Sona.kz

Метка: депутат

  • Депутат «Руың кім?» комедиясын сынға алды және фильмдерді алдын ала тексеруді ұсынды

    Депутат «Руың кім?» комедиясын сынға алды және фильмдерді алдын ала тексеруді ұсынды

    Мәжіліс депутаты Ерлан Саиров кейбір продюсерлер мен кәсіпкерлер трайбализмді коммерцияландыруда, мысалы, ру аттары бар киім шығаруда және жастарға рудың психологиясын насихаттауда деп сын айтты, деп хабарлайды Sona.kz Nege.kz-ке cілтеме жасап.

    Оның айтуынша, бұл тенденция кино саласына да жеткен. Апта бұрын прокатқа шыққан «Руың кім?» комедиясының мазмұны мен идеясы депутатта күмән туғызды.

    «Фильм авторлары не айтқысы келгенін түсіну қиын. Тіпті жарнамалық экспозицияда Қазақстан картасы үш жүзге бөлінген түрде көрсетілген, бұл жауапсыздықтың айқын көрінісі. Біртұтас мемлекеттің идеясы қайда? Творчестволық еркіндік қажет, бірақ ол ұлттық бірлікті бұзуға және мемлекеттің негіздеріне зиян келтіруге жол бермеуі керек», — деді Саиров.

    Депутат ақпарат және мәдениет министрлігі жанында отандық фильмдердің мазмұнын прокатқа шығару алдында тексеретін тұрақты көркемдік комиссия құруды ұсынды.

    Продюсерлік орталық Tiger Films 18 желтоқсаннан бастап «Руың кім?» комедиясын кинотеатрларда көрсетпейтінін хабарлады.

  • Депутат шетелден қаржыландырылатын блогерлерді бақылауды ұсынды

    Депутат шетелден қаржыландырылатын блогерлерді бақылауды ұсынды

    Мәжіліс депутаты, «AMANAT» партиясы фракциясының мүшесі Сергей Пономарев Қазақстандағы блогинг пен медиа кеңістіктегі шетелдік қаржыландыру мәселесіне алаңдаушылық білдіріп, Үкіметтен бақылау шараларын күшейтуді талап етті, деп хабарлайды Sona.kz Azattyq Rýhy-ға сілтеме жасап.

    Депутаттың айтуынша, соңғы уақытта бірқатар медиапорталдар, Telegram-арналар мен әлеуметтік желілердегі парақшаларда шетел мемлекеттерінің саяси мүдделерін көздейтін PR-материалдар жиі жариялана бастаған. Алайда бұл жазбалар жарнама ретінде белгіленбей, оқырманға бейтарап ақпарат түрінде ұсынылады.

    «Егер ол ағаш егу немесе жаңа технология енгізу секілді әлеуметтік жарнама болса түсінікті. Бірақ қазіргі уақытта кейбір парақшаларда шетелдік саяси мүдделер насихатталып жатыр. Бұл — қоғамға әсер ететін өте қауіпті үрдіс», – деді Пономарев Мәжілістің жалпы отырысында.

    Ол сондай-ақ мұндай тапсырыстардың заңдылығы мен оларға салық төленуі мәселесіне күмән келтіріп, қаржыландырудың ашықтығын қамтамасыз ету қажеттігін айтты. Депутаттың пікірінше, бұл жағдай медиа саласындағы жауапкершілік пен этика деңгейіне де әсер етуі мүмкін.

    Сергей Пономарев Үкіметке нақты ұсыныстарын жеткізді:
    – шетелдік тапсырыс берушілердің қаржысымен жасалған материалдарды міндетті түрде таңбалау;
    – шетелден қаржыландырылатын ақпараттық ресурстар иелерінің табысын бақылау жүйесін енгізу;
    – заңсыз қаржыландыруды анықтау және тоқтату механизмдерін әзірлеу.

    Депутат бұл ұсыныстар медиа саласындағы әділдік пен ашықтықты арттыруға, сондай-ақ ел ішіндегі ақпараттық қауіпсіздікті күшейтуге бағытталғанын атап өтті

  • Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді. Бұл жөнінде депутат Нартай Аралбайұлы мәлім етті.

