Sona.kz

Метка: Басты оқиғалар

  • Шымкентте 5G технологиясы бар бейнебақылау жүйесі енгізіліп жатыр

    Шымкентте 5G технологиясы бар бейнебақылау жүйесі енгізіліп жатыр

    Қасым-Жомарт Тоқаев өткен жылы маусым айында пайдалануға берілген конгресс-холл ғимаратымен танысты, деп хабарлайды Ақорданың баспасөз қызметі.

    Президент тапсырмасына сәйкес бой көтерген бұл көрікті нысан бұқаралық мәдени іс-шаралар өткізуге арналған. Сондай-ақ мұнда қолөнершілердің орталығы мен шеберханалары орналасқан.

    Мемлекет басшысы Шымкентте жүзеге асырылып жатқан цифрлық шешімдермен танысты.

    «Олардың қатарында отандық «СМЭУ Астана» әзірлемесіне негізделген бағдаршамдарды интеллектуалдық басқару жүйесі, Avtobys цифрлық платформасы бар. Sergek Group және Freedom Telecom компанияларымен бірге FWA 5G технологиясы негізінде жұмыс істейтін, жол қозғалысы мен мен қоғамдық тәртіпке үздіксіз мониторинг жүргізетін сыртқы бейнебақылау және жылдамдығы жоғары интернет жүйесі енгізіліп жатыр», – делінген хабарламада.

  • Қаланың қақ ортасында дрифт жасаған алматылық қамауға алынды

    Қаланың қақ ортасында дрифт жасаған алматылық қамауға алынды

    Алматы қаласы Полиция департаментінің мәліметінше, «Лексус» көлігін басқарған ер адам Абай даңғылы мен Жароков көшесінің қиылысында дрифт жасап, жол қозғалысының басқа қатысушыларына қауіп төндірген.

    Сот қаулысымен құқық бұзушы 10 тәулікке әкімшілік қамаққа алынды.

    «Соңғы кезде, әсіресе, жас жүргізушілердің жол қозғалысы ережелерін өрескел бұзу деректері жиілеп кетті. Мұндай әрекеттер тек заңсыз ғана емес, сондай-ақ басқа жол қозғалысына қатысушылардың өмірі мен денсаулығына нақты қауіп төндіреді. Мұндай деректің барлығына заң шеңберінде қатаң түрде шара қолданамыз. Заң мен тәртіп – қауіпсіз өмірдің негізі», – деді Жергілікті полиция қызметі басқарма бастығының орынбасары Тимур Ноғайбаев.

  • Көкшетауда 5 жасар бала алтыншы қабаттан құлап кетті

    Көкшетауда 5 жасар бала алтыншы қабаттан құлап кетті

    Бес жасар бала терезе алдында ойнап отырған. Алдын ала болжам бойынша масадан қорғайтын торға сүйенемін деп алтыншы қабаттан құлап кеткен болуы мүмкін.

    «Алған ауыр жарақаттарының салдарынан бала оқиға орнында қайтыс болды», — деп хабарлады Ақмола облысы ПД баспасөз қызметі агенттікке берген түсініктемесінде.

    Полиция қайғылы оқиғаның барлық жағдайын анықтап жатыр.

  • АҚШ-тың Украинадағы елшісі отставкаға кетті

    АҚШ-тың Украинадағы елшісі отставкаға кетті

    АҚШ-тың Украинадағы елшісі Бриджит Бринк отставкаға кетіп, Вашингтонға оралады. Бұл туралы АҚШ Мемлекеттік департаментінің ресми өкілі Тэмми Брюс мәлімдеді, деп хабарлайды АА.

    Дипломат Бриджит Бринктің үш жыл бойы қақтығыс жағдайында қызмет атқарғанын атап өтті. Ол өз жұмысын жоғары деңгейде орындағаны үшін алғыс білдіріп, оған сәттілік тіледі. Алайда, елшінің отставкасының себептері туралы егжей-тегжейлі ақпарат берілмеді. Брюс АҚШ-тың Украина мен Ресей арасындағы қақтығысты тоқтату бойынша күш-жігерін жалғастыратынын айтты.

