Sona.kz

Метка: кәсіпкер

  • Алматылық кәсіпкер әйелінің шағымынан кейін ұсталды

    Алматылық кәсіпкер әйелінің шағымынан кейін ұсталды

    Алматы облысында алматылық кәсіпкер жұбайы Анель Амангалиеваның жүйелі түрде қудалау мен қорқыту туралы мәлімдемесінен кейін ұсталды. Бұл туралы облыстық полиция департаменті хабарлады.

    Құқық қорғау органдарының мәліметінше, ер адамға қатысты сталкинг дерегі бойынша қылмыстық іс қозғалған. Күдікті ұсталып, Қарасай ауданының уақытша ұстау изоляторына қамалды.

    Полиция өкілдері іс материалдары сотқа жолданғанын және мәні бойынша қаралатынын мәлімдеді. Тергеу мүддесіне байланысты өзге ақпарат жария етілмейді.

    Ведомствоның хабарлауынша, 29 жастағы әйел ер адамның мессенджерлер мен мобильді қосымшалар арқылы оны жүйелі түрде қудалап, психологиялық күйзеліске ұшыратқанын айтып арызданған.

    Бұған дейін Tengrinews.kz сайтына берген сұхбатында Анель Аманғалиева кәсіпкермен бірге тұрған кезең туралы айтқан.

    Оның сөзінше, жұбайы бірнеше рет күш қолданған, өлтіремін деп қорқытқан, интимдік фотосуреттер арқылы бопсалаған және беделіне нұқсан келтіру үшін жалған аккаунттар ашқан.

    Жәбірленуші өз өміріне қауіптенетінін де жеткізді. Іс бойынша түпкілікті шешімді сот қабылдайды.

  • Кәсіпкерлікті мемлекеттік қолдау жүйесінде ауқымды бұзушылықтар анықталды

    Кәсіпкерлікті мемлекеттік қолдау жүйесінде ауқымды бұзушылықтар анықталды

    Жоғары аудит палатасының төрағасы Әлихан Смайлов Мәжілісте кәсіпкерлікті мемлекеттік қолдаудың тиімділігін тексеру нәтижелерін таныстырды. Аудит алты жылдық кезеңді қамтыған, сол уақытта мемлекет кәсіпкерлікті қолдауға шамамен 4,5 трлн теңге бағыттаған. деп хабарлайды Sona.kz Nege.kz-ке сілтеме жасап.

    Аудит нәтижесі бойынша Ұлттық экономика министрлігінің ресми деректері кем дегенде екі есе төмен көрсетілген. Тексеру барысында бюджет қаражатының 133 млрд теңгесі тиімсіз жоспарланған және пайдаланылған, 132 млрд теңгесі қаржылық есептіліктің бұрмалануы, ал 13 млрд теңгесі тікелей қаржылық бұзушылықтар ретінде анықталған.

    Смайлов атап өткендей, кәсіпкерлікті мемлекеттік қолдау жүйесі фрагменттелген және айқын емес күйде қалып отыр. Елде көптеген құралдар, операторлар мен бағдарламалар бар, оларда кәсіпкерлерге бағдарлану қиын. Қолдаудың барлық кезеңін — өтініш беруінен бастап экономикалық тиімділігін бағалауға дейін қамтитын бірыңғай цифрлық платформаның болмауы жағдайды күрделендіреді.

    Жоғары аудит палатасының бағалауы бойынша, барлық мемлекеттік қолдаудың шамамен 90%-ы бес құралға тиесілі: несиелер бойынша пайыздық ставкаларды және шығыстарды субсидиялау, кепілдендірілген сатып алулар, несие беру және лизинг. Аудит барысында кейбір жобаларға қаржыландырудың шамадан тыс көбейтілуі анықталды: шығыстар жеңілдетілген несие сомаларына сәйкестендірілген. Құжаттар ресми түрде дұрыс рәсімделген, несиелер қызмет көрсетілген, бірақ қаражаттың бір бөлігі пайдаланылмаған.

