Sona.kz

Метка: мемлекет

  • Мемлекеттік активтер және сатып алу бөлімінің басшысы тағайындалды

    Мемлекеттік активтер және сатып алу бөлімінің басшысы тағайындалды

    Қонаев қаласы әкімінің өкімімен Мутталгазы Парасат Нурланулы мемлекеттік активтер және сатып алу бөлімінің басшысы лауазымына тағайындалды.

    Ол 1996 жылы Қонаев (бұрынғы Қапшағай) қаласында дүниеге келген. Білімі – жоғары, 2020 жылы Қазақ қатынас жолдары университетін қаржы мамандығы бойынша тәмамдаған.

    Еңбек жолын 2020-2021 жж. Қазақстан Республикасы Экология, геология және табиғи ресурстар министрлігіне қарасты «Орман шаруашылығы және жануарлар дүниесі комитетінің Ботаника және фотоинтродукция институты» ШЖҚ РММ кәсіпорнының директорының орынбасары лауазымын атқарды. 2021 жылдан Қапшағай қаласының экономика және бюджеттік жоспарлау бөлімінің бас маманы болған.
    ___

  • Қорғаныс тапсырысындағы миллиардтық ұрлық: сот нүкте қойды

    Қорғаныс тапсырысындағы миллиардтық ұрлық: сот нүкте қойды

    Астанадағы қылмыстық істер жөніндегі мамандандырылған ауданаралық сот мемлекеттік қорғаныс тапсырысына бөлінген қаржының ұрлануына қатысты резонанстық істі аяқтады, деп хабарлайды Sona.kz Қаржы мониторингі агенттігіне сілтеме жасап.

    Тергеу деректеріне сүйенсек, 2023 жылы РГП «Қазспецэкспорт» лауазымды тұлғалары мен жеткізуші компания өкілдері 1,6 млрд теңге бюджет қаржысын жымқырды деген күдікпен ұсталған.

    Сот үкімі бойынша РГП бас директоры Рамазанов А.К. 11 жылға, департамент директоры Кудабаев А.Т. 10 жылға бас бостандығынан айырылды. Қалған тоғыз айыпталушы да түрлі мерзімге сотталды.

    Сонымен қатар, мемлекет пайдасына 1,6 млрд теңге өндірілді, ал сотталушылардың 607 млн теңге тұратын мүлкі тәркіленді.

    Үкім әлі заңды күшіне енген жоқ.