Sona.kz

Метка: Басты жаңалықтар

  • Таразда қамқорлықтағы балаларға қатысты зорлық фактілері тексеріліп жатыр

    Таразда қамқорлықтағы балаларға қатысты зорлық фактілері тексеріліп жатыр

    Журналист Руслан Өтепбай әлеуметтік желілерде Тараз қаласының тұрғыны Зульфия Туленованың қамқорлығында болған балаларға қатысты зорлық-зомбылық белгілері бар бейнекадрларды жариялады, деп хабарлайды Sona.kz Руслан Өтепбайдың жеке инстаграм парақшасына сілтеме жасап.

    Ақпаратқа сәйкес, әйел отбасылық үлгідегі интернатқа ұқсас мекеме ұйымдастырып, онда мүгедектігі бар және ата-анасының қамқорлығынсыз қалған балалар тәрбиеленген.

    Жарияланымда қамқоршының балаларға мас күйінде қол көтеруі мүмкін екені де айтылған. Аталған деректер қазір құқық қорғау органдары тарапынан тексеріліп жатыр.

    Ресми мәліметке сәйкес, таралған бейнематериалдар бойынша тергеу амалдары жүргізілуде. Тергеу мүддесіне байланысты өзге ақпарат әзірге жария етілмейді.

    Барлық мән-жайларға құқықтық баға тергеу нәтижелері бойынша берілетін болады.

  • Астанада ер адам әйелді қорлағаны үшін әкімшілік қамауға алынды

    Астанада ер адам әйелді қорлағаны үшін әкімшілік қамауға алынды

    Астанада қоғамдық орында әйелге тіл тигізіп, агрессивті мінез-құлық көрсеткен ер адам әкімшілік қамауға алынды. Оқиға 2025 жылғы 30 желтоқсанда болған.

    Соттың мәліметінше, ер адам қоғамдық жерде айқайлап, балағат сөздер айтып, қызды қорлаған және өзін агрессивті ұстаған. Жәбірленуші бұл жағдайдың алғаш рет болмағанын, ер адамның оған үнемі психологиялық қысым көрсетіп, қорқытқанын айтқан.

    Айыпталушы өз кінәсін мойындамаған. Ол жәбірленушінің кейбір түсініктемелерімен ішінара келіскенімен, дәлелдердің жоқ екенін айтып, қарсы арыз беретінін мәлімдеген. Сондай-ақ істі құқық бұзушылық құрамы жоқ деп тоқтатуды сұраған.

    Сот ер адамды ұсақ бұзақылық жасағаны үшін кінәлі деп танып, 15 тәулікке әкімшілік қамау жазасын тағайындады. Шешім шығару кезінде құқық бұзушылықтың әйелге қатысты жасалғаны және жеңілдететін мән-жайлардың болмағаны ескерілді.

    Сонымен қатар сот ер адамға жәбірленушімен бір жыл бойы байланысуға тыйым салды. Іс материалдары полицияға жолданып, оның әрекеттерінде сталкинг белгілерінің бар-жоғы қосымша тексерілетін болады.

  • Батыс Қазақстан облысында жеке тұрғын үйде шыққан өрттен үш адам қаза тапты

    Батыс Қазақстан облысында жеке тұрғын үйде шыққан өрттен үш адам қаза тапты

    Батыс Қазақстан облысында жеке тұрғын үйде өрт шығып, салдарынан үш адам қаза тапты. Куәгерлердің айтуынша, өрт кенеттен басталып, қысқа уақыт ішінде бүкіл үйді шарпыған, деп хабарлайды Sona.kz NewTimeskz-ке сілтеме жасап.

    Көршілер өртті байқаған бойда құтқару қызметіне хабар беріп, өрт сөндірушілер келгенге дейін жалынды өз беттерінше, соның ішінде қармен сөндіруге тырысқан. Алайда өртті тоқтату мүмкін болмаған.

    Оқиға орнына өрт сөндіру бөлімшелері келіп, сөндіру жұмыстарына 14 құтқарушы жұмылдырылды. Өрт оқшауланғаннан кейін үй ішінен үш адамның мәйіті табылды.

    БҚО Төтенше жағдайлар департаментінің мәліметінше, өрт 90 шаршы метр аумақта толық сөндірілді. Қазіргі уақытта өрттің шығу себептері анықталып жатыр, тиісті тексеру жүргізілуде.

  • Атырауда Telegram арқылы есірткі сатқан топ әшкереленді

    Атырауда Telegram арқылы есірткі сатқан топ әшкереленді

    Атырау қаласында әлеуметтік желілер арқылы есірткі заттарын таратумен айналысқан қылмыстық топтың әрекеті тоқтатылды. Полицияның мәліметінше, тыйым салынған заттар Telegram мессенджеріндегі интернет-дүкен арқылы сатылған. деп хабарлайды Sona.kz police.atyrau-ға сілтеме жасап.

