

    Кеңес барысында азаматтардың жеке деректерінің таралуы мен киберқылмыстың өсуі мәселесі де қозғалды. Мемлекет басшысы онлайн-алаяқтықтан зардап шегетін азаматтар саны жыл сайын артып отырғанын, ал мұндай қылмыстардың ашылу деңгейі төмен екенін айтты.

    Осыған байланысты киберқылмысқа қарсы күрес тәсілдерін түбегейлі қайта қарау қажеттігі атап өтілді.

    Көші-қонды бақылау және ақпараттық қауіпсіздік

    Президент көші-қон саласын толық цифрландыруды басым міндет ретінде атады. Оның айтуынша, жаһандық көші-қон ағындарының күшеюі шетел азаматтарының қозғалысын бақылау жүйелерін жаңғыртуды талап етеді.

    Сондай-ақ деструктивті контент таратудың құқықтық салдарын азаматтарға тұрақты түрде түсіндіру қажеттігі айтылды. Мемлекет басшысы жасанды интеллектіні қоғамда іріткі салу мақсатында қолдану жол берілмейтінін атап өтті.

    Патриотизм туралы

    Кеңес соңында Қасым-Жомарт Тоқаев патриотизм ұранмен емес, жауапкершілікпен және ел игілігі үшін атқарылған нақты істермен өлшенетінін айтты.

    Кеңеске Бас прокурор Берік Асылов, Премьер-Министрдің орынбасары — цифрлық даму және жасанды интеллект министрі Жаслан Мәдиев, Ішкі істер министрі Ержан Сәденов және өзге де мемлекеттік орган өкілдері қатысты.

  • Бас прокуратура Қожамжаров, Кексель және Татубаева істері бойынша түсініктеме берді

    Бас прокуратура Қожамжаров, Кексель және Татубаева істері бойынша түсініктеме берді

    Қазақстан Республикасының Бас прокурорының орынбасары Ғалымжан Қойгелдиев бұрынғы Қаржы мониторингі агенттігінің (финпол) төрағасы Қайрат Қожамжаровқа қатысты қылмыстық істің барысы туралы айтты, деп хабарлайды Sona.kz Kazinform-ға сілтеме жасап.

    «Қылмыстық іс қозғалды, сотқа дейінгі тергеу жүргізіліп жатыр, дәлелдемелер жинақталуда. Қалған мәліметтер тергеу барысында жария етіледі», — деді ол.

    Журналистердің «Қайрат Қожамжаров қазір қайда?» деген сұрағына Қойгелдиев тергеу мүддесіне сілтеме жасап жауап беруден бас тартты.

    Сонымен қатар, оның айтуынша, Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Тәтубаевқа және Бас прокуратураның арнайы прокурорлар қызметінің бұрынғы басшысы Олеся Кексельге қатысты да жеке қылмыстық істер қозғалған.

    «Бұл әртүрлі істер, бірақ оларды азаптау фактілері бойынша сипаттауға болады», — деді Қойгелдиев.

    Қазіргі уақытта тергеу жалғасуда, қосымша ақпарат кейінірек жарияланады.

  • Қайрат Қожамжаровқа қатысты тергеу басталды — Бас прокуратура

    Қайрат Қожамжаровқа қатысты тергеу басталды — Бас прокуратура

    Қазақстан Бас прокуратурасы бұрынғы Экономикалық және сыбайлас жемқорлыққа қарсы күрес агенттігінің төрағасы Қайрат Қожамжаровқа қатысты сотқа дейінгі тергеу басталғанын хабарлады, деп жазады Sona.kz Tengrinews.kz-ке сілтеме жасап.

    Ресми мәліметке сәйкес, тергеу оның әртүрлі басшылық қызметте болған кезеңдерінде «қызметтік өкілеттігін асыра пайдалану» және «қылмыстық жолмен алынған ақшаны заңдастыру» фактілері бойынша жүргізіліп жатыр.

    «Барлық қылмыстық істер бойынша арнайы прокурорлардың басшылығымен жедел-тергеу топтары құрылды. Қылмыстық-процестік кодекстің 201-бабына сәйкес, өзге ақпарат жария етілмейді», — делінген Бас прокуратура хабарламасында.

    Қайрат Қожамжаров әр жылдары Сыбайлас жемқорлыққа қарсы ұлттық бюроны, Мемлекеттік қызмет істері және сыбайлас жемқорлыққа қарсы іс-қимыл агенттігін басқарды. Сондай-ақ Ақмола облысының әкімі және Қазақстан Қауіпсіздік кеңесінің хатшысы қызметтерін атқарған. О

  • Шерзаттың соты ашық өтуі керек – Бас прокурордың орынбасары

    Шерзаттың соты ашық өтуі керек – Бас прокурордың орынбасары

    Талғарда кісі қолынан қаза тапқан Шерзат Полаттың ісі бойынша сот отырысы ашық өтуі мүмкін. Бұл туралы бас прокурордың орынбасары Ғалымжан Қойгелдиев мәлімдеді.

    Оның айтуынша, іс шынымен оңай болған жоқ, өте көп сараптама жасалды. Іс материалдарымен танысуға көп уақыт кетті.

