Sona.kz

Метка: Басты жаңалықтар

  • Ақтаудағы ұшақ апатына Ресейдің ракетасы кінәлі ме?

    Ақтаудағы ұшақ апатына Ресейдің ракетасы кінәлі ме?

    Әзірбайжандық үкіметтік көздер Euronews-ке Ақтаудағы Azerbaijan Airlines ұшағының апатына Ресейдің зениттік зымыраны себеп болғанын растады. 

    Дереккөздің мәліметінше, зымыран 8432 рейсіне Грозный үстінде ұшып бара жатқан кезде атылған, оның қалдықтары ұшақтың жолаушылары мен экипажын зақымдап, ұшақтың қасында жарылған.

    Үкіметегі дереккөздердің айтуы бойынша, ұшақтың Ресейдегі әуежайларда қонуына тыйым салынғанын және ұшқыштардың мәжбүрлі қонуға өтініш жасағанына қарамастан рұқсат бермеді. Экипаж мәжбүрлі түрде Каспий теңізі үстімен Ақтауға бет бұрды.

    Слонымен қатар, ұшақтың теңіз үстінен ұшқанда GPS-навигациясы жол бойы бұғатталды.

  • Жетісулық волонтерлар Ақтау қаласы маңындағы ұшақ апатынан зардап шеккендерге көмек үшін қан тапсыруда

    Жетісулық волонтерлар Ақтау қаласы маңындағы ұшақ апатынан зардап шеккендерге көмек үшін қан тапсыруда

    Бүгін Жетісу облысының волонтерлары 25 желтоқсанда Ақтау қаласына таяу маңда құлаған «Баку-Грозный» бағытындағы жолаушылар ұшағы апатынан зардап шеккендерге көмек көрсету мақсатында Талдықорғандағы Қан орталығына барып, қан тапсырды.

    Облыстағы ерікті жастар алғашқылардың бірі болып қан тапсыруға ниет білдірген. Олар қиын жағдайға түскен жандарға қан беру арқылы көмек көрсетуге жора-жолдастары мен таныстарын да шақыруда.

    – Ақтау қаласында әуе кемесінің құлағаны туралы оқыс жаңалық бәрімізге ауыр тиді. Апаттан қаншама адам көз жұмды, марқұмдардың жаны жаннатта болсын дейміз. Тірі қалғандардың тез сауығып, аман-есен жақындарына орлауына көмегіміз тисін деп, бүгін қан тапсыруға келдік. Енді мұндай ауыр жағдай қайталанбасын деп тілейміз, – деді «Ассамблея жастары» еріктілер тобының мүшесі Заида Құрмашева.

    Облыстық қан орталығының мәліметіне қарағанда, бүгін сағат 12.00-ге дейін 49 адам қан тапсырған.

    – Орталыққа әуе апатынан жарақат алған мұқтаж жандар үшін қан көмек тапсырамыз деп ерікті жастар келіп жатыр. Әзірге Ақтаудағы қан тапсыру орталығында қан жеткілікті. Егер жедел қан керек десе біз кез келген уақытта жіберуге дайынбыз, – деді Облыстық қан орталығының директоры Марат Досқалиев. 

  • Ұшақ апатынан зардап шеккен 11 адам реанимацияда жатыр

    Ұшақ апатынан зардап шеккен 11 адам реанимацияда жатыр

    Ақтаудағы әуежай маңында жолаушылар ұшағының апатқа ұшырауы салдарынан зардап шеккен 29 адамның 11-і реанимацияда жатыр,.

    Маңғыстау облыстық ауруханасына жеткізілген пациенттер әртүрлі жарақаттармен, атап айтқанда: мидың жабық жарақаты, мидың шайқалуы, кеуде қуысының жабық жарақаттары, травматикалық шокпен түсті.