    Жедел іс-шаралар барысында прокуратураның қолдауымен есірткі қылмысына қарсы іс-қимыл басқармасының қызметкерлері 1994 жылы туған күдікті ұйымдастырушыны және оның бес сыбайласын ұстады.

    Барлық күдіктілер қамауға алынды. Аталған дерек бойынша қылмыстық іс қозғалып, тергеу амалдары жүргізіліп жатыр. Тергеу мүддесіне байланысты өзге ақпарат жария етілмейді.

  • Таразда қол-аяғы байланған әйелге қатысты тексеру басталды

    Таразда қол-аяғы байланған әйелге қатысты тексеру басталды

    Әлеуметтік желіде жарияланған резонансты фотодан кейін екі апалы-сіңлілі әйел мемлекет қамқорлығына алынды, деп хабарлайды Sona.kz Halyqstan-ға сілтеме жасап.

    Әлеуметтік желілерде қол-аяғы скотчпен байланған әйелдің фотосы тарады. Желі қолданушылары суреттегі адамның 30 жастағы Құндыз Сұлтанбек екенін анықтаған. Ол  мемлекет қамқорлығындағы азаматша.

    Құндыз Сұлтанбек пен оның әпкесі, 35 жастағы Назгүл Әбілдаева, Тараз қаласының тұрғыны Зульфия Төленованың қамқорлығында болған. Апалы-сіңлілердің тағдыры 2023 жылы қоғам назарын аударған. Сол кезде олардың туған ағасы әйелдерді күштеп ұстап, мал бағуға мәжбүрлегені туралы ақпарат тараған болатын.

    Аталған жағдайдан кейін Зульфия Төленова апалы-сіңлілерді өз қамқорлығына алуға ниет білдірген. Мәліметтерге сәйкес, оның үйінде мүмкіндігі шектеулі балалар мен жетімдерге арналған отбасылық үлгідегі интернат болған.

    Құндыз бен Назгүлдің өздігінен өмір сүру мүмкіндігі шектеулі, екеуінде де даму тежелуі бар. Осы себепті әлеуметтік желідегі фото қоғамда үлкен алаңдаушылық туғызды.

    Қамқоршының түсіндірмесі

    Зульфия Төленова Құндызды кім байлағанын білмейтінін айтып, бұл әрекетті үйде жұмыс істейтін күтуші жасауы мүмкін екенін жеткізді. Оның айтуынша, Құндыз ашулы күйде болып, әпкесіне қол көтерген.

    Сондай-ақ ол тиісті органдарға арыз жазып, қамқорлықтағы азаматтарды мемлекетке тапсыруға дайын екенін мәлімдеді.

    Тергеу және тексеру

    Қазіргі таңда Зульфия Төленоваға қатысты қылмыстық іс тергеліп жатыр. Шамамен бір ай бұрын оның отбасынан 2009 және 2011 жылы туған екі кәмелетке толмаған бала алынған.

    Тараз қаласы әкімдігінің мәліметінше, балалардың бірі мұғалімдерге қамқоршы тарапынан зорлық көрсетілгенін айтқан. Қамқоршы бұл фактіні мойындаған. Қазір балалар кәмелетке толмағандарды бейімдеу орталығында, тергеу жалғасуда.

    Апалы-сіңлілердің қазіргі жағдайы

    Құндыз Сұлтанбек пен Назгүл Әбілдаева да қамқоршыдан алынды. Олар Түркістан облысының тұрғындары болғандықтан, Тараз қаласы әкімдігінің жұмыспен қамту бөлімі олардың әрі қарайғы тұратын жерін анықтау үшін тиісті жұмыстар атқарады.

    Барлық рәсімдер аяқталғанға дейін апалы-сіңлілер Жамбыл облыстық мүгедектерді оңалту және бейімдеу орталығында болады.

  • Алматыда полициядан қашқан көлік жүргузіші ұстады

    Алматыда полициядан қашқан көлік жүргузіші ұстады

    Алматыда полициядан қашқан көлік жүргузішінің видеосы бейнежазбаға түсіп қалды. Желіде тараған кадрларда жол талғамайтын көлік жүргізушісі қасақана жеңіл көлігін соғып, полициядан қашып кетуге тырысқаны көрінеді, деп хабарлайды Sona.kz CHECK-POINT.KZ-ке сілтеме жасап.

    Қуу нәтижесінде күдікті тоқтатылып, ұсталды. Қазіргі уақытта оқиғаның мән-жайы, сондай-ақ зардап шеккендер мен келтірілген шығын туралы ақпарат анықталуда.

    Құзырлы органдардың ресми түсініктемесі әлі жарияланған жоқ.

  • Қазақстанда шағын бизнеске өсімпұлдар мен айыппұлдар кешіріледі

    Қазақстанда шағын бизнеске өсімпұлдар мен айыппұлдар кешіріледі

    Қазақстанда микро және шағын бизнеске арналған «таза парақ» тетігі іске қосылмақ. Бұл бастама аясында 2026 жылғы 1 қаңтарға дейін жиналған салық берешегі бойынша есептелген өсімпұлдар мен айыппұлдар кәсіпкерлерге кешіріледі. Ол үшін негізгі қарызды 1 сәуірге дейін толық өтеу қажет, деп хабарлайды Sona.kz NegeAqsha-ға сілтеме жасап.

    Шешім салықтық әкімшілендіруді жетілдіру аясында қабылданып, кәсіпкерлікке түсетін қаржылық жүктемені азайтуға бағытталған. Тиісті ережелер қаңтар айында үкімет тарапынан дайындалып, қоғамдық талқылауға шығарылды. Олардың күшіне енуі ақпан айының басына жоспарланып отыр.

    Айыппұлдарды кешіруден бөлек, микро және шағын бизнеске бақылау мен тексеру мәселесінде де бірқатар жеңілдіктер қарастырылған. Атап айтқанда, 2026 жылға дейінгі кезеңдер үшін салықтық есептілікке камералдық бақылау қолданылмайды, егер есеп 2025 жылғы 17 желтоқсанға дейін тапсырылып, кейін өзгертілмеген болса.

    Сондай-ақ өткен кезеңдер бойынша салықтық тексерулер жүргізілмейді. Тек қылмыстық істерге, прокуратура органдарының талаптарына, қарсы тексерулерге немесе салық төлеушілердің өз өтініштеріне байланысты жағдайлар ғана ерекшелік болады.

    Бұдан бөлек, 2026 жылғы 1 қаңтарға дейін жасалған мәмілелер мен тіркеулерді жарамсыз деп тану туралы талап-арыздар берілмейді, егер олар құқық қорғау органдарының материалдарымен байланысты болмаса. 2026 жылдан бастап ҚҚС бойынша уақытында тіркелмеу, тіркелмеген кезеңдегі айналымдар және өткен жылдар үшін есептілікті тапсырмау бойынша әкімшілік істер қозғалмайды.

    Сонымен қатар Қаржы министрлігі 2026 жыл бойы микро және шағын бизнеске өсімпұлдар мен айыппұлдар есептемеу мүмкіндігін пысықтап жатыр.

  • Қазақстан Президенті Бас прокуратурада кеңес өткізіп, заң үстемдігі мен цифрлық даму бағытындағы негізгі міндеттерді айқындады

    Қазақстан Президенті Бас прокуратурада кеңес өткізіп, заң үстемдігі мен цифрлық даму бағытындағы негізгі міндеттерді айқындады

    Қазақстан Республикасының Президенті Қасым-Жомарт Тоқаев Бас прокуратурада кеңес өткізіп, «Заң және Тәртіп» қағидатының мемлекеттік саясаттағы маңызын атап өтті. Мемлекет басшысы бұл ұстаным жаңа Конституция редакциясында міндетті түрде көрініс табуы тиіс екенін айтты, деп хабарлайды Sona.kz NewTimes.kz-ке сілтеме жасап.

    Президент қазіргі күрделі халықаралық жағдайда Қазақстан ұстанып отырған саяси бағыттың дұрыстығына күмән жоқ екенін атап өтіп, заң үстемдігін қамтамасыз етуде прокуратура органдарының жауапкершілігі ерекше екенін жеткізді.

    Цифрландыру және жасанды интеллект

    Қасым-Жомарт Тоқаев құқық қорғау органдарындағы цифрландыру үдерісінің жүйесіз жүргізіліп жатқанын сынға алды. Оның айтуынша, әрбір ведомство цифрлық құралдарды өз бетінше әзірлеп, бірыңғай тәсіл қалыптаспаған.

    Нәтижесінде бюджет қаражаты тиімсіз жұмсалып, нақты нәтиже бермей отыр. Мемлекет басшысы мұндай жағдайды жол беруге болмайтынын айтып, Үкіметке енгізілген барлық цифрлық шешімдерге талдау жүргізуді тапсырды.

    Президент күштік құрылымдар үшін ортақ технологиялық стандарттары бар бірыңғай цифрлық экожүйе құру қажеттігін атап өтті.

    Дербес деректерді қорғау және киберқылмыс

    Кеңес барысында азаматтардың жеке деректерінің таралуы мен киберқылмыстың өсуі мәселесі де қозғалды. Мемлекет басшысы онлайн-алаяқтықтан зардап шегетін азаматтар саны жыл сайын артып отырғанын, ал мұндай қылмыстардың ашылу деңгейі төмен екенін айтты.

    Осыған байланысты киберқылмысқа қарсы күрес тәсілдерін түбегейлі қайта қарау қажеттігі атап өтілді.

    Көші-қонды бақылау және ақпараттық қауіпсіздік

    Президент көші-қон саласын толық цифрландыруды басым міндет ретінде атады. Оның айтуынша, жаһандық көші-қон ағындарының күшеюі шетел азаматтарының қозғалысын бақылау жүйелерін жаңғыртуды талап етеді.

    Сондай-ақ деструктивті контент таратудың құқықтық салдарын азаматтарға тұрақты түрде түсіндіру қажеттігі айтылды. Мемлекет басшысы жасанды интеллектіні қоғамда іріткі салу мақсатында қолдану жол берілмейтінін атап өтті.

    Патриотизм туралы

    Кеңес соңында Қасым-Жомарт Тоқаев патриотизм ұранмен емес, жауапкершілікпен және ел игілігі үшін атқарылған нақты істермен өлшенетінін айтты.

    Кеңеске Бас прокурор Берік Асылов, Премьер-Министрдің орынбасары — цифрлық даму және жасанды интеллект министрі Жаслан Мәдиев, Ішкі істер министрі Ержан Сәденов және өзге де мемлекеттік орган өкілдері қатысты.

  • Президенттің өкілеттігі мерзімінен бұрын тоқтаған жағдайда билік қалай беріледі

    Президенттің өкілеттігі мерзімінен бұрын тоқтаған жағдайда билік қалай беріледі

    Оның айтуынша, вице-президент институтын енгізудің негізгі артықшылығы  мемлекеттік биліктің тұрақтылығы мен үздіксіздігін қамтамасыз ету, деп хабарлайды Sona.kz Kazinform-ға сілтеме жасап.

    Сәрсембаевтың сөзінше, президенттің өкілеттігі мерзімінен бұрын тоқтаған жағдайда елді басқаруды уақытша вице-президент атқарады. Бұл барлық мемлекеттік институттардың үйлесімді жұмысын қамтамасыз етеді.

    Егер вице-президент президенттің өкілеттігін өзіне ала алмаса, олар Кұрылтай төрағасына өтеді. Ал оның да мүмкіндігі болмаса  премьер-министірге беріледі. Сонымен бірге президенттік өкілеттікті қабылдаған тұлға өзіне тиесілі бұрынғы лауазымынан (вице-президент, Кұрылтай төрағасы немесе премьер-министрі) босатылады. Бос орындарды толтыру Конституцияда белгіленген тәртіппен жүзеге асырылады.

    Сәрсембаев бұл механизм қоғамға мемлекеттің заң аясында, біртіндеп және болжамды түрде жұмыс істейтіндігіне сенімділік береді деп есептейді. Ол әлеуметтік міндеттемелер орындалып, экономикалық үрдістер жалғасып, халықаралық міндеттемелер сақталатынын атап өтті.

    Сонымен қатар министр вице-президенттің уақытша президенттік міндеттерді орындауға қажетті легитимдікке ие қоғамдық қызметкер екенін жеткізді.

  • Астанада Бабақұмаровты өлтіру дерегі бойынша алдын ала тыңдау басталады

    Астанада Бабақұмаровты өлтіру дерегі бойынша алдын ала тыңдау басталады

    Астананың қылмыстық істер бойынша мамандандырылған ауданаралық сотында дүйсенбі күні Ержан Бабақұмаровты өлтіру дерегі бойынша алдын ала тыңдау өтеді. Бұл туралы Sona.kz Syrmedia.kz-ке сілтеме жасап хабарлайды .

    Іс ҚР ҚК 99-бабының 1-бөлігі «Өлімге әкеп соққан қасақана кісі өлтіру» бойынша тергелуде. Тыңдау сағат 15:00-де басталады. Істі бұрынғы министр Бишімбаевқа қатысты үкім шығарған судья Айжан Құлбаева қарайды.

    Еске салсақ, Бабақұмаров 2025 жылғы 30 қазанның түнінде танысымен жанжал кезінде қаза тапқан. Қақтығыстың нақты мән-жайы мен тергеу барысы мүдделеріне байланысты жарияланбайды.

    Алдын ала тыңдау барысында тараптар істің материалдарымен танысып, өтініштерін білдіріп, әрі қарайғы процессті ұйымдастыру тәртібі анықталады. Келесі отырыс күні сот тарапынан белгіленеді.