    «Прокуратура толығымен ашықтықты қолдайды. Менің ақпаратым бойынша сот ашық өтуі керек. Бірақ, сіз білесіздер, соттың ашық не жабық өтетіні туралы шешімді сот қабылдайды. Ал біздің позициямыз, әрине, сотты ашық өткізу. Аз ғана уақыт қалды, күте тұрайық», – деді Қойгелдиев Сенат кулуарында.

    Айта кетері, осы іс бойынша алдын ала тыңдау 10 сәуір күні сағат 12:00-ге белгіленді.

    Естеріңізге салайық, былтыр қазан айының басында Талғарда төбелес кезінде 16 жастағы Шерзат Полат қаза тапты. Көп ұзамай қара жамылған отбасының үйі жанып кеткен.Полиция бөтеннің мүлкін қасақана жою фактісі бойынша іс қозғады.

  • Екі есепші балабақшадан 300 миллион теңге жымқырған

    Екі есепші балабақшадан 300 миллион теңге жымқырған

    Қарағанды облысында білім саласында 300 миллион теңгеден астам ұрлық дерегі анықталды, — деп хабарлайды Бас прокуратура.

    Қарағанды облысының прокуратурасы «№33 мектеп-бөбекжай-бақша кешені» КММ-де бюджет заңнамасының сақталуына тексеру жүргізді.

    «Тексеріс барысында аталған мекеменің екі есепшісінің 15 жыл бойы өздеріне белгіленген нормадан артық жалақыны заңсыз аударғандығы анықталды. Ұрлықтың сомасы 300 миллион теңгеден асты», – делінген хабарламада.

    Аталған факт бойынша сотқа дейінгі тергеу амалдары жүргізіліп жатыр.

     

  • 225 млн теңге жымқырған күдікті Қазақстанға жеткізілді

    225 млн теңге жымқырған күдікті Қазақстанға жеткізілді

    Қаржылық мониторинг агенттігі Бас прокуратураның үйлестіруімен және Ұлттық қауіпсіздік комитетімен бірлесе отырып, іздеуде болған Садвақасов Т.Х.-ны Қазақстан Республикасының аумағына жеткізді, деп хабарлайды агенттіктің баспасөз қызметі.

    Ол аса ірі көлемде алаяқтық жасағаны және лауазымды тұлғаларға пара беруге итермелегені үшін күдікке ілінген.

    2023 жылғы шілде айында Садвақасов Т.Х. мен адвокат Құрманбаев С.Н. өздерінің қызметтік байланыстарын пайдаланып, Долгалев В.И.-дің іскерлік серіктестеріне қатысты сотқа дейінгі тергеу бастау мәселесін шешуді ұсынған.

    Аталған мәселені шешу үшін Садвақасов Т.Х. мен Құрманбаев С.Н.-ға заңсыз сыйақы ретінде 225 млн теңге беру жөнінде келісім жасалған.

    Алайда, күдіктілер параның алғашқы бөлігі – 90 млн теңгені алғаннан кейін бұл қаражатты өз пайдасына жаратқан және өз міндеттемелерін орындамаған.

    Кейін Садвақасов Т.Х. қылмыстық жауапкершілікке тартылудан қауіптеніп, соттан жасырынған.

  • Шерзат Болаттың өлімі: іс прокурорға жолданды

    Шерзат Болаттың өлімі: іс прокурорға жолданды

    Шерзат Полатты өлтіру ісі бойынша тергеу аяқталды. Алматы облысының полиция департаменті мән-жайды айтты.

    Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

    Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар. Әрбір тергеу әрекеті қылмыстық заңнама талаптарына сәйкес жүргізілді, тергеудің барлық кезеңдерінде заңдылық, ашықтық және объективтілік қамтамасыз етілді. Тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болды.

  • Қазақстан түрмелеріне 40 мың бақылау камерасы орнатылды

    Қазақстан түрмелеріне 40 мың бақылау камерасы орнатылды

    Бас прокуратура кезекті кеңесінде колонияларда 40 мың бейнебақылау орнатылып, сотталғандар тікелей өтініш бере алатын 600 электронды терминал қойылғанын айтты.

    Бас прокурор Берік Асылов пенитенциарлық жүйеде азаптаудың алдын алуға ерекше мән беретінін айтты. Сотталғандардан түскен кез келген қатыгездік туралы сигнал азаптау призмасы арқылы қаралады.

    «Сотталғандардың құқықтарын, бостандықтарын және заңды мүдделерін құрметтеу мен қорғау – бұл заңның тікелей талабы. Сондай-ақ, олардың сәтті әлеуметтенуі қоғамдағы құқықтық тәртіпті сақтаудың маңызды аспектісі», – деді қадағалау органының басшысы.  

    Соңғы жылдары қылмыстық-атқару жүйесінде реформа жүргізіліп, қоғамдық бақылау кеңейтілді. Осының аясында колонияларда толық бейнебақылау жүйесі енгізілді 40 мың бейнекамера орнатылған сондай-ақ сотталғандардың тікелей өтініш беруі үшін 600 электронды терминал қойылды.