Павлодар қаласында зейнеткерге қарақшылық шабуыл жасаған күдікті ұсталды. Оқиға 11 наурыз күні Камзин көшесіндегі көпқабатты үйлердің бірінде орын алған. Белгісіз ер адам подъезге кіріп, қарт әйелдің жеке заттарын тартып алуға әрекеттенген.
Полиция департаментінің мәліметінше, қаскөй алдымен лифт ішінде шабуыл жасап, кейін жәбірленушіні дәліз бойымен сүйреген. Күдікті зейнеткердің азық-түлік пен әмиян салынған сөмкесін иемденбек болған. Алайда, егде жастағы әйел қарсылық көрсетіп, сөмкесін бермеген соң, қарақшы оқиға орнынан қашып кеткен.
Тәртіп сақшылары бейнебақылау камераларындағы жазбаларды талдау арқылы күдіктінің жеке басын жедел анықтады. Ол бұрын сотталған Екібастұз қаласының тұрғыны болып шықты. Қазіргі уақытта ол ұсталып, уақытша ұстау изоляторына (УҰИ) орналастырылды.
Аталған факті бойынша ҚР Қылмыстық кодексінің тиісті бабымен қылмыстық іс қозғалды. Тергеу амалдары жүргізілуде. Полиция қызметкерлері ұсталған азаматтың осыған ұқсас басқа да қылмыстық эпизодтарға қатысы бар-жоғын тексеріп жатыр.
Павлодар облысының Полиция департаменті азаматтарды сақ болуға және осындай жағдайларда дереу «102» арнасына хабарласуға шақырады. Зейнеткерге қажетті медициналық және психологиялық көмек көрсету мәселесі қарастырылуда.
Метка: павлодар
-
Екібастұз тұрғыны Павлодарда қарт әйелді тонамақ болған
-
Павлодарда өңірлік палата жетекшісі 15 тәулікке қамауға алынды
Павлодар қаласында Республикалық жеке сот орындаушылары палатасының өңірлік филиалының басшысы ұсталды. 41 жастағы ер адам 21 ақпанға қараған түні кроссовер тізгінінде тоқтатылған.
Тексеру барысында оның орта дәрежедегі алкогольдік масаң күйде болғаны анықталған. Бұл факт медициналық куәландырумен расталды.
Сот отырысында ер адам кінәсін мойындаған. Оның айтуынша, жолға шығар алдында көп мөлшерде қымыз ішкен.
Іс Павлодар қаласының мамандандырылған ауданаралық әкімшілік құқық бұзушылықтар жөніндегі сотында қаралды.
Сот оны Әкімшілік құқық бұзушылық туралы кодекстің 608-бабы бойынша кінәлі деп таныды.
Сот қаулысымен оған 15 тәулікке әкімшілік қамау жазасы тағайындалып, 7 жыл мерзімге көлік құралын басқару құқығынан айырылды.
Қаулының заңды күшіне енген-енбегені туралы ақпарат нақтыланбады.
-
Полицейлерге шабуыл жасаған павлодарлық азамат бас бостандығынан айырылды
Павлодар қаласының қылмыстық істер жөніндегі ауданаралық соты билік өкілдеріне күш қолдану дерегі бойынша қылмыстық іс қарады, деп хабарлайды Sona.kz KazTAG-қа сілтеме жасап.
Сот Ж.-ны Қазақстан Республикасы Қылмыстық кодексінің 380-бабы 4-бөлігінің 1-тармағы бойынша кінәлі деп танып, оны орташа қауіпсіздік деңгейіндегі түзеу мекемесінде өтеу үшін үш жылға бас бостандығынан айыру жазасын тағайындады.
Бұған дейін қолданылған үйқамақ түріндегі бұлтартпау шарасы қамауға алумен алмастырылды. Сотталушы сот залында қамауға алынды.
