Sona.kz

Метка: Басты оқиғалар

  • Полигондар неге өртеніп жатыр: қоқыс алаңдарындағы көлеңкелі бизнес ашылды

    Полигондар неге өртеніп жатыр: қоқыс алаңдарындағы көлеңкелі бизнес ашылды

    Қазақстанда қоқыс полигондарының жиі өртенуі — жай кездейсоқтық емес. Сарапшылар мен экологтар бұл өрттердің артында заңсыз металл жинау әрекеттері тұрғанын алға тартады. Яғни қоқыс ішінен түсті металл іздегендер әдейі өрт шығарып, бағалы қалдықтарды оңай жинауға тырысады.

    Көптеген өңірлерде қоқыс алаңдары бақылаусыз қалған. Заңнан тыс табыс тапқысы келгендер қоқысты әдейі өртеп, ішіндегі алюминий, мыс, темір секілді металдарды жинап, өткізеді. Бұл әрекеттен экологияға орасан зиян келеді.

    Өрт кезінде ауаға улы түтін таралып, жақын маңдағы тұрғындардың денсаулығына кері әсер етеді. Дегенмен мұндай заңсыз әрекетке барғандар көбінесе жазадан сытылып кетіп жатады.

    Экологтар мен қоғам белсенділері бұл мәселені жүйелі түрде шешу керек деп санайды. Полигондарды цифрландыру, күзет жүйесін орнату және металл іздеушілерге қатаң жаза қолдану — күн тәртібіндегі маңызды шаралар.

  • Экс-вице-министрлердің пәтерінен миллиардтар табылды: тергеу мәліметі жарияланды

    Экс-вице-министрлердің пәтерінен миллиардтар табылды: тергеу мәліметі жарияланды

    Қазақстанда бұрынғы вице-министрлерге қатысты тергеу ісі шеңберінде таңқаларлық деректер белгілі болды. Қаржы мониторингі агенттігінің мәліметінше, шенеуніктердің бірінің пәтерінен орасан зор көлемде қолма-қол ақша табылған.

    Ұсталғандардың қатарында Индустрия және құрылыс министрлігінің экс-вице-министрлері мен «Қазақстан тұрғын үй компаниясының» бұрынғы басқарма төрағасы бар. Тергеу олардың мемлекеттік бағдарламалар аясында бөлінген бюджет қаржысын жымқырғанын алға тартып отыр.

    Олар делдал компаниялар арқылы заңсыз схемалар жасап, құрылысқа бөлінген миллиардтаған теңгені қолма-қол ақшаға айналдырып отырған. Пәтерлердің бірінен валюта түрінде сақталған ірі сомадағы ақша тәркіленді.

    Қазіргі уақытта күдіктілер қамауда, тергеу жалғасып жатыр. Агенттік бұл істің өзге де лауазымды тұлғаларға таралуы мүмкін екенін жоққа шығармайды.

  • Диогу Жота жол апатынан қаза тапты: футбол әлемі қайғыда

    Диогу Жота жол апатынан қаза тапты: футбол әлемі қайғыда

    «Ливерпуль» футбол клубының шабуылшысы Диогу Жота жол-көлік оқиғасынан қаза тапты. Қайғылы хабарды шетелдік БАҚ ресми дереккөздерге сілтеме жасап таратты.

    Оқиға Португалияда болған. Автокөлік апаты салдарынан 27 жастағы футболшы оқиға орнында жан тапсырған. Қазір тиісті органдар тергеу жүргізіп жатыр, жол апатының нақты себептері анықталу үстінде.

    Диогу Жота соңғы жылдары «Ливерпуль» сапында көзге түсіп, жанкүйерлердің сүйіктісіне айналған еді. Ол ұлттық құраманың да негізгі ойыншыларының бірі болатын. Оның күтпеген өлімі футбол қауымдастығына ауыр соққы болды.

    Клуб, футболшылар мен жанкүйерлер әлеуметтік желілерде көңіл айтып, отбасы мен жақындарына қолдау білдіруде. Жота — тек талантты ойыншы ғана емес, алаңдағы мәдениетімен, еңбекқорлығымен ерекшеленген тұлға еді.