    Сонымен қатар, АҚШ азаматтары арасында Ксения Карелина Ресейде бір жылдан астам уақыт қамауда болғаннан кейін тұтқындар алмасу нәтижесінде жақын арада өз еліне оралады. Брюс АҚШ-та Стивен Хаббардтың жағдайы да назардан тыс қалмайтынын атап өтті, ол әлі де Ресейде қамауда отыр. Президент Трамп пен Мемлекеттік хатшы Рубио барлық әділетсіз ұсталған американдықтарды босату үшін жұмысын жалғастыратынын мәлімдеді.

  • Темірлан Еңсебек сотта Тоқаевқа үндеу жасады

    Темірлан Еңсебек сотта Тоқаевқа үндеу жасады

    Бүгін Темірлан Еңсебек ісі бойынша өткен сот отырысында қорғаушы тарап екі өтініш білдірді: сарапшының қорытындысын дәлел ретінде жарамсыз деп тану және жаңа сараптама тағайындау. Адвокаттың айтуынша, сараптама қорытындысында қателіктер мен сарапшының біліктілігіне күмән бар.

    – Сарапшы қандай да бір біліктілікке ие екеніне сенімім болмады. Тіпті оның соттағы сөз сөйлеуі де кәсіби деңгейде көрінген жоқ. Мен оның қорытындысын дәлел ретінде есептемеуді сұраймын, – деді Темірлан Еңсебек.

    Адвокатының айтуынша, сараптама қорытындысында нақты қандай сөздер немесе тіркестер қорлау сипатында екені көрсетілмеген. Бұл – қорытындының жеткілікті дәлелді еместігін білдіреді.

    Алайда прокурор бұған жауап ретінде қорғау тарапы сот процесін созуға тырысып жатыр деп мәлімдеді:

    – Сарапшы тек өз құзыреті шегіндегі мәселелерге баға берді. Ол жазбаны тұтастай қарастырды, жеке трек немесе жазба ретінде емес. Қорытындысын да толық жарияланым бойынша жасады, – деді прокурор.

    Прокурор сөз сөйлеп тұрған кезде айыпталушы оны бөліп, пікір айтуға тырысты. Судья оған бірнеше рет ескерту жасады. Соған қарамастан, Темірлан Еңсебек мәлімдеме жасады:

    – Прокурор біз процесті созып жатырмыз дейді. Ал шын мәнінде, құқық қорғау органдары бұл трекке қатысты 20 жыл бойы үнсіз жатты, қылмыстық іс қозғаған жоқ. Істі созған – солардың өзі. Ал енді қорғау тарапы заң аясында әрекет етсе, бізді кінәлайды. Маған сөйлетуге мүмкіндік бермейді. Өзімді қорғауға жол бермейді. Екі ауыз сөзді байланыстыра алмайтын сарапшының сөзіне сүйеніп, қорытынды жасайды. Менің конституциялық құқықтарымды бұзып отыр. Мен Тоқаевқа жүгінгім келеді. Осы іске назар аударсын. Менің құқықтарым қорғалсын. Бүкіл әлем көріп отырсын: «Жаңа Қазақстандағы» соттың қандай екенін. Әр шешім прокурордың пайдасына шығуда.

    Судья қорғау тарабының екі өтінішін де қанағаттандырудан бас тартты. Сонымен қатар, судья қорғаушылар сот процесін әдейі созып жатыр деп атап өтті.

  • Алматы облысында мұғалімдерге заңсыз ұсталған жарналар қайтарылды

    Алматы облысында мұғалімдерге заңсыз ұсталған жарналар қайтарылды

    Талғар ауданының білім бөлімі 83 мұғалімнің міндетті әлеуметтік медициналық сақтандыруға қатысты төлемдерін заңсыз ұстаған, олар заң бойынша мұндай төлемдерден босатылған.

    Олардың арасында көпбалалы аналар, мүгедектер, магистратура және докторантура студенттері бар.

    Прокурорлық қадағалау шараларының нәтижесінде мұғалімдердің құқықтары қорғалып, ұсталған сомалар толық көлемде қайтарылды.

    Бұл түрдегі сақтандырудың азаматтардың сапалы медициналық көмекке тең қолжетімділігін қамтамасыз етуде ерекше маңызы бар екенін атап өту маңызды.

    Барлық азаматтар мен жұмыс берушілерді, азаматтардың құқықтарының бұзылуын болдырмау үшін жарналардың дұрыс төленуіне мұқият назар аударуға шақырамыз.

