Sona.kz

Метка: Экология және табиғи ресурстар министрі

  • Қазақстанда жыл басынан бері 5,2 мың киік қырылған

    Қазақстанда жыл басынан бері 5,2 мың киік қырылған

    Экология министрлігі дәл қазір Қазақстанның бес-алты облысында киіктердің қырылуына байланысты ресми комментарий берді.

    Министрліктің мәліметіне сүйенсек, киіктер көбінесе Ұлытау, Қарағанды, Қызылорда, Атырау, Батыс Қазақстан облыстарының табиғи мекендеу орындарында қырылып жатыр.

    «Киіктің биологиясын ескерсек, бұл табиғи жағдаймен байланысты. Жыл басынан бері 5,2 мыңнан астам өлексе жойылды», – деп мәлімдеді министрлік.

    Айтап кетейік, қазір Қазақстанда киіктердің жалпы саны 4,1 миллион басқа жеткен.

  • Министрлік тұран жолбарысын көбейту үшін 1 млрд теңгеден астам қаржы сұрады

    Министрлік тұран жолбарысын көбейту үшін 1 млрд теңгеден астам қаржы сұрады

    Экология министрлігі тұран жолбарыстарын көбейтуге жағдай жасау мақсатында 1,1 миллиард теңгеден астам қаржы сұрады.

    Министрлік қаржы жолбарыстарға қажетті жағдай жасауға және Ұлытау тау массивінің табиғи әрі тарихи-мәдени орындарын сақтау үшін қажет деп көрсеткен. 2025 жыл үшін 778 726 000 теңге, ал 2026 жылға 370 148 000 теңге сұраған.

    2010 жылы Қазақстан елде жолбарыс тұқымдарын қайта жандандыру идеясын қолдады. Осы мақсатпен 2024 жылы Қазақстанға Нидерландыдан амур жолбарыстары жеткізілді. БҰҰ қолдауымен «Іле-Балқаш» табиғи қорығында жолбарыстарға арналған вольер орталығы құрылып, қазір олар сол жерде өмір сүруде.

    Министрлік мәліметінше, амур және тұран жолбарыстары жеке түрлер емес. Қазақстанға жеткізілген жолбарыстар аумақтық белгі бойынша автоматты түрде тұран популяцияның бөлігі болып саналады.

    Қазіргі уақытта «Іле-Балқаш» табиғи қорығында екі жолбарыс – Богдан мен Кума өмір сүріп жатыр. Биыл Ресейден жабайы табиғаттан тағы үш-төрт жолбарыс әкелу жоспарланған.

     

  • Келер жылы Қазақстан Ресейден 4 жолбарыс әкеледі

    Келер жылы Қазақстан Ресейден 4 жолбарыс әкеледі

    2025 жылы Қазақстанда жолбарыстар саны көбейеді. Еліміз көрші Ресейден тағы төрт жолбарыс әкелуді жоспарлап отыр.

    Экология және табиғи ресурстар министрі Ерлан Нысанбаев биыл Тұран жолбарысын тарихи мекенінде қалпына келтіру бойынша үлкен жоба басталғанын атап өтті.

    Жолбарыстарды тарихи мекеніне қайта жерсіндіру жөніндегі бағдарламаны іске асыру аясында Іле-Балқаш мемлекеттік табиғи резерваты (2018/415 мың га) құрылған. Жолбарыстың табиғи азық қорын қайта қалпына келтіру үшін 2018-2024 жылдар аралығында резерват аумағына 205 бас тоғай бұғысы әкелінген,  100-ден астам құланды қоныс аудару жұмыстары жүргізілді, еліктер мен қабандар популяциясы көбейтілді.

    «Осы жылы күзде Іле-Балқаш резерватында арнайы торлы қоршауда өсіру үшін Нидерландыдан 2 жолбарыс әкелінді.  2025 жылы Ресей Федерациясынан 3-4 жолбарысты алып келу күтілуде. Әкелінген жолбарыстардың тұқымдары Қазақстан аумағында 70 жылдан кейін қайта пайда болған алғашқы жабайы жолбарыстар болады деп үміттенеміз», — деді Нысанбаев Үкімет отырысында.

    Министр құландар популяциясын қалпына келтіру жөніндегі бағдарлама аясында оларды «Іле-Балқаш» және «Алтын Дала» резерваттарына қоныс аудару жұмысы сәтті аяқталғанын айтты. Қазақстан аумағында толығымен жойылып кеткен құланның саны 1950-1960 жылдары Түркіменстаннан әкелінген 14 құланның негізінде бүгінгі күні 4493 басқа жеткен

  • Министр: Итбалықтардың қырылу себебін нақтылауға 3-4 ай уақыт керек

    Министр: Итбалықтардың қырылу себебін нақтылауға 3-4 ай уақыт керек

    Итбалықтардың өлексесі табылған орындардағы алғашқы сынамалардың нәжесі белгілі болды. Бұл туралы Экология және табиғи ресурстар министрі Ерлан Нысанбаев мәлім етті.

    «24 қазаннан бастап өлген итбалықтар тіркеле бастады. Шын мәнінде жауапты қызметтердің барлығы сол жерге барды, сондай-ақ ветеринарлар мен экологтар, гидробилогия мен экология институттары, қоғамдық ұйым өкілдері бар. Тиісті сынамалардың барлығы алынды. Пастереллез, тырысқақ, оба аурулары бойынша алғашқы сынамалар зерттелді. Бұл ретте, осы індеттер табылмады», – деді Е. Нысанбаев.

    Оның сөзіне қарағанда, қазір мамандар су түбінде жер сілкіну салдарынан табиғи газдың шығуынан немесе судың ластануынан итбалықтар қырылуы мүмкін деген тұжырымды айтып жатыр.

    «Маған осы мәселеге қатысты мәлімет беріп жатыр. Атап айтқанда суда нормадан ауытқу байқалмады. Ғалымдардың мәліметінше, қорытынды нәтижені жариялау үшін 3-4 ай уақыт керек. Олардың зерттеу нәтижесін күтеміз. Өзіміздің экология департаментінің зертханалары ауаның, судың, топырақтың құрамын зерттеді. Бұл жұмыстарға халықаралық ұйымдарды қосқан жоқпыз», – деді министр.

    Еске салайық, 24 қазан мен 18 қараша аралығында Каспий теңізінің жағалауынан 1 989 итбалықтың өлексесі табылған еді.