Sona.kz

Метка: РЕФЕРЕНДУМ

  • Елде референдум бойынша дауыс беру аяқталды

    Елде референдум бойынша дауыс беру аяқталды

    Сағат 20:00 референдум бойынша дауыс беру аяқталды. Содан кейін дауыстарды санау басталады.

    19:00-дегі ақпаратқа сәйкес, 7,5 млн-нан астам азамат өз таңдауын жасады. Бұл тізімге енгізілген азаматтардың 61 пайызы. Жалпы елімізде 10 323 дауыс беру учаскесі жұмыс істеді. Ал дауыс беру құқығына ие 12 244 683 адам бар. Қазақстан аумағынан тыс 59 елде 74 референдум учаскесі құрылды.

     

    «Сағат 19.00-дегі жағдай бойынша  шетелде 13   учаскенің жұмысы аяқталды, 7358 астам Қазақстан азаматы өз дауысын берді (дауыс беруге 59,79 % қатысты). 60 сайлау учаскелері әлі өз жұмысын жалғастыруда. Атап айтқанда,  Орталық Азия, Таяу және Орта Шығыс, Еуропа, Оңтүстік Америка және АҚШ елдерінде. Тағы 1 Сан-Франциско қаласындағы учаске Астана уақыты бойынша сағ. 20.00-де ашылады.Еске сала кетейін, Қазақстанның шет елдердегі мекемелері жанынан 59 мемлекетте 74 учаскелік референдум комиссиясы құрылған болатын, дауыс беретін сайлаушылардың жалпы саны 12 307″, — деді ҚР Сыртқы істер министрінің орынбасары Роман Василенко.

  • Халықаралық байқаушы:референдум жоғары деңгейде өтіп жатыр

    Халықаралық байқаушы:референдум жоғары деңгейде өтіп жатыр

    «Республикалық референдум жоғары деңгейде өтіп жатыр». Астанаға келген шетелдік байқаушылар бүгінгі науқанға осылай баға берді. Олардың айтуларынша, таңнан бері бірнеше учаскеде болған. Қала тұрғындары бұл науқанның маңызды екенін түсініп, белсенді қатысып жатыр дейді. Сондай-ақ, көпшілігі отбасымен келіп, үлкен қызығушылық танытуда. Комияссия мүшелері де. тас түйін дайын келген.

    «Таңнан бері 5-6 дауыс беру учаскесінде болдық. Кешке дейін дәл солай бірнеше учаскеге барамыз. Бұған дейін 60 елде байқаушы болды. Қазақстанда, менің байқағаным, референдум жоғары деңгейде өтіп жатыр. Әсіресе, халық белсенді. Бәрінде мерекелік көңіл-күй», — деді халықаралық байқаушы Ираклий Хорбаладзе.

    Бүгінгі референдумды әлемнің 30 елінен 177 байқаушы қадағалауда.  Олар Америка Құрама Штаттары, Ұлыбритания және Солтүстік Ирландия Біріккен Корольдігі, Франция, Ресей, Испания, Қытай, Беларусь, Грузия, Жапония сынды 30 мемлекеттен келген өкілдер. Одан бөлек, 4 халықаралық ұйымның өкілдері қатысуда. Бұл қатарда Тәуелсіз мемлекеттер достастығы ұйымы, Шанхай ынтымақтастық ұйымы және Түркі мемлекеттерінің ұйымы мен Азиядағы өзара іс-қимыл және сенім шаралары жөніндегі кеңес бар. Сондай-ақ референдумда 37 мемлекеттен 200 шетелдік журналист хабар таратып жатыр.

  • Референдумда дауыс бергендер саны 7,5 млннан асты

    Референдумда дауыс бергендер саны 7,5 млннан асты

    АЭС бойынша референдумда 7,5 млн адам өз таңдауын жасады. Бұл туралы Орталық референдум комиссиясының мүшесі Асылбек Смағұлов айтты.

    Комиссия мүшесінің атап өтуінше, сағат 18:00-дегі жағдай бойынша 7 537 675 азамат бюллетень алды. Бұл тізімге енгізілген азаматтардың 61,56 пайызын құрайды.