    26 желтоқсанда таңертең 11 пациент реанимация бөлімшесінде, 13-і травматология бөлімшесінде, 2-еуі нейрохирургия бөлімшесінде, 1-еуі хирургия бөлімшесінде ем алды. Пациенттердің жағдайы бойынша: екеуі аса ауыр жағдайда, 11-і ауыр жағдайда, 14-і орташа ауырлық дәрежесінде, 2 пациенттің шағымы жоқ, қанағаттанарлық жағдайда. 11 пациенттің сегізі өкпені жасанды желдету аппаратында жатыр және дәрілік седация, тониктер қабылдайды. Келіп түскен кезде барлық зардап шеккендерге қажетті зерттеп-қарау түрлері жүргізіліп, жағдайы тұрақтанғаннан кейін бейіні бойынша емдеуге жатқызылды, – делінген министрлік хабарламасында.

    Ведомство өкілдері зардап шеккендерге медициналық көмек толық көлемде көрсетілетінін атап өтті.  Дәрігерлер ауыр пациенттердің жағдайын тұрақтандыру үшін барлық мүмкін шараларды қабылдап, аурухана дәрі-дәрмектермен, жабдықтармен жеткілікті түрде қамтамасыз етілген.

    Бұған дейін хабарланғандай, Астанадан Ақтауға әуе апатынан зардап шеккендерге медициналық көмек көрсету үшін санитариялық авиация ұшағы жіберілген. Бортта құрамында екі реаниматолог, 4 травматолог, нейрохирург және комбустиолог бар ҚР Денсаулық сақтау министрлігінің Ұлттық шұғыл медицинаны үйлестіру орталығының мобилдік бригадасы келді.

  • Қаңтар оқиғасы: Прокурор Викрам Рузухуновты азаптағандарға 3 жыл сұрады

    Қаңтар оқиғасы: Прокурор Викрам Рузухуновты азаптағандарға 3 жыл сұрады

    Қаңтар оқиғасы кезінде 99 Қазақстан, Өзбекстан, Тәжікстан, Қырғыстан азаматтарын азаптаған полиция қызметкерлеріне 26 желтоқсандағы кезекті сот отырысында прокурор Арыстан Әликенов сот алқасынан жаза сұрады. 

    Еске салар болсақ, 2022 жылдың 7 қаңтарында ҰҚК шекара қызметінің басшылығы Алматыдағы тәртіпсіздіктерге қатысы бар адамдарды іздеу операциясын ұйымдастырды. Сол күні әскерилер Алматы-Бішкек тас жолында бақылау-өткізу бекетін орнатып, 99 адамды: Қазақстан, Қырғызстан, Тәжікстан және Өзбекстан азаматтарын ұстады. Олардың арасында Викрам Рузухунов та бар.

    Барлығы Қошмамбет ауылындағы сол кезде пайдалануға берілмеген, ресми түрде жұмыс істемейтін арнайы әкімшілік құқық бұзғандарды ұстайтын абақтыға жеткізілді. Зардап шеккендердің айтуынша, ол жерде су да, жылу да болмаған.

  • Никаб кигендер 120 мың теңге айыппұл төлейді

    Никаб кигендер 120 мың теңге айыппұл төлейді

    Қырғызстандағы қоғамдық орындарда никаб кигені үшін 20 мың сомға (119 мың теңгеге) жуық айыппұл салынады. Себебі, бұл мәселе елдің парламентінде талқыланып жатқан «Діни сенім бостандығы және діни бірлестіктер туралы» заң жобасында анық жазылды.

    Мемлекеттік органдардың ғимаратында және қоғамдық орындарда азаматтың жеке басын сәйкестендіру мүмкіндігі болуы қажет. Депутаттарға осы мақсатта әкімшілік кодекске 127.1-бап қосу ұсынылды. Оған сәйкес, жоғарыда аталған орындарда азаматтардың никаб киюіне тыйым салынады.

    Жоғары кеңестің депутаты Дастан Бекешев айыппұл сомасы тым жоғары екенін алға тартқан.

    «Бетіңізді жасыру үшін никаб немесе паранжа кигенге 20 мың сом айыппұл салады. Никабты халықтың әлеуметтік осал топтарынан шыққан әйелдер киеді. Бай әйелдерді никаб киюі сирек кездесетін жағдай», – деді депутат.

