Sona.kz

Метка: Шерзат Болат

  • Шерзат Полаттың ісіне қатысты сот онлайн өтеді

    Шерзат Полаттың ісіне қатысты сот онлайн өтеді

    ҚР Жоғарғы Соты республика соттарының сот отырыстарын тікелей эфирде өткізу тәжірибесін жалғастырып жатқанын мәлімдеді.

    Бүгін, 2025 жылдың 10 сәуірінде сағат 12:00-де Шерзат Полаттың өлімі туралы іс бойынша алдын ала тыңдау басталды.

    Сот отырысына қатысушылардың пікірлерін ескере отырып, сот бұл іс бойынша сот талқылауын ашық режимде өткізу туралы шешім қабылдады.

    Сот отырысының онлайн трансляциясын Жоғарғы Соттың YouTube-каналында мына сілтеме бойынша көруге болады:

    Жоғарғы Соттың Telegram арнасына жазылыңыз: https://t.me/Jogargy_sot және әлеуметтік желілердегі Жоғарғы Соттың ресми аккаунттары бойынша жаңартуларды қадағалаңыз.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Қаржаубай Нұрымов тосын мәлімдеме жасады

    Қаржаубай Нұрымов тосын мәлімдеме жасады

    Талғарда кісі қолынан қаза тапқан Шерзат Болаттың ісіне қатысты алдын ала тыңдау бойынша сот отырысы басталды.

    Марқұм Шерзат Болаттың әкесі Қаржаубай Нұрымов: «Бұл қылмыскерлерді айыптау емес, оларды ақтау. Заң ақтап, бостандыққа шығарғысы келсе, мен қарсы емеспін», – деді журналистерге берген пікірінде.

    Сондай-ақ ол Айтбектің қорғаушысы емес екенін, басқа қорғаушылардан бас тартпағанын айтты.

    Сондай-ақ, ол «Соттың әділ өтетініне сенімім жоқ», – деді пікірінде.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • «Айтбек Амангелді бастаған қорғаушылар Шерзаттың отбасын іспен таныстырмаған» – Жан Ахмадиев

    «Айтбек Амангелді бастаған қорғаушылар Шерзаттың отбасын іспен таныстырмаған» – Жан Ахмадиев

    Талғарда кісі қолынан қаза тапқан Шерзат Болаттың ісіне қатысты алдын ала тыңдау бойынша сот отырысы басталады.

    Сот отырысы Талдықорғанда орналасқан Жетісу облысының қылмыстық істер жөніндегі мамандандырылған ауданаралық сотының ғимаратында өтіп жатыр.

    Соттың Талдықорғанда өтуінің себебін Шерзаттың отбасының адвокаты Мейірман Шекеев күдіктілердің көбісі осы Талдықорғандағы уақытша ұстау изоляторында отырғандығымен түсіндірді.

    Алдын ала сот отырысынан бұрын журналистерге пікір берген азаматтық белсенді Жан Ахмадиевтің  айтуынша, айыптау фактісі бойынша 9 күдікті бар.

    «Күдіктінің біреуі кәмелеттік жасқа толмаған. Бұзақылық ісі бойынша сотталатын болса айыппұл төлейді немесе 6 жылға бас бостандығынан айырылады. Тергеу барысына көңіліміз толмайды. Осыған дейін бұл іспен айналысқан қорғаушылар болды. Әсіресе, Айтбек Амангелдінің біраз қателігі болған сияқты. Мұны мен емес, Қаржаубай Нұрымовтың отбасы айтып отыр. Тіпті, оларды іспен таныстырмаған да. Тек біздің командаға келгеннен кейін ғана істің мән-жайымен таныса бастады. Қаржаубайдың отбасы бүгінгі сотқа дайын деп те айта алмаймын», – деді Жан Ахмадиев.

    Оның пікірінше, жәбірленуші тарап соттың ашық өткенін қалаған. Алайда, Жоғарғы сотқа «Бишімбаевтың соты сияқты өткізейік» деген ұсыныс жасағанмен, бас тартыпты. Оған себеп – күдікті тарап соттың ашық болмауын қалаған.

