Sona.kz

Метка: Басты оқиғалар

  • Бишімбаевтың ата-анасы туыстарын сотқа берді

    Бишімбаевтың ата-анасы туыстарын сотқа берді

    Экс-министр Қуандық Бишімбаевтың ата-анасы туыстары — Қайрат пен Бекзат Кемеловтерге қарсы екі талап-арыз түсірді. Анасы Бекзатты 1 млн долларды алдап алды деп, ал әкесі Қайратты жала жапты деп айыптаған.

    Адвокаттың айтуынша, Бекзат обыск болады деп қорқытып, «сақтай тұрамыз» деген сылтаумен 990 мың долларды алып кеткен. Ақша қайтарылмаған. Кейін Кемеловтар жаңа пәтер алғаны белгілі болды. Ақшаны қайтару талабына Бекзат «қайтармаймыз» деп жауап берген.

    2024 жылы қазанда іс қозғалды. Қазір Бекзат үйқамақта. Жала жабу ісі бойынша да сот жалғасып жатыр.

  • Ақылы жолдардан түскен 100 млрд теңге қайда жұмсалады

    Ақылы жолдардан түскен 100 млрд теңге қайда жұмсалады

    «ҚазАвтоЖол» басшысы Дархан Иманашевтың айтуынша, 2024 жылы ақылы жолдардан 48 млрд теңге жиналған. 2025 жылы бұл көрсеткіш 100 млрд теңгеге жетпек.

    Бұл қаражаттың:
    – шамамен 60 млрд теңгесі жолдарды күтіп-ұстауға (қардан тазалау, жөндеу, жарық пен белгілерді ауыстыру);
    – 30 млрд теңгесі арнайы техника сатып алуға жұмсалады.

    Мемлекеттен бұл бағытқа қаржы қарастырылмаған. Барлық шығын тек ақылы жолдардан түскен табыспен жабылады.

    Бүгінде кейбір жолдар шығынға ұшырайды. Мысалы, Астана–Щучинск бағыты жыл сайын 1 млрд теңге шығын әкеледі. Дегенмен табысты жолдар бұл минусты жауып, жүйенің қаржылық тепе-теңдігін ұстап отыр.

    2025 жылдың басынан бері жүргізушілер ақылы жолдармен 12 млн-нан аса рет жүрген. Ең көп қолданылған бағыт – Шымкент–Өзбекстан шекарасы (1,98 млн рейс). Одан кейін Алматы–Қонаев, Шымкент–Тараз, Тараз–Қайнар және Шымкент–Қызылорда бағыттары тұр.

  • Астанада қойма өртенді

    Астанада қойма өртенді

    Бұл туралы ТЖМ хабарлады.

    Өрт жеке тұрған ғимараттан шыққан. Қазіргі таңда өрт сөндірушілер жоғары деңгейде жұмыс істеп жатыр. Ауа райының желді болуы өртті сөндіруді қиындатып отыр.

    Куәгерлер оң жағалауда қою түтінді байқаған. Кадрлардан қоймада көп картон қораптар сақталғаны көрінеді. Ішінде нақты не болғаны белгісіз.

    ТЖМ мәліметінше, өрт 15:38-де локализацияланды. Қазір өрттің нақты аумағы анықталып жатыр. Оқиға орнында екі топ жұмыс істеп жатыр. Зардап шеккендер туралы ақпарат жоқ.

  • Яндекс Такси бағасына шектеу қойылды

    Яндекс Такси бағасына шектеу қойылды

    Қазақстанда Яндекс Таксиге тарифті үш еседен артық көтеруге тыйым салынды. Монополияға қарсы агенттік пен Цифрлық даму министрлігі жүргізген тексерістен кейін компания бірнеше өзгеріске келісті:
    • Ауа райы нашар күндері тариф 3 еседен аспайды;
    • Баға өссе, Яндекс 3 күн бұрын хабарлайды;
    • Артық комиссия алынбайды, жүргізуші табысы өседі;
    • «Эконом» тарифіндегі комиссия 2 жылда 1 рет қымбаттайды;
    • Сапар бағасы толық көрсетіледі (2025 жылға дейін).

