Sona.kz

Метка: Украина

  • АҚШ Украинаға Қазақстандағы инвестицияларға әсер ететін әрекеттерден сақтандырды

    АҚШ Украинаға Қазақстандағы инвестицияларға әсер ететін әрекеттерден сақтандырды

    АҚШ Новороссийск маңындағы инфрақұрылымға жасалған шабуылдардан кейін Украинаға америкалық экономикалық мүдделерді ескеру қажеттігін ескертті. Бұл туралы АҚШ-тағы Украина елшісі Ольга Стефанишина CNN арнасына берген сұхбатында мәлімдеді.

    Оның айтуынша, мемлекеттік департамент дипломатиялық демарш жолдап, АҚШ инвестицияларына зиян келтіретін әрекеттерден бас тартуды сұраған. Ескерту Каспий құбыр консорциумы жобасына да қатысты. Консорциум Қазақстан мұнайын Қара теңіз арқылы экспортқа тасымалдайды.

    Стефанишина АҚШ Украинаға Ресейдің әскери нысандарына соққы беруді тоқтату талабын қоймағанын атап өтті. Алайда Вашингтон шабуылдардың салдары америкалық экономикалық мүдделерге әсер еткенін білдірді. Бұл ретте Chevron компаниясы да консорциум акционерлерінің бірі болып табылады.

    CNN мәліметінше, 2025 жылдың соңында жасалған дрон соққылары Новороссийск портындағы объектілерге зиян келтіріп, мұнай экспорты көлемін азайтты. Бұл Қазақстан мұнайын тасымалдайтын құбыр жүйесінің жұмысына әсер еткен.

    Украина елшісі АҚШ пен Қазақстан арасындағы экономикалық байланыстардың ауқымын мысалға келтіріп, Вашингтонның бұл бағыттағы мүдделері жоғары деңгейде екенін атап өтті. Оның пікірінше, Украина мұндай инвестициялық деңгейге әлі қол жеткізе алмаған.

    Дипломат АҚШ-тың қолдауына алғыс білдіре отырып, әскери көмекке қатысты кейбір шектеулерді сынға алды. Оның айтуынша, ауыр қару-жарақ жеткізудегі кідірістер Ресейдің әскери әлеуетін күшейтуге мүмкіндік берген.

    АҚШ пен Украина арасындағы келіссөздер жалғасуда. Вашингтон ресми түрде Госдепартамент мәлімдемесіне қатысты қосымша түсініктеме берген жоқ.

  • ҚХДР Ресей-Украина соғысына өз әскерінің қатысқанын растады

    ҚХДР Ресей-Украина соғысына өз әскерінің қатысқанын растады

    КХДР билігі Ресейге Украинамен соғысқа қатысу үшін өз әскерін жібергенін алғаш рет растады деп хабарлайды Yonhap Кореяның Орталық ақпарат агенттігіне (KCNA).

    KCNA агенттігінің хабарлауынша, әскерді тасымалдау екі ел арасындағы жан-жақты стратегиялық серіктестік туралы келісімге сәйкес «Солтүстік Корея көшбасшысы Ким Чен Ынның бұйрығымен» жүзеге асырылған.

    «Украина билігінің Ресей Федерациясына абайсыз басып кіруіне тойтарыс беру үшін Курск аймағын азат ету операциялары жеңіспен аяқталды», – делінген KCNA мәлімдемесінде.

    Онда КХДР Қарулы күштерінің бөлімшелері «мемлекет басшысы Ким Чен Ынның бұйрығына сәйкес» операцияларға қатысқаны айтылған.

    Сенбі күні Ресей Бас штабының басшысы Валерий Герасимов Владимир Путинге Курск облысындағы жағдай туралы есеп беріп, «Солтүстік Кореяның әскери қызметкерлері аймақты азат етуге айтарлықтай көмек көрсетті», – деп мәлімдеді.

    Герасимовтың мәлімдемесі КХДР әскерінің Ресейге жіберілгенін алғашқы ресми растағаны болды.

  • АҚШ-тың Украинадағы елшісі отставкаға кетті

    АҚШ-тың Украинадағы елшісі отставкаға кетті

    АҚШ-тың Украинадағы елшісі Бриджит Бринк отставкаға кетіп, Вашингтонға оралады. Бұл туралы АҚШ Мемлекеттік департаментінің ресми өкілі Тэмми Брюс мәлімдеді, деп хабарлайды АА.

