Sona.kz

Метка: Сыртқы істер министрлігі

  • Қылмыстық топтың қолына түскен 4 қазақстандық құтқарылды

    Қылмыстық топтың қолына түскен 4 қазақстандық құтқарылды

    Өзбекстан Сыртқы істер министрлігі жанындағы  «Дунё» ақпарат агенттігінің мәліметінше, адам саудасымен айналысатын топтың қолына Қазақстан, Қырғызстан және Өзбекстан азаматтары түскен.

    Аталған агенттік Өзбекстан азаматтары М.С. (2000 ж.т.) және Б.В-ның (1997 ж.т.) Мьянмада адам саудасының құрбанына айналғанын, сондықтан Өзбекстанның Таиландтағы Бас консулдығынан көмек сұрағанын айтады.

    Алданған азаматтардың сөзінше, оларға интернет арқылы жоғары жалақысы бар жұмыс ұсынылған, тіпті ұшақ билеті де тегін беріліпті. Десе де, Таиландқа жеткен соң алдау арқылы заңсыз жолмен Мьянмаға өткен. Ол жерде қылмыстық топтар 3 елдің азаматтарын алаяқтық колл-орталықтарда жұмыс істеуге мәжбүрлейді, бағынбағандарына күш қолданып, қоқан-лоққы көрсеткен. Бостандыққа шығу үшін ірі көлемде ақша талап еткені де белгілі болды.

    Дәл осы жағдайға 8 Қырғызстан азаматы мен 4 Қазақстан азаматы да тап болған. Қырғызстанның Таиландтағы дипломатиялық өкілдігі болмағандықтан, Қазақстан мен Өзбекстан дипломаттары Қырғыз тарапының өтініші бойынша көмек көрсеткен.

    – Мьянма және Таиландтың құзырлы органдарымен келіссөздер жүргізудің нәтижесінде аталған елдердің азаматтары босатылып, Таиландтағы Маесот шекаралық бекетінде Қазақстан мен Өзбекстан дипломаттарына тапсырылды. Олар үшін уақытша баспана мен тамақ ұйымдастырылды, – делінген ресми хабарламада.

    Еске салайық, 11 сәуірде өзбекстандық, қазақстандық және қырғызстандық азаматтар Таиландтағы Қазақстан мен Өзбекстанның дипломатиялық өкілдіктерінің көмегімен отандарына оралды.

  • Қазақстан азаматтары АҚШ-тан емін-еркін шыға алады – СІМ

    Қазақстан азаматтары АҚШ-тан емін-еркін шыға алады – СІМ

    Атап айтқанда, былтыр АҚШ-та депортацияға жататын мигранттардың арасында 369 қазақстандық туралы ақпарат тараған.

    «Бұған дейін Сыртқы істер министрлігі АҚШ-та заңсыз жүрген Қазақстан азаматтары осы елде заңсыз жүргендерін мәлімдеп, АҚШ-тан емін-еркін шыға алатынын ескертті. Салдары болатынын түсіндірген едік», – деді Ә. Бақаев Сенатта тілшілер сұрағына жауап бере отырып.

    Оның айтуынша, егер мәжбүрлі депортация болса, онда бұл адамдарға болашақта АҚШ-қа сапарлауға қиынға түседі.

    «Әзірге, басқа қандай шаралар қолданылатынын білмеймін, яғни осының бәрі АҚШ-тың мемлекеттік саясаты аясында іске асырылады. Жалпы, шетелден өз еркімен кетуге үнемі рұқсат берілген және солай болып қала береді. Бұл мүмкіндік Қазақстан азаматтары үшін бар. Осы мүмкіндікті пайдаланбайтындар үшін мәжбүрлеп депортациялау тетігі қолданылауы ықтимал», – деп түсіндірді Әлібек Бақаев.

  • Израиль мен ХАМАС арасындағы татулық туралы Қазақстанның ұстанымы қандай?

    Израиль мен ХАМАС арасындағы татулық туралы Қазақстанның ұстанымы қандай?

    Сыртқы істер министрлігінің ресми өкілі Айбек Смадияров Израиль мен ХАМАС арасындағы татулық туралы мәмілелерге қатысты Қазақстанның ұстанымын айтты.

    – Израиль мен ХАМАС арасындағы атысты тоқтату туралы келісімді қуаттаймыз. Қатар, Египет және АҚ мемлекеттерінің ара ағайындық талпыныстарын жоғары бағалаймыз. Бұл күш қолдануды тоқтатып, кепілдегілерді босатуға, Газа секторына гуманитарлық көмек жеткізуді күшейтуге жасалған маңызды қадам. Қазіргі жағдайда бұл ауадай қажет шаралар. Қазақстан әрдайым бейбітшілік жағында. Бұл келісімдер қақтығысты ерте реттеуге жасалған қадамдардың негізін салды деп үміттенеміз, – деді Смадияров. 

