Sona.kz

Метка: Басты оқиғалар

  • 3 облыста жол жабылды

    3 облыста жол жабылды

    Қазақстанда ауа райының бұзылуына байланысты 3 облыстағы жолдарда көлік қозғалысына шектеу қойылды.

    Алматы облысы: 

    • Биыл 20 желтоқсан сағат 07:00-де республикалық маңызы бар «Алма-Тау туристік орталығына кіру», (Тұздыбастау ауылы – Бесқайнар ауылы) жүк және қоғамдық көліктердің қозғалысына шектеу енгізілді;

    Жамбыл облысы:

    • Биыл 20 желтоқсан сағат 09:00-да республикалық маңызы бар «Алматы-Ташкент-Термез» автожолының 534-593 шақырым аралығында (Айша бибі ауылынан Түркістан облысының шекарасына дейін) көліктің барлық түрінің қозғалысына шектеу қойылды;

    Түркістан облысы:

    • Биыл 20 желтоқсанда сағат 09:00-да республикалық маңызы бар «Алматы-Ташкент-Термез» автожолының 593-663 шақырым аралығында (Жамбыл облысының шекарасынан – Қарабұлақ ауылына дейін) көліктің барлық түрінің қоғалысына шектеу қойылды.
  • Сенат Жоғарғы соттың судьяларын қызметтен босатты

    Сенат Жоғарғы соттың судьяларын қызметтен босатты

     Ботагөз Ералиева мен Қамбар Нұрышев Жоғарғы сот судьясы қызметінен кетті.

    Жоғарғы Сот Кеңесінің төрағасы Дмитрий Малахов Президентке оларды зейнеткерлікке шығатын болған соң, босату туралы ұсыныс жасады.

    «Судьялар зейнеткерлік жасқа жетті. Сот жұмысында 28-37 жылдық тәжірибелері бар. Кәсіби ортада құрметтері бар», – деді Малахов.

    Сонымен қатар сенаторлар Жоғареы есеп палатасының мүшесі Рашид Ахметовты босату жайлы мәселені де қарастырды.

    «2022 жылдан бастап Республикалық бюджеттің атқарылуын бақылау жөніндегі есеп комитетінің, одан кейін Жоғарғы аудит басқармасының мүшесі болды. 81-тармаққа сәйкес ескерту. Сенат Регламентінің 4-тармағына сәйкес Қаржы және бюджет комитеті Парламент Сенаты тағайындаған Жоғарғы Төрелік Соттың мүшесі Рашид Сайранұлы Ахметовтің өкілеттігін тоқтатып, қызметінен босатуды ұсынады», – деп түйіндеді сөзін депутат.

  • Көліктерді заңсыз тіркеп, мемлекетке 400 млн теңге шығын келтіргендер сотталды

    Көліктерді заңсыз тіркеп, мемлекетке 400 млн теңге шығын келтіргендер сотталды

    Қаржылық мониторинг агенттігі Ақмола облысында жалған құжаттар қолданып, 55 автокөлікті заңсыз тіркегендерді анықтады. 

    Сотталушылар 2020 жылдың желтоқсанынан 2022 жылдың қаңтарына дейінгі кезеңде шетелден әкелінген автокөліктерді бастапқы тіркеу схемасын топ болып ұйымдастырған.

    Бұл әрекеттер мемлекетке 400 миллион теңгеден астам шығын келтірді. Екі кінәлі тұлға қылмыстық жауапкершілікке тартылды.

    «Сот шешімімен сотталғандар 2,5 жылдан 5 жылға дейін бас бостандығынан айыру жазасына кесілді. Сонымен қатар соттың шешімімен сотталғандардың мүлкі – Астана және Кокшетау қалаларындағы жалпы құны 90,5 миллион теңгеден астам пәтерлер мен Кокшетау қаласындағы құны 35 миллион теңге болатын үй тәркіленді», делінген хабарламада.

  • Қонаев қаласында мәслихаттардың 30 жылдық мерейтойы аталып өтті

    Қонаев қаласында мәслихаттардың 30 жылдық мерейтойы аталып өтті

    Салтанатты шара қалалық Мәдениет үйінде ұйымдастырылды. Оған қала әкімі Асхат Бердіхановтан бастап, І-VIII шақырылымның депутаттары қатысты.

    «Мәслихаттарды алғашқы сайлаудан кейін, оны нығайтуға көптеген маңызды қадамдар жасалды. Екі жыл бұрынғы конституциялық реформамен басталған өзгерістің нәтижесінде мәслихат өкілеттіліктерін кеңейтті. Мәслихат қызметі басқарушылық және реттеуші функцияларды қамтиды. 30 жылда Қонаев қаласында барлығы 82 азамат мәслихат депутаты болып, қаламыздың дамуына өз үлесін қосып, елге қызмет етті», – деді әкім құттықтау сөзінде.