    Дипломат Бриджит Бринктің үш жыл бойы қақтығыс жағдайында қызмет атқарғанын атап өтті. Ол өз жұмысын жоғары деңгейде орындағаны үшін алғыс білдіріп, оған сәттілік тіледі. Алайда, елшінің отставкасының себептері туралы егжей-тегжейлі ақпарат берілмеді. Брюс АҚШ-тың Украина мен Ресей арасындағы қақтығысты тоқтату бойынша күш-жігерін жалғастыратынын айтты.

    Сонымен қатар, АҚШ азаматтары арасында Ксения Карелина Ресейде бір жылдан астам уақыт қамауда болғаннан кейін тұтқындар алмасу нәтижесінде жақын арада өз еліне оралады. Брюс АҚШ-та Стивен Хаббардтың жағдайы да назардан тыс қалмайтынын атап өтті, ол әлі де Ресейде қамауда отыр. Президент Трамп пен Мемлекеттік хатшы Рубио барлық әділетсіз ұсталған американдықтарды босату үшін жұмысын жалғастыратынын мәлімдеді.

  • Украина соғысты бір ай тоқтата тұруға келісті

    Украина соғысты бір ай тоқтата тұруға келісті

    Сауд Арабиясында өткен келіссөздер бір қадам болсын соғысты тоқтатуға жақындата ма?

    – Украина АҚШ-тың екі тараптың өзара келісімімен ұзартуға болатын 30 күндік уақытша бітім енгізу туралы ұсынысын қабылдауға дайын екенін көрсетті. Бұл бітім Ресей Федерациясының келісімі мен оны бір мезетте орындауына тәуелді, – делінген Жиддадағы келіссөздерден соң жарияланған АҚШ-Украина бірлескен мәлімдемесінде.

    АҚШ-тың мемлекеттік хатшысы Марко Рубио бұл ұсынысты Мәскеуге дереу жеткізетінін айтып, «Ендігі кезек – Ресей тарапында» деді. Егер Кремль бұл келісімге қол қоймаса, «бейбітшілікке кім кедергі келтіріп отырғанын анық білеміз» деп нақтылай түсті ол.

    – Бүгін біз әлемге бейбітшілікті қалайтынымызды көрсеттік. Әділетті және ұзақ мерзімді бейбітшілік керек, – деді келіссөздерден кейін Украина Президенті кеңсесінің басшысы Андрей Ермак. 

    Сауд Арабиясындағы келіссөздерге қатыса алмаған Украина президенті Владимир Зеленский ел ұстанымын тағы да қайталады.

    – Біздің ұстанымымыз өте айқын. Украина соғыстың алғашқы күнінен бастап бейбітшілікке ұмтылып келеді. Біз оны мүмкіндігінше тез әрі сенімді түрде жүзеге асыру үшін қолдан келгеннің бәрін жасаймыз. Бізге соғыстың ешқашан қайталанбағаны керек, – деді ол.

    Егер Ресей толықтай атысты тоқтату шарттарын қабылдайтын болса, сол сәттен бастап тыныштық орнауы мүмкін.

    – Украина бейбітшілікке дайын. Енді Ресей де соғысты тоқтатуға дайын екенін көрсетуі тиіс. Немесе оны жалғастырғысы келе ме? Ақиқат ашылатын уақыт келді, – деп сөзін қорытындылады Зеленский.

    Екі ел өкілдерінің Сауд Арабиясында прайдалы қазбалар бойынша келісімге келу мүмкіндігін талқылағаны да белгілі болды. Бірлескен мәлімдемеде бұл келісім көп ұзамай жүзеге асатыны айтылған.

  • Зеленский Украинаға қарсы соғысып жүрген КХДР сарбазы қолға түскенін хабарлады

    Зеленский Украинаға қарсы соғысып жүрген КХДР сарбазы қолға түскенін хабарлады

    Владимир Зеленский өзінің телеграм-арнасында Украинаға қарсы соғыста Солтүстік Кореяның Ресей Федерациясы жағында қатысып жатқаны туралы дәлелдер табылғанын мәлімдеді. Украина әскерилері Солтүстік Кореяның екі сарбазын – атқыш пен снайперді тұтқынға алды. 

    Украина президентінің айтуынша, «оларды қолға түсіру оңай болған жоқ».

    «Әдетте ресейліктер мен Солтүстік Кореяның басқа сарбаздары қолға түспеу үшін жараланған сарбаздың көзін жояды. Олар Украинаға қарсы соғысқа басқа мемлекеттің, атап айтқанда  — Солтүстік Кореяның қатысуы туралы ешқандай дәлел қалмауы үшін бәріне барады», — дейді президент. 