    Аудиторлар ерекше назарды мемлекеттік қолдау алған кезеңде бизнес иелеріне дивиденд төлеуге аударды. Тікелей тыйым жоқ болса да, төленген дивидендтердің көлемі мемлекеттік көмектен асып кеткен жағдайлар алаңдатады.

    Аудит нәтижесі бойынша 14 материал құқық қорғау органдарына жолданады, 105 материал әкімшілік жауапкершілікке тарту үшін жіберіледі.

  • Алматы облысының кәсіпкері Президентке алғыс айтты

    Алматы облысының кәсіпкері Президентке алғыс айтты

    Алматы облысының жас кәсіпкері, Pul.vc венчурлік платформасының негізін қалаушы Бағлан Бауыржанұлы Олжабаев Мемлекет басшысы Қасым-Жомарт Тоқаевқа жастар мен инновациялық кәсіпкерлікті дамытуға ерекше көңіл бөлгені үшін алғыс білдірді.

    Кәсіпкердің айтуынша, Президенттің бастамалары жаңа буын кәсіпкерлері мен IT мамандардың қалыптасуына зор серпін беріп отыр.

    «Құрметті Қасым-Жомарт Кемелұлы! Қазақстанның жаңа элитасын – жас кәсіпкерлерді, инженерлер мен IT-мамандарды дамытуға ерекше назар аударып келе жатқаныңыз үшін алғыс білдіремін. Мемлекет пен кәсіпкерлердің бірлескен еңбегі арқылы Қазақстан инновациялар саласында өңірлік көшбасшы болатынына сенімдімін», – деді Олжабаев.

    Pul.vc платформасы бүгінде қазақстандық стартаптарды дамытуға, инвесторлар мен жас кәсіпкерлерді байланыстыруға ықпал етіп келеді. Оның негізгі мақсаты – әлеуеті бар жобаларды қолдап, оларға халықаралық нарыққа шығуға мүмкіндік беру.

    Кәсіпкердің айтуынша, стартап әлемінде алғашқы қадамдар оңай болмаған.

    «Кәсіпкердің жолы – құлап, қайта тұру. Инвестиция тарту, нарықты зерттеу, өнімге сұранысты анықтау – бәрі тәжірибе арқылы келеді. Ең бастысы – сенімді команда мен нақты мақсат», – деді Олжабаев.

    2024 жылы Pul.vc командасы «Qazinnovations» ұлттық агенттігінің грантын жеңіп алып, 20 млн теңгеден астам қолдау иеленді. Бұл қаражат жоба идеяларын іске асырып, венчурлік инвестиция тартуға мүмкіндік берді.

    Қазір компанияның капитализациясы 10 миллион АҚШ долларына жеткен. Pul.vc Сингапур моделі бойынша жұмыс істейді және бұл формат Орталық Азияда әзірге теңдесі жоқ.

    Бағлан Олжабаев Президенттің жастарға бағытталған саясатының нақты нәтижелерін атап өтті.

    «Қазір жастарға беріліп жатқан импульс өте маңызды. Бұрын мұндай мүмкіндіктер аз болатын. Енді инновация мен IT саласына қызығушылық артып келеді, ал Қазақстан аймақтық технологиялық орталыққа айналып жатыр», – дейді кәсіпкер.

    Бүгінде Алматы облысында жастар кәсіпкерлігін қолдау белсенді дамып келеді. Биылдың өзінде 100-ге жуық жас кәсіпкер грантқа ие болып, өз ісін бастаған.
    Pul.vc сияқты бастамалар өңірде инновациялық экожүйенің қалыптасуына жол ашып отыр.