    Мақсат — тұтынушылар құқығын қорғау.

  • Шерзатты пышақтаған күні келген полицей күдіктінің сыныптасы болып шықты

    Шерзатты пышақтаған күні келген полицей күдіктінің сыныптасы болып шықты

    Шерзат ісінде түске дейінгі 1-бөлімінде сотталушылардың бірінің сыныптасы, Талғар ауданы полиция басқармасының рота патрульдік полиция қызметкері Жәнібек Әмірақын іске куәгер ретінде қатысты.

    Соттың қойған сұрағына ол «біреуін, Дархан Әскентайды танимын» деп жауап берді, Ержан Жанұзақовтың «Қашаннан бері?» дегеніне, «Бір мектепте оқығанбыз» деді. «Бір сыныпта?» деп тағы сұрақ қойды сот. «Әрине» деп нақтылады Жәнібек Әмірақын.

    Одан кейін мемлекеттік айыптаушының сұрақтарынан соң ол оқиға болған күнді есіне түсіріп көрді.

    – 4 қазан күні 12:42 шамасында Жедел кезекшінің нұсқауы бойынша «Талғар қаласы, Менделеев көшесінде төбелес болып жатыр» деген хабарлама түсті. Сол жерге 7-8 минут аралығында бардым. Барғанымда бір топ адамды көрдім, сөйлестім. Басында жердегі қанды көрдім. Адамдар «бір бала пышақталған, оны әкесі емханаға алып кетті» деді. Бәрін кезекші бөлімге хабарладым. Кейін күдікті автокөліктерді тауып, кезекшіге хабарластық. Сол кезде бір жігітті байқадық, оны әріптесім екеуіміз ұстадық. Ол «иә, мен Менделеев көшесінде болдым, төбелеске қатысым бар» деді. Ол Дархан Әскентай болып шықты. Дархан сыныптасым болса да, бірден танымадым, себебі көзі ісіп кеткен, тау жақта жарықшам жоқ, қараңғы болды. Ішімдіктің иісі сезілді, – деді Жәнібек Әмірақын.

  • Бір қыз көліктен пышақтарды алып, жігіттерге тарата бастады – Нұрғанат Ғайыпбаев

    Бір қыз көліктен пышақтарды алып, жігіттерге тарата бастады – Нұрғанат Ғайыпбаев

    Талдықорғанда атышулы Шерзат Полат ісі бойынша өтіп жатқан сотта прокурор Дана Сәрсенбай марқұм Нұрғанат Ғайыпбаевтың алдын ала тергеу кезінде берген жауабын оқып берді. 

    Нұрғанаттың айтуынша, оқиға болған күні ол үйде ұйықтап жатқан. Жеңгесі оятып, Шерзаттың біреумен ерегесіп қалғанын хабарлаған. Нұрғанат оқиға орнына барып, алдымен Шерзаттың әкесі Қаржаубаймен сөйлескен. Дүкеннің маңында Шерзаттың Дархан есімді азаматпен сөзге келіп қалғанын көреді.

    «Шерзат әкесіне дөрекі сөйлеген Дарханнан «неге сөйттің?» деп сұрап жатқан. Сол сәтте Дархан сөз арасында Шерзаттың анасын боқтады. Шерзат оны ұрып жіберді. Қаржаубай болса, Дарханға: «Кішкентай баламен болған жанжалға неге басқа адамдарды шақырып тұрсың?» деді», – деп сипаттайды Нұрғанат.

    Оның сөзінше, кейін ол Дарханды сабырға шақырған. Дархан кешірім сұрағанымен, дауды доғармаған. Оқиға орнына Нұрбол есімді азамат келген. Ол «Чика» деген жігітке және тағы бірнеше адамға хабарласқан.

