Sona.kz

Метка: Басты жаңалықтар

  • Тоқаев «Қазатомпром» басшысының есебін тыңдады

    Тоқаев «Қазатомпром» басшысының есебін тыңдады

    Өндірілген уран көлемі – 23 мың тонна, сатылғаны – 16,6 мың тонна. Компания 1,8 трлн теңге табыс тауып (+26%), салық төлемдері 58%-ға өсіп, 720 млрд теңгеге жетті. «Үлбі-ТВС» зауыты жылына 200 тонна төмен байытылған уран өндіру қуатына шықты.

    Кездесуде жаңа келісімшарттар, әлемдік нарықтағы жағдай және 2034 жылға дейінгі даму стратегиясы талқыланды. 2024 жылы 170 мың тонна уранға барлау жүргізуге лицензия алынған. Мемлекет басшысы саланы дамыту және әлеуметтік жобаларды іске асыру жұмыстарын күшейтуді тапсырды.

  • Әлеуметтік медициналық сақтандыру қоры басшысы орынбасары тергеліп жатыр

    Әлеуметтік медициналық сақтандыру қоры басшысы орынбасары тергеліп жатыр

    Бұл ақпаратты Сыбайлас жемқорлыққа қарсы қызмет басшысының орынбасары Дархан Құрақбаев растады.

    Тергеу бюджет қаражатын жымқыру фактісіне байланысты жүргізілуде. Аталған қаражат Шығыс Қазақстан облысы тұрғындарының еміне бөлінген. Қазіргі уақытта күдікті қызметінен шеттетілді.

    Еске сала кетсек, 2024 жылдың сәуірінде ӘМСҚ басшылары тексеру қорытындысы бойынша жазаға тартылған болатын.

  • Жыл басынан бері 37,7 мың қазақстандық бакнрот деп танылды

    Жыл басынан бері 37,7 мың қазақстандық бакнрот деп танылды

    Орталық коммуникациялар қызметінде жеке тұлғаларды банкрот деп тану қызметіне жүгінгендердің статистикасы мәлім болды. Мемлекеттік кірістер комитеті төрағасының орынбасары Сейілжан Ахметовтің айтуынша, соттан тыс банкроттық рәсімдеу қызметіне сұраныс жоғары.

    – 2023 жылы банкроттыққа тапсырған азаматтардың өтініштер саны 77 380 болса, 2024 жылы – 83 057, ал 2025 жылдың 3 айында 37 746 болды. Азаматтар арасында соттан тыс банкроттық рәсімі ең көп сұранысқа ие болып қала бермек. Өйткені бұл тәсіл борышкерді банктер мен микроқаржы ұйымдарының, коллекторлық агенттіктердің алдындағы міндеттемеден босатады. Аталған рәсім шеңберінде 2023 жылы 8 255, 2024 жылы 11 533, 2025 жылдың 3 айында 2 366 азамат банкрот деп танылды, – деді Сейілжан Ахметов.

    Түрлі себептермен банкроттық рәсімнен орта жолда бас тартатындардың саны азайған. 2023 жылы бас тарту саны 62 738 болса, 2024 жылы – 59 792-ға түскен.

    – Сот арқылы банкрот деп танылғандардың саны да өсті. Мәселен, 2023 жылы тек 1 азамат банкрот деп танылса, 2024 жылы – 135, 2025 жылдың басынан 23 адам сот шешімімен банкрот деп танылды, – деді комитет басшысының орынбасары.

  • Вице-министр Қожағапанов 12 жылға дейін сотталуы мүмкін

    Вице-министр Қожағапанов 12 жылға дейін сотталуы мүмкін

    Мәдениет және спорт вице-министрі болған Ерлан Қожағапановтың үстінен қозғалған іс бойынша сот аяқталуға жақын.

    Бұл туралы Антикор төрағасының орынбасары Дархан Құрақбаев хабарлады.

    – Қожағапанов пен мердігерлік ұйымның басшысының ісі сотта қаралып жатыр. Әңгіме аса ірі көлемде бюджет қаражатын жымқыру туралы болған. Шығын бір миллиард теңгеден асады. Қазір сот процесі жүріп жатыр. Аяқталуға жақын. Баптың санкциясы бойынша 7-12 жылға дейінгі жаза тағайындалуы мүмкін, – дейді Құрақбаев.

    Еске салайық, бұған дейін былтыр Ерлан Қожағапановтың  ұсталғанын және оның үстінен тергеу қозғалғаны хабарланған болатын. Ресми ақпарат бойынша, ол коммерциялық ұйымның мүддесі үшін әрекет ете отырып, ол 2018 жылы Петропавл қаласында Қазақстан мен Ресейдің XV өңіраралық ынтымақтастық форумының көрмесін ұйымдастыру бойынша шарт жасасуды қолдаған.

  • Дубайдағы мүлік: шенеуніктердің активтері қайтарыла ма?

    Дубайдағы мүлік: шенеуніктердің активтері қайтарыла ма?

    Сыбайлас жемқорлыққа қарсы қызмет бұл мәселенің тек қылмыстық істер аясында қарастырылатынын мәлімдеді.

    Егер жемқорлық жолымен табылған қаражатқа Қазақстанда немесе шетелде мүлік сатып алынғаны дәлелденсе, оны қайтару рәсімі басталады. Бірақ заңды түрде алынған активтерге құқық қорғау органдары сот шешімінсіз қол сұға алмайды.

    Ресми органдар сот арқылы дәлелденген жағдайда ғана активтерді қайтара алады.