    Ол дін істері жөніндегі мемлекеттік комиссиядан заң жобасынан никабты қоғамдық орындарда киюге тыйым салу туралы норма алып тастауды сұраған. Алайда бастамашы топ азаматтардың жеке басын сәйкестендіру мүмкіндігі демократия қағидаттарынан қайшы келмейтінін алға тартты.

  • Қазақстанның Бас мүфтиі сайланды

    Қазақстанның Бас мүфтиі сайланды

    Бүгін Астана қаласында өткен Қазақстан мұсылмандарының Х Құрылтайында ҚМДБ Төрағасы, Бас мүфти лауазымына Наурызбай қажы Тағанұлының кандидатурасы ұсынылды.

    Құрылтайға жиналған 300-ге жуық делегат осы кандидатураға бірауыздан дауыс беріп, қолдау көрсетіп, Наурызбай қажы Тағанұлын Бас мүфти лауазымына қайта сайлады.

    ҚМДБ Төрағасы, Бас мүфти Наурызбай қажы Тағанұлы журналистерге берген сұхбатында: «Құрылтайға еліміздің әр облысынан келген 300-ге жуық делегат менің кандидатурама дауыс беріп, сенім білдіріп, Бас мүфти лауазымына қайта сайлады. Бұл сенімді абыроймен ақтауға бар күш-жігерімді жұмсаймын. Жоспарлап отырған бірқатар жұмыстарымыз бар. Мәселен, алдағы 2025 жылы Қазақстан мұсылмандары діни басқармасының дербес мүфтият болып құрылғанына 35 жыл толады. Мерейтой аясында жоспардағы көптеген игі істерді жұрт болып жұмылып, халық болып бірігіп атқаруға баршаңызды шақырамын», – деді. 

  • ЕGov-та жаңа қызмет пайда болды

    ЕGov-та жаңа қызмет пайда болды

    eGov.kz порталында қорғаншылық және қамқоршылық туралы анықтамаларды сұратуға мүмкіндік беретін жаңа цифрлық сервис іске қосылды. Бұл қызмет жетім және ата-анасының қамқорлығынсыз қалған балалардың қамқоршылары туралы ақпаратты алу процесін жеңілдетеді.

    «Қызмет пайдаланушыларға мемлекеттік органдар мен уәкілетті тұлғалар үшін қамқоршы мәртебесін онлайн растауға мүмкіндік береді. Анықтаманы алу үшін сұрау жіберу жеткілікті және оны міндетті түрде қамқоршы растауы керек. Барлық деректер автоматты түрде мемлекеттік дерекқорлардан жүктеледі, бұл процестің жылдамдығы мен ашықтығын қамтамасыз етеді», – делінген хабарламада.

    Қызметті пайдалану үшін:

    • eGov.kz порталында авторизациядан өтіп «Азаматтарға» – «Көлік және коммуникациялар» – «Коммуникациялар» бөліміне өту қажет;
    • «Үшінші тұлғалардың анықтамаларды алу сервисі» бөлімін таңдап, «Онлайн сұрау» батырмасын басу керек;
    • ЖСН-ді енгізіп, «Қамқоршылық және қорғаншылық туралы анықтама беру» қызметін таңдау қажет;
    • қажетті өрістерді толтырып, аймақты таңдап, «Сұрау салу» батырмасын басу керек.

    «Осыдан кейін қамқоршыға сұранысты растау үшін 1414 нөмірінен SMS хабарлама келеді. Сонымен қатар, сұраныс туралы хабарлама пайдаланушының eGov.kz порталындағы жеке кабинетінде көрсетіледі. Қауіпсіздік пен дербес деректердің қорғалуын қамтамасыз ету үшін процесс хабарлама алынған сәттен бастап, екі сағат өткен соң аяқталады.

    Қамқоршы сұранысты растаса, анықтама өтініш берушінің жеке кабинетінде «Қызметтер алу тарихы» бөлімінде қолжетімді болады. Егер қамқоршы сұраныстан бас тартатын болса, мәртебе бетінде оның себебі көрсетіліп, жеке кабинеттің «Кіріс» бөлімінде тиісті хабарлама пайда болады».