    Футбол әлемі талантты жұлдызынан айырылды.

  • «Желкеме сөмкесін қойып тұрды»: автобуста орын бермеген жігітке әйел дөрекілік көрсетті

    «Желкеме сөмкесін қойып тұрды»: автобуста орын бермеген жігітке әйел дөрекілік көрсетті

    Әлеуметтік желіде Алматы қаласында түсірілген видео қызу талқылануда. Кадрда автобус ішінде үлкен жастағы әйел мен жас жігіттің арасында орын мәселесіне байланысты жанжал туындағаны көрінеді.

    Әйел адам жас жігітке “орын бермедің” деп ашуланып, айқайға басты. Жолаушылардың айтуынша, әйел оған дөрекі сөздер айтып, тіпті сөмкесін жігіттің желкесіне қойып тұрған. Жігіт болса сабыр сақтап, ешқандай жауап қайтармаған. Оқиға қоғамдық көлікте адамдардың көп шоғырланған уақытында болған.

    Бұл жағдай желі қолданушыларының арасында екі түрлі пікір тудырды. Бірі — егде жастағы кісілерге құрмет көрсету керек десе, екіншісі — үлкендер де шектен шықпауы тиіс деген көзқараста.

    Қоғамдық орындарда әдеп сақтау мен бір-біріне құрмет көрсету мәселесі тағы да күн тәртібіне шықты.

  • Жаңа құрылыста қолма-қол есепке тыйым енгізіледі

    Жаңа құрылыста қолма-қол есепке тыйым енгізіледі

    Қазақстан Ұлттық банкі төлемдер мен ақша аударымдарын реттейтін нормативтік актілерге өзгерістер енгізу бастамасын көтерді. Бұл жоба — тұрғын үй құрылысы мен тұтынушылар құқықтарын қорғау туралы заңдарды жүзеге асыру аясында әзірленген.

    Басты жаңалық — жаңа тұрғын үйлерден үлестік қатысу шарты (ҮҚШ) бойынша пәтер сатып алу кезінде қолма-қол есеп айырысуға тыйым салу. Барлық төлемдер тек банктік жолмен, яғни құрылыс салушының шотына қолма-қол ақшаны банк арқылы аудару түрінде жүзеге асырылуы тиіс.

    Жаңа талап тек бастапқы тұрғын үй нарығына — салынып жатқан көппәтерлі немесе жеке үйлердегі үлесті сатып алуға қатысты. Мақсат — тіркелмеген үлестік шарттарға байланысты тәуекелдерден азаматтарды қорғау.

    Төлем жасау үшін үлескер арнайы төлем мақсатының кодын (ТМК) және тіркелген ҮҚШ нөмірін көрсетуі қажет. Банк бұл мәліметтер бойынша келісімшарттың Біртұтас ақпараттық жүйеде тіркелгенін тексереді. Егер шарт тіркелмесе, яғни құрылыс салушының қаражат жинауға құқығы болмаса, банк төлемді қабылдамайды.

    Сонымен қатар, жоба табиғи немесе техногендік сипаттағы төтенше жағдайлар кезінде азаматтарға төленген өтемақыларға үшінші тұлғалар тарапынан талап қоюға тыйым салуды көздейді. Яғни банктер зардап шеккен азаматтардың өтемақысына қатысты үшінші тараптың өтініштері бойынша қаражатты өндіріп ала алмайды.

    Сондай-ақ, құжатта құқықтық мониторинг нәтижелері бойынша енгізілетін нақтылаушы және редакциялық түзетулер де қарастырылған.

  • 9 ай бойы ішінде дәке болған: алматылық әйел дәрігерлердің қателігінен ішексіз қалды

    9 ай бойы ішінде дәке болған: алматылық әйел дәрігерлердің қателігінен ішексіз қалды

    Алматыда үшінші сәбиін дүниеге әкелген әйел өмірін күрт өзгерткен дәрігерлік салғырттықтың құрбаны болды. 2024 жылдың тамызында №2 перзентханада кесар тілігі жасалған келіншек сол күннен бастап өткір ауырсынуға шағымданып жүрген. Бірақ дәрігерлер оның жанайқайына құлақ аспаған.