Оқиға өткен жылдың шілде айында Павлодар қаласындағы караоке-барлардың бірінің маңында болған. Іс материалдарына сәйкес, үш баланың әкесі болып табылатын 39 жастағы ер адам мас күйінде полиция қызметкерлеріне балағат сөздер айтқан.
Сондай-ақ мекеме күзетшісі ер адамды сыртқа шығаруға көмектесу үшін полициядан көмек сұраған. Күдікті полицейлерден қашу мақсатында бар ішіне кіріп кеткен.
Заңды талаптарды орындаудан бас тартқан ер адам полиция қызметкерлерінің бірін санынан, екіншісін басынан тістеген.
Сот үкімі заңды күшіне енген жоқ және апелляциялық тәртіппен шағымдануға жатады.
-
Павлодарда: банк тоналуына қатысты жаңа мәліметтер белгілі болды
Павлодар облысының полициясы 2024 жылы болған Halyk Bank бөлімшесінің тонауына қатысты жаңа деректерді жариялады. Қылмыс жасалғанына екі жылға жуық уақыт өтсе де, іске қатысы бар тағы екі адам әлі іздеуде жүр, деп хабарлайды Sona.kz NewTimes.kz-ке сілтеме жасап.
Оқиға 2024 жылғы 10 қарашадан 11 қарашаға қараған түні Павлодар қаласындағы Естай көшесінде орналасқан тұрғын үйдің бірінші қабатындағы банк бөлімшесінде болған. Белгісіз тұлғалар жертөле жағынан қабырғаны бұзып кіріп, ақша мен құнды заттарды алып кеткен. Таңертең жұмысқа келген банк қызметкерлері ұрлықты анықтап, полицияға хабарлаған.
Құқық қорғау органдарының мәліметінше, алғашқы бес күдіктіні анықтауға шамамен екі апта уақыт кеткен. Алайда тергеу жалғасып жатыр. Тағы екі күдіктіге іздеу жарияланған.
Павлодар облысы полиция департаменті бастығының бірінші орынбасары Болат Нұрсейітовтің айтуынша, бұл іс бойынша халықаралық өзара іс-қимыл жүргізілуде. Жуырда облыстық полиция қызметкерлері Грузия мен Арменияға іссапармен барып, сол елдерде болуы мүмкін күдіктілерге қатысты қажетті тергеу шараларын өткізген. Аталған мемлекеттер тарапынан жан-жақты құқықтық көмек көрсетілген.
Жиналған материалдар Ресей Федерациясының прокуратурасына жолданады. Полиция өкілдері істің Ресейге берілуін күдіктілердің барлығы Ресей азаматтары болуымен түсіндірді. Олар экстрадицияланбайды және Ресей заңнамасына сәйкес жауапкершілікке тартылады.
Аталған қылмыстық іс бойынша шамамен 40 адам жәбірленуші деп танылған, олардың басым бөлігі Павлодар облысының тұрғындары. Тергеу амалдары жалғасуда.
-
Павлодар облысында нотариустардың атқарушылық жазбаларды заңсыз рәсімдеу фактілері әшкереленді
Павлодар облысының прокуратурасы өңірдегі екі нотариустың атқарушылық жазбаларды заң талаптарын бұза отырып жаппай рәсімдегенін анықтады, деп хабарлайды Sona.kz ҚР Бас прокуратурасына сілтеме жасап.
Атқарушылық жазба қарызды өндіріп алу тәртібін жеңілдететін механизм. Ол тек талаптар даусыз болған жағдайда және борышкер міндеттемені орындамағанын жазбаша мойындағанда ғана жасалады. Осыны нотариус растап береді.
Алайда тексеріс кезінде бұл талаптардың жүйелі түрде сақталмағаны белгілі болды. Екі нотариус жалпы 20 мыңнан астам атқарушылық жазба жасаған. Олардың біреуі 15 мыңнан аса құжатты шартсыз, қарыз сомасының есебінсіз және азаматтардың қарызды мойындаған жазбаша өтінішінсіз ресімдеген.
