Sona.kz

Метка: Израиль

  • Израиль Газаны қайта соққыға алды: екі айлық бейбітшілік аяқталды

    Израиль Газаны қайта соққыға алды: екі айлық бейбітшілік аяқталды

    Бұл шешім Израиль үкіметінің “саяси жағдайға байланысты” қабылдаған әрекеті деп түсіндірілді.

    Неліктен соққылар қайта жанданды?
    Израиль билігі ХАМАС-тың кепілге алынған адамдарды қайтару шарттарын орындаудан бас тартқанын себеп ретінде көрсетіп отыр. Бұған дейін тараптар арасында уақытша бітім орнаған болатын, бірақ келіссөздер нәтижесіз аяқталды.

    Шабуыл салдары
    Араб елдерінің ақпарат құралдары Израильдің шабуылдарынан бірнеше адамның қаза тапқанын және көптеген адамның жараланғанын хабарлады. Қазір Газа секторының түрлі аймақтарында жағдай шиеленісе түсуде.
    Халықаралық қауымдастық тараптарды келісімге келуге шақырса да, қақтығыстың қайта жандануы бейбіт шешімге қол жеткізудің қиындай түскенін көрсетіп отыр.

  • Израиль 110 палестиналық тұтқынды босатты

    Израиль 110 палестиналық тұтқынды босатты

    ХАМАС пен Израиль арасындағы тұтқындармен алмасудың үшінші кезеңінде босатылған палестиналық тұтқындармен бірге Қызыл Крест колоннасы Израильдің Офер түрмесінен кетті, деп хабарлайды «Анадолу».

    Агенттік Израиль Газадағы 3 израильдік тұтқынды, оның ішінде бір әскери тұтқынды босату үшін 110 палестиналықты босатты деп хабарлады. Колонна оккупацияланған Батыс жағалаудағы Офер әскери түрмесінен шығып, Рамаллаға бет алды.

    «Палестиналық тұтқындар Рамалла муниципалитетіне тиесілі мекемеде медициналық тексеруден өтеді» делінген хабарламада.

    Айта кетейік, атысты тоқтату туралы келісім жасалғаннан кейін ХАМАС барлығы 7 кепілге алынған әйелді босатты, алдымен үш, кейінірек тағы төрт әскери әйел қызметші жақындарымен қауышты.

    Террористердің кепілге алған 33 адамды босатуы үшін Израиль 1900-ге жуық палестиналықты, соның ішінде ауыр қылмыстары үшін сотталғандарды босатуға уәде берді.

  • Израиль мен ХАМАС арасындағы татулық туралы Қазақстанның ұстанымы қандай?

    Израиль мен ХАМАС арасындағы татулық туралы Қазақстанның ұстанымы қандай?

    Сыртқы істер министрлігінің ресми өкілі Айбек Смадияров Израиль мен ХАМАС арасындағы татулық туралы мәмілелерге қатысты Қазақстанның ұстанымын айтты.

    – Израиль мен ХАМАС арасындағы атысты тоқтату туралы келісімді қуаттаймыз. Қатар, Египет және АҚ мемлекеттерінің ара ағайындық талпыныстарын жоғары бағалаймыз. Бұл күш қолдануды тоқтатып, кепілдегілерді босатуға, Газа секторына гуманитарлық көмек жеткізуді күшейтуге жасалған маңызды қадам. Қазіргі жағдайда бұл ауадай қажет шаралар. Қазақстан әрдайым бейбітшілік жағында. Бұл келісімдер қақтығысты ерте реттеуге жасалған қадамдардың негізін салды деп үміттенеміз, – деді Смадияров. 

    Айбек Смадияров бұл мәселеде Қазақстан БҰҰ аясындағы негізгі шешімдерді ұстанатынын еске салды.

    – Қазақстан Палестина-Израиль қақтығысын «екі халыққа екі мемлекет» формуласы негізінде шешуді табанды түрде қолдап келеді. Бұл екі тәуелсіз мемлекет құру керек деген сөз. Палестиндіктер мен израильдіктер осы екі мемлекетте қаупісіз әрі бейбіт өмір кеше алар еді. Біз халықаралық қауымдастықтың ұзақ мерзімге бейбітшілік орнатып, әділдік қалыптастыруға бағытталған талпыныстарын қолдауға дайынбыз, – деді СІМ ресми өкіл

     

  • Израиль тұтқындарды босату бойынша ХАМАС-пен келісімге келді

    Израиль тұтқындарды босату бойынша ХАМАС-пен келісімге келді

    Израиль мен ХАМАС радикал тобы (ЕО мен АҚШ-та террористік ұйым танылған) атысты уақытша тоқтату және 2023 жылы 7 қазан күнгі шабуыл кезінде тұтқындалған израильдіктердің бір бөлігін босату бойынша келісім жасады. Бұл жөнінде Катардағы баспасөз жиыны кезінде премьер-министр Мұхаммед бин Абдулрахман әл-Тани мәлімдеді.