    «Маған бірдеңе дұрыс емес сияқты, УДЗ-ды дұрыстап қарап беріңіздерші», – деп қайта-қайта өтінгенімен, перзентханадан “бәрі таза” деген жауаппен үйіне жіберілген. Сол сәттен бастап әйел үшін 9 ай азапқа айналды: ұйықтай алмады, баласын құшағына ала алмады, жүрудің өзі қиынға соқты. Салмағы күрт төмендеп, денесі әлсіреп кетті.

    Жекеменшік клиникаларға жүгіріп, талай тексеруден өтті – бірақ ешкім нақты диагноз қоя алмады. Тек 2025 жылдың мамырында жасалған КТ тексеруі кезінде кіші жамбас аймағында бір бөгде құрылым байқалды. Бастапқыда қатерлі ісік деген күдікпен шұғыл операция жасалды. Алайда 3 маусымда хирургтер іштен іріңдеп кеткен – сол кесар тілігі кезінде ұмыт қалған марля салфетканы тапты.

    9 ай бойы іште жатқан дәке перитонитке, ішкі ағзалардың іруіне себеп болған. Соның кесірінен әйелдің ішегінің бір бөлігін алып тастауға тура келген. Қазір ол калоприемникпен өмір сүріп жатыр, алда тағы бір ауыр ота күтіп тұр. Дәрігерлер толық қалпына келеді деп нақты айта алмай отыр.

    Заңгер Анна Чернованың айтуынша, зардап шеккен әйел сотқа жүгініп, кінәлі дәрігерлердің әділ жазалануын талап етпек. Оның алдында енді ұзақ ем-дом мен өмірді қайта қалпына келтіру кезеңі тұр.

    Бір апта кешіктіргенде – тірі қалмауы мүмкін еді…

  • Иттер талаған бала облыстық клиникаға ауыстырылды: жағдайы ауыр, бірақ тұрақты

    Иттер талаған бала облыстық клиникаға ауыстырылды: жағдайы ауыр, бірақ тұрақты

    Алматы облысы Жалпақсай ауылында иттердің шабуылына ұшыраған бала ауыр жағдайда ауруханаға түсті. 1 шілде күні ол Қарасай аудандық орталық ауруханасынан облыстық балалар клиникалық ауруханасына ауыстырылып, жансақтау бөліміне жатқызылды.

    Облыстық денсаулық сақтау басқармасының мәліметінше, баланың жағдайы ауыр, бірақ тұрақты. Бала есін біледі, онымен клиникалық психолог жұмыс жүргізіп жатыр. Ресми түрде жарақаттары айтылмағанымен, әлеуметтік желілерде тараған ақпаратқа сәйкес, оның бетінде жыртылған жаралар бар, көзі мен сан сүйегі зақымданған, оң құлағы жұлынған. Алдағы уақытта оған бірнеше күрделі ота мен ұзақ оңалту қажет болуы мүмкін.

    Қазір баланың жағдайын ҚазҰМУ-дың профессоры мен нейрохирургі бақылауда ұстап отыр. Емдеу клиникалық хаттамаларға сай толық көлемде жүргізілуде.

  • Жасыл желектер түнгі ауысымда суарылып жатыр

    Жасыл желектер түнгі ауысымда суарылып жатыр

    Мекеменің директоры Бақытжан Нұртаевтың сөзінше, жасыл желектер көбіне түнгі ауысымда суарылады.

    «Түнгі ауысымдағы жұмысшылар сағат 23:00-06:00 аралығында қызмет етеді. Қазіргі таңда қаладағы бірқатар аумақта автоматты суару жүйесі іске қосылған. Жүйе жоқ жерлер қолмен суарылады. Күнделікті жұмысқа 5 ауыр техника жұмылдырылады», – деді ол.