    «Енді шетелдік спортшыларға бюджеттің және квазимемлекеттік қорлардың бір тиыны берілмейді. Депутаттар дауыс бердік. Үкіметтің қорытындысы кеше кеште келіп жетті. Халықтың ақшасы халықтың игілігіне жұмсалу керек», — деді ҚР Парламенті Мәжілісінің депутаты Нартай Аралбайұлы.  https://www.instagram.com/p/DBYokP0u_Zs/

    Айта кетейік, бұған дейін легионерлерге қатысты дау қоғам арасында жиі көтерілетін. Себебі, спортта жақсы нәтижеге жету үшін шетелдік спортшыларға қыруар қаржы төлеуге тура келетін.

     

  • Президент блогерлерге қатысты пікір білдірді

    Президент блогерлерге қатысты пікір білдірді

    Мемлекет басшысы қоғамның әкімдерге қоятын талабы қашанда жоғары екенін жеткізді. 

    «Бұл – заңды құбылыс. Әкімнің жұмысына сын көзбен қарау – демократиялық қоғамға тән қалыпты нәрсе. Бірақ сынағанның жөні осы екен деп, тым артық кететін әсіре белсенділер де бар. Өзін блогер санайтын кейбір адамдар әкімнің әр қадамын аңдуды әдетке айналдырды. Жұмысқа кедергі жасап, тіпті, қоқан-лоқы көрсететіндер бар. Әрине, ауыл, аудан немесе қала тұрғындары болсын, барлығы жайлы өмір сүргісі келеді. Азаматтарға барынша қолайлы жағдай жасау – әкімге де, жергілікті мәслихаттарға да ортақ міндет«, — деді Қасым-Жомарт Тоқаев.

    Президент  әрбір әкім азаматтармен диалогқа ашық болуы қажет екенін ескертті.

    «Әрбір әкім азаматтармен диалогқа ашық болуы қажет, сындарлы пікір алмаса білуі керек. Бірақ жұртты дүрліктіріп, шу шығарып, заңды бұзуға жол берілмейді. Ешкім заңнан аттамауға тиіс. Мемлекет мүддесі түрлі популистердің жеке мүддесінен жоғары тұруы қажет. Қоғамның сынынан және батыл шешім қабылдап, жауапкершілік алудан қорықпау керек. Кез келген өзекті мәселеге, соның ішінде ақпараттық шабуылдарға дер кезінде назар аудару қажет. Тағы да қайталап айтамын. Әкімдіктер мен мәслихаттардың міндеті – мемлекеттік саясатты қатаң ұстану, оны ел мүддесіне сай жүзеге асыру. Мәслихат депутаттарының жұмысындағы басым бағыттарға қатысты менің пайымым осындай», — деді Мемлекет басшысы.

    Еске салайық, қазір Астанада  барлық деңгейдегі мәслихаттар депутаттарының ІІ республикалық форумы өтіп жатыр. Шараға Мемлекет басшысы да қатысты.

  • Президент: Әрбір әкім азаматтармен диалогқа ашық болуы қажет

    Президент: Әрбір әкім азаматтармен диалогқа ашық болуы қажет

    Мемлекет басшысы қоғамның әкімдерге қоятын талабы қашанда жоғары екенін жеткізді. 

    «Бұл – заңды құбылыс. Әкімнің жұмысына сын көзбен қарау – демократиялық қоғамға тән қалыпты нәрсе. Бірақ сынағанның жөні осы екен деп, тым артық кететін әсіре белсенділер де бар. Өзін блогер санайтын кейбір адамдар әкімнің әр қадамын аңдуды әдетке айналдырды. Жұмысқа кедергі жасап, тіпті, қоқан-лоқы көрсететіндер бар. Әрине, ауыл, аудан немесе қала тұрғындары болсын, барлығы жайлы өмір сүргісі келеді. Азаматтарға барынша қолайлы жағдай жасау – әкімге де, жергілікті мәслихаттарға да ортақ міндет», — деді Қасым-Жомарт Тоқаев.

    Президент  әрбір әкім азаматтармен диалогқа ашық болуы қажет екенін ескертті.

