Sona.kz

Метка: Білім

  • Қонаевта 10708 бала жазғы лагерьге барады

    Қонаевта 10708 бала жазғы лагерьге барады

    Мәліметке сүйенсек, биыл 1-11-сынып аралығында 12558 оқушы мектепті аяқтайды. Оның ішінде:
    1. Жалпы білім беру мекемелерінің жанынан 14 алаң құрылады. Бұл лагерьде 10483 бала демалады. Лагерь аптасына 5 күн таңғы 9.00-12.00 аралығында жұмыс істейді.
    2. «Қазақстан халқына» қоғамдық қорының «Жаздық жолдама» жобасы бойынша 5-8 сыныптан 50 оқушыны лагерьге жіберу жоспарлануда.
    3. Сондай-ақ жалпыға бірдей білім беру қорының қаражатына 175 бала жазғы демалыспен қамтылады.

    «Лагерьлерге ең бірінші кезекте жетім және ата-аналарының қамқорлығынсыз қалған, аз қамтылған, көпбалалы, толық емес отбасылардан шыққан, ерекше оқытуды қажет ететін балалар жіберіледі», – делінген ақпаратта.

    Аталғандардан бөлек, Алматы облысының көрікті жерлеріне 2883 баланы экскурсияға жіберу жоспарланған. Ал жазғы мектеп пен тілдік мектепке 4840 оқушы барады.

    Сонымен қатар «Біртұтас тәрбие» бағдарламасы аясында арнайы әдістемелік жоспар әзірленді. Ол бойынша жазғы уақытта бірқатар жобалар жүзеге асырылып, экоакциялар, шеберханалар, науқандар мен тимбилдингтер ұйымдастырылады. Бұл шаралардың дені жол қауіпсіздік ережелерін сақтауға, табиғатты аялауға, еңбекке баулуға, отбасылық құндылықтарды дәріптеуге бағытталған.

  • Білім саласында жымқырылған 1,5 млрд теңге мемлекетке қайтарылды

    Білім саласында жымқырылған 1,5 млрд теңге мемлекетке қайтарылды

    Білім саласында жымқырылған 1,5 млрд теңге мемлекетке қайтарылды, деп хабарлайды Halyq Uni.

    Түркістан облысы прокуратурасының мәліметінше, білім саласының 123 қызметкеріне қатысты 7 қылмыстық іс бойынша сотқа дейінгі тергеп-тексеру аяқталған. Оның ішінде 5 іспен процеске қатысушы тұлғалар танысып жатыр, ал Сауран және Созақ ауданы білім бөлімдерінің қызметкерлеріне қатысты 2 іс облыс прокуратурасымен сотқа жіберілді.

    Тергеп-тексеру барысында күдікті тұлғалардан мемлекетке 1,5 млрд теңге залал өндірілді және олардың қылмыстық жолмен табылған 2,9 млрд теңгеге мүліктері бұғатталды, – делінген хабарламада.

  • Мектепте жоқ қызметкерлерге 213 млн теңге жалақы төленген

    Мектепте жоқ қызметкерлерге 213 млн теңге жалақы төленген

    Сыбайлас жемқорлыққа қарсы іс-қимыл агенттігінің ресми өкілі Данияр Бегайдаров білім саласындағы жемқорлықты айтты.  2023 жылдың басынан бері осы салада барлығы 287 қылмыстық іс тіркелген.

    «Жымқырудың ең көп сомасы Жетісу, Түркістан, Қызылорда, Алматы, Ақтөбе облыстарында және Алматы қаласында анықталды. Қылмыс жасауда 386 адам әшкереленді, оның ішінде 207 адам сотталып, түрлі жазалау шараларына сотталды», – дейді Бегайдаров.

    Ол Қызылорда облысы бойынша Сыбайлас жемқорлыққа қарсы қызмет Жаңақорған ауданының білім бөлімінің бұрынғы басшысына қатысты іс жайлы айтты. Оған және оның қарамағындағыларға — бас бухгалтер мен бас экономистке, сондай-ақ 24 мектеп бухгалтеріне қатысты сотқа дейінгі тергеуді аяқтады.