    Ол сондай-ақ халық қалаулыларының тарихи шешімдерді қабылдаудағы еңбектерін атап өтті.

    «Мәслихат депутаттары – халық пен билік арасындағы алтын көпір, халықтың әлеуметтік мәселесін шешуде барынша атсалысып жүрген ел қалаулысы. Сондықтанда Сіздердің еңбектеріңізді ерекше атап өткім келеді. Осыдан 30 жыл бұрын Қонаев қаласында 40 мың халық тұрса, қаламыздың өркендеп өсуі нәтижесінде қазіргі уақытта 65 мыңнан асты. Қаладағы орын алып жатқан барлық өзгерістер Сіздермен жылдар бойы бірлесе атқарған жұмыстың нәтижелері», – деді Асхат Бердіханов.

    Басқосуда түрлі кезеңдерде қызмет еткен депутаттар ҚР Парламенті Сенатының, Алматы облысы әкімінің, Қонаев қаласы әкімінің, облыстық мәслихат төрағасының, қалалық мәслихат төрағасының Құрмет грамоталарымен, түрлі партия филиалдарының Алғыс хатымен марапатталды.

  • Жетісу облысы құрылғаннан бері 43 жаңа өндіріс іске қосылды

    Жетісу облысы құрылғаннан бері 43 жаңа өндіріс іске қосылды

    Жетісу облысы құрылғаннан бері 43 жаңа өндіріс іске қосылып, жұмыс істеп тұрған 9 өндіріс кеңейтілді. Соның нәтижесінде бір мыңнан астам адам жаңа жұмыспен қамтылды. Бұл жайында бүгін Астанада өткен брифинг кезінде Жетісу облысының әкімі Бейбіт Исабаев айтты.

    Облыс басшысының мәліметінше, күнбағыс майын өңдейтін, кейінгі кезде тоқтап тұрған «Агрокомплекс Жетісу Мажико» зауыты жұмысын қайта бастады, оның жылдық қуаты – 500 тонна. Талдықорғанда өнеркәсіп аккумуляторларын өндіретін «Asma Industrial» заманауи зауыты іске қосылды. Сол сияқты тау-кен секторын дамыту аясында құны 1,3 трлн теңге болатын, 2 мыңнан астам жұмыс орнын құратын, қуаттылығы жылына 860 мың тонналық мыс концентратын құрайтын металлургия комбинатын салу бойынша ірі жобаны іске асыру басталды.

    – Мемлекет басшысының Жолдауында атап көрсетілгендей, біз еліміздің өнеркәсіп әлеуетін толық пайдалану үшін жан-жақты шаралар қабылдауымыз қажет. Бұл ретте қазір облыста цемент, аккумулятор батареялары, керамика плиткаларын шығару жолға қойылып, құрама жем, күн панельдерінің өндірісі дамуда. Жалпы өңірде 549 өнеркәсіп орны тіркелген, онда 30 мыңнан астам адам жұмыс істейді. Оған қоса Жетісуда баламалы энергетиканы дамытудың зор әлеуеті бар, – деді Б. Исабаев.

    Жалпы, облыстың 2030 жылға дейінгі инвестициялық портфелінде 2,6 трлн теңгеге 189 жоба бар, онда он бір мыңнан астам жұмыс орнын құру көзделген, оның ішінде 121 жоба іске асыру сатысында.

  • Биыл Жетісуда 2708 пәтер салынды және сатып алынды

    Биыл Жетісуда 2708 пәтер салынды және сатып алынды

    Бұл қаржы 56 көп қабатты мен 214 жеке тұрғын үй салуға бағытталды. Бұдан бөлек, халықтың әлеуметтік осал топтары үшін 866 пәтер сатып алынды, оған 15,9 млрд теңге көзделген. Бұл жөнінде бүгін Орталық коммуникациялар қызметі алаңында өткен брифингіде Жетісу облысының әкімі Бейбіт Исабаев айтты.

    Өңір басшысы апатты тұрғын үй мәселелерін шешуге ерекше назар аударылатынын атап өтті. Оның айтуынша, 2023 жылдың басында облыста 348 пәтер апатты деп танылып, өткен жылы 1,3 млрд теңгеге 137 пәтер сатып алынған. Ал биыл жергілікті бюджеттен бөлінген 2,4 млрд теңгеге 155 жаңа пәтер, атап айтқанда, Кербұлақ ауданында, Текелі және Талдықорған қалаларында сатып алынды. Сондай-ақ «Самұрық-Қазына ҰӘҚ» АҚ демеушілерінің есебінен 560 пәтерлік 9 үй салынуда.

    – Жалпы биыл 2 708 пәтер салынды және сатып алынды, оның 1113 пәтерлік 129 үйі бюджет есебінен, 469 пәтерлік 9 үй — коммерциялық тұрғын үй, 866 пәтер тұрғын үй сатып алу арқылы, 260 пәтерлік 4 үй демеушілер есебінен, – деді Б. Исабаев.