    Айбек Смадияров бұл мәселеде Қазақстан БҰҰ аясындағы негізгі шешімдерді ұстанатынын еске салды.

    – Қазақстан Палестина-Израиль қақтығысын «екі халыққа екі мемлекет» формуласы негізінде шешуді табанды түрде қолдап келеді. Бұл екі тәуелсіз мемлекет құру керек деген сөз. Палестиндіктер мен израильдіктер осы екі мемлекетте қаупісіз әрі бейбіт өмір кеше алар еді. Біз халықаралық қауымдастықтың ұзақ мерзімге бейбітшілік орнатып, әділдік қалыптастыруға бағытталған талпыныстарын қолдауға дайынбыз, – деді СІМ ресми өкіл

     

  • Қазақстан тағы бір елмен визасыз режим енгізеді

    Қазақстан тағы бір елмен визасыз режим енгізеді

    Қазақстанның сыртқы істер министрлігі Мароккомен визасыз режим енгізу жөнінде құжат жобасын әзірлей бастады.

    Бұл жөнінде «Ашық НҚА» порталында жазылған. Қазақстан мен Марокко қыркүйек айында визасыз келісімге қол қойған еді. Енді СІМ тиісті қаулы бойынша жұмыс жүргізіп жатыр.

    Сыртқы істер министрлігі Қазақстан мен Марокко корольдігінің үкіметі арасындағы ұлттық/жалпы азаматтық паспорттар иелерін визалық талаптардан босату туралы келісімді бекіту туралы қаулы жобасын әзірлей бастады, – делінген мәтінде.

    СІМ Мароккоға әр барған сайын ұзақтық кіру күнінен бастап 180 күн ішінде 30 күнтізбелік күннен аспауы керек деп қосты.

    Төлқұжаттар жарамдылық мерзімі аяқталғанға дейін кемінде үш ай бойы жарамды болуы керек. Қазақстанға бару үшін Марокко азаматтарына да осындай талаптар қойылады.

  • Сирияда Қазақстанның 33 азаматы бар – Сыртқы істер министрлігі

    Сирияда Қазақстанның 33 азаматы бар – Сыртқы істер министрлігі

    Қазір Сирияда Қазақстанның 33 азаматы тұрып жатыр, оның көбі әйел. Бұл туралы бүгін сенатта сыртқы істер министрінің орынбасары Әлібек Бақаев мәлім етті.

    Журналистер Сириядағы билік төңкерісі кезінде Қазақстан азаматтарының жағдайы не болады деген сұрақ қойған.

    «Сириядағы, жалпы, Таяу Шығыстағы жағдай тұрақталды деп айтуға болады. Ол жақта жылдар бойы тұрып келе жатқан, тұрмыстағы әйелдер мен балалар бар. Қазір олармен байланыстамыз. Олар кез келген ақпарат құралын пайдаланып, Консулға хабарласа алады. Консул біздің сыртқы істер министрлігіне байланысқа шығады», – деді ол.

    Журналистердің нақты неше адам деген сұрағына жауап берген Бақаев «қателеспесем, 33 адам бар. Одан аспайды. Осы 33 кісімен байланыстамыз», – деп жауап берді.

  • Ливаннан 41 адам Қазақстанға келді

    Ливаннан 41 адам Қазақстанға келді

    Таяу Шығыс өңіріндегі шиеленістің күшеуіне байланысты Президент Қасым-Жомарт Тоқаевтың тапсырмасы бойынша Қазақстанның тиісті мемлекеттік органдардың қатысуымен Ливаннан ҚР азаматтарын және олардың отбасы мүшелерін елге эвакуациялау шаралары жүзеге асырылды, – делінген СІМ таратқан ақпаратта.

    Аталған операция Ыстанбұл және Дубай қалалары арқылы ұйымдастырылып, нәтижесінде 2024 жылғы 17-31 қазан аралығында Бейруттан Астана мен Алматы қалаларына 41 адам аман-есен жеткізілді.

    Эвакуация әскери қақтығыс аймағында қалған Қазақстан Республикасы азаматтарының құқықтары мен мүдделерін қорғау мақсатында жүргізілді.

  • Пәкістанда Қазақстан елшісі мінген кортеж колоннасында жарылыс болды

    Пәкістанда Қазақстан елшісі мінген кортеж колоннасында жарылыс болды

    Қазақстан елшісі мінген кортеж колоннасында жарылыс болды. Сыртқы істер министрлігінің хабарлауынша, оқиға Пәкістанның провинцияларының бірінде болған. Кортежде Қазақстаннан бөлек, Ресей, Португалия, Эфиопия, Индонезия, Иран секілді 12 елдің елшісі болған. Олар Сват қаласына туризм мәселелері бойынша конференцияға аттанған. Жарылыс салдарынан бір полицей қаза тапты. Үш адам зардап шекті.