Sona.kz

Метка: Владимир Зеленский

  • АҚШ пен Украина минералдар меморандумына қол қойды

    АҚШ пен Украина минералдар меморандумына қол қойды

    Украина мен Америка пайдалы қазбалар жөніндегі өзара түсіністік туралы меморандумға қол қойды.

    Бұл туралы Украина экономика министрі Юлия Свириденко мәлімдеді.

    Бүгін АҚШ-пен экономикалық әріптестік туралы ортақ келісімге бір қадам жақындадық. Украина мен Америка Құрама Штаттары біздің топтардың конструктивті ынтымақтастығын және екі халық үшін де тиімді болатын келісімді түпкілікті рәсімдеуге деген ниетті бекітетін меморандумға қол қойды. Алда – келісім мәтінін нақтылап, қол қою кезеңі тұр, – деп жазды Свириденко Facebook парақшасында.

    Еске салайық, Трамп аталған келісімге келесі бейсенбіде қол қойылатынын жария еткен болатын.

  • Зеленский: Бұл соғысты тек Ресей ғана қалайды

    Зеленский: Бұл соғысты тек Ресей ғана қалайды

    Украина басшысының айтуынша, елдің қарулы күштері барлық негізгі бағыттарда қорғаныс операцияларын жалғастыруда.

    Бас қолбасшы бүгін ұрыс алаңындағы жағдай туралы есеп берді. Қорғаныс шайқастары майданның барлық дерлік шебінде жүріп жатыр. Қақтығыстар Харьков облысынан бастап Купянск секторына және оңтүстік бағыттарға дейін болып жатыр, – деп жазды Зеленский.

    Украина президенті соңғы уақытта жүргізілген дипломатиялық келіссөздерге тоқталды. Сауд Арабиясының Жидда қаласында өткен келіссөздер мен АҚШ-тың майданда атысты тоқтату туралы ұсынысына қарамастан, Ресей соғысты жалғастыруға мүдделі екенін көрсетті.

    Ресей тағы бір аптаны ұрлады – бұл соғысты тек Ресей ғана қалайды. Біз дипломатияны күшейту үшін бар күшімізді саламыз. Біз оның тиімді болуы үшін жұмыс істейміз, – деді ол.

  • Украинадағы соғыс: Ресей мәлімдеме жасады

    Украинадағы соғыс: Ресей мәлімдеме жасады

    Ресей Украинадағы соғысты уақытша тоқтатуға дайын емес. Бұл туралы Путиннің көмекшісі Юрий Ушаков мәлімдеді.

    Ушаковтың айтуынша, Ресейге уақытша атысты тоқтату қажет емес. Оның сөзінше, уақытша бітім туралы ұсыныс – бұл украин әскері үшін тек уақытша үзіліс қана.

    Сондай-ақ, Ушаков «бейбіт әрекетті имитациялайтын қадамдар ешкімге қажет емес» деп санайды. Бұдан бөлек, Ушаков Владимир Путиннің бүгін Украинада уақытша атысты тоқтату режиміне қатысты «нақтырақ және мазмұнды баға» беруі мүмкін екенін айтты.

    Айта кетейік, Украина президенті соғысты бір айға тоқтатуға келіскен болатын. Джидда қаласында өткен келіссөздердің қорытындысы бойынша Украина мен АҚШ делегациялары бірлескен мәлімдеме жасады.

    Оның ең маңызды тармақтары:

    Украина «30 күндік уақытша бітім режиміне» келісуге дайын. Бұл мерзім өзара келісім бойынша ұзартылуы мүмкін, бірақ Ресей Федерациясы бұл шарттарды қабылдап, толығымен орындауы қажет.

  • Трамп Зеленскийден хат алғанын хабарлады

    Трамп Зеленскийден хат алғанын хабарлады

    АҚШ президенті Дональд Трамп Конгресте сөйлеген сөзінде Украина президенті Владимир Зеленскийден Вашингтон мен Киев арасындағы қарым-қатынасты қалыпқа келтіруге күш салу туралы хат алғанын мәлімдеді, деп хабарлайды The Hill.

    – Хатта Украинаның мүмкіндігінше тезірек келіссөз үстеліне отыруға дайын екендігі айтылған. Осы хатты жібергені үшін мен оған ризамын. Мен оны жаңа ғана алдым, – деді Дональд Трамп.

