Каспий теңізінде жер сілкінісі болғаны анықталды. Бұл туралы АЗЕРТАДЖ басылымына сілтеме жасап хабарлайды.
Әзербайжан Ұлттық Ғылым академиясы жанындағы Республикалық сейсмологиялық қызмет орталығының деректеріне сәйкес, жер асты дүмпулері Астана уақыты бойынша сағат 19:13-те болған.
Магнитудасы 3,6 болды, ал эпицентрі 58 км тереңдікте жатты.
2006 жылдан бері судың деңгейі 2 метрге төмендеген. Бұл құбылысты Ақтау тұрғындары да байқап, әлеуметтік желіге жүктеп жатыр.
Халық бірнеше жыл бұрын түсірілген қала жағажайы мен оның бүгінгі көрінісін салыстырып, теңіздің тартылу себебін анықтау қажет деп дабыл қағып жатыр. Әуесқой фотограф Қанатбек Кенжеғұлов үш жыл бұрын теңізде тастың үстіне қонақтаған қос шағаланы түсіріпті.
«Сол кезде жартастың екі ұшы су бетінде көрініп тұрды. Қазір су жағалаудан шегініп кеткен соң, басқа да ірілі-ұсақ тастармен бірге құрлыққа шығып қалды. Осыған қарап, Каспийдің қаншалықты тартылғанын байқауға болады», – дейді қала тұрғыны.
Экологтардың мәліметінше, теңіздің таяздануынан су түбіндегі қысым азайып, улы газдар бөлінуі мүмкін. Бұдан оның флорасы мен фаунасына қауіп бар.
«Мәселенің шешудің бір жолы – Каспий маңындағы бес мемлекет өзара келісімге келіп, айдынға жүзден астам өзеннен келіп құйылатын судың мөлшерін көбейту қажет», – дейді мамандар.
Өлген итбалықтардың көбі Түпқараған және Қарақия ауданынан табылған. 18 қараша күні балық инспекциясы мамандары шекара қызметімен бірлесіп, Құлалы, Теңіз, Подгорный аралдары, Қаражамбас және Қаламқас жеріне барлау жүргізді. Атқарылған жұмыс нәтижесінде жағажайда тағы 834 итбалық өлексесі табылған. Бұған дейін 1155 өлексе табылып еді. Әзірге теңіз суынан және итбалықтан алған сынама қорытындысы шыққан жоқ.
«Қазіргі таңда қорытындыны күтудеміз. Гидробиология және экология ғылыми ұйымының болжамы бойынша теңіздің ластануынан болуы мүмкін деген болжам бар. Балық шаруашылығы комитетінің болжамы бойынша теңіздің жерасты сілкінуінен, сондай табиғи құбылыстардан болуы мүмкін. Мониторинг жұмыстары тұрақты түрде жүргізіле береді», — деді облыстық Балық инспекциясы басқармасының бас маманы Дәурен Гарабаев.
Маңғыстау облысының Түпқараған ауданында Каспий теңізі жағалауынан жүз елуге жуық итбалық өлі табылды. Жануарлардың жаппай қырылуының нақты себебі әлі анықталған жоқ.
Баутино ауылы жанынан өлі итбалықтардың жүзден астам өлексесі табылғанын блогер және қоғам белсендісі Азамат Сәрсенбаев Instagram парақшасында хабарлады. Оның айтуынша, олардың саны бірнеше жүзге жетуі мүмкін.
«Жақында болған дауылдан кейін жағалауға жүздеген қызыл кітапқа енген итбалықтардың өлексесі шығып қалды. Қазіргі таңда ғалымдар тек 151 өлексені санап шықты», – деп атап өтті Азамат Сәрсенбаев.
Өлі жануарларды ғалымдар тапқан. Олар кейбір итбалықтардың денесінде механикалық зақымданулар бар екенін айтты. Қызыл кітапқа енген аталған сүтқоректілердің нақты қырылу себебі анықталып жатыр.
Бұл Маңғыстау облысында су жануарларының жаппай қырылуының алғашқы жағдайы емес. Бірнеше күн бұрын Каспий жағалауында үш өлі итбалық табылса, көктемде де ондаған өлі жануарлар жағалауға шығып қалған еді.