  • Жетісу облысында орталықтандырылған сумен қамту деңгейі 91,3 % жетті

    Жетісу облысында орталықтандырылған сумен қамту деңгейі 91,3 % жетті

    Биыл Жетісу облысында орталықтандырылған ауыз сумен қамту деңгейі 91,3%  жетті, бұл халық санына шаққанда – 99,7 %. Бұл туралы бүгін Астанада Орталық коммуникациялар алаңында өткен брифинг барысында Жетісу облысының әкімі Бейбіт Исабаев айтты.

    – Биыл орталықтандырылған ауыз су жүйесіне Алакөл ауданындағы Тоқжайлау, Бибақан ауылдары қосылды, 298 км желі жөнделіп, облыстың 17 елді мекенінде ауыз судың сапасы жақсарды, – деді облыс басшысы.

    Жалпы 2023-2024 жылдары 125,3 км сумен жабдықтау желілері салынып, 306,8 км желілер қайта жаңғыртылды.

    Атап өтсек, 2025 жылға 13 жобаны іске асыру үшін 4,3 млрд. теңге бөлінді. 2025 жылдың қорытындысында орталықтандырылған сумен қамтамасыз ету деңгейі 92,5% жетеді немесе 331 елді мекен қамтылады.

  • Анасын балағаттаған Петропавл тұрғыны қамауға алынды

    Анасын балағаттаған Петропавл тұрғыны қамауға алынды

    Солтүстік Қазақстан облысында анасын балағаттаған ер адам жауапқа тартылды, деп хабарлайды Петропавл.news.

    48 жастағы жергілікті тұрғын анасына балағат сөздер айтқаны үшін 10 тәулікке қамауға алынды. Ол бұрын да осыған ұқсас құқық бұзушылық жасаған.

    Ер адамға 30 күн ішінде анасына қатысты физикалық және психологиялық азап келтіретін немесе оған қауіп төндіретін қасақана заңсыз әрекеттер жасауға тыйым салынған болатын. Бірақ ер адам бұл тыйымды ескермеді. Ер адам ішімдікке сылқия тойып, анасымен тағы жанжалдасқан.

  • Игерілмей жатқан 12,1 млн гектар жер мемлекетке қайтарылды

    Игерілмей жатқан 12,1 млн гектар жер мемлекетке қайтарылды

    2022 жылдан бастап пайдаланылмай жатқан және заңсыз берілген 12,1 млн гектар жер мемлекетке қайтарылды.

    АШМ ақпаратына сәйкес, қажетті шаралар қабылданғаннан кейін жер пайдаланушылар 3,7 млн гектар аумақта жерді игеруге кіріскен. Мемлекеттік меншікке қайтарылған жерлердің 4,8 млн гектары да қайта бөлінді.

    Сонымен қатар, пайдаланылмай жатқан және заңсыз берілген жерлерді алып қою жөніндегі жұмыс комиссиясы республикалық комиссия ретінде қайта құрылды. Оның негізгі міндеті – жерлерді ауыл халқының қажеттіліктері үшін қайта бөлуге және жер ресурстарын ұтымды пайдалануға бақылау жасау.

    Сондай-ақ, қазір президенттің тапсырмасына сәйкес, салық төлеуді, инвестиция тартуды және ауылдық аумақтарды дамытуға ықпал ететін қолданыстағы ауыл шаруашылығы өндірушілері мен ауыл шаруашылығы өнімдерін қайта өңдеушілер үшін жер пайдалану құқығын жалғастыру мәселесі пысықталып жатыр.

  • Сирияда Қазақстанның 33 азаматы бар – Сыртқы істер министрлігі

    Сирияда Қазақстанның 33 азаматы бар – Сыртқы істер министрлігі

    Қазір Сирияда Қазақстанның 33 азаматы тұрып жатыр, оның көбі әйел. Бұл туралы бүгін сенатта сыртқы істер министрінің орынбасары Әлібек Бақаев мәлім етті.

    Журналистер Сириядағы билік төңкерісі кезінде Қазақстан азаматтарының жағдайы не болады деген сұрақ қойған.

    «Сириядағы, жалпы, Таяу Шығыстағы жағдай тұрақталды деп айтуға болады. Ол жақта жылдар бойы тұрып келе жатқан, тұрмыстағы әйелдер мен балалар бар. Қазір олармен байланыстамыз. Олар кез келген ақпарат құралын пайдаланып, Консулға хабарласа алады. Консул біздің сыртқы істер министрлігіне байланысқа шығады», – деді ол.

    Журналистердің нақты неше адам деген сұрағына жауап берген Бақаев «қателеспесем, 33 адам бар. Одан аспайды. Осы 33 кісімен байланыстамыз», – деп жауап берді.