Sona.kz

Метка: Пойыз

  • Көктемде «Астана – Талдықорған» пойыз бағыты іске қосылады

    Көктемде «Астана – Талдықорған» пойыз бағыты іске қосылады

    Қазақстан Республикасының Көлік министрлігі Астана мен Талдықорған қалалары арасында жаңа теміржол қатынасы іске қосылатынын хабарлады, деп хабарлайды Sona.kz Jol Ortalygy-на сілтеме жасап.

    Ведомство мәліметінше, жаңа маршрут Мəжіліс депутаттарының бастамасымен ұсынылып, «Жолаушылар тасымалы» АҚ-мен бірлесіп жүзеге асырылған.

    Пойыздың алғашқы қатынасы сәуір айына жоспарланған және Талдықорған қаласындағы қайта жаңғыртылған теміржол вокзалының ашылуымен тұспа-тұс келеді.

    Бастапқы кезеңде жолаушылар тасымалы үшін екі вагон қарастырылған. Олар күн ара қатынап, №122/121 «Нұрлы жол – Семей» пойызының құрамында жүреді.

    Вагондар Аягөз емес, Ақтоғай станциясында қайта тіркеліп, одан әрі Талдықорған бағытына жөнелтіледі.

    Көлік министрлігі бұл бағыт өңірлер арасындағы көлік қолжетімділігін арттыруға бағытталғанын атап өтті.

    Сондай-ақ ведомство өкілдері жолаушылар ағыны тұрақты болған жағдайда, пойыз құрамын ұлғайту мүмкіндігі қарастырылатынын мәлімдеді.

    Жаңа бағыт елорданы Жетісу өңірімен теміржол арқылы тікелей байланыстыруға мүмкіндік береді.

  • Қазақстан әскери қызметкерлеріне пойызбен тегін жүру мүмкіндігі беріледі

    Қазақстан әскери қызметкерлеріне пойызбен тегін жүру мүмкіндігі беріледі

    Қазақстанның әскери қызметкерлері мен олардың отбасы мүшелері ел аумағында жолаушылар пойызымен тегін жүру құқығына ие болады. Бұл туралы Ұлттық ұлан хабарлады, деп хабарлайды Sona.kz Syrmedia.kz-ке сілтеме жасап.

    Мәліметке сәйкес, 2026 жылғы 1 қаңтардан бастап барлық күштік құрылымдардың әскери қызметшілері жылына бір рет Қазақстан аумағында жолаушылар пойызымен тегін жол жүре алады. Аталған шара әскери қызметшілер мен олардың отбасыларын әлеуметтік қолдауға бағытталған.

    Жеңілдік тек ел ішіндегі жолаушылар пойыздарына қатысты және халықаралық бағыттарға қолданылмайды.

    Тегін жол жүруге байланысты шығындарды «Қазақстан темір жолы» ұлттық компаниясы өтейтін болады.

  • «Пойыздағы төменгі орын дауы: жолаушылар бағаны қымбаттатуды ұсынды»

    «Пойыздағы төменгі орын дауы: жолаушылар бағаны қымбаттатуды ұсынды»

    Қазақстанда пойыздағы орын бөлу мәселесі тағы да талқыланып жатыр. Бұған бір жолаушының шағымы себеп болды: оның айтуынша, билет төменгі орынға сатып алынғанымен, жиі үлкен жастағы адамдарға беруге тура келеді, деп хабарлайды Sona.kz Tengrinews.kz-ке сілтеме жасап.

    Айтуынша, мұндай жағдай жиі қайталанады. Проводниктер әдетте араласпайды, ал үлкен жастағы жолаушылардың уәжі бір — «дәстүр бойынша жастар орын беруі тиіс». Осыған байланысты ол КТЖ-ға ұсыныс жасады: жасы үлкен адамдарға жоғарғы орын билеттерін сатпау.

    «Пассажир тасымалы» компаниясы мұндай шектеулер ережелерде қарастырылмағанын мәлімдеді.

    «Вагондағы барлық орын тең. Жолаушы өз таңдаған әрі ақысын төлеген орынды алуға құқылы», — деп хабарлады баспасөз қызметі.

    Дегенмен әлеуметтік желідегі пікірталас мәселенің өзектілігін көрсетті. Бірі жас шектеуін қолдаса, енді бірі орын беру — әркімнің жеке таңдауы екенін айтады. Ал тағы бір ұсыныс — төменгі орын бағасын қымбаттату.

    Компанияда тариф пен тасымал ережелерін Көлік министрлігі бекітетінін айтты. Перевозчик өздігінен баға немесе шарттарды өзгерте алмайды.

    Сондықтан әзірге жолаушыларға билет алдын ала сатып алып, өзіне ыңғайлы орынды таңдауға кеңес берілді.

  • Шығыс Қазақстан облысында пойыз екі әйелді қағып кетті: біреуі қаза тапты

    Шығыс Қазақстан облысында пойыз екі әйелді қағып кетті: біреуі қаза тапты

    22 тамыз күні таңертең Шығыс Қазақстан облысында теміржолда қайғылы оқиға тіркелді. Қоршунова – Өскемен-1 аралығында пойыз екі әйелді қағып кетті, деп хабарлайды Sona.kz Kriminal Kazakhstan Telegram-арнасына сілтеме жасап.