Тергеу нәтижесінде мұндай құжаттардың микроқаржы ұйымдары және коллекторлық агенттіктермен сөз байласу арқылы рәсімделгені анықталды. Бұл тұрғындардың заңсыз қаржы өндіріп алуға және несие тарихының нашарлауына тап болуына себеп болды.
Прокуратура заңсыз негізде атқарушылық жазбаларды жаппай жасау азаматтарды өз құқықтарын уақытылы қорғау мүмкіндігінен айырғанын атап өтті.
Тексеру қорытындысы бойынша ұсыныс енгізіліп, екі нотариус та лицензиясынан айырылды.
-
Павлодарда жеті жастағы балаға тілін кесуге әрекет жасалған
Павлодарда жеті жастағы оқушыға қатысты оқиға тергеліп жатыр. Баланың анасының айтуынша, 9 желтоқсанда он жастағы екі бала оның ұлын ұрып, қайшымен тілін кесуге әрекет жасаған, деп хабарлайды Sona.kz Jagdai-ға сілтеме жасап.
Полиция денсаулыққа жеңіл зиян келтіру фактісі бойынша қылмыстық іс қозғады. Қазір оқиғаға қатысы бар барлық тұлғалар анықталып жатыр.
Сонымен қатар, кәмелетке толмағандардың ата-аналарының іс-әрекетіне құқықтық баға беріледі. Оқиға Кәмелетке толмағандар ісі жөніндегі комиссияда қаралады.
-
Павлодарлық кәсіпкерді өлтірген күдікті Ресейден экстрадицияланды
Павлодарлық кәсіпкерді өлтірді деген күдікке ілінген Қазақстан азаматы Ресей Федерациясынан елімізге экстрадицияланды, деп хабарлайды Sona.kz ҚР Бас прокуратурасы сілтеме жасап.
Оқиға 21 ақпан күні болған. Сол күні кәсіпкер жұмысқа кетіп, байланысқа шықпай қалған. Осыған байланысты ол хабар-ошарсыз кеткен адам ретінде тіркелген. Досудебелік тергеу барысында жәбірленуші сол күні Павлодар қаласында күдіктімен оның үйінің ауласында кездескені анықталды.
Қаржылық келіспеушіліктер кезінде жанжал туындап, күдікті кәсіпкердің кеудесі мен бетіне 22 рет пышақ сұққан. Жәбірленуші алған жарақаттарынан оқиға орнында көз жұмған.
Қылмыстың ізін жасыру үшін күдікті марқұмның денесін және оның автокөлігін өз гаражына жасырған. Кейін ол Қазақстан аумағынан шығып, шетелге қашып кеткен. Наурыз айында ер адам Ресей аумағында ұсталып, Бас прокуратураның сұрауы бойынша экстрадицияланды.
Қазіргі уақытта күдікті тергеу изоляторына қамалды. Оған тағылған айып бойынша 8 жылдан 15 жылға дейін бас бостандығынан айыру жазасы қарастырылған.