    «Әрбір әкім азаматтармен диалогқа ашық болуы қажет, сындарлы пікір алмаса білуі керек. Бірақ жұртты дүрліктіріп, шу шығарып, заңды бұзуға жол берілмейді. Ешкім заңнан аттамауға тиіс. Мемлекет мүддесі түрлі популистердің жеке мүддесінен жоғары тұруы қажет. Қоғамның сынынан және батыл шешім қабылдап, жауапкершілік алудан қорықпау керек. Кез келген өзекті мәселеге, соның ішінде ақпараттық шабуылдарға дер кезінде назар аудару қажет. Тағы да қайталап айтамын. Әкімдіктер мен мәслихаттардың міндеті – мемлекеттік саясатты қатаң ұстану, оны ел мүддесіне сай жүзеге асыру. Мәслихат депутаттарының жұмысындағы басым бағыттарға қатысты менің пайымым осындай», — деді Мемлекет басшысы.

    Еске салайық, қазір Астанада  барлық деңгейдегі мәслихаттар депутаттарының ІІ республикалық форумы өтіп жатыр. Шараға Мемлекет басшысы да қатысты.

  • Президент Қасым-Жомарт Тоқаев депутаттар форумына қатысты 

    Президент Қасым-Жомарт Тоқаев депутаттар форумына қатысты 

    Президент Қасым-Жомарт Тоқаев барлық деңгейдегі мәслихаттар депутаттарының ІІ республикалық форумына қатысты. 

    «Баршаңызды мәслихат депутаттарының ІІ республикалық форумының ашылуымен құттықтаймын!

    Шын мәнінде, бұл жиынның мән-маңызы айрықша. Депутаттар – өзекті мәселелерді ашық айта білетін, азаматтардың қоғамдағы ой-пікірін атқарушы билікке тікелей жеткізетін қауым. Бір сөзбен айтсақ, депутат болу – халықтың үні болу деген сөз. Мысалы, жаңа ғана сөз сөйлеген азаматтар өте маңызды мәселелерді көтерді. Әсет Махамбетовтің білікті маман ретінде атом энергиясы туралы пікірі өзекті. Сырымбек Сәрсембаев моно-қалаларды дамыту жөнінде жақсы ұсыныстар айтты. Ринат Заитовтың ұлттық өнерді қолдау туралы пайымдары да орынды. Депутаттар Юлия Кучинская және Евгений Буслаев та өте өзекті пікірлерін айтты.

    Мәслихат – мемлекеттік биліктің өте маңызды тармағы. Аймақ жұртшылығының тыныс-тіршілігі, мұң-мұқтажы қашанда мәслихат депутаттарының жіті назарында болуға тиіс. Сайлаушылардың мүддесін қорғап, ел үмітін ақтау – басты парыз. Мен мәслихаттардың қызметіне ерекше мән беремін. Жалпы, елімізде 3300-ден астам мәслихат депутаты бар. Соның 70 пайызына жуығы осы залда отыр»,- деді Президент Қасым-Жомарт Тоқаев өз құттықтауында. 

     

  • Нартай Аралбайұлы: Орманшылардың жалақысы барлық өңірде өспеді

    Нартай Аралбайұлы: Орманшылардың жалақысы барлық өңірде өспеді

    ҚР Парламенті Мәжілісінің депутаты Нартай Аралбайұлы бірнеше өңірде  орманшылардың жалақысы өспегенін жеткізді. Осы мәселені шешу мақсатында ол депутаттық сауалын ҚР Премьер — Министрінің Бірінші орынбасары Роман Склярға жолдады.

    «Семей орманында өрт болып ондаған отандасымыз опат болған кезде Үкімет өкілдері «2023 жылдың 1 шілдесінен бастап орманшылардың жалақысы өседі» деп кесіп айтқан еді. Бірақ айтылған сөз айтылған жерде қалды. Жалақы орман шаруашылығындағы басшылық құрам мен санаулы мамандық иесіне қосылғаны болмаса орман үшін от кешкен мыңдаған маман түкке жетпейтін жалақымен сол күйі қала берді», — деді  Нартай Аралбайұлы.

    Депутат орманшылардың жалақысын өсіру бойынша қол қойылған құжаттың барлық өңірде жүзеге аспағанын сынады. 

    «2024 жылдың 1 шілдесінде  Премьер-Министр Олжас Бектенов еліміздегі орман шаруашылығы және табиғатты қорғау мекемелері қызметкерлерінің лауазымдық жалақыларына үстемақы қосу туралы  қаулыға қол қойды. Орман және табиғатты қорғау ұйымдары қызметкерлеріне еңбекақы төлеу жүйесін, шарттары мен мөлшерлерін жетілдіру мақсатында «Азаматтық қызметшілерге, мемлекеттік бюджет қаражаты есебінен қаржыландырылатын ұйымдардың қызметкерлеріне еңбекақы төлеу жүйесі туралы» Қазақстан Республикасы Үкіметінің қаулысына өзгерістер енгізілді. Бөркімізді аспанға атып, алақайладық.

    Құжатқа сәйкес, орман өртін сөндіру бекеттерінің, орман шаруашылығы мекемелерінің, қоршаған ортаны қорғау және орман орналастыру ұйымдарының қызметкерлері лауазымдық жалақыларына 100 пайызға дейін өсімақы алуы керек еді. Олардың қатарында орман өртін сөндірушілер, өрт сөндіру көлігінің жүргізушілері, тракторшылар, радио операторлар, өрт сөндіру машиналарын, жабдықтар мен аппараттарды жөндеу жөніндегі шеберлер, өрт бақылау мұнарасының бақылаушылары бар еді. Шіліңгір шілдеден бастап жалақымыз еселеп артады деп елдің еңсесі тіктеліп қалды. Бірақ, 2023 жылы үмітінің күлі көкке ұшқан орманшылар 2024 жылы да дәл сол жағдайды бастан кешуде», — деді халық қалаулысы.

    Себебі аталған қаулы Қызылорда облысында,  Арал ауданында, Павлодар облысында, Маңғыстау облысында, Қостанай облысында, Жетісу облысында орындалмады деген дерек келді. Депутат  орманшылардың жазған арызы қолында екенін жеткізді. 

    «Орманшылардың жалақысын көтерудің жүгі жергілікті бюджетке артылыпты, ол қамбада қаржы жоқ екен. Қаулысы бар да қаржысы жоқ. «AMANAT» партиясы бұл жағдайды бірнеше рет көтергенін қаперлеріңізге сала кетейін.Салдары ауыр, жалақының төмендігінен жастар орманшы болып қызметке барғысы келмейді. Орман бар, орын бос, жалақы жетпейді.Жоғарыда айтылған мәселелерді зерделеп, 2024 жылдың 1 шілдесінде қол қойылған  қаулының толыққанда орындалуын қадағалап, Қазақстандағы орман шаруашылығындағы мамандардың лауазымдық жалақыларына 100 пайыздық өсімақының қосылуын қамтамассыз етуіңізді сұраймын», -деп Нартай Аралбайұлы депутаттық сауалын қорытындылады.

     

     

  • Депутат 12 жастан қылмыстық жауапкершілікке тартуды ұсынды

    Депутат 12 жастан қылмыстық жауапкершілікке тартуды ұсынды

    Бүгінде құрдастарына әлімжеттік көрсеткені үшін 1700 бала арнайы тіркеуге алынған. Мәжіліс депутаты Магеррам Магеррамов мұның салдары неге әкеп соғатынын түсіну үшін жасөспірімдерді 12 жастан бастап жазаға тарту қажет деп отыр. Ал қазіргі заң бойынша 14 жастан кіші балаға қылмыстық жауапкершілік қарастырылмаған. Депутат әскердегі ұрып-соғу да мектептегі буллингтен басталады дейді.

    «Біз Ұлыбритания, Жапония сынды елдердің тәжірибесіне сүйенуіміз керек. Жапонияда ересектердің жауапкершілігін арттыру үшін  арнайы зорлық-зомбылықпен күрес бойынша кеңес құрылған. Онда педагогтер әрбір буллинг жағдайына жеке назар аударып, мұқият тексеруге міндетті. Сондай-ақ, психологтармен жүйелі жұмыс жасалады», — деді ҚР Парламенті Мәжілісінің депутаты Магеррам Магеррамов.