    Оның ішінде:

    1. Абай облысы бойынша – 64,24%

    2. Ақмола облысы бойынша – 68,98%

    3. Ақтөбе облысы бойынша – 72,31%

    4. Алматы облысы бойынша – 67,77%

    5. Атырау облысы бойынша – 60,8%

    6. Батыс Қазақстан облысы бойынша – 64,41%

    7. Жамбыл облысы бойынша – 57,76%

    8. Жетісу облысы бойынша – 64,24%

    9. Қарағанды облысы бойынша – 69,48%

    10. Қостанай облысы бойынша – 70,99%

    11. Қызылорда облысы бойынша – 79,87%

    12. Маңғыстау облысы бойынша – 51,38%

    13. Павлодар облысы бойынша – 62,51%

    14. Солтүстік Қазақстан облысы бойынша – 63,72%

    15. Түркістан облысы бойынша – 74,23%

    16. Ұлытау облысы бойынша – 67,77%

    17. Шығыс Қазақстан облысы бойынша – 72,58%

    18. Астана қаласы бойынша – 49,35%

    19. Алматы қаласы бойынша – 22,91%

    20. Шымкент қаласы бойынша – 68,89%

    Еске салайық, бүгін қазақстандықтар атом электр станциясын салу мәселесі бойынша жалпыұлттық референдумда дауыс беріп жатыр.

    Республикалық референдум бюллетенінде бір ғана сауал болады:

    – Сіз Қазақстанда атом электр станциясын салуға келісесіз бе ?

    Дауыс беруші жауаптың екі нұсқасының бірін таңдайды:

    – «Иә, келісемін» немесе, «Жоқ, келіспеймін».

    1 шілдедегі жағдай бойынша ел көлемінде 12 176 968 адам референдумда дауыс беруге құқылы

     

  • Астанада референдум күні 39 сәби өмірге келді

    Астанада референдум күні 39 сәби өмірге келді

    Астанада 2024 жылғы 6 қазанда сағат 00:00-ден 15:00-ге дейін 39 нәресте өмірге келді. Оның ішінде 29-ы – ұл және 10-ы – қыз.

    Референдум күні елорданың медициналық мекемелері акушерлік бөлімшелердегі әйелдерге дауыс беру мүмкіндігін ұйымдастырды. Арнайы сайлау учаскелері тікелей ауруханаларда ашылды. Бұл жүкті және босанған әйелдерге медициналық мекемелерден шықпай-ақ таңдау жасауға мүмкіндік берді.

    Астанада таңертеңгі сағат 7-ден бастап 460 учаске жұмыс істейді. Оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.

    Естеріңізге сала кетейік, Астана тұрғындары өздерінің учаскелерін 4 тәсілмен онлайн біле алады:

    — Ресми веб-қызмет: https://referendum.astana.kz/

    — Telegram-да чат-бот арқылы: https://t.me/referendum_astana_bot

    — IKomek бірыңғай байланыс орталығы арқылы, 109 нөмірі бойынша;

    — «Smart Astana» мобильді қосымшасында «New» бөлімінде – «Референдум учаскесін іздеу». Қолданбаны App Store немесе Google Play арқылы жүктеп алуға болады.

  • Аида Балаева: Қазақстанда ашық қоғам құрылғанын көріп отырмыз

    Аида Балаева: Қазақстанда ашық қоғам құрылғанын көріп отырмыз

    «Мен ақпараттық науқанды өте белсенді өтті деп сипаттаймын, өйткені атом электр станциясының жақтаушылары да, қарсыластары да бұл мәселеге қызығушылық танытып, өз ұстанымдарын түсіндіріп, дәлелдеді. Бәрі ашық түрде жүріп жатыр. Қазақстанда ашық қоғам құрылғанын көріп отырмыз, онда әркім пікірі мен көзқарасын білдіре алады», – деді Аида Балаева БАҚ өкілдеріне берген жауабында.