    Нұрғанаттың айтуынша, дүкен алдына жиналғандар арасынан Чика көліктен түсіп, бір топ жігітке: «Делайте!» деп бұйрық берген. Сонымен қатар, тергеу барысында Шерзаттың анасы мен марқұм Нұрғанат Ғайыпбаев қана «Чика» есімді жігіт туралы айтқан. Бұл адамның тұлғасы әлі күнге дейін анықталған жоқ. Адвокаттардың айтуынша, оның кім екені сот процесі барысында белгілі болады. Кейін өзі оқиға орнынан кетіп қалған.

    «Сол кезде бір қыз көліктен бірнеше пышақ алып шығып, жігіттерге тарата бастады. Бірнеше жігіт маған жабылып, ұра бастады. Сол сәтте Шерзат жаныма келіп: «Ағатай, маған бірдеңе тығып алды» деді. Қасына барсам, пышақ сұғылғанын көрдім. Оған қарауға үлгермей, біз жаққа сегіз адам жүгіріп келді. Жараланғанымызға қарамай, тепкілей берді. Сол жерде менің саныма Абзал Шынасыл мен Нұрқияс Ілиясов пышақ сұқты. Басымнан темір затпен соққы алдым», – деп марқұм алғашқы тергеу кезінде жауап беріпті.

    Айта кетейік, бұл жауап Нұрғанат Ғайыпбаевтың көзі тірісінде тергеу кезінде берілген. Ол – марқұм Шерзат Полаттың ағасы. Сот процесі басталмай тұрып, Нұрғанат қайтыс болды. Алдын ала болжамдарға қарасақ, өз-өзіне қол жұмсады деген сөздер айтылды.

  • Актер Серік Шәріп ЖИ-видео жасаған адамды сотқа берді

    Актер Серік Шәріп ЖИ-видео жасаған адамды сотқа берді

    Актер Серік Шәріп Астана тұрғынының үстінен арыз түсірген. Threads желісінде Арман есімді қолданушы сәуір айының басында жасанды интеллект көмегімен жасалған видеоны жариялаған. Онда актер Серік Шәріп пен кісі өлтіргені үшін сотталған Қуандық Бишімбаевтың бейнесі қатар көрсетілген.

    Қиын сәтте әрдайым қасыңнан демеу болатын адам табылуы керек, – делінген видео кадрларындағы жазбада.

    Жарияланым 13 мыңнан астам лүпіл мен жүздеген пікір жинаған. Кеше кешкісін астаналық тұрғын актердің оған арыз жазғанын хабарлады.

    Бүгін маған Алмалы аудандық полиция басқармасынан қоңырау шалып, Шәріп Серік маған жалған ақпарат таратты деп арыз жазғанын айтты, – дейді ол.

    Желі қолданушыларының пікірлерінде белгілі адвокат Жохар Өтебеков азаматты сотта қорғауға дайын екенін білдірді.

    Мен – қылмыстық істер бойынша адвокатпын. Сізді қорғағым келеді. Бұл – тегін. Жеке хабарламаға жазыңыз, – деді Өтебеков.

    Видео авторының жазбаларының астындағы пікірлер екіге жарылды – біреулер контент-мейкерді қолдаса, енді біреулер оның әрекетін орынсыз деп тапты.

    Адамның басына түскен ауыр кезеңде оны масқаралаудың не қажеті бар? Сіз кісі өлтіру мен қол көтеруді салыстырып отырсыз. Шакенти кінәлі, және ол сот белгілеген жазасын алды. Бірақ сіздің әрекетіңіз – ең кемі адамшылыққа жатпайды.

    Бұл – юморлық ролик. Жасанды генерация екені анық байқалады, шындыққа жанасатын ештеңесі жоқ. Видеоның ешқандай репутациялық зиян келтірмегені көрініп тұр.

    Айтпақшы, жақында белгілі PR-маман Әлішер Елікбаевқа берген сұхбатында Серік Шәріп осы видеоға қатысты пікір білдірген. Ол Киберполицияға арыз жазғанын растады.