  • Атыраулық полицей «көмек» үшін​ 15 миллион теңге айыппұл төлейді

    Атыраулық полицей «көмек» үшін​ 15 миллион теңге айыппұл төлейді

    Атырау қаласының №2 сотында Қылмыстық полиция басқармасының бұрынғы жедел уәкіліне қатысты үкім шығарылды. Ол қылмыспен күресудің орнына, қызметтік жағдайын пайдаланып алаяқтық жасағаны үшін айыпталды.

    Сот анықтағандай, Х.Н. есімді полиция қызметкері басқалардың проблемасынан пайда табуды шешкен. Азамат М.К.-ның қылмыстық іс бойынша айыпталушы екенін біліп, оның заңдық сауатсыздығы мен эмоционалдық осалдығын пайдаланып, М.К. мен оның танысы А.К.-ны 1,5 миллион теңгені айыппұл төлеу үшін беру керек деп сендірген.

    Бұл сценарий ескі болса да, әлі күнге дейін тиімді жұмыс істеп тұр: Х.Н. бұл ақшаны өз қажеттіліктеріне жұмсаған.

    Прокуратура 4 жылға бас бостандығынан айыруды және мемлекеттік секторда жұмыс істеу құқығынан өмір бойы айыруды талап етті. Жәбірленушілер, керісінше, жұмсақтық танытып, соттан айыпталушыны бас бостандығынан айырмауды сұрады. Х.Н. өз кінәсін мойындап, процесті созбады. Сондықтан іс қысқартылған тәртіпте қаралды. Айтпақшы, ол ақшаны қайтарып, жеңілдік сұраған.

    Кәмелетке толмаған баланың болуы, кінәні толық мойындау және залалды өтеу жеңілдететін жағдайлар ретінде танылды. Ауырлататын жағдайлар анықталмады.

    Нәтижесінде, сот үкімі бойынша 15 миллион теңге айыппұл салынды (ұрланған сомадан 10 есе көп), мемлекеттік қызметте және квазимемлекеттік секторда жұмыс істеу құқығынан өмір бойы айырылды. Сонымен қатар, Х.Н. «полиция капитаны» арнайы атағынан айырылды.

    Үкім заңды күшіне енген жоқ.

  • Ұлттық банк базалық мөлшерлемені өзгеріссіз қалдырды

    Ұлттық банк базалық мөлшерлемені өзгеріссіз қалдырды

    Бұл шешімге инфляция қарқыны, сыртқы жағдайлардағы тұрақсыздық және экономикалық белгісіздік себеп болған. Келесі жоспарлы шешім 5 маусымда жарияланады.

    Базалық мөлшерлеме – банк секторы мен несие нарығына бағыт беретін негізгі құрал. Ол экономиканың ақшалай айналымына, инфляция деңгейіне тікелей әсер етеді.

  • Атбасардағы азаптау ісі: ақталған 12 қызметкерге қатысты үкім жойылды

    Атбасардағы азаптау ісі: ақталған 12 қызметкерге қатысты үкім жойылды

    Сот үкімді қайта қарауға себеп – процесс барысында заңбұзушылықтар болған. Алқабилерге қойылмауы тиіс сұрақтар ұсынылған, кейбір жәбірленушілерге сөз берілмеген.

    Бұл іс енді сол сотта, бірақ жаңа құраммен қайта қаралады.

    Бұған дейін алқабилер соты оларды кінәсіз деп таныған. Алайда прокурорлар бұл шешіммен келіспей, шағым түсірген.

    Айта кетейік, 2023 жылдың қыркүйегінде тұтқындарды ұрып-соққан сәттер түсірілген видео әлеуметтік желіге тараған.

  • Екібастұзда күзет ұйымының директорын тонағандар жауапқа тартылуда

    Екібастұзда күзет ұйымының директорын тонағандар жауапқа тартылуда

    Павлодар облысында ірі күзет компаниясының директорын тонаған күдіктілер ұсталды. Polisia.kz мәліметінше, олар Екібастұзда пәтерге заңсыз кіріп, 11 миллион теңгеден астам мүлікті алып кеткен. Оқиға сәті бейнебақылауға түсіп қалған.

    Тінту кезінде айғақ заттар табылып, күдіктілер уақытша ұстау изоляторына қамалды. Тергеу жалғасуда.