    Келісім жасалғанын Израиль билігі мен ХАМАС өкілдері де растады. Ол 19 қаңтардан бастап күшіне енеді.

    Израиль ақпарат құралдарының жазуынша, келісімге сәйкес, ХАМАС 33 израильдік тұтқынды босатады. Ал Израиль түрмеден ХАМАС-қа қатысы бар және израильдіктерге шабуыл жасады деп сотталған тұтқындарды қамаудан шығарады. Әрбір израильдік үшін ХАМАС – 30 тұтқын, әрбір әскери қызметкер үшін 50 сотталушы алады.

    Қанша тұтқынның тірі екені, қаншасы мерт болғаны әзірге айтылмайды.

    Израильдік 12-арнаның хабарлауынша, әуелі тірі қалған израильдіктер босатылады. Алғашқы үш тұтқын 19 қаңтарда босатылуы мүмкін. Жеті күннен кейін яғни, 26 қаңтарда тағы төрт тұтқын жіберілмек.

    Осыдан кейін ХАМАС әр апта сайын (14-күн, 21, 28, 35-күн) үш-үштен тұтқындарды босатып отырады. Соңғы аптасында қалған 14 тұтқын бостандыққа шығады.

    Келісім бойынша, атысты тоқтату мерзімі алты аптаға созылады. Осы уақыт аралығында Газа секторына 600 жүк көлігімен гуманитарлық көмек беріліп, Израиль әскері біртіндеп сектордан шығарыла бастайды.

    АҚШ-тың қазіргі президенті Джо Байден келісімді жылы қабылдап, оған қол жеткізуде Америка дипломатиясы маңызды рөл атқарғанын атап өтті.

    ХАМАС жетекшісі Халел әл-Хейя палестиналықтарға қолдау көрсеткен елдерге алғыс айтып, Ресейді де атады. Ол Газа сектор тұрғындарын атысты тоқтату туралы келісімге қол жеткізуімен құттықтап, бірақ Израильмен текетірес жалғаса беретінін айтты.

    Келісім жасалғаны жөнінде ақпарат тарағаннан кейін Газа секторының бірқатар қаласында жүздеген адам көшеге шығып, келісімді тойлаған. Израиль көшелерінде де жұрт тұтқындардың жуық арада оралатындығына қуанып, тойлай бастаған. Алайда израильдіктердің бір бөлігінің келісімге көңілдері толмайды, себебі тұтқындардың бір бөлігі ғана үйге оралмақ.

  • Халид Машаль ХАМАС басшысы болды

    Халид Машаль ХАМАС басшысы болды

     Trend Ливандық БАҚ таратқан ақпаратқа сәйкес, бұл Израиль армиясы ХАМАС саяси бюросының басшысы Яхья Синварды өлтіргеннен кейін болған оқиға.

    Хабарларға қарағанда, Халид Машаль қозғалыстың уақытша басшысы қызметін атқарып, қазір кепілге алынғандарды босату жөніндегі келіссөздерге қатысқан негізгі тараптармен барлық байланыстарға жауапты.

    Айта кетейік, бұған дейін ХАМАС көшбасшысы Яхья Синвар мерт болғаны туралы жазған едік. Израиль шенеуніктері мен ЦАХАЛ ХАМАС көшбасшысының көзі жойылғаны туралы ақпаратты растады.

  • Газаға үш айдан кейін алғаш рет әуеден гуманитарлық көмек тасталды

    Газаға үш айдан кейін алғаш рет әуеден гуманитарлық көмек тасталды

    Гуманитарлық жүк тиелген контейнерлер Газа секторына шілде айының ортасынан бері алғаш рет тасталды. Гуманитарлық жүк эксклавтың оңтүстігіндегі Хан Юнус қаласына белгісіз ұшақтардан тасталған.

    Өкініштісі, гуманитарлық жүк тиелген қораптардың бір бөлігі қоныс аударған палестиналықтардың шатырларына құлап, адамдар мерт болған.

    2023 жылдың 7 қазанында таңертең ХАМАС-тың әскери қанаты Изз ад-Дин әл-Қассам бригадалары Израильге қарсы «Әл-Ақса тасқыны» операциясының басталғанын жариялады.

    Бұған жауап ретінде Израиль армиясы Газа секторында ондаған жойғыш ұшақтарды пайдаланып, ХАМАС-қа қарсы «Темір қылыштар» операциясын бастағанын жариялады, бұл одан әрі Газа халқының қырғынына ұласты. 27 қазанда Израиль армиясы Газада құрлық операцияларын жүргізе бастады.

    2024 жылдың 7 қазаны, дүйсенбі күні Израильдің Газа секторына шабуылдарын бастағанына тура бір жыл болды.