-
Павлодарда балаларын терезеден лақтырған әйел қылмыстық жауапкершіліктен босатылды
Оған қарсы қылмыстық іс екі бап бойынша тергелген: ҚР ҚК 99-бап 3-бөлігі – «Кәмелетке толмаған баланы өлтіру» және ҚР ҚК 24-бап 3-бөлігі, 99-бап 3-бөлігі – «Кәмелетке толмаған баланы өлтіруге әрекет». Бірінші бап бойынша өмір бойына бас бостандығынан айыру қарастырылғанымен, Қазақстанда әйелдерге бұл жазба тағайындалмайды.Сот шешімі бойынша павлодарлық әйел толықтай қылмыстық жауапкершіліктен босатылды.Соттың айтуынша:«Қоғамға қауіпті қылмысты жасаған кезде ақыл-есінен айрылғандықтан қылмыстық жауапкершіліктен босату. Арнайы қатаң бақылаудағы психиатриялық стационарда міндетті емдеуді тағайындау» — деді Павлодар облысының арнайы ауданаралық қылмыстық істер сотының судьясы Жанна Нығыбаева.Оқиға тарихы2025 жылдың 30 шілдесінде сағат 13:00-де дәрігерлерге әйелдің екі баласын терезеден лақтырып, өз-өзіне де қол жұмсағаны туралы хабар түскен. Кейін полиция іс қозғаған.•Сол күні жасөспірімнің бір бөлігіне хирургиялық операция жасалып, бүйрегі алынған. Операция кезінде жүрегі тоқтап, бірақ дәрігерлер оны қайта тірілткен.•1 тамызда кішкентай ұлдың жүрегі қайта тоқтаған.•Үш аптаның ішінде үлкен ұл ауруханадан шығарылған, оған бір жылдық қалпына келтіру қажет.•Тамыз айының соңында әйел де ауруханадан шыққан.•Қазан ортасында қылмыстық істі тергеу аяқталғаны белгілі болды, қазіргі уақытта әйел психикалық денсаулық орталығында орналасқан.Сот ісі жабық режимде өтіп, қоғамға қауіпті іс кезінде ақыл-есінен айырылған адамдардың құқықтық қорғанысы мен психикалық жағдайын ескеруді көрсетті. -
Павлодарда екі педофил сотталды: ағайынды жәбірленушілерге өтемақы төленеді
Павлодар облысында 24 және 23 жастағы екі жігіт кәмелетке толмаған ағасы мен қарындасына зорлық-зомбылық көрсеткені үшін сотталды. Сот олардың әрқайсысын ұзақ мерзімге бас бостандығынан айырып, жәбірленушілерге – ағайынды екі жасөспірімге – 1 млн теңгеден моральдық өтемақы төлеуді міндеттеді.
Оқиға 2024 жылдың қарашасында белгілі болды. Алдымен полиция 15 жастағы колледж студентінің зорлыққа ұшырауын тергеген. Тергеу барысында оның 16 жастағы ағасы да жәбір көргені анықталды. Күдіктілер қамауға алынып, жасөспірімдер аналарының қасында дағдарыс орталығына орналастырылды.
Тергеу мәліметінше, негізгі айыпталушы қызды 10 жасынан бастап бірнеше рет зорлаған. 2024 жылдың сәуірінде ол сыбайласымен бірге кәмелетке толмағанды 5 мың теңге үшін жыныстық қатынасқа мәжбүрлеген. Қыз алғашында күш қолданылғанын, кейін ақшаға келіскенін айтты.
Сараптама оның ағасының да зорлық көргенін растады. Сот жәбірленушілердің сөзіне толық сенді.
Сот шешімімен айыпталушылардың бірі 22 жылға, екіншісі 15 жылға бас бостандығынан айырылды. Олар жазасын орташа қауіпсіздік колониясында өтейді. Сонымен қатар, әрқайсысы жәбірленген ағайындыға 1 млн теңгеден өтемақы төлейтін болды.
Қазір жасөспірімдер колледжде оқып жатыр, аналары отбасын асырау үшін жұмыс істейді. Жәбірленушілердің өкілі қыздың бастапқыда өтемақы талап етпегенін, бар тілегі – бұл оқиғаны ұмыту екенін айтты.
-
Семь школьников получили ожоги после эксперимента с химией в Павлодаре
В Павлодаре семь учеников шестого класса школы №37 получили ожоги рук, лица и глаз после эксперимента с бытовым средством «Крот», напитком и фольгой на школьном футбольном поле, передаёт Sona.kz со ссылкой на областную детскую больницу.
Сигнал о происшествии поступил в 12:49, к школе прибыли две бригады скорой помощи. Пострадавшие доставлены в областную детскую больницу. По данным медиков, угрозы жизни нет, тяжёлых случаев зафиксировано не было.