Sona.kz

Метка: сквер

  • Қонаевта жабайы сауда орнына сквер салынды

    Қонаевта жабайы сауда орнына сквер салынды

    Қонаевтағы Абай көшесінде бірнеше жылдар бойы стихиялық сауда орны қалыптасқан.

    Қаланың келбетін жақсарту, тұрғын үй алаңын абаттандыру мақсатында мұнда сквер пайда болды. Сонымен қатар мұнда воркаут алаңы салынды.

    Қапшағай (қазіргі Қонаев) қаласы әкімдігінің 2022 жылғы қаулысымен «Айша сити» базары стационарлық емес бөлшек сауда орны ретінде белгіленген. Сол себепті енді сатушылар осы базарға барып, кәсіппен айналысуы тиіс. Жәрмеңкелік орындар дайындалып қойған.

    Қазіргі таңда стихиялық сауда орындарында рейдтік іс-шаралар жүргізілуде. Жыл басынан белгіленбеген орында сауда сатқандары үшін жеке және заңды тұлғаларға 2 562 600 теңге айыппұл салынған. Сондай-ақ осы тақырыпта ақпараттық баннерлер ілінді.

    Бұған дейін сатушылармен әкімдік өкілдері бірқатар кездесулер ұйымдастырып, мән-жайды түсіндірді.

    Сонымен қатар шаһарда қолайлы орта құру бағытындағы «Халық қатысатын бюджет» жобасы аясында 15 аймақ абаттандырылуда. Жыл соңына дейін барлық жобаның құрылысы аяқталады.

  • Қонаевта жаңа сквер қолданысқа берілді

    Қонаевта жаңа сквер қолданысқа берілді

    Демалыс аймағы Қойшыманов-Алматы көшелерінің қиылысында орналасқан. Нысанның жалпы аумағы 6527 шаршы метрді құрайды.

    Аймақ толықтай көгалдандырылған, сәндік ағаштар мен көпжылдық өсімдіктер отырғызылған, орындықтар, әткеншектер мен ландшафттық элементтерді орналастырылған. Кеңістік экологиялық, функционалдық және эстетикалық талаптарға сай жасақталды.

    Мұндағы басты нысан – «Өмір ағашы» атты арт-нысан. Ол Алтын Адам киім үлгілерінің элементтері бейнеленген тас құрылым түрінде орындалған. Қасында осы бейнелердің тарихи маңызын баяндайтын QR-код орнатылған.

    Мұнда жаяу жүргінші жолдары, фотоаймақтар, қоршау мен аркалық құрылымдар қарастырылған. Арнайы әзірленген тұжырымдамаға сәйкес, бұл жаңа кеңістік жай ғана демалыс орны емес, отбасылық серуен мен мәдени демалыстың мекеніне айналмақ.

  • Қонаевта заңсыз сауда орнының орнына жаңа сквер салынады

    Қонаевта заңсыз сауда орнының орнына жаңа сквер салынады

    Қонаев қаласында бірнеше жыл бойы Абай көшесін бойлай орналасқан заңсыз сауда орындарының орнына қоғамдық демалыс аймағы салынып жатыр.

    Тұрғындар ұзақ уақыт бойы антисанитария, жаяу жүргіншілер мен көлік қозғалысына кедергі және саудагерлер тарапынан заңбұзушылықтар жайында шағымданып келген. Полиция айыппұлдар салғанымен, мәселе шешілмеген.

    Қала әкімі Асхат Бердіхановтың айтуынша, инвестордың қаражатына сквердің құрылысы басталған. Онда спорт және балалар алаңдары, шағын сәулеттік нысандар орнатылады. Сонымен қатар, инвестор Комсомольская көшесі мен теміржол вокзалы маңында да сквер салуы мүмкін.

    Кездесуде тұрғындар көше жарығы, кәріз жүйесі және балалар алаңдарының сапасына қатысты да сұрақтар көтерді. Әкім бұл мәселелер кезең-кезеңімен шешілетінін айтты.