    Израиль армиясының құрлықтан, теңізден және әуеден жаппай атқылауы эксклавта орасан зор қирау мен материалдық шығын әкелді. Газа секторы үкіметінің баспасөз қызметі Израиль армиясының бір жыл ішінде эксклавта «3650-ге жуық геноцид актісін» жасағанын хабарлады.

    Осыған дейін палестиналық ХАМАС қозғалысының шетелдік өкілдігінің басшысы Халид Машаль ұйымға басшылық ететінін жаздық.

  • Израильдің шабуылынан 2 мыңнан астам адам қаза тапты

    Израильдің шабуылынан 2 мыңнан астам адам қаза тапты

    Ал жараланғандар мыңнан асып кеткен. Мұны осы елдің төтенше жағдайлар комитетінің үйлестірушісі Насер Ясин мәлімдеді.

    Израиль Ливанның оңтүстігіндегі «Хезболла» қарулы тобының позицияларын қыркүйектің 23-де бомбалауға кірісіп, кейін көрші елге жаяу әскер кіргізді.

    Бұл операцияның мақсаты — еврей мемлекетінің солтүстігіне былтыр қазаннан бері мыңдаған зымыран атқан «Хезболланы» күйрету.

    Айта кетсек, «Хезболла» Израильмен соғысып жатқан «Хамасқа» көмектесу мақсатында қазір де Израильге ракеталық шабуыл жасап жатыр.

  • СІМ: Иран, Израиль, Ливандағы қазақстандықтар референдумда дауыс бермейді

    СІМ: Иран, Израиль, Ливандағы қазақстандықтар референдумда дауыс бермейді

    ҚР Сыртқы істер министрлігі Иран, Израиль, Ливанда Қазақстанның елшілігі күшейтілген режимде жұмыс істеп жатқанын мәлім етті. Аталған ведомствоның ресми өкілі Айбек Смадияровтың мәліметінше, осы үш елдегі күрделі ахуалға байланысты референдумның дауыс беру учаскелері жұмыс істемейді. Ондағы қазақстандықтар референдумға дауыс бермейді.

    «Соңғы бірнеше айда Таяу Шығыстағы жағдай айтарлықтай шиеленісті. Осыған байланысты Израиль, Иран және Ливандағы қазақстандық дипломаттар күшейтілген жұмыс режимде жұмыс істеп жатыр. Осы елдердегі Қазақстан азаматтарымен байланыс құрылды, олармен тұрақты байланыс бар. Елдегі жағдайға байланысты қажетті ұсыныстар беріледі. Қазақстанның елшіліктері әскери-саяси жағдайдың шиеленісуіне байланысты елден кету керектігін бірнеше рет жариялады», — деді Айбек Смадияров.

  • Қазақстандық әуекомпанияларға Иранның әуе кеңістігін айналып өту ұсынылды

    Қазақстандық әуекомпанияларға Иранның әуе кеңістігін айналып өту ұсынылды

    Қазақстандық әуекомпанияларға Иранның әуе кеңістігін айналып өту ұсынылды. Сейсенбіде Иран, Израиль, Иордания, Ирактың және аймақтың басқа елдерінің үстінен өтетін рейстерді билік тоқтатты, бұл әуекомпанияларды дереу әрекет етуге және рейстерінің бағытын өзгертуге мәжбүр етті. Көлік министрлігі бұл жағдайға қатысты пікір білдірді.

    «Таяу Шығыстағы жағдайдың шиеленісуіне байланысты қазақстандық әуекомпанияларға Иранның әуе кеңістігін айналып өтуге немесе баламалы бағыттарды таңдауға, сондай-ақ тиісті өңірде ұшу бойынша бұрын жолданған нұсқаулар мен ұсынымдарды басшылыққа алуға ұсынылады», – деді Көлік министрлігінің ресми өкілі Ләззат Стамғазиева.

  • Иран Израиль аумағын 200-ге жуық зымыранмен атқылаған

    Иран Израиль аумағын 200-ге жуық зымыранмен атқылаған

    Иран сейсенбінің кешінде Израиль аумағына 200-ге жуық зымыран жіберген. Ислам республикасының билігі Израильдің тек әскери нысандарына оқ жаудырғанын мәлімдеді. Бұған қоса кең ауқымды соғысты қаламайтынын жеткізді. Ислам революциясы сақшыларының корпусы, Хамас лидері Исмаил Хания мен «Хезболла» лидері Хасан Насралланың өлімі үшін кек алу мақсатында Израильге соққы бергенін мәлімдеді. Ал Израиль кек қайтарған жағдайда, Тегеран жойқын шабуылмен жауап беретінін де ескертті. Иранның ракеталарын Израиль АҚШ-тың эсминец кемелерінің көмегімен атып түсірген. Премьер-министр Биньямин Нетаньяху Иран Израиль аумағын баллистикалық зымырандармен атқылап, үлкен қате жібергенін және сол үшін жауап беретінін мәлімдеді. Тегеранның шабуылынан кейін Израиль әскерилері «Хезболла»-ның Бейруттегі нысандарына соққы берген.