    Дүйсенбі күні Трамп Сопақ кеңседегі сәтсіз кездесуден кейін АҚШ-тың Украинаға әскери көмегін тоқтатты.

    АҚШ президенті Зеленскийді бейбітшілікке дайын емес деп айыптады, ал Трамп шенеуніктері келіссөздерден кейін АҚШ пен Украина арасындағы сирек кездесетін металдар туралы келісім талқыланбағанын айтты.

    Зеленский Трамптан ресми түрде кешірім сұраудан тартынып, сейсенбі күні Ақ үйдегі кездесуді «өкінішті кездесу» деп атады және Украинаның Ресеймен келісім үстеліне отыруға дайын екенін айтты.

    Трамп АҚШ-тың келісімді қайта қарайтыны туралы ештеңе айтпады.

     

  • Зеленский Трамппен қайта келіссөздер жүргізуге ниетті

    Зеленский Трамппен қайта келіссөздер жүргізуге ниетті

    Украина президенті Владимир Зеленский Ақ Үйде Трамппен кездесу өзі жоспарланғандай болмағанын, бірақ Трамппен жұмыс істеуге дайын екенін айтты.

    Украина соғысты ертерек тоқтатуды, бейбітшіліктің үстемдік құруын қалайды. Алғашқы қадамдар ретінде ол тұтқындарды босатуды және зымырандық соққылар мен энергетикалық шабуылдарды болдырмайтын «әуе мен теңіздегі бітімгершілікті» ұсынды.

    Зеленский АҚШ-пен бейбіт келісімге келуге үміт білдірді.

    «Ешқайсымыз шексіз соғысты қаламаймыз. Украина мүмкіндігінше тезірек келіссөздер үстеліне отыруға дайын, бұл тұрақты бейбітшілікке жақындатады», – деп мәлімдеді ол.

     

  • Трамп Украинаға әскери көмек беруді тоқтатуды бұйырды

    Трамп Украинаға әскери көмек беруді тоқтатуды бұйырды

    АҚШ президенті Дональд Трамп Украинаға барлық әскери көмекті тоқтата тұруға бұйрық берді. Бұл туралы америкалық БАҚ жазды.

    Д.Трамп бұл шешімді Украина президенті В.Зеленскиймен кездесуден бірнеше күн өткенннен кейін қабылдады.

    «Бұл көмектің берілуі толық тоқтатылды деген сөз емес, бұл – уақытша шара», – деп хабарлайды Fox News әкімшілік өкіліне сілтеме жасап.

    Bloomberg пен Fox News жазуынша, тиісті шаралар Трамп Украина басшылығының бейбітшілікке деген ұмтылысына көз жеткізбейінше жалғасуы мүмкін.

    Бұл шешім Украинаға жеткізілмеген барлық америкалық әскери жабдыққа, соның ішінде Польша арқылы транзитті күтіп тұрған қару-жараққа қатысты екенін хабарлады бұқаралық ақпарат құралдары.

     

  • Трамп пен Зеленский келіспей қалды

    Трамп пен Зеленский келіспей қалды

    АҚШ президенті Дональд Трамп пен  Украина басшысы Владимир Зеленский арасында сирек кездесетін металдар бойынша келісім жасау үшін Вашингтонда кездесу өткізді.

    Келіссөз барысында Трамп Украина президентіне Ресеймен келіссөздерде компромисс жасау қажеттігін айтып, АҚШ-пен келісім жасауды ұсынды. Ол Вашингтонның Мәскеумен бейбіт келісім шарттарын талқылай бастағанын мәлімдеді.

    «Мен президент Путинмен сөйлестім, біз бұл мәселені сіздер мен оған да тиімді шешімге келтіруге тырысамыз. Біз келісімге келуіміз керек. Оның аясын анықтап қойдық, және менің ойымша, белгілі бір нәтижеге қол жеткізуге болады», – деді Трамп. Ол Ресей мен Украина арасындағы қақтығысты тоқтату қажет екенін атап өтті.

    Трамп келісімге келу қиын болатынын айтты.

    «Сіз не келісім жасайсыз, не болмаса біз бұл процестен шығамыз, ал сіздерге соғысуды жалғастыруға тура келеді. Бірақ сіздердің қолдарыңызда айтарлықтай күшті карталар жоқ», – деді ол.