  • Алматыда кәсіпкердің үйіне қарақшылықпен кіргендер ұсталды

    Алматыда кәсіпкердің үйіне қарақшылықпен кіргендер ұсталды

    Алматыда криминалдық полиция қызметкерлері кәсіпкердің үйіне жасалған қарақшылық шабуылды ашты. Бұл туралы Sona.kz қалалық Полиция департаментіне сілтеме жасап хабарлайды.

    Тергеу деректеріне сәйкес, қылмыс алдын ала жоспарланған. Үш күдікті кәсіпкердің үйіне баса-көктеп кірген. Сол сәтте үй иесі, оның жұбайы және баласы үйде болған. Қаскөйлер отбасы мүшелерін байлап, өлтіреміз деп қорқытып, құнды заттар сақталған сейфтің орнын көрсетуді талап еткен.

    Күдіктілер сейфтен ірі көлемде ақша мен зергерлік бұйымдарды алып кеткен. Келтірілген шығын көлемі шамамен 500 миллион теңгені құрады.

    Оқиғаға байланысты дереу жедел-іздестіру шаралары басталды. Қысқа мерзім ішінде қылмысқа қатысы бар күдіктілердің тұлғалары анықталып, ұсталды.

    «Криминалдық полицияның үздік қызметкерлерінің жұмылдырылуы арқасында қарақшылық шабуылға қатысы бар үш күдікті ұсталды. Олардың қолынан заттай дәлелдер алынды. Қазір күдіктілер уақытша ұстау изоляторына қамалды», — деді Алматы қаласы ПД бастығының бірінші орынбасары Қуатбек Науатов.

    Оның айтуынша, операция қылмыстың ауыр сипатына және келтірілген шығынның ірі көлеміне байланысты ерекше назарда болды.

    Аталған факті бойынша ҚК-нің «Қарақшылық» бабымен сотқа дейінгі тергеу басталды. Күдіктілер ұзақ мерзімге бас бостандығынан айырылуы мүмкін.

  • Кәсіпкерлерге арнайы салықтық режимге қалай көшуге болады: КГД түсіндірді

    Кәсіпкерлерге арнайы салықтық режимге қалай көшуге болады: КГД түсіндірді

    Қазақстанда 2026 жылдың 1 қаңтарынан бастап арнайы салықтық режимдерді (АСР) қолдануда өзгерістер күшіне енеді, деп хабарлайды Sona.kz Kazinform-ға сілтеме жасап.
    Мемлекеттік кірістер комитетінің арнайы салықтық режимдерді әкімшілендіру басқармасының басшысы Ерканат Шынбергеннің айтуынша, әрбір салық төлеуші санатына байланысты көшу тәртібі белгіленген:
    •Патент негізіндегі және мобильді қосымша арқылы жұмыс істейтін жеке кәсіпкерлер. 2026 жылдың 1 қаңтарынан бастап олар өздігінен жеке кәсіпкер ретінде тіркеуден шығуы тиіс (алғашқы чекті шығарғанға дейін). Егер өтініш берілмесе, мұндай ИП-ді салық органдары 1 наурыздан бастап автоматты түрде есептен шығарады.
    •Жеке тұлғалар. Есептен шыққаннан кейін олар өзін-өзі жұмыспен қамтыған деп танылады — алғашқы чек шыққан күннен немесе төлем құжатында көрсетілген айдан бастап.
    •Шаруа және фермер қожалықтары. 2026 жылдың 1 наурызына дейін салық органдары оларды автоматты түрде арнайы режимге ауыстырады.
    •Жеңілдетілген декларация, шегерім немесе бөлшек сауда салығы бойынша жұмыс істейтіндер. Егер 2026 жылдың 1 наурызына дейін өтініш берілмесе, олар 1 қаңтардан бастап жалпыға бірдей белгіленген режимге (ЖБР) көшіріледі.
    •Ауыл шаруашылығы өндірушілері мен кооперативтері. 2026 жылдың 1 қаңтарынан бастап олар ЖБР-ға көшеді, бірақ 70% салықтық жеңілдік сақталады.
    Бұған дейін жаңа жылдан бастап қазақстандықтар қандай салық төлейтіні хабарланған болатын.
  • Шымкентте оқушының өлімінен кейін екі кәсіпкер қамауға алынды