    «Олар мектептерде іс жүзінде еңбек қызметін жүзеге асырмаған адамдарға жалақы түрімен аудару арқылы 213 млн теңге сомасында бюджет қаражатын жымқырған деп айыпталды. Бұдан басқа, Білім бөлімінің бас бухгалтері қылмыстық жолмен алынған 6,5 млн теңге сомасындағы ақшалай қаражатты заңдастырды деп айыпталды.Қазіргі уақытта қылмыстық іс сотқа жіберілді. Жамбыл облысы бойынша Сыбайлас жемқорлыққа қарсы қызмет Тараз қаласы Политехникалық колледжінің директорына қатысты сотқа дейінгі тергеуді аяқтады. Ол «Бағдарламалық қамтамасыз ету» мамандығы бойынша талапкерге жалпы білім беру грантын беруге көмектескені үшін пара алды деп айыпталып отыр», – дейлі ол.

    Қазіргі уақытта қылмыстық істің материалдары сотқа жолданды.

  • Жетісу облысында білім бөлімі есепшілері ақша жымқырған

    Жетісу облысында білім бөлімі есепшілері ақша жымқырған

    Жетісу облысы Кербұлақ ауданы білім бөлімі есепшілері бюджет қаражатын жымқырған.

    Прокуратура мәліметінше,  2021-2023 жылдар аралығында білім бөлімінің 3 есепшісі онда жұмыс істемейтін адамдарға жалақы мен еңбек демалысы жәрдемақысын заңсыз аударған. Келтірілген шығын – 34 млн теңге.

    Осы факті бойынша облыс прокуратурасы тергеу жүргізіп, нәтижесінде Қылмыстық кодекстің 190-бабының 4-бөлігі 2-тармағы («Алаяқтық») бойынша қылмыстық іс сотқа жолданды. Сот үкімімен бухгалтерлер Қылмыстық кодекстің 63-бабы («Шартты түрде соттау») бойынша 5 жыл 6 ай мерзімге бас бостандығынан айыру түріндегі жаза тағайындаумен кінәлі деп танылды, – делінген прокуратура хабарламасында.

  • Маңғыстау облысында 39 млн теңгенің тендері заңсыз деп танылды

    Маңғыстау облысында 39 млн теңгенің тендері заңсыз деп танылды

    Маңғыстау облысының прокурорлары 39 млн теңгеге
    мемлекеттік сатып алу конкурсының күшін жойды.

    Маңғыстау облысының Қарақия ауданының прокуратурасымен мемлекеттік сатып алу заңнамасы талаптарының сақталуына жүргізілген талдау барысында 39 млн теңгеге жарияланған конкурстың күші жойылды.

    «Атап айтқанда, аудандық білім бөлімі мен мемлекеттік сатып алу веб-порталында ақпараттық жүйені техникалық қолдау және оған қолжетімділікті қамтамасыз ету бойынша конкурс жарияланған.Прокурорлар әлеуетті өнім берушінің біліктілік талаптары бойынша жалған ақпарат бергенін анықтады»,- делінген Маңғыстау облысы прокуратурасының ресми сайтындағы хабарламада.

    Прокурорлық қадағалау актісімен конкурстың күші жойылып, білім бөлімінің қызметкері тәртіптік жауаптылыққа тартылды.

    Мемлекеттік сатып алу саласындағы ашықтықты және заңдылықты сақтауды қамтамасыз ету бойынша жұмыс жалғасуда.

  • Маңғыстауда 60 мұғалім жалған дипломмен жұмыс істеген

    Маңғыстауда 60 мұғалім жалған дипломмен жұмыс істеген

    Маңғыстау облысында 60 мұғалім жалған дипломмен жұмыс істеген. Олар бір емес, бірнеше жылдар бойы оқушыларға сабақ беріп келген. Жалған құжат жасатып, айлық алған 60 мұғалімнің барлығы жұмыстан қуылды. Облыстың білім басқармасы жалған ұстаздарды жұмыстан қуып шектелмеді. Сотқа берді. Осылайша, айлыққа төленген қаражатты мемлекет бюджетіне қайтарып алмақ. Ал, Маңғыстау өңірінде 60 мұғалімнің жалған құжатпен жұмыс істеп жатқанын облыстың білім басқармасы тексеру кезінде анықтаған. Әрі білім ордасына хат жолдап, дипломдарды тексерген.

    «2023-2024 оқу жылдарында тексеру жүргізілді. Заңбұзушылықтың басым көпшілігі Мұнайлы ауданынан және Жаңаөзен қаласынан шықты. Мұнайлда 26, Жаңаөзенде 13 жағдайдан тіркелді», — Маңғыстау облыстық білім басқармасының бөлім басшысы Бақтыгүл Өмірбекова.