    «Қазақстан темір жолы» АҚ мәліметінше, машинист жолда адамдарды байқап, шұғыл тежегішті басқан. Бірақ пойызды тоқтату мүмкін болмай, соқтығыс орын алған.

    Оқиға салдарынан бір әйел алған жарақатынан оқиға орнында көз жұмды. Екінші әйел ауыр жарақат алып, ауруханаға жеткізілді. Оның жағдайы дәрігерлердің бақылауында.

    Компания марқұмның туыстарына көңіл айтып, зардап шеккенге тез сауығып кетуін тіледі. Сонымен қатар, КТЖ азаматтарды теміржол маңында қауіпсіздік ережелерін қатаң сақтауға шақырды.

  • Қызылорда-Астана пойызының дәретханасында босанған бойжеткен сәбиін терезеден лақтырып жіберген

    Қызылорда-Астана пойызының дәретханасында босанған бойжеткен сәбиін терезеден лақтырып жіберген

    Қызылордадан Астанаға бағыт алған пойыздың дәретханасында жолаушы әйел босанып, сәбиін терезеден лақтырып жібергені туралы ақпарат тарады. Оқиғаға қатысты Көліктегі Полиция департаменті түсініктеме берді.

    Желіде таралған ақпаратқа сүйенсек, пойыз Астанаға 20 сәуір күні таңғы сағат 5 шамасында жетуі керек болатын. Пойыз жолаушыларының бірі түнде оянғанда қан-жоса болған еденді жолсеріктің жуып жатқанын көрген. Оның айтуынша дәретхана да қанға боялған. Жолаушы қан ізімен жүріп өткенде төсегінде қансырап жатқан әйел адамды көрген. Сұрастырса, әйел адам пойызда босанып, сәбиін терезеден лақтырып жібергенін анықтады. Өкінішке қарай, сәби алған жарақатынан шетінеп кеткен.

    Желідегі мәліметке сүйенсек, жүкті әйел 9 айында босанған. Ал жүктілігінің бесінші айында есепке тұрыпты.

    Оқиғаның анық-қанығы әзірге белгісіз. Істің анық-қанығы жайында ҚТЖ былай деді:

    «Бұл жағдай «Жолаушылар тасымалы» АҚ пойызында болған жоқ. «Қызылорда-Астана» бағытына қызметін Қазақстан Республикасы Көлік министрлігі реттейтін үш жеке тасымалдаушы жүзеге асырады. Естеріңізге сала кетейік, «Жолаушылар тасымалы» АҚ-мен қатар Қазақстан Республикасында жолаушылар тасымалы нарығында 14 жеке оператор жұмыс істейді», – деп жауап берді «Қазақстан Темір Жолы».

    Өз кезегінде Көліктегі полиция департаменті оқиғаға қатысты тергеу жүріп жатқанын айтты.

    «Бұл факті бойынша тергеу жүргізіліп жатыр. Оның аясында тиісті процестік шешімдер қабылданатын болады. Болған оқиғаның мән-жайы белгіленеді», – делінген Көліктегі Полиция департаментінің түсініктемесінде.

  • Семейде жүк пойызы әйел адамды басып кетті

    Семейде жүк пойызы әйел адамды басып кетті

    Abainewskz тelegram арнасының хабарлауынша, оқиға 14 сәуір күні сағат 16:30 шамасында Дулатов көшесіндегі теміржол өткелінде болған.

    Telegram арна өткелде пойыздың өтуін күтіп тұрған көліктің бақылау камерасынан түсірілген видеоны жариялады.

    Кадрларға қарағанда, әйел асығыстық танытып, вагондардың астымен жүріп өткен, бірақ сол сәтте пойыз қозғала бастап, әйелді басып өткен.

    Оқиға куәгерлері жәбірленушіні дереу дөңгелектердің астынан шығарып алғанымен, әйел алған жарақатынан көз жұмды.

    Көліктегі полиция департаменті абайсызда адам өліміне әкеп соқтырған теміржол қауіпсіздігі ережелерін бұзу дерегі бойынша қылмыстық іс қозғағанын хабарлады.

  • Маңғыстауда ер адамды пойыз қағып кетті

    Маңғыстауда ер адамды пойыз қағып кетті

    «2025 жылғы 28 ақпанда сағат 21:46-да Боранқұл станциясында пойыз бөгде адамды қағып кетті. Алдын ала мәлімет бойынша, ол қауіпсіздік ережелерін бұзып, теміржолды белгіленбеген жерден өтіп бара жатқан. Зардап шегуші Бейнеу станциясының аудандық ауруханасына жеткізілді. Оқиға туралы ақпарат Маңғыстау станциясының желілік полиция бөліміне берілді», – деп хабарлады «Қазақстан темір жолы» АҚ баспасөз қызметі (ҚТЖ).