    Сондай-ақ, ведомство басшысы референдум Президент бастамашылық еткен реформалардың арқасында болып жатқан елдегі үлкен өзгерістердің жарқын айғағы екенін атап өтті.

    «Бүгінгі референдум –  бұл біздің еліміздегі Мемлекет басшысының реформаларымен тікелей байланысты үлкен әрі түбегейлі өзгерістердің дәлелі», –  деп толықтырды ол.

  • Референдум: 7 млн адам дауыс берді

    Референдум: 7 млн адам дауыс берді

    АЭС бойынша референдум барысында 7 млн адам дауыс берді. Бұл туралы Орталық референдум комиссиясының мүшесі Анастация Щегорцова айтты. Комиссия мүшесінің атап өтуінше, 16:00-дегі жағдай бойынша 7 062 358 азамат бюллетень алды. Бұл тізімге енгізілген азаматтардың 57,68 пайызын құрайды.

    Оның ішінде:
    1. Абай облысы бойынша – 58,12%
    2. Ақмола облысы бойынша – 63,5%
    3. Ақтөбе облысы бойынша – 68,41%
    4. Алматы облысы бойынша – 64,09%
    5. Атырау облысы бойынша – 56,61%
    6. Батыс Қазақстан облысы бойынша – 60,82%
    7. Жамбыл облысы бойынша – 53,58%
    8. Жетісу облысы бойынша – 58,86%
    9. Қарағанды облысы бойынша – 62,86%
    10. Қостанай облысы бойынша – 67,57%
    11. Қызылорда облысы бойынша – 76,15%
    12. Маңғыстау облысы бойынша – 47,7%
    13. Павлодар облысы бойынша – 58,7%
    14. Солтүстік Қазақстан облысы бойынша – 60,15%
    15. Түркістан облысы бойынша – 70,73%
    16. Ұлытау облысы бойынша – 63,85%
    17. Шығыс Қазақстан облысы бойынша – 68,33%
    18. Астана қаласы бойынша – 46,3%
    19. Алматы қаласы бойынша – 20,57%
    20. Шымкент қаласы бойынша – 66,48%

    Референдум учаскелері кешкі сағат 20:00-ге дейін ашық.

    Елімізде өтіп жатқан АЭС салуға қатысты референдум туралы шетелдік бұқаралық ақпарат құралдары да хабар таратып жатыр. Осы мақсатта 200-ге жуық журналист әлемнің 37 елінен арнайы келген. Олар таңнан бері дауыс беру учаскелеріне барып, референдум барысын қадағалап жүр.

  • Референдум: екі адам әкімшілік жауапкершілікке тартылды

    Референдум: екі адам әкімшілік жауапкершілікке тартылды

    Референдумда сауалнама жүргізіп, үгіт-насихат жасаған екі адам әкімшілік жауапкершілікке тартылды. Оларға айыппұл  салынды. Бұл жөнінде орталық коммуникациялар қызметінде өткен брифингте Бас прокуратураның ресми өкілі  мәлім етті. Ал, жалпы қоғамдық тәртіпке қатысты заң бұзушылық тіркелмеген. Естеріңізге сала кетейік, Референдум күні былай дауыс бер деп үгіт-насихат жүргізуге және қалай дауыс бердің деп сауалнама жасауға болмайды.

    «Бүгін бұзушылықтың екі фактісі анықталды. Біріншісі жеке тұлғаның қоғамдық пікірге заңсыз сауалнама жүргізуіне қатысты. Ол Әкімшілік құқық бұзушылық туралы кодекстің 120-бабының 3-бөлігі бойынша жауапқа тартылды. Оған тиіссі айыппұл салынды. Екіншісі — заңсыз үгіт. Мұнда азаматтық адамға осы Кодекстің 102-бабы бойынша айыппұл салынды. Екі жағдайда да құқық бұзушылар өз кінәсін мойындады», — деді ҚР Бас прокуратурасы Қоғамдық мүддерлерді қорғау қызметі басқармасының бастығы Бекжан Қараманов.

