Sona.kz

Метка: Владимир Жириновский

  • Алматыда Владимир Жириновскийге ескерткіш қойылмайды

    Алматыда Владимир Жириновскийге ескерткіш қойылмайды

    Бұған дейін Жириновскийдің 80 жылдығына орай 2026 жылы Алматыда ескерткіш қойылуы мүмкін деген ақпарат тараған болатын.

    Премьер-министрдің орынбасары Ермек Көшербаев Алматыда ресейлік саясаткер Владимир Жириновскийге ескерткіш орнату мүмкіндігі туралы сұраққа жауап берді.

    Ол «Әрине, болмайды», – деп қысқа қайырды.

    Еске салсақ, Владимир Жириновскийдің 80 жылдығына орай бірқатар іс-шара өткізу жоспарланған. Ресейлік ТАСС агенттігінің мәліметінше, жоспарға бірнеше қалада ескерткіш орнату да енгізілген, оның ішінде Алматы да аталған. Алайда, кейінірек Алматы әкімдігі қалада Жириновскийге ескерткіш қою туралы ешқандай ұсыныс түспегенін мәлімдеді.

  • Алматыда Жириновскийге ескерткіш орнатыла ма? Әкімдік не деді

    Алматыда Жириновскийге ескерткіш орнатыла ма? Әкімдік не деді

    2026 жылы сәуір-мамыр айларында Алматыда ЛДПР негізін қалаушы Владимир Жириновскийге ескерткіш ашылады деген ақпарат тарады. Бұл туралы ТАСС ақпараттық агенттігі хабарлады.

    Агенттіктің мәліметінше, Саранск және Алматы қалаларында саясаткердің туғанына 80 жыл толуына орай ескерткіш орнату жоспарланған.

    «Баспада бар құжатқа сәйкес, Владимир Жириновскийге арналған іс-шаралар ұйымдастырылып, сәуір-мамыр айларында ескерткіштердің салтанатты ашылуы өтеді», – делінген хабарламада.

    Алматы қаласының әкімдігі ескерткіш орнату ұсынысы түспегенін мәлімдеді.

    «Алматы қаласының мәдениет басқармасына В.Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ», – деді Алматы қаласының әкімдігі.

    Айта кетейік, Жириновский 2022 жылы 6 сәуірде 75 жасында өмірден өткен. Ресейде оған арнап салтанатты рәсімдер өткізіліп, саясаткердің қызметіне байланысты кинофильмдер көрсетілген.

    Сонымен қатар, 2024 жылдың 6 қарашасында Ресей президенті Владимир Путин 2026 жылы Жириновскийдің 80 жылдығын мемлекеттік деңгейде атап өту туралы Жарлыққа қол қойған болатын.