  • Бас архитектор 92 млн теңге пара алғаны үшін 7 жылға сотталып кетті

    Бас архитектор 92 млн теңге пара алғаны үшін 7 жылға сотталып кетті

    Ведомствоны басқарған 33 жастағы Мұратбек Тәшенбаев пара алу және қызмет бабын асыра пайдаланғаны үшін кінәлі деп танылды. Сот оны жеті жылға бас бостандығынан айырды. Бұл туралы  «Мой город» басылымы хабарлады.

    Дәл осы іс бойынша ведомствоның бас маманы 27 жастағы Нұрсұлтан Ғатау сотталды. Осыған ұқсас қылмыстары үшін ол 3 жыл 6 айға сотталды.

    Бұл істе үшінші айыпталушы да бар, пара алғаны үшін кінәлі деп танылған 41 жастағы Асылжан Купбаев болды. Ол да жеті жылға бас бостандығынан айырылды.

    Тергеу деректері бойынша, Тәшенбаев пен Ғатаудың әрекетінен мемлекетке 92 млн теңгеге жуық залал келді.

    Сотталғандар үкіммен келіспей, аппеляциялық шағым түсірген. Шағымды қарау күні әлі белгіленген жоқ.

  • Мүгедектік пен асыраушысынан айырылу жәрдемақысы өсті

    Мүгедектік пен асыраушысынан айырылу жәрдемақысы өсті

    2025 жылы бөлінген қаржы:
    • Мемлекеттік жәрдемақылар – 107,8 млрд тг
    • Әлеуметтік сақтандыру қоры – 14,8 млрд тг

    Алушылар саны:
    • Мүгедектік бойынша – 539,9 мың адам
    • Асыраушысынан айырылу бойынша – 194,5 мың адам

    Жәрдемақы мөлшері:
    • I топ – 101 702 тг
    • II топ – 81 362 тг
    • III топ – 55 474 тг
    • Орташа төлем: 70-72 мың тг

    2025 жылдан бастап төлемдер 6,5%-ға өсті.

  • «Наурыз Жұмыскер»: Қостанайлық инженер баспаналы болды

    «Наурыз Жұмыскер»: Қостанайлық инженер баспаналы болды

    Жаңа баспананың иесі – Қостанай қаласының тұрғыны, жас инженер Данияр Асанов. Ол салынып жатқан тұрғын үй кешенінен пәтер таңдап, құрылыс аяқталған соң бірден көшуді жоспарлап отыр.

    Бұл бағдарлама жұмысшы мамандық иелеріне тұрғын үйді жеңілдетілген шарттармен сатып алуға мүмкіндік береді. Қатысу үшін негізгі талаптар:
    • Кемінде 2 млн теңге бастапқы жарна төлеу;
    • Алты ай ішінде баспана таңдау құқығы беріледі;
    • Несие жеңілдетілген пайызбен рәсімделеді.

    Жоба халықтың баспана алу мүмкіндігін арттыруға бағытталған. Қазіргі таңда бағдарламаға өтінім қабылдау жалғасып жатыр.

  • 1 сәуірде бірінші сыныпқа құжаттар қабылдау басталады

    1 сәуірде бірінші сыныпқа құжаттар қабылдау басталады

    Құжаттарды мемлекеттік egov.kz электрондық үкіметі, жергілікті атқарушы органдардың ақпараттық жүйелері арқылы тапсыруға болады.

    Биыл бірінші сыныпқа өтініш қабылдау 1 сәуірде басталып, 2025 жылдың 31 тамызына дейін жалғасады, деп хабарлайды inbusiness.kz сайты Орта білім комитетіне сілтеме жасап.

    ҚР «Білім туралы» Заңына сәйкес, 1-сыныпқа ата-анасының өтініші бойынша балалар 6 жастан бастап қабылданады. Құжаттарды мемлекеттік egov.kz электрондық үкіметі, жергілікті атқарушы органдардың ақпараттық жүйелері арқылы, сондай-ақ қағаз нұсқада 1 сәуір-31 тамыз аралығында тапсыруға болады.

    Қазақстан азаматтары үшін Жалпы білім беретін орта мектепке қабылдауға қажетті құжаттар тізімі:

    1) ата-ананың немесе заңды өкілінің өтініші;

    2) №065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты;

    3) өлшемі 3х4 см сурет (2 дана)

    Шетел азаматтары үшін:

    Ата-аналар немесе басқа заңды өкілдер Қазақстанда уақытша немесе тұрақты тұруы керек. Шетелдіктер мектепке Қазақстан Республикасында тұрақты тұру құқығы туралы және тұрғылықты жері бойынша тіркеу туралы құжаттарды ұсынуы керек.

    Өтініш демалыс және мереке күндерді қоспағанда, дүйсенбіден жұмаға дейін қабылданады.

    «Құрметті ата-аналар! Құжаттарды тапсыруды соңғы күндерге қалдырмай, балаңызды мектепке беруді алдын ала ойластыруға шақырамыз», – делінген министрлік хабарламасында.

  • «Манчестер Юнайтед» клубы жұлдызды ойыншысымен қош айтыспақ

    «Манчестер Юнайтед» клубы жұлдызды ойыншысымен қош айтыспақ

    Клуб басшылығы Санчоны 40 миллион фунт стерлингке бағалап отыр. Бұл шешім бас бапкердің кім болатынына қарамастан қабылданған.

    Санчо 2021 жылы «Манчестер Юнайтед» құрамына қосылып, алайда тұрақты ойын көрсете алмады. 2023-2024 маусымының екінші жартысын «Боруссия» Дортмунд клубында арендада өткізіп, 14 матчта 2 гол және 2 ассист жасады.

    Қазіргі уақытта «Боруссия» және басқа да клубтар Санчоны өз құрамына қосуға қызығушылық танытуда. «Манчестер Юнайтед» ойыншыны сатудан 40 миллион фунт стерлинг түсіруді көздейді.