    Шымкентте оқушының өлімінен кейін екі кәсіпкер қамауға алынды

    Кешкісін далаға ойнауға шыққан бірінші сынып оқушысы Айдын Сәуірбай үйіне қайтып оралмаған. Іздестіру жұмыстары барысында жеткіншектің денесі іші суға тола шұңқырдан табылған болатын.

    Аталған аумаққа екі мердігер ұйым жауапты болған. Олар шұңқыр қазған, бірақ оны қоршамай, қауіпсіздік шараларын сақтамаған. Компаниялардың басшылары қауіпсіздікті қамтамасыз етпеді деген күдікпен ұсталды.

    – Оқиға орнында ешқандай қоршау немесе ескерту белгілері орнатылмаған. Компания басшылары қамауға алынды, – делінген Шымкент қалалық полиция департаментінің баспасөз қызметі ұсынған ақпаратта.

  • Қытайлық 100 аса кәсіпорын өз өнімдерін ұсынды

    Қытайлық 100 аса кәсіпорын өз өнімдерін ұсынды

    Қорғас халықаралық ынтымақ орталығында Шаньдунь провинциясы тауарөндірушілерінің экспортқа бағытталған алғашқы көрмесі өтті. Қытай елінің 100-ден аса кәсіпорны өз өнімдерін жұрт назарына ұсынып, сауда-саттық жасады. Ауыл шаруашылығы техникалары, құрылыс материалдары мен құрал-саймандар, басқа да тұрмыстық заттарды саудалауға  делдалсыз, тікелей келісімшарт жасауға мүмкіндік туды. Тауар өндірушілер Қазақстан нарығына сапалы өнімдерін ұсынып, тіпті инвестиция тартуға да ниет білдіріп отыр.

     «Біздің Шыңжаңда және Шандуньде екі зауытымыз бар. Жылына 200 тоннадан астам есік және терезеге қажет металл жабдықтарын шығарамыз. Алматы және Жетісу облысына экспорттауға және сол өңірлерге шағын зауыт салып беруге мүмкіндігіміз бар», — деді  аллюминий зауытының өкілі

    Жанг Жи Юн.

    Қазақстан тарапынан сауда жасауға бұл жолы 200-ге жуық кәсіпкер барып, қызығушылық танытты. Сондықтан мұндай экспортқа бағытталған көрме-жәрмеңкелерді алдағы уақытта Қазақстанда да өтпек. Жалпы Қорғас ынтымақ орталығының әлеуеті жылдан-жылға еселеніп, тәулігіне екі тараптан мыңдаған турист кіріп, арзан бағада сауда жасап қайтып жүр. Ал Қазақстан және Орталық Азия сауда саттық қауымдастығы ұйытқы болған шара екі ел арасындағы экономикалық қарым-қатынасты арттырары сөзсіз.

    «Өте үлкен мүмкіндік. Біз жаңа ғана шыны жүн шығаратын завод өкілдерімен сөйлестік. Олар бізге  келіп, Қазақстанға өзіміздің зауыттарды қойып,  қалай жұмыс істеу керек,  шикізатты қалай аламыз, барлығын үйретіп, көрсетеміз дейді. Бұл керемет.  Ондай ақпаратты  біз үй жақтан таба алмаймыз», — деді жеке кәсіпкер Айрат Талғатұлы.