    Трамп Зеленскийге АҚШ-тың көмегін бағалау керектігін ескертті.

    “Біз сізге 350 миллиард бердік. Сіз қазір қиын жағдайдасыз. Сіз «мен соғысты тоқтатқым келмейді» деп айта алмайсыз. Біздің қаруымыз болмаса, бұл соғыс бірден аяқталатын еді. Сіздер алғыс білдірулеріңіз керек. Бірақ сіздер оны көрсетпейсіздер. Бұл жақсы емес»,  – деді Трамп Зеленскийге.

    Зеленский Вашингтонның соғысты реттеу үшін не істей алатыны туралы талқылағысы келетінін білдірді. Ол «біз бірге бұл соғысты тоқтата аламыз» деген үмітін жеткізді және Украинаға америкалық әуе шабуылына қарсы қорғаныс жүйелері қажет екенін атап өтті.

    Трамппен кабинетінде сөзталас болғаннан кейін Зеленский Ақ үйден жоспарланған уақыттан бұрын кетіп қалды. Бұл туралы Reuters агенттігі жазды.

    Келіссөздерден кейін жоспарланған баспасөз конференциясы да тоқтатылды.

    Ал АҚШ президенті Дональд Трамп Украина президенті Владимир Зеленскиймен кездесуден кейін өз пікірін білдірді.

    «Бүгін Ақ үйде өте маңызды кездесу өтті. Біз мұндай қысым мен шиеленіс жағдайында әңгімелеспейінше түсіну мүмкін емес нәрселерді білдік. Мен Зеленский мырзаның бейбітшілікке дайын емес екенін анықтадым. Себебі, ол Америка келіссөздерге араласса, үлкен артықшылық береді деп есептейді. Маған артықшылықтың қажеті жоқ, мен бейбітшілік орнағанын қалаймын. Ол бейбітшілікке дайын болғанда ғана қайта орала алады», – деді Трамп.

  • Украина президенті Түркияға барды

    Украина президенті Түркияға барды

    Владимир Зеленский Анкараға Режеп Тайып Ердоғанның шақыруымен барған. Мұны Түркия Президенті әкімшілігінің өкілі Фахреттин Алтун айтып отыр.

    Сапар барысында екі елдің стратегиялық әріптестігі мен ынтымақтастығын нығайту талқыланады. Ең бастысы, көшбасшылар Украинадағы соңғы оқиғалар және басқа да аймақтық, жаһандық мәселелер туралы пікір алмасады деп жоспарланған.

    17 ақпанда елдің СІМ-нің басшысы Хакан Фидан Анкара Украинадағы бейбітшілікті нығайту және елді қалпына келтіру үшін кез келген рөл атқаруға дайын екенін хабарлаған еді. Оның сөзінше, келісімге келу оңайға соқпайды.

    – Идеалды әлемде біз Украинаның аумақтық тұтастығын сақтағымыз келеді. Бірақ қазір, өкініштісі сол жағымсыз шешімдер қабылдауға тура келеді. Қазір тараптар бұл таңдауды жасауға тырысуда: олар не бере алады, нені сақтай алады, кейінірек не туралы сөйлесуге болады, – деді ол.

    Фидан сондай-ақ, қақтығыстың барлық қатысушысы, соның ішінде тікелей соғыспайтындар да өз басымдықтарын бірінші орынға қоятынын атап өтті.

    Зеленский әлеуметтік желісінде Түркияға ресми сапары аясында тұтқындардың үйіне оралуын, азық-түлік қауіпсіздігі мәселелерін талқылау жоспарланғанын жеткізді.

    Материалды көшіріп басқанда және басқаша пайдалану кезінде azh.kz сайтына гиперсілтеме міндетті түрде қойылуы тиіс. Сондай-ақ ВК, Instagram пабликтерінде жариялауға тыйым салынады.

  • Трамп: Ресеймен қақтығысқа Зеленскийді кінәлі

    Трамп: Ресеймен қақтығысқа Зеленскийді кінәлі

    «Ресей мен Украинаның соғысын 24 сағаттың ішінде тоқтатамын» деп бірнеше рет мәлімдеген Дональд Трамп Украина президенті Владимир Зеленский келісімге келуге дайын екенін айтты.

    Алайда, Трамп Ресеймен қақтығысқа Зеленскийді кінәләді.