    Сонымен қатар ол шаһарда көгалдандыруға қатысты мәселенің бар екенін ашық айтты. Мысалы, орталықтағы бір көшенің суару жүйесін мердігер толығымен орнатып, іске қоспаған болса, ал екіншісінде мердігер кепілдік мерзіміне сәйкес тиісті жұмыстарды атқармауда. Проблемалық сұрақпен ТҮКШ бөлімі айналысуда.

    Ал Абай, Алматы көшелері Кешенді даму жоспары аясында жаңғыртылады деп жоспарлануда. ТҮКШ бөлімі жоба аясында көгалдандыру мен абаттандыруды қарастырады.

    «Вандалдар да жоқ емес. Суаруға арналған жабдықтарды сындырып кетеді. Оны үнемі қалпына келтіреміз. Мемлекет меншігін бүлдіру фактісі бойынша деректер Полиция басқармасына жолдануда. Тұрғындарды вандализмге қарсы мәдениетті ұстануға шақырамыз», — деді мекеме басшысы.

    Аталғандардан бөлек, әкімдікке азаматтардан аулалардағы гүлдерді суаруға қатысты өтінімдер түскен болатын. Бұл сұрақ бойынша пәтер иелері кооперативтеріне жүгінуге болады. Бұған дейін ауыз су қысымының төмендеуіне байланысты ШЖҚ «Қонаев Су Арнасы» бау-бақшаларды түнде суаруға кеңес берген еді.

  • Қонаевта аулаларда жалпы тазалық жұмыстары басталды

    Қонаевта аулаларда жалпы тазалық жұмыстары басталды

    Қонаев қаласында «Таза Қазақстан» республикалық экологиялық акциясы аясында аулаларды жалпы тазалау (генеральная уборка) жұмыстары басталды.

    Іс-шара 1-шағынауданнан бастау алды. Күн сайын тазалық жұмыстарына ШЖҚ «Жасыл қала Қонаев» МКК-ның 10 қызметкері мен 2 арнайы техника жұмылдырылуда. Олар қоқыс шығару, шөп шабу және аулаларды тазалап жатыр.

    Аталған жұмыстар кезең-кезеңімен қаланың басқа да шағынаудандарында жалғасады.

    ❗️Қонаев қаласының әкімдігі тұрғындар мен ПИК-терді акцияға белсенді қатысуға шақырады.

    Айта кетейік, «Таза Қазақстан» акциясы бүкіл ел аумағында өткізіліп, экологиялық мәдениетті қалыптастыру мен қалалық ортаны абаттандыруды мақсат етеді.

  • Баланы құтқарып, айыпталушы атанды: баланы ажалдан арашалаған азаматқа иттерді өлтіргені үшін шағым түсті

    Баланы құтқарып, айыпталушы атанды: баланы ажалдан арашалаған азаматқа иттерді өлтіргені үшін шағым түсті

    Алматы облысы, Жалпақсай ауылында орын алған қайғылы жағдай қоғамда үлкен резонанс тудырды. Бойжеткен иттер 10 жастағы балаға шабуыл жасап, ауыр жарақаттаған. Сол сәтте көшеден өтіп бара жатқан Серікбек Сахайбеков баланы ажалдан аман алып қалды — ол ашулы иттерді тоқтату үшін оларды өлтіруге мәжбүр болды.

    Алайда енді ол өзі қиын жағдайға тап болды: иттердің иесі оның үстінен шағым түсіріп, өлтірілген иттері үшін өтемақы талап етіп отыр.
    Сахайбековтің айтуынша:
    «Баланың құлағы жыртылып, бет-аузын қан жауып кеткен еді. Басқа не істеуім керек еді? Иттер талап өлтіргенше қарап тұруым керек пе еді? Енді маған “қымбат иттер еді, төле” деп отыр», – дейді ол.

    Бұл жағдай қоғамда қызу пікірталас тудырды. Көпшілік баланы құтқарған азаматты қолдап, керісінше, ит иесін жауапқа тартуды талап етуде.