Sona.kz

Метка: газ

  • Хромтауда дәмханада газ жарылды: зардап шеккендер бар

    Хромтауда дәмханада газ жарылды: зардап шеккендер бар

    19 қаңтарда Ақтөбе облысы Хромтау қаласында қоғамдық тамақтану орнында газ жарылысы болды, деп хабарлайды Sona.kz Syrmedia.kz-ке сілтеме жасап.

    Алдын ала мәліметке сәйкес, дәмханада орнатылған газ жабдығы жарылған. Соның салдарынан ғимараттың бір бөлігі опырылып, жарылыстың күшімен жақын маңдағы тұрғын үйлердің терезелері сынған.

    Оқиға салдарынан бес адам зардап шекті. Барлығы әртүрлі дәрежедегі күйік жарақаттарымен ауруханаға жеткізілді. Бір зардап шегуші жансақтау бөлімінде жатыр, қалғандарының жағдайы тұрақты, дәрігерлердің бақылауында.

    Қазіргі уақытта жарылыстың нақты себептері анықталып жатыр. Оқиға орнында тиісті қызметтер жұмыс істеп, газ жабдығын пайдалану кезіндегі қауіпсіздік талаптарының сақталуына тексеру жүргізілуде.

    Оқиға орнынан түсірілген бейнежазбалар әлеуметтік желілерде таралып жатыр

  • Шымкентте сегіз адамнан тұратын отбасы иіс газынан уланды

    Шымкентте сегіз адамнан тұратын отбасы иіс газынан уланды

    Төтенше жағдай салдарынан бір отбасының сегіз мүшесі зардап шекті, деп Sona.kz Otyrar.kz-ке сілтеме жасап хабарлайды.

    Ведомствоның мәліметінше, оқиға туралы хабар түскен бойда оқиға орнына құтқарушылар, сондай-ақ қалалық орта сапасы мен бақылау басқармасының өкілдері жедел түрде жеткен. Тексеру нәтижесінде зардап шеккендердің барлығы табиғи газдан уланғаны анықталды.

    Алдын ала мәлімет бойынша, оқиғаға тұрғын үйдегі түтін мұржасының қауіпсіздік талаптарына сәйкес келмеуі себеп болған. Атап айтқанда, түтін шығару жүйесінің дұрыс орнатылмауы немесе техникалық ақаулар иіс газының үй ішіне таралуына әкеп соққан.

    Қазіргі уақытта зардап шеккендердің жағдайы қанағаттанарлық деп бағаланып отыр. Барлығы дәрігерлердің бақылауында, тиісті медициналық көмек көрсетілуде.

    Оқиғаға байланысты Шымкент қаласының Төтенше жағдайлар департаменті тұрғындарға арнайы ескерту жасады. Мамандар газбен жұмыс істейтін жабдықтарды уақытылы тексеріп отыруға, түтін мұржаларының дұрыс орнатылғанына және олардың жарамды күйде болуына ерекше назар аударуға шақырады. Сонымен қатар, газ құрылғыларына техникалық қызмет көрсету үшін лицензиясы бар ұйымдармен келісімшарт жасау қажеттігі еске салынды.

    Құтқарушылардың айтуынша, иіс газы түссіз әрі иіссіз болғандықтан, адам өмірі мен денсаулығына аса қауіпті. Сондықтан тұрғындарды қауіпсіздік талаптарын қатаң сақтауға, профилактикалық шараларды елемеуге және күмәнді жағдайлар туындаған кезде дереу тиісті қызметтерге хабар беруге шақырды.

  • Астанада жас жігіт автобуста газ шашты

    Астанада жас жігіт автобуста газ шашты

    Астанада 18 жастағы жас жігіт қала автобусының ішінде газ баллоншасын шашты. Оқиға кезінде ол баллоншаны автобустан шығуға жақындаған досына бағыттаған.

    Жолаушылар бірден жөтеліп, тынысы таусылды, жүргізуші автобусты тоқтатып, есіктерін ашып, ауаны жаңартты және полицияға хабарлады. Ешкім зардап шеккен жоқ, медициналық көмек қажет болмады.

    Krispmedia деректері бойынша, құқық бұзушы тез анықталды. Сот оны ұсақ бұзақылық жасағаны үшін кінәлі деп тауып, 5 тәулікке қамауға алды.

  • Дәнекерлеушілер еңбегі – қала дамуының тірегі

    Дәнекерлеушілер еңбегі – қала дамуының тірегі

    2025 жылды ҚР Президентінің Жұмысшы мамандықтар жылы деп жариялауы – еңбек адамдарының қоғамдағы орнын айқындап, олардың еңбегіне жаңа серпін берді. Қала инфрақұрылымын жетілдіруде, жарық, су, газды үздіксіз жеткізуде дәнекерлеушілердің рөлі айрықша.

    Мамандардың айтуынша, дәнекерлеушілердің еңбегі – көзге көрінбегенімен, күнделікті тұрмыстың қалыпты жүруіне тікелей әсер етеді.