    Ал сот процесінің Талдықорған қаласында өтетіні туралы: «Бұл іс негізі Талдықорғанда емес, Қонаев қаласында өтуі керек еді. Меніңше, құқық қорғау органдары мұнда біраз журналистер келмей қалады деп ойласа керек. Басқа ешқандай болжам жоқ»,  – деп жауап берді азаматтық белсенді Жан Ахмадиев.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Шерзаттың соты ашық өтуі керек – Бас прокурордың орынбасары

    Шерзаттың соты ашық өтуі керек – Бас прокурордың орынбасары

    Талғарда кісі қолынан қаза тапқан Шерзат Полаттың ісі бойынша сот отырысы ашық өтуі мүмкін. Бұл туралы бас прокурордың орынбасары Ғалымжан Қойгелдиев мәлімдеді.

    Оның айтуынша, іс шынымен оңай болған жоқ, өте көп сараптама жасалды. Іс материалдарымен танысуға көп уақыт кетті.

    «Прокуратура толығымен ашықтықты қолдайды. Менің ақпаратым бойынша сот ашық өтуі керек. Бірақ, сіз білесіздер, соттың ашық не жабық өтетіні туралы шешімді сот қабылдайды. Ал біздің позициямыз, әрине, сотты ашық өткізу. Аз ғана уақыт қалды, күте тұрайық», – деді Қойгелдиев Сенат кулуарында.

    Айта кетері, осы іс бойынша алдын ала тыңдау 10 сәуір күні сағат 12:00-ге белгіленді.

    Естеріңізге салайық, былтыр қазан айының басында Талғарда төбелес кезінде 16 жастағы Шерзат Полат қаза тапты. Көп ұзамай қара жамылған отбасының үйі жанып кеткен.Полиция бөтеннің мүлкін қасақана жою фактісі бойынша іс қозғады.

  • Шерзаттың әпкесі неге өзіне қол салмақ болды?

    Шерзаттың әпкесі неге өзіне қол салмақ болды?

    Марқұм Шерзат Болаттың әпкесі Бақыт Реймова Райымбек даңғылындағы көпірден секіріп, өзіне қол жұмсамақ болды. Бірақ оны полиция қызметкерлері дер кезінде байқап, құтқарып қалды.

     Бұл туралы қоғам белсендісі Жан Ахмадиев хабарлады. Белгілі болғандай, Шерзаттың туыс әпкесі Бақыт Реймова алдымен видео түсіріп, інісі Нұрқанаттың өліміне Бауыржан Абдрахманов есімді дәрігерді кінәлаған.

    Бақыт Реймованың мұндай қадамға баруына әлеуметтік желідегі қысым итермелеген.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған. Туыстары Нұрғанаттың өз-өзіне қол жұмсағанына сенбейді, сол себепті әділдікті талап етуде.

  • Шерзат Болаттың өліміне қатысты алдын ала сот тыңдалымы өтетін күн белгілі болды

    Шерзат Болаттың өліміне қатысты алдын ала сот тыңдалымы өтетін күн белгілі болды

    Талғарда кісі қолынан қаза тапқан Шерзат Болаттың өліміне қатысты іс бойынша алдын ала сот тыңдалымы өтетін күн белгілі болды. 

     Алдын ала сот тыңдалымы 10 сәуірде Талдықорған қаласында қылмыстық істер жөніндегі мамандандырылған сотта өтеді.

    Алдын ала тыңдалымның Талдықорғанда өтуіне күдіктілердің көпшілігінің осы қаладағы уақытша ұстау изоляторында отырғаны себеп.

    Естеріңізге сала кетейік, 2024 жылы 4 қазанда Талғарда 16 жастағы Шерзат Болат кісі қолынан қаза тапты. Өткен жылдың желтоқсан айында оның ағасы Нұрғанат Ғайыпбаевтың денесі бейіт маңынан табылған болатын. Алдын ала болжам бойынша ол өз-өзіне қол жұмсаған.

  • Шерзат Болаттың ісі сотқа түсті

    Шерзат Болаттың ісі сотқа түсті

    Осы іс бойынша жәбірленушілердің құқығын қорғайтын адвокаттар командасы жасақталған.