    Барлығы: «қылмыс құрамы бар» дейді. Мен бұл адамдарды жазалағым келеді, – деді актер.

    Сондай-ақ, Шәріп өзіне Бишімбаевты теңеуге неге болмайтынына да жауап берді. “Бұл мені өте қатты ренжітті. Мен кісі өлтіруші емеспін. Мен «екінші Бишімбаев» бола алмаймын. Ол – оның өмірі, оның тағдыры, оның қатесі”, – деді ол.

  • Павлодарда екі адам кісі өлтіріп, мәйітті баспалдақпен сүйреп шығарған

    Павлодарда екі адам кісі өлтіріп, мәйітті баспалдақпен сүйреп шығарған

    Павлодарда екі адам кісі өлтіріп, мәйітті баспалдақ арқылы сүйреп шығарған. Оқиғаға байланысты қылмыстық іс қозғалды.

    Полиция департаментінің мәліметінше, күдіктілердің бірі ұсталды, екіншісін іздеу жалғасуда. Алдын ала дерек бойынша, қылмыс ішімдік ішу кезінде туған жанжалдан кейін жасалған.

    Тергеу жүріп жатыр.

  • Шерзат ісі: сотта екінші куәгер қыз оқиға кезіндегі жағдайды баяндады

    Шерзат ісі: сотта екінші куәгер қыз оқиға кезіндегі жағдайды баяндады

    Жетісу облысының қылмыстық істер жөніндегі мамандандырылған ауданаралық сотының ғимаратында Шерзат Полаттың өліміне байланысты сот отырысы өтіп жатыр.

    Сот отырысында былтыр 3-інен 4-ші қазанға қараған түні оқиға орнында болған куәгер Дана Жақсыгелді сөз сөйледі. Ол оқиға қалай болғанын баяндады.

    Оның айтуынша, Равиль Сәкиевтің шақыруымен куәгер Эльмира Нұрбековамен бірге мейрамханаға барған. Онда айыпталушылардың бірнешеуі болған.

    “Үйге қайтамыз дегенде «апарып тастаймыз, бірақ жолда дүкенге кірейік» деді. Бізде де темекі бітіп қалған еді. Сөйтіп дүкен алдында бір топ адам тұрды. Кейін біз дүкенге темекі алуға кірдік. Бірақ бізге «сатпаймы» деді. Сосын біз шықтық, сол кезде ерегес басталып кетті. Мен көліктің артына кеттім. Сол кезде атыс басталды. Сұр киім киген сақалды жігіт бірінші аспанға, сосын екі рет бізге қарай оқ атты. Кейін төбелес көшенің арғы бетіне кетіп қалды. Мен көліктің ішінде отырып, 5 минуттан кейін шығып ұлдарға «қайтайық» деп айқайладым. Ол кезде ешкім естіген жоқ. Қайтып көлікке отырдым. Төбелес не үшін басталғанын білмедім”, – деді Дана Жақсыгелді.

    Прокурор куәгерден «102», «103»-ке неліктен хабарласпағанын сұрады.

    “Ондай ойымда болған жоқ. Бір жағынан мылтықты өмірімде бірінші рет көрдім. Содан кейін қорқып, көлікте отырып қалдым. Өз өмірі үшін қорықтым”, – деді ол.

  • ШҚО-да қытай компаниясына экологиялық заңбұзушылық үшін 1 млрд теңге айыппұл салынды

    ШҚО-да қытай компаниясына экологиялық заңбұзушылық үшін 1 млрд теңге айыппұл салынды

    «СИНЬСИН» компаниясы Шығыс Қазақстан облысында экологиялық рұқсатсыз өндіріс жүргізгені үшін жауапқа тартылды. Тексеру кезінде асфальтобетон қондырғысы мен ұсақтау кешенін заңсыз қолданғаны анықталды.

    Компанияға 1 миллиард теңге айыппұл салынды. Апелляция шешімді күшінде қалдырды.