    Ол (Зеленский) бұл соғысты болдырмауы керек еді. Зеленский – періште емес. Ол әлдеқайда үлкен, әлдеқайда алып, күшті құрылыммен күресіп жүр. Ол бұған жол бермеуі керек еді, себебі келісімге келуге болатын, – дейді АҚШ президенті Fox News телеарнасына берген сұхбатында. 

    Еске салайық, бұған дейін Трамп Путинге арнап пост жариялаған болатын. АҚШ президенті Дональд Трамп Украинамен соғысты тоқтату туралы келісім жасалмаса, Ресейге жаңа санкциялар мен сауда баждарын енгізетінін мәлімдеген. Бұл туралы ол өзінің Truth Social әлеуметтік желісінде жазды.

    Егер біз «мәміле» жасаспасақ жақын арада Ресейдің Америка Құрама Штаттарына және басқа елдерге сататын барлық тауарына жоғары салықтар, баждар мен санкциялар салудан басқа амалым қалмайды. Мен президент болсам, ешқашан басталмауы тиіс болған осы соғысты аяқтайық! Біз мұны оңай немесе қиын жолмен жасай аламыз, бірақ оңай жолы қашан да жақсырақ. «Мәміле жасасар» уақыт келді, – деді АҚШ президенті.   

  • Зеленский Украинаға қарсы соғысып жүрген КХДР сарбазы қолға түскенін хабарлады

    Зеленский Украинаға қарсы соғысып жүрген КХДР сарбазы қолға түскенін хабарлады

    Владимир Зеленский өзінің телеграм-арнасында Украинаға қарсы соғыста Солтүстік Кореяның Ресей Федерациясы жағында қатысып жатқаны туралы дәлелдер табылғанын мәлімдеді. Украина әскерилері Солтүстік Кореяның екі сарбазын – атқыш пен снайперді тұтқынға алды. 

    Украина президентінің айтуынша, «оларды қолға түсіру оңай болған жоқ».

    «Әдетте ресейліктер мен Солтүстік Кореяның басқа сарбаздары қолға түспеу үшін жараланған сарбаздың көзін жояды. Олар Украинаға қарсы соғысқа басқа мемлекеттің, атап айтқанда  — Солтүстік Кореяның қатысуы туралы ешқандай дәлел қалмауы үшін бәріне барады», — дейді президент. 

    Оның айтуынша, тұтқынға түскен Солтүстік Корея сарбаздары жараланып, Киевке жеткізілген. Шетелдіктердің бірінде Ресейдің әскери билеті болса, екіншісінде мүлде құжат болмаған.

    Зеленский «барлық тұтқындар сияқты Солтүстік Кореяның бұл екі сарбазы да қажетті медициналық көмек алып жатыр» деп қосты. Ол сондай-ақ Украина қауіпсіздік қызметіне журналистердің тұтқындармен кездесуін қамтамасыз етуді тапсырды.

    Украина қауіпсіздік қызметі өзінің ресми сайтында тұтқынға алынған Солтүстік Корея сарбаздары туралы мәліметтерді жариялады.

    «Тиісті қылмыстарды құжаттап, тергейтін Украина қауіпсіздік қызметіне Солтүстік Кореяның біздің мемлекетке қарсы ресейлік соғысқа қатысқаны туралы бұлтартпайтын дәлел тапты. Әңгіме Солтүстік Кореядан келген екі сарбаз туралы болып отыр, олардың бірін 2025 жылы 9 қаңтарда арнайы операциялық күштердің № 84 тактикалық тобының сарбаздары, екіншісін Украина қарулы күштерінің десантшылары тұтқынға алды» деп жазды ресми сайт .

     

    Шетелдіктерге тұтқынға түскеннен кейін бірден Женева конвенциясында көзделген барлық қажетті медициналық көмек көрсетілді. Олар бірінші кезектегі тергеу шараларын жүргізу үшін Киевке жеткізілді. Олар халықаралық құқық талаптарына сай келетін тиісті жағдай жасалады»,  деп хабарлады Украина қауіпсіздік қызметі.

    «Тұтқындар украин, ағылшын немесе орыс тілдерін білмейді, сондықтан олармен байланыс Оңтүстік Кореяның LDC барлау қызметімен бірлесіп корей аудармашылары арқылы жүзеге асады» деп жазылған хабарламада.