    Ол қатарда Мейірман Шекеев, Әлім Мұстапаев, Жандос Палманов, Бекзат Ниязов, Бағдат Амандосұлы, Нұрболат Ибраев, Дина Досаева сынды адвокаттар бар.

    «Құрметті достар, біз іске кірістік. Барлық құжаттармен таныстық. Біздің пайымдауымызша алғашқы сот отырысы сәуірдің ортасынан басталуы керек», – дейді Мейірман Шекеев.

    Айта кету керек, Қаржаубай Нұрымов адвокаттарынан бас тартқан еді.  Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

  • Шерзат Болаттың ісі осы аптада сотқа түседі

    Шерзат Болаттың ісі осы аптада сотқа түседі

    Ішкі істер министрінің орынбасары Санжар Әділов Талғарда 16 жастағы Шерзат Полатты өлтіру ісі бойынша материалдар алдағы күндері сотқа жіберілетінін хабарлады.

    Бұл туралы ол журналистердің сұрағына жауап берген кезінде айтты. Алайда негізгі сот процесінің қашан басталатынын нақтылай алмады.

    Шерзаттың ісі қазір прокуратурада қаралып жатыр. Алдағы күндері, осы аптада сотқа жіберіледі деп күтеміз. Бұл – соттың прерогативасы. Сот ісін қарайтын судья тағайындалады. Кейінірек бұл мәселеге қатысты соттың өзі түсініктеме бергені дұрыс деп есептеймін, – деді ол.

    Санжар Әділов сонымен қатар, Шерзат Полаттың ағасы Нұрқанат Ғайыпбаевтың ісі бойынша тергеу жүргізіліп жатқанын, ол істе ешкім күдікті ретінде танылмағанын айтады. Бұған дейін Шерзат ісі бойынша тергеудің аяқталғаны хабарланған болатын.

    Қылмыстық іс 62 томнан тұрады. Бұған дейін тергеу толық аяқталып, іс прокурорға жолданғанын хабарлаған едік. Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

  • Шерзат ісі: Түрмеде туған күн тойлауға жол берген полицейлерді қандай жаза күтіп тұр?

    Шерзат ісі: Түрмеде туған күн тойлауға жол берген полицейлерді қандай жаза күтіп тұр?

    Алматы облысының прокуратурасы қоғамда дау туғызған түрмедегі туған күнге қатысты пікір білдірді. 

    Шерзат Болат ісі бойынша қамауға алынғандардың уақытша ұстау изоляторында туған күн тойлауына жол берген полицейлерге қатысты тергеудің егжей-тегжейі айтылды.

    Прокуратура 18 ақпанда полиция қылмыстық кодекстің 371-бабының 1-бөлігі «Немқұрайлылық» бойынша соталды тергеу бастағанын растады. Тергеуді Алматы облысы полициясының жеке қауіпсіздік басқармасы жүргізеді.

    «Полиция қызметкерлері жол берген заңбұзушылықтар бойынша Еңбекшіқазақ ауданының прокуратурасы 16 ақпанда заңбұзушылықтарды жою туралы ұсыныс енгізді», – деп хабарлады прокуратура. 

    Қылмыстық кодекстің 371-бабының 1-бөлігіне сәйкес заңбұзушыларға 1 мың АЕК-ке дейін (2025 жылы 3,9 миллион теңге) айыппұл, 400 сағатқа дейінгі қоғамдық жұмыстарға тарту немесе бір жылға дейінгі мерзімге бас бостандығынан айыру жазасы төніп тұр.

  • Шерзат Болаттың өлімі: іс прокурорға жолданды

    Шерзат Болаттың өлімі: іс прокурорға жолданды

    Шерзат Полатты өлтіру ісі бойынша тергеу аяқталды. Алматы облысының полиция департаменті мән-жайды айтты.

    Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

    Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар. Әрбір тергеу әрекеті қылмыстық заңнама талаптарына сәйкес жүргізілді, тергеудің барлық кезеңдерінде заңдылық, ашықтық және объективтілік қамтамасыз етілді. Тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болды.