     

     

     

     

  • «Әділетті Қазақстанды бірге құрайық!»: Еркін Тәтішев Президентке үндеу жолдады

    «Әділетті Қазақстанды бірге құрайық!»: Еркін Тәтішев Президентке үндеу жолдады

    Қазақстандық кәсіпкер Еркін Тәтішев Мұратхан Тоқмәдидің шартты түрде түрмеден босатылу мүмкіндігіне байланысты ҚР Президенті Қасым-Жомарт Тоқаевқа үндеу жолдады. Ол бауыры Ержан Тәтішевті өлтіру үшін ұйымдасқан қылмыстық топтың іс-әрекеті жайлы айтып, Мемлекет басшысына «Әділетті Қазақстанды» құру жолында көмектесуге дайын екенін жеткізді.

    «Қанды оқиға 2004 жылы желтоқсанда орын алды. Менің бауырым «Казкоммерцбанк», «Банк Тұран әлемнің»  негізін қалаушы, бизнестің түрлі салаларын дамытуға үлес қосқан кәсіпкер еді. Қылмыс Мұратхан Тоқмәдидің қолымен жасалса да, артында тұрғандар көп еді. Тапсырыс беруші – Мұхтар Әблязов, олардың құйтырқы әрекетін жасырушы – ҰҚК-нің сол кездегі басшысы генерал Дүтбаев. Олардың көздегені «Банк Тұран әлемге» иелік ету болатын. Мақсаттарына жетіп, банктің миллиард доллары қолды болды, қазақстандық банк жүйесі түбегейлі жойылды», — деді Еркін Тәтішев үндеуде.

    Кәсіпкер 14 жыл бойы әділеттілік үшін күрескендерін де алға тартты.

    «Біз отбасымызбен 14 жыл бойы әділет үшін күрестік. Бұл жолда бізге АҚШ-тың Луи Фри бастаған Федералды тергеу бюросы көмектесті. Олар қылмыстың қалай жасалғанын егжей-тегжейлі зерттеді, қазақстандық органдар да топтың іс-әрекетін тексеріп, бірқатар шешімдерге тоқталды. 2017 жылы ҰҚК мен басқа органдардың 10-нан астам маманы, генерал Дүтбаев сотталып, 3 жылдан соң ҰҚК-нің экс-басшысы мерзімінен бұрын босап шықты. Мұхтар Әблязовке өмір бойы бас бостандығынан айыру жазасы кесілді. Бірақ, ол әлі қашып жүр. Оған АҚШ пен Еуропа соттары да үкім кескен», — деді кәсіпкер.

    Еркін Тәтішев Мұратхан Тоқмәдиге кесілген үкіммен келіспейтінін де атап өтті. Сөзінше, қылмыскерге 10,5 жыл беру тым аздық етеді.

    «Құрметті Президент мырза! Менің бауырымды өлтіріп кеткеннен кейін елде коррупция белең алды. Жұрт бәсекелестерінен оңай құтылудың жолын тапты, банк жүйесі құлдырады. Қазақстан экономикасы бұдан да жақсы болуы мүмкін болғанын сіз басқалардан гөрі жақсы білесіз. Сіз Конституция мен заңның кепілісіз. Сондықтан аталған істі өзіңіз зерттеп шығуыңызды, әділ шешім шығаруыңызды сұраймын. Біз сізге «Әділетті Қазақстанды» құруға көмектесеміз. Себебі, өзіміз бірнеше жылдан бері сол жамандықтың құрбаны болып келеміз», — деп түйіндеді Еркін Тәтішев.

    Сондай-ақ ол қазақстандықтарды кез келген қылмысқа көз жұма қарамауға, күресуге шақырды.

    Естеріңізге сала кетейік, банкирді өлтірген Мұратхан Тоқмәди шартты түрде босауы мүмкін екені жайлы ақпарат 26 шілдеде тараған болатын. Бұл мәселе Ержан Тәтішевтің туысқандарының шағымынан соң кейінге қалдырылды. Іс Алматы облыстық сотының аппеляциялық алқасында қайта қаралуда.

     

    Посмотреть эту публикацию в Instagram

     

    Публикация от Yerkin Tatishev (@yerkintatishev)