    Спикердің айтуынша, республикалық референдум процесі қалыпты жағдайда өтуде.

    Референдум учаскелеріне 18 мың полицей жұмылдырылған. Бүгін құқық қорғау органдары күшейтілген режимде жұмыс істеп жатыр.

    «Бүгінде 33 мыңнан астам полиция қызметкері мен Ұлттық үланның әскери қызметшілері тәулік бойы қызмет атқаруда. 10 мың дауыс беру учаскесіне 18 мыңға жуық полиция қызметкері жұмылдырылды. Елдегі қоғамдық ахуал тұрақты екенін айта кеткен жөн. Қандай да бір өрескел бұзушылықтар тіркелген жоқ», -деді ҚР Ішкі істер министрлігінің ресми өкілі Шыңғыс Әлекешев.

    Полицияның жедел басқару орталықтарының бейнебақылау камераларын пайдалана отырып, көшелер мен дауыс беру орындарын бақылау жалғасуда.

     

  • Алматы облысында Атомбек есімді сайлаушы дауыс берді

    Алматы облысында Атомбек есімді сайлаушы дауыс берді

    Ер адам Алматы облысы Талғар ауданында тұрады. «Оның есімі символдық түрде ағымдағы оқиғаны – атом электр станциясының құрылысына қатысты мәселе бойынша дауыс беруді білдіреді», – делінген телеарна мәлімдемесінде.

    Сайлаушының өзі айтқандай, бұл күн ол үшін дауыс беру күні ғана емес, өз жауапкершілігінің көрінісі ретінде де маңызды болды.

    Бұған дейін Ұлттық статистика бюросы Қазақстанда қанша адам атом есімімен ерекшеленетінін бөліскен болатын.

     

  • Маңғыстауда әртістер «Алаш арыстары» образымен келіп, дауыс берді

    Маңғыстауда әртістер «Алаш арыстары» образымен келіп, дауыс берді

    Маңғыстаудағы референдум учаскесінде Міржақып Дулатов, Әлихан Бөкейханов, Жүсіпбек Аймауытов, Сәкен Сейфуллин, Шәкәрім Құдайбергенұлы, Мұстафа Шоқай, Жалау Мыңбаев сынды алаш арыстарының образын сомдаған актерлар дауыс берді.

    Өңірлік коммуникациялар қызметінің ақпаратына сүйенсек, бүгін 6 қазан күні Алаш арыстарына арналған «Аманат» спектакілі сахналанады.

    «Ұлт көсемдерінің кейіпіндегі әртістер сайлау учаскелерін аралап, тарихи тұлғалардың өнегесін паш етті. Сайлау учаскелерінде Ахмет Байтұрсынов, Міржақып Дулатов, Әлихан Бөкейханов, Жүсіпбек Аймауытов, Сәкен Сейфуллин, Шәкәрім Құдайбергенұлы, Мұстафа Шоқай, Жалау Мыңбаев сынды ұлт қайраткерлерінің және өкпе жыр жүйрігі Сүгір жырау Бегендікұлының кейіпіндегі өнер өкілдері елдің саяси бағдарын айқындайтын маңызды науқанға қолдау көрсетті», – деп жазды өңірлік коммуникациялар қызметі.

  • «Ел өркендеуі керек»: Асанәлі Әшімов референдумда дауыс берді

    «Ел өркендеуі керек»: Асанәлі Әшімов референдумда дауыс берді

    Қазақстанның Халық артисі, мемлекеттік сыйлықтардың лауреаты, театр әрі кино актері және режиссері Асанәлі Әшімов Қазақстанда АЭС салу мәселесі бойынша референдумда дауыс берді.

    Артист бұл оқиғаның еліміз үшін маңыздылығын атап өтті. «Бұл – біздің азаматтық борышымыз, оны елеусіз қалдыруға болмайды. Мемлекет халықтың шешім қабылдауына мүмкіндік берді. Сондықтан референдумда дауыс беру маңызды. Ел өркендеуі керек, бұл біздің қолымызда!», – деді Асанәлі Әшімов.