    Оның айтуынша, тұтқынға түскен Солтүстік Корея сарбаздары жараланып, Киевке жеткізілген. Шетелдіктердің бірінде Ресейдің әскери билеті болса, екіншісінде мүлде құжат болмаған.

    Зеленский «барлық тұтқындар сияқты Солтүстік Кореяның бұл екі сарбазы да қажетті медициналық көмек алып жатыр» деп қосты. Ол сондай-ақ Украина қауіпсіздік қызметіне журналистердің тұтқындармен кездесуін қамтамасыз етуді тапсырды.

    Украина қауіпсіздік қызметі өзінің ресми сайтында тұтқынға алынған Солтүстік Корея сарбаздары туралы мәліметтерді жариялады.

    «Тиісті қылмыстарды құжаттап, тергейтін Украина қауіпсіздік қызметіне Солтүстік Кореяның біздің мемлекетке қарсы ресейлік соғысқа қатысқаны туралы бұлтартпайтын дәлел тапты. Әңгіме Солтүстік Кореядан келген екі сарбаз туралы болып отыр, олардың бірін 2025 жылы 9 қаңтарда арнайы операциялық күштердің № 84 тактикалық тобының сарбаздары, екіншісін Украина қарулы күштерінің десантшылары тұтқынға алды» деп жазды ресми сайт .

     

    Шетелдіктерге тұтқынға түскеннен кейін бірден Женева конвенциясында көзделген барлық қажетті медициналық көмек көрсетілді. Олар бірінші кезектегі тергеу шараларын жүргізу үшін Киевке жеткізілді. Олар халықаралық құқық талаптарына сай келетін тиісті жағдай жасалады»,  деп хабарлады Украина қауіпсіздік қызметі.

    «Тұтқындар украин, ағылшын немесе орыс тілдерін білмейді, сондықтан олармен байланыс Оңтүстік Кореяның LDC барлау қызметімен бірлесіп корей аудармашылары арқылы жүзеге асады» деп жазылған хабарламада.

  • Украинадағы соғыс: Путин шұғыл мәлімдеме жасады

    Украинадағы соғыс: Путин шұғыл мәлімдеме жасады

    Ресей президенті Владимир Путин АҚШ-тың Украинаға Ресей аумағына алыс қашықтықтағы қару арқылы шабуыл жасауға рұқсат бергені туралы түсініктеме берді.

    «Медузаның» хабарлауынша, Путин Украина қарулы күштерінің ATACMS зымырандарымен Ресейге шабуылды жасағанын мәлімдеді. Осыдан кейін «қақтығыс жаһандық сипатқа ие болды», бірақ бұл «арнайы операцияның» барысына еш әсер етпейтінін жеткізген.

    «Біздің әскерлер байланыс шебінің барлық бағытында сәтті алға жылжып келеді. Алдымызға қойған барлық міндеттерді орындаймыз», – деді Путин.

    Сонымен қатар, Путин Ресейдің Днепрге орта қашықтықтағы «Орешник» баллистикалық зымыранымен жауап соққысын жасағанын растап, сынақтың сәтті өткенін айтты.

    «Алдағы сынақтар Ресейге төнетін қауіпке байланысты болады. Егер жағдай ушығатын болса, біз де табанды түрде жауап қайтарамыз. Біз ашық, жария түрде, қарсыластан қорықпай жауап қайтаратын боламыз. Өйткені мұндай қаруға қарсы басқа шаралар жоқ. Қолданыстағы әуе шабуылына қарсы қорғаныс жүйелері мұндай зымырандарды ұстап қала алмайды», – деді Ресей президенті.

    Сондай-ақ, Путин соққы ядролық емес гипердыбыстық жабдықтағы баллистикалық зымыранмен жасалғанын нақтылады. Ресей орта және шағын қашықтықтағы зымырандарды қолдануды жоспарламағанын, алайда АҚШ-тың осындай әрекеттеріне жауап ретінде бұл шешім қабылданғанын атап өтті.

  • Солтүстік Корея әскерлері Украинаға қарсы соғыспақ

    Солтүстік Корея әскерлері Украинаға қарсы соғыспақ

    Ресейдің Курск облысында  Солтүстік Кореяның 8 мыңға жуық әскері бар, олар жақын арада Украинаға қарсы соғысуы