    Жаңа сервис ҚР Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ, ҚР Оқу-ағарту министрлігінің бірлескен жұмысының арқасында іске асырылған.

  • Ақтаудағы ұшақ апатынан аман қалған стюардессаның видеосы тарады

    Ақтаудағы ұшақ апатынан аман қалған стюардессаның видеосы тарады

    Ақтау маңында апатқа ұшыраған Әзербайжан ұшағында тірі қалған бортсеріктің кім екені анықталды.

    Ұшақ апатында 5 экипаж мүшесі болған. Олардың үшеуі қаза тауып, екеуі аман қалған еді. Тірі қалған бортсеріктің бірі Айдан Рагимли қазір ауруханада жатыр. Әзербайжандағы БАҚ ауруханада жатқан бортсеріктің жағдайын білуге барғанда ол көз жасына ерік беріп, қатты жылаған. Айдан Рагимли 1999 жылы дүниеге келген.

    Бұның алдында ұшақ апаты кезінде жолаушыларды соңғы демі қалғанша қолдаған Хокума Әлиеваның ерлігі жайлы айтылды.

    Айта кетсек, Бакуден Грозныйға бет алған «Әзербайжан әуе бағыттары» компаниясына тиесілі ұшақ Ақтау маңында құлап түсті. Бортта 42 Әзірбайжан, 6 Қазақстан, 3 Қырғызстан, 16 РФ азаматы болған. Барлығы 38 адам қаза тапты. Бүгін Әзербайжанда Аза тұту күні.

  • Ресей ұшақ апатынан аман қалған 9 азаматын алып кетті

    Ресей ұшақ апатынан аман қалған 9 азаматын алып кетті

    Бүгін Ресейдің төтенше жағдайлар министрлігі Ақтау түбіндегі ұшақ апатынан аман қалған тоғыз азаматын арнайы бортпен еліне алып кетті.

    Бұл туралы Маңғыстау облысының әкімдігі де, Ресейдің төтенше жағдайлар министрлігі де ақпарат таратты.

    Маңғыстау облысының әкімдігі таратқан ақпаратқа сүйенсек, тоғыз адам әртүрлі жарақат алған. Олардың бәрін әуежайға жедел жәрдем көлігі жеткізген. Жаралы адамдарды шығарып салуға Ақтау қаласының әкімі, қала ақсақалдары мен жастары келген көрінеді.

    Ресейдің төтенше жағдайлар министрлігі берген мәліметке сүйенсек, тоғыз адамның біреуі – бала. Оларды Ил-76 ұшағы алып барады.

  • Ақтаудағы ұшақ апаты: дронмен видео түсірген блогер қамалды

    Ақтаудағы ұшақ апаты: дронмен видео түсірген блогер қамалды

    Блогер Азамат Сарсенбаев Ақтаудағы әуе апаты маңайын дронмен түсіргені үшін 10 тәулікке әкімшілік қамауға алынды. 

    Сәрсенбаевтың адвокаты Айбек Сүйіндіковтың мәліметінше, Маңғыстау облысының Түпқараған аудандық сотының қаулысына сәйкес, Сарсенбаев құқық қорғау органдары қызметкерінің заңды талабына бағынбағаны үшін кінәлі деп танылды. Сот оған 10 тәулікке әкімшілік қамау түрінде жаза тағайындады.

    Сонымен қатар, адвокаттың айтуынша, жаза қылмыстық кодекстің 667-бабының 1-бөлігі «Билік өкілінің заңды талабына бағынбау» бойынша тағайындалған, ол 15 тәулікке дейін қамауға алу шарасын көздейді. Сот істің мән-жайын ескеріп, ең төменгі жазамен шектелген.

    Сот шешімі әзірге заңды күшіне енген жоқ. Сондай-ақ, Азамат Сарсенбаевтың қорғаушысы шешімге шағым түсірмек ниетте екенін айтып, қорғауындағы адамның әрекеттерінде жаман пиғыл болмағанын және оның қоғамды ақпараттандыруға бағытталғанын атап өтті.