    Бейнеу орталық аудандық ауруханасының мәліметінше, жедел жәрдем станциясына хабарлама 2025 жылғы 28 ақпанда сағат 21:30-да түскен. Келіп жеткен дәрігерлер зардап шегушіні емдеу мекемесіне жеткізді.

    1989 жылы туған ер адам 2-дәрежелі зақымданудан есеңгіреу және алкогольдік масаң күйде болған.

    Дәрігерлер екі аяғын кесіп, ота жасады. Жалпы жағдайы ауыр, гемодинамикасы тұрақты. Есін біледі. Жүрек-қантамыр жүйесі тұрақты. Реанимация бөлімінен травматология бөліміне ауыстырылды.

    Пойыздың қозғалыс басталған сәтінде адамды басып кету фактісі бойынша «Теміржол көлігіндегі қозғалыс қауіпсіздігі немесе пайдалану ережелерін бұзу, абайсызда адам денсаулығына ауыр немесе орташа ауыр зиян келтіру» бабы бойынша қылмыстық іс қозғалды, — деп хабарлады көлік департаментінің баспасөз қызметі.

    ҚТЖ темір жолдың қауіпті аймақ екенін еске салды.

  • Көкшетауда әйел адам пойыз астына түсіп, мерт болды

    Көкшетауда әйел адам пойыз астына түсіп, мерт болды

    Ақмола облысында жан түршігерлік оқиға болды. Макинск қаласында туған күніне бірнеше апта қалғанда әйел адамды пойыз қағып кетті. Бұл туралы Nayzakokshe басылымы хабарлайды.

    Қайғылы оқиға 23 желтоқсанда кешкі сағат 19.00 шамасында болған. Бұланды аудандық полиция бөліміне №327 «Қарағанды-Қостанай» жолаушылар пойызының машинисті шұғыл тежеу ​​туралы шешім қабылдағаны туралы теміржол вокзалының кезекшісінен телефон хабарламасы келіп түсті.

    Анықталғандай, белгісіз әйел пойыз астына секіріп кетіп, мерт болды. Оқиғаның мән-жайы анықталып жатыр. Оқиға орнына жедел жәрдем жеткенмен, әйел адам алған жарақатынан тіл тартпай кетті.

    «Куәгерлердің айтуынша, 36 жастағы әйел пойыз астына өзі секірген. Ол бірнеше аптадан кейін болатын туған күніне жете алған жоқ», – делінген хабарламада.

  • Ақмола облысында көлік пойызбен соқтығысып, үш адам қаза тапты

    Ақмола облысында көлік пойызбен соқтығысып, үш адам қаза тапты

    30 қазанда түнде Степногорск-Заводский тасжолында жолаушылар мінген жеңіл көлік пойызбен соқтығысты. Апат салдарынан үш адам қаза тапты.

    Ақмола облысы Полиция департаментінің мәліметінше, Audi B4 маркалы автокөлік үш бос цистернасы бар локомотив құрамымен бір жолды теміржол өткелінде соқтығысқан.

    «Апат салдарынан оқиға орнында көлік жүргізушісі қаза болды, екі жолаушы ауруханада қайтыс болды, тағы үш жолаушы түрлі жарақаттармен Степногорск ауруханасына жеткізілді», — деп хабарлады полиция.

    Қазіргі уақытта тергеу аясында жол-көлік оқиғасының мән-жайы мен себептері анықталып, қажетті тергеу әрекеттері жүргізіліп жатыр.

  • Үш жылда 14 нәресте пойызда өмірге келді

    Үш жылда 14 нәресте пойызда өмірге келді

    Жолаушы Кенжеева күйеуімен бірге жүктіліктің соңғы айында Шымкенттен елордаға сапарға шыққан. 21 қазаннан 22 қазанға қараған түні №86 «Шымкент-Астана» пойызында келе жатып, жолаушының толғағы басталды. Сағат 23:30-да күйеуі пойыз қызметкерлерінен шұғыл көмек сұрады.

    Пойыз бастығы Гүлшат Қарақұлова мен жолсерік Анар Адамбаева жедел түрде барлық қажетті шараны қабылдап, жолаушының аман-есен босануына көмектесті. Нәтижесінде, 21 қазан күні сағат 23:55-те қыз бала дүниеге келді, – деп мәлімдеді «Жолаушылар тасымалы» АҚ.

    Баспасөз қызметінің мәліметінше, пойыз бригадасы өз қызметтік міндеттеріне сай әрекет етіп, вагонда босанған әйелге қажетті барлық жағдайды жасады. Сары-Шаған стансасына жеткенде жедел жәрдем шақырылып, жас ана мен жаңа туған нәресте дәрігерлердің қарауына тапсырылды.

    Пойыз бригадаларының қызметкерлері үнемі алғашқы медициналық көмек көрсету және төтенше жағдайларда әрекет ету бойынша арнайы дайындықтан өтеді. Соңғы 3 жыл ішінде «Жолаушылар тасымалы» АҚ пойыздарында 14 нәресте туған.