Sona.kz

Метка: Ерболат Досаев

  • Ерболат Досаев тағы бір лауазымынан айырылды: Ол «Бәйтерек» холдингінің директорлар кеңесінен шығарылды

    Ерболат Досаев тағы бір лауазымынан айырылды: Ол «Бәйтерек» холдингінің директорлар кеңесінен шығарылды

    Алматы қаласының бұрынғы әкімі Ерболат Досаевтың саяси карьерасында кезекті өзгерістер орын алуда. «Бәйтерек» ұлттық басқарушы холдингінің директорлар кеңесінің құрамынан Ерболат Досаев шығарылды. Бұл туралы ресми ақпарат Қазақстан қор биржасының (KASE) сайтында жарияланды. Тиісті шешім үстіміздегі жылдың 7 сәуірінде қабылданған. Айта кетерлігі, Досаев бұл кеңестің құрамына осы жылдың қаңтар айында ғана кірген болатын.

    Бұл Ерболат Досаевтың соңғы айлардағы алғашқы «қызметтен кетуі» емес. Бұған дейін ол 2025 жылдың желтоқсанында мүше болған «Самрук-Қазына» қорының директорлар кеңесінен де кеткен еді. Сонымен қатар, биылғы 25 наурызда Мемлекет басшысының жарлығымен ол Президент Әкімшілігі Басшысының орынбасары лауазымынан босатылды. Ерболат Досаев әр жылдары Ұлттық банк төрағасы, Премьер-министрдің орынбасары және бірнеше министрліктің басшысы қызметтерін атқарған тәжірибелі шенеуніктердің бірі ретінде белгілі. Оның стратегиялық холдингтерден қатар шығарылуы саяси сарапшылар арасында қызу талқылануда.

  • Ерболат Досаев Президент Әкімшілігі Басшысының орынбасары болып тағайындалды

    Ерболат Досаев Президент Әкімшілігі Басшысының орынбасары болып тағайындалды

    Мемлекет басшысының Жарлығымен Ерболат Асқарбекұлы Досаев Қазақстан Республикасы Президентінің Әкімшілігі Басшысының орынбасары лауазымына тағайындалды, деп хабарлайды Sona.kz Ақорда ресми сайтына сілтеме жасап.

    Ерболат Досаев әр жылдары министрлік пен ұлттық компанияларда басшылық қызметтер атқарған. Ол 2022 жылдан бастап Алматы қаласының әкімі болды.

  • «Қалқаман» метро бекетінің құрылысына тағы 28 млрд теңге бөлінеді

    «Қалқаман» метро бекетінің құрылысына тағы 28 млрд теңге бөлінеді

    Қала билігі жаңа бекет 2026 жылдың қаңтарына дейін аяқталады деп уәде берді. Биылғы жылы бұл құрылысқа 28 млрд теңге бөлінебекші.

    Метро құрылысы бойынша жоба 2020 жылы басталған болатын, бірақ кейінірек бірнеше түзетулер енгізілді. Алматы әкімдігінің баспасөз қызметінің мәліметінше, аралық туннельдердің ұзындығы 1,98 км құрайды. Ал бекеттің өзі Абай даңғылының бойында, Әшімов көшесінің батысында орналасады.

    «Станция платформасының ұзындығы 98 метрге жетеді, оған іргелес аумақ абаттандырылады, оның ішінде 380 автокөлік пен 28 автобус тұрақтары қарастырылған. Жобаның бас мердігері BCN-Group (бұрынғы Bazis construction) компаниясы болып табылады», – делінген хабарламада.

    2024 жылы жобаға қаржыландыру жетпей қалған еді. Қазіргі уақытта жұмысшылар жаңа станция үшін котлован қазу жұмыстарын жүргізіп жатыр.

    «Ағымдағы жылға 28 млрд теңге бөлу қарастырылған. Ерболат Досаев сапар барысында мердігерге ағымдағы жылға бөлінген қаржыны толықтай игеру мінщдетін қойды», – деп хабарлады әкімдік.

    BCN group директорлар кеңесінің төрағасы Александр Белович аумақта 150 маман 50 ден астам арнайы техника үш ауысыммен істеп жатыр деп сендірді. Нысан 2026 жылдың қаңтарында, жоспарланған мерзімде аяқталатынын мәлім етті.

    Айта кетейік, метро құрылысы 3 жылға жетпей аяқталуы керек еді. Бірақ жобаға қажетті қаражат дұрыс бөлінбеген.

    ■ 2020 жылы республикалық бюджеттен 190,2 млн теңге бөлінген
    ■ 2021 жылы – 600 млн теңге
    ■ 2022 жылы – 0 теңге
    ■ 2023 жылы – 9,2 млрд теңге
    ■ 2024 жылы – 2,67 млрд теңге
    ■ 2025 жылы – 28 млрд теңге
    ■ 2026 жылы – белгісіз

    Бекет құрылысына жауапты «Базис-А» компаниясы осыған дейін қаржы республикалық бюджеттен қаржыландыруылуы керек деп мәлімдеген болатын. Алайда бөліну керек ақша кешігіп жатқанын хабарлады.

  • Биыл Алматыда 30 жаңа сейсмикалық станция іске қосылады

    Биыл Алматыда 30 жаңа сейсмикалық станция іске қосылады

    Алматы әкімі Ерболат Досаев Қытайға ресми сапары барысында ҚХР Жер сілкіністері агенттігінің президенті Ван Кунь мырзамен кездесті.

    Мегаполис әкімі Ерболат Досаев Қытайға сапары барысында ҚХР-дың жер сілкіністері жөніндегі агенттігіне барды. Алматы сейсмикалық белсенді аймақта орналасқандықтан, қаланы дамыту бағдарламасының негізгі міндетінің бірі – сейсмикалық қауіпсіздікті күшейту.

    Сапар аясында Қазақстанның Сейсмологиялық бақылау және зерттеу ұлттық ғылыми орталығы мен CEA Геофизика институты арасында келісімге қол қойылды. Құжат сейсмикалық мониторинг бойынша бірлескен жұмысты және жер сілкінісі туралы ерте хабарлау жүйелерін біріктіруді көздейді. Бұл қазақстандық және қытайлық мамандарға нақты уақыт режимінде жедел дерек алмасуға мүмкіндік береді.

    «Қазақстан аумағының 40%-дан астамы жер сілкінісі қаупі бар аймақта орналасқан. Біз Еуразиядағы сейсмикалық белдеулер жүйесіне кіреміз. Ал Алматының өзі сейсмикалық белсенді аймақта орналасқан. Сондықтан «Алматы қаласын 2025 жылға дейін дамыту және 2030 жылға дейінгі орта мерзімді перспективалары» бағдарламасында сейсмикалық қауіпсіздікті қамтамасыз ету негізгі басымдықтың бірі», – деді Ерболат Досаев.

    Алматыда қазір жер сілкінісі туралы ерте ескерту беретін 28 станция жұмыс істейді, алдағы уақытта тағы 70 станция орнату жоспарланған. Биыл 30 жаңа станция іске қосылмақ.

  • Досаев Алматыда ауыз су тарифінің не үшін көтерілгенін айтты

    Досаев Алматыда ауыз су тарифінің не үшін көтерілгенін айтты

    Алматы әкімі Ерболат Досаев  су бағасы неге күрт қымбаттап кеткенін түсіндірмек болды. Оның айтуынша, сараланған тарифтер енгізілген. Оған сәйкес, су үнемдей алмайтын адамдар қымбатырақ төлейді.

    Қала тұрғыны коммуналдық төлемдердің күрт қымбаттап кеткенін, соның ішінде суға тарифтердің үш есе көтерілгенін айтты.

    «Бұл тарифті пенсиядағы адамдар қалай төлеуі керек? Не себепті баға күрт көтеріліп кеткенін түсіндірсеңіз», – деді зейнеткер.

    Қала басшысы тұтынған су көлеміне қарай сараланған тарифтер енгізілгенін мәлімдеді. Досаев сараланған тарифтер қала тұрғындарын суды үнемдеуге үйрететініне сенімді.

    «Біз сараланған тарифтерді енгізді. Біз әр адам шамамен қанша көлемде су тұтынатынын есептеп, орташа тұтыну көлемін шығардық. Алматы тұрғындары суды үнемдеуі керек. Бізде суды үнемдеуге қатысты мәселе әлі де шешімін тапқан жоқ. Суды үнемдеп, қажетіне қарай жарататын адамдарға біз бекіткен нормалар молынан жетеді. Су біздің басты байлығымыз», – деді әкім.

    Досаев суды өшіруді ұмытып кететін, есік алдындағы бақты ауыз сумен суғаратын адамдар бар екенін, солар үшін коммуналдық төлемдер артатынын айтады.

    Сондай-ақ қалада су тапшылығын болдырмау мақсатында жер асты су қорын барлау жұмыстары жүргізіліп жатқанын да атап өтті.

    «Алматыда су қоры бар. Бірақ соның өзінде біз оны үнемдеп пайдалануымыз керек», – деді ол.

  • Алматыда 10 916 нысанға сейсмикалық аудит жүргізілді

    Алматыда 10 916 нысанға сейсмикалық аудит жүргізілді

    Бұл туралы Алматы қаласы әкімі Ерболат Досаев мәлімдеді. Қала әкімінің айтуынша, алматылықтардың қауіпсіздігі – негізгі басымдықтардың бірі.

    – Ең маңызды міндет – сейсмикалық қауіпсіздікті арттыру. Бүгінгі күнге дейін 10 916 нысанға сейсмоаудит жүргізілді. Оның 1 641 көппәтерлі тұрғын үй, 9 275 – азаматтық нысан. Осы жылдың 17 қазанда «Mass Alert» халықты хабардар ететін жүйені пайдалана отырып, қалалық сейсмикалық тексеру жүргізілді, – деді әкім .

    Сонымен қатар табиғи тәуекелдерді азайту мақсатында 1974 жылдан бері алғаш рет Мохнатка және Горельник тауларында беткейлер тазартылды. Бұдан бөлек, 6 мореналды көлде профилактикалық жұмыстар жүргізілді және Есентай өзенінің арнасы нығайтылды. Жер сілкінісі туралы алдын ала ескертудің автоматтандырылған жүйесін жетілдіру үшін 2025-2026 жылдары қосымша 70 сейсмостанция орнатылатын болады.

    Осыған дейін Қазақ құрылыс және сәулет ғылыми зерттеу және жобалау институтының өндіріс жөніндегі басқарушы директоры, техника ғылымдарының кандидаты Ералы Шоқбаров Алматыда қандай үйлер жер сілкінісіне төтеп бере алатыны туралы айтқан еді.

  • Алматыда денсаулық сақтау саласында 32 нысан салу және жаңғырту жоспарланған

    Алматыда денсаулық сақтау саласында 32 нысан салу және жаңғырту жоспарланған

    Бұл туралы қала әкімі Ерболат Досаев ОКҚ-де өткен көшпелі брифингте мәлімдеді. Биыл денсаулық сақтау саласын қаржыландыру 25%-ға артты. Әсіресе, денсаулық сақтау инфрақұрылымын жаңғыртуға ерекше назар аударылды.

    Биыл Алматының мәслихаты медициналық-санитарлық көмектің біріңғай стандартын бекітті, соның аясында 4 МСАК орталығы мен 1 емхана салынды, сондай-ақ 32 нысанның құрылыс және жаңғырту жобалары (15 аурухана, 2 перзентхана, 7 емхана, 6 МСАК орталығы) әзірленуде.

    Сонымен қатар, 2024 жылы қалада Балаларға шұғыл медициналық көмек көрсету орталығы ашылды. Балалар арасындағы мүгедектік деңгейін төмендетуге маңызды үлес қосқан ерте араласу орталығы құрылды.

    Қала әкімі денсаулық сақтау инфрақұрылымын жаңғырту мен дамыту тұрғындарға медициналық қызметтердің қолжетімділігі мен сапасын жақсартуда маңызды қадам екенін атап өтті. Бұл басым бағыттағы жұмыстар келесі жылы жалғасады.

  • Алматы метросының құрылысын жалғастыру үшін қанша қаражат керек?

    Алматы метросының құрылысын жалғастыру үшін қанша қаражат керек?

    Алматыдағы ОКҚ брифингі барысында қала әкімі Ерболат Досаев журналистердің метро желілерін қаржыландыру және салу үшін қытайлық компанияларды тарту мүмкіндігі туралы сұрақтарына жауап берді.

    – Қаланың көлік инфрақұрылымын құру және соның арқасында экологиялық жағдайды жақсарту біз үшін аса маңызды басымдық. Негізінде метро, LRT және БRТ сияқты жоғары жылдамдықты қоғамдық көлікті дамыту көзделген. Үкіметпен бірлесіп, біз батыс бағытта — «Қалқаман» станциясынан «Барлық» базарына дейін 5,3 км және шығыс бағытта — «Жібек жолы» станциясынан Алматы әуежайына дейін 14 км жаңа метро желілерін салу үшін мемлекеттік кепілдікпен қаражат алу мүмкіндігін пысықтап жатырмыз, – деп жауап берді Ерболат Досаев.

    Мегаполис әкімі қазір мемлекеттік кепілдіктер алу үшін құқықтық негіз дайындалып жатқанын атап өтті. Мәселен, жаңа бюджет кодексінде қарызды қаржыландыру және оны республикалық бюджет қаражаты есебінен өтеу көзделген. Бұл түзетулер Парламент Сенатында.

    – Біз қазір түрлі халықаралық қаржы институттарымен ең тиімді шарттарды алу үшін келіссөздер жүргізіп жатырмыз, мүмкін бұл ұйымдардың консорциумы болар. Осыдан кейін конкурстық шарттарда мердігер таңдалады. Заманауи технологиялар тезірек құруға мүмкіндік береді, сондықтан біз нормативтік мерзімдерді сақтай алатын серіктестерді таңдаймыз. Біз құрылысты екі жақта қатар бастауды жоспарлап отырмыз. Мысалы, «Сарыарқа» және «Бауыржан Момышұлы» метро станцияларының құрылысы жоспарланған 3,5 жылдан 7 жылға дейін 2 есеге созылды. «Қалқаман» станциясы бойынша 1,9 км метро желісінің құрылысы 2020 жылдан бастап 4 жыл бойы жүргізілуде. Оны 2026 жылы аяқтаймыз, – деді ол.

  • Ерболат Досаев АЭС құрылысы бойынша референдумда дауыс берді

    Ерболат Досаев АЭС құрылысы бойынша референдумда дауыс берді

    Алматы әкімі Ерболат Досаев жұбайымен бірге №48 мектеп-лицейінде орналасқан №388 сайлау учаскесіне Қазақстанда АЭС салу туралы референдумда дауыс беру үшін барып, өз таңдауын жасады.

    Айта кетейік, облыстардың, республикалық маңызы бар қалалардың, елорданың комиссиялары ұсынған деректерге сәйкес 2024 жылғы 6 қазанда сағат 7.00-дегі жағдай бойынша өңірде барлық 10 249 учаске дауыс беруге кірісті. 84 учаскеде аумақтық комиссиялардың қабылдаған шешімдеріне сәйкес дауыс беру таңғы сағат 6.00-де басталды.