    35 жылдық тәжірибе

    Өмірзақ Үсенұлы электр энергиясын тасымалдау саласында 1988 жылдан бері еңбек етіп келеді. Қазір ол «АлатауЖарықКомпаниясы» АҚ-ның Қонаевтағы қосынында беделді маман ретінде танылған.

    «Біз таңертеңгі сағат 8.00-де жұмысқа кірісеміз. Сол уақыттан бастап тұрғындардан түскен өтініштерді орындап, ақауларды қалпына келтіреміз. Көбіне қосалқы станцияларда жұмыс істейміз. Бір сәттік қателіктің өзі жарық жүйесінде апатқа әкелуі мүмкін. Сондықтан біздің жауапкершілік өте үлкен», – дейді маман.

    Газ жүйесінің сенімділігі үшін

    Ерлан Мыңжасаров «Қапшағай аймағы газ жүйелері» ЖШС-де дәнекерлеуші болып қызмет атқарады. Оның айтуынша, бұл мамандықтағы бедел еңбек өтілі мен тәжірибе арқылы ғана қалыптасады.

    «Біздің қызметте лауазым разрядтармен өлшенеді. Оған жету үшін бірнеше жылдық тәжірибе қажет. Сондықтан бұл салада шыдамдылық пен жауапкершілік керек. Газ құбырлары дәнекерленгеннен кейін міндетті түрде 2-3 рет тексерістен өтеді. Біздің мақсатымыз – көгілдір отынды халыққа үздіксіз жеткізу», – дейді ол.

    Энергетика мен газ жүйесіндегі дәнекерлеушілердің еңбегі – қаланың тұрақты дамуының кепілі. Инфрақұрылымның мүлтіксіз жұмыс істеуі олардың кәсіби шеберлігі мен қажырлы еңбегінің нәтижесі.

  • Талдықорғанда жарылған көлікке қатысты жаңа дерек шықты

    Талдықорғанда жарылған көлікке қатысты жаңа дерек шықты

    4 наурыз күні Талдықорған маңындағы Еркін ауылында жеке тұрғын үйдің аумағында көлік жарылды. Оқиғаға қатысты QAZAQGAZ AIMAQ компаниясы пікір білдірді.

    Компанияның мәліметінше, төтенше жағдайлар қызметі оқиға орнына жетіп, қажетті жұмыстарды бастаған.

    «Оқиға орнында газ анализаторының көмегімен газдың шоғырлануын анықтау мақсатында газ құбыры бойында бұрғылау тексерісі жүргізілді. Сондай-ақ 50 метр радиуста газ ұңғымаларында және іргелес коммуникация ұңғымаларында жұмыстар атқарылды», – деді QAZAQGAZ AIMAQ АҚ Жетісу өндірістік филиалының апаттық-диспетчерлік қызметінің басшысы Вячеслав Рубан.

    Мамандар газдың таралғаны расталмағанын хабарлады. Техникалық тексеріс жүргізіліп, тиісті акт жасалды.

    Оқиға 4 наурыз күні таңертең болғанын еске саламыз. Үй иесі қыздарын мектепке апаруға дайындалып, көлігін оталдырған сәтте жарылыс болған. Көлік тұратын орын жермен жексен болып, үйдің бір қабырғасы қирады.

  • Алматыда 10 мыңға жуық пәтер мен үй газсыз отыр

    Алматыда 10 мыңға жуық пәтер мен үй газсыз отыр

    «QazaqGaz Aimaq» АҚ мәліметіне сәйкес, 16 қаңтар күні белгісіз тұлғалар кәріз құбырларын жүргізу кезінде орташа қысымды жерасты газ құбырын зақымдаған.

    – Оқиға асфальтты тесу кезінде жеке тұлғалардың кәсіби емес әрекеттері нәтижесінде болды. Осыған байланысты қазіргі уақытта «QazaqGaz Aimaq» АҚ Алматы өндірістік филиалының мамандары газ құбырының зақымдалған учаскесінде авариялық-қалпына келтіру жұмыстарын жедел орындауға кірісті, – деп хабарлады «QazaqGaz Aimaq» АҚ баспасөз қызметі.

    Авариялық-қалпына келтіру жұмыстары кезінде көп қабатты тұрғын үйлердегі 8048 пәтерге, жеке сектордағы 2543 үйге және 67 коммуналдық-тұрмыстық және өнеркәсіптік кәсіпорынға газ беру уақытша тоқтатылады.

  • Енді eGov mobile арқылы газға қосылуға өтініш беруге болады

    Енді eGov mobile арқылы газға қосылуға өтініш беруге болады

    Енді қазақстандықтар eGov mobile қосымшасы арқылы газға қосылуға онлайн өтініш бере алады.

    Қызмет QazaqGaz Aimaq АҚ-ның абоненттері үшін қолжетімді және жеке тұлғалар үшін тегін ұсынылады. Газға қосылуға арналған техникалық шарттар – бұл объектіні газ тарату жүйесіне қосу мүмкіндігін растайтын құжат. Қызметті объектінің иесі пайдалана алады. Ол үшін пайдаланушы қосымшада көрсетілген барлық міндетті толтырып, объектіге тіркелген құқығы туралы  мәліметтерді растау қажет, — деп жазылған компания таратқан хабарламада.

    Қызметті алу үшін пайдаланушы:

    • eGov mobile қосымшасында авторизациядан өтуі қажет және  «Қызметтер» бөліміне өтіп, «Жылжымайтын мүлік және ТКШ» – «Газ тарату желілеріне қосылуға техникалық шарттар беру» батырмасын басу керек;
    • Объектінің түрін көрсету және оны қосу үшін таңдау қажет;
    • Объектінің техникалық паспортын тіркеу керек;
    • Техникалық шарттың түрін, газбен жабдықтау жүйелеріне қосылу себебін және газдың талап етілетін шығынын көрсетуі шарт;
    • Газ жабдығының түрін таңдап, қосу, санын көрсетіп және «Жалғастыру» батырмасын басу керек;
    • Өтінімге Face ID/Touch ID арқылы қол қою керек.

    Өтінім дұрыс толтырылған жағдайда, қызмет көрсету нәтижесінде техникалық шарттар беріледі, оларды газ тарату ұйымы – QazaqGaz Aimaq АҚ ұсынады немесе негізделген бас тарту шешімі шығарылады.

    Қызмет көрсету мерзімі объектінің күрделілігіне байланысты: техникалық жағынан күрделі емес объектілер үшін 5 жұмыс күні, күрделі объектілер үшін 10 жұмыс күні.

    Жаңа функция Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ, Энергетика министрлігі және QazaqGaz Aimaq АҚ-мен бірлесіп іске асырылды.

  • Қашағанда мұнай мен газ өндіру қайта басталды

    Қашағанда мұнай мен газ өндіру қайта басталды

     Қашаған кен орнында мұнай мен газ өндіру қайта басталды. «Кеше Қашаған кен орнында күрделі жөндеу аяқталып, мұнай мен газ өндіру қайта басталды», – деп атап өтті Энергетика министрлігінен.

    Ведомство өкілдері өндірістің толық қуатта іске қосылмағанын, ал 1 қарашадан бастап толық қуатқа шығу жоспарланып отырғанын нақтылады. NCOC компаниясы 7 қазанда «Қашаған» кен орнының теңіздегі және құрлықтағы нысандарында жоспарланған техникалық қызмет көрсету жұмыстары басталғанын хабарлаған еді.

    «Қашаған» кен орны соңғы ондаған жыл ішінде ашылған ең ірі мұнай кен орындарының бірі болып саналады. Кен орнының өндірілетін қоры 9-13 млрд баррель мұнай аралығында деп бағаланып отыр. «Қашаған» кен орнынан коммерциялық мұнай өндіру 2016 жылдан бері жүргізіліп келеді.

  • Ақтөбеліктер ішімдік ішкен әйел кесірінен көгілдір отынсыз қалды

    Ақтөбеліктер ішімдік ішкен әйел кесірінен көгілдір отынсыз қалды

    Ақтөбеде спиртті ішімдік ішкен әйелдің кесірінен 550-ден астам пәтер көгілдір отынсыз қалды. Оқиға бүгін, таңғы сағат алты жарымда болған. «Мерседес» көлігімен келе жатқан 39 жастағы келіншек газ құбыры өтіп жатқан шұңқырға түсіп кеткен. Жүргізушінің өзі зардап шеккен жоқ. Сараптама нәтижесі оның ішімдік ішкенін көрсетті. Көлік құбырды зақымдап, сол маңдағы сегіз үй көгілдір отынсыз қалды. Қазір қалпына келтіру жұмыстары жүріп жатыр. Бұл шұңқырды әкімдіктің рұқсатымен жеке компаниялардың бірі қосымша газ құбырын тарту үшін қазғаны анықталды.

    «Жол көлік оқиғасы салдарынан зардап шеккендер жоқ. Өткізілген сараптамаға сәйкес, автокөлік жүргізушісі алкогольдік масаң күйде болғаны анықталды. Осы дерек бойынша әкімшілік хаттама толтырылып, сотқа шешім қабылдау үшін жіберілді», -деді Ақтөбе облыстық полиция департаменті баспасөз қызметінің жетекшісі Ерболат Сарқұлов.

  • Қашаған кен орны уақытша жабылады

    Қашаған кен орны уақытша жабылады

    7 қазанда Қашаған кен орны жөндеуге жабылады. Кен орнындағы жөндеу жұмыстары қарашаның басына дейін жалғасады.

    «Қашаған кен орнында жөндеу жұмыстары 7 қазанда басталып, 30 күнтізбелік күнге созылады», – делінген Энергетика министрлігінің баспасөз қызметі хабарламасында.

    Қашаған – Каспий теңізінің солтүстік бөлігінде орналасқан Қазақстанның қайраңды мұнай-газ кен орны. Соңғы 40 жылда ашылған әлемдегі ең ірі кен орындарының бірі.