Sona.kz

Метка: Білім саласы

  • Ақтөбеде білім саласындағы төрт қызметкер пара ісі бойынша сотталуда

    Ақтөбеде білім саласындағы төрт қызметкер пара ісі бойынша сотталуда

    Ақтөбеде білім саласында пара алу дерегі бойынша сот ісі жүргізілуде, деп хабарлайды Sona.kz Halyqstan — ға сілтеме жасап.

    Негізгі фигурант – 46 жастағы Аскар Кемешов, Ақтөбе облысының білім саласындағы сапаны қамтамасыз ету департаментінің бұрынғы бөлім басшысы. Оны мектеп директорларынан аттестация бойынша оң қорытынды үшін бірнеше рет пара алу бойынша айыптап отыр.

    Іс бойынша тағы үш адам бар: Ақтөбе қаласындағы № 74 мектептің бұрынғы директоры, Нарқызыл орта мектебінің директоры және Иргіз ауданы білім бөлімінің қызметкері. Директорлар пара берді деп айыпталып отыр, ал қызметкердің рөлі делдалдық қызмет көрсету деп бағаланған.

    Егер сот айыпты деп тапса, күдіктілерге айыппұлдан бастап, нақты мерзімге дейін бас бостандығынан айыру жазасы қарастырылған.

    Айта кетейік, Ақтөбе облысының білім саласы жиі скандалдармен әлек. Өткен жылы бірнеше қызметкер бюджет қаражатын жымқырғаны, иеленгені немесе пара алғаны үшін жауапқа тартылды.

  • Қонаевта білім саласына бағытталған үшжақты меморандумға қол қойылды

    Қонаевта білім саласына бағытталған үшжақты меморандумға қол қойылды

    Қонаев қаласында Халықаралық инженерлік-технологиялық университет, қала әкімдігі және білім бөлімі өзара ынтымақтастық туралы үшжақты меморандумға қол қойды.

    Құжатқа Қонаев қаласының әкімі Асхат Бердіханов, университет ректоры Дархан Ақпанбетов және қалалық білім бөлімінің басшысы Қаламқас Қойшыбаева қол қойды.

    Меморандум аясында қала мектептеріндегі оқушыларды кәсіби бағыттау, дуальды оқыту жүйесін енгізу, сондай-ақ Қонаевтың әлеуметтік-экономикалық дамуына қажетті мамандарды даярлау жоспарланып отыр. Тараптар білім беру саласында тәжірибе алмасу, бірлескен жобалар мен іс-шаралар өткізу бағытында жұмыс істеуге келісті.

    Сонымен қатар, университет Қонаев қаласының үш түлегіне білім грантын табыстады. Алдағы уақытта бұл бастама жалғасын табады деп күтілуде.

  • БҚО-ның білім саласындағы былық: 30 лауазымды қызметкер жазаланды

    БҚО-ның білім саласындағы былық: 30 лауазымды қызметкер жазаланды

    Батыс Қазақстан облысының білім беру ұйымдарында тексеру жүргізіліп, түрлі заң бұзушылықтар анықталды.

    Прокуратура мәліметінше, Т.Жароков атындағы жалпы орта білім беретін мектепте кәмелетке толмағандар арасында Оқу-ағарту министрінің «Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» 2022 жылғы 3 тамызындағы №348 бұйрығы талаптарына қайшы «Өмір қауіпсіздігі негіздері» бойынша міндетті сабақтар жүргізілмеген.

    «Аталған сабақтарды өткізу ауданның барлық 1200 оқушылар үшін ұйымдастырылмаған. Еңбек қатынастары саласындағы бұзушылықтар да тіркелді: қызметкерлер ұжымдық шарттармен таныспаған, ал еңбек шартын бұзу кезінде белгіленген нормалар сақталмаған. Тексеру нәтижесінде 30 лауазымды тұлға тәртіптік, ал 8 тұлға әкімшілік жауапкершілікке тартылды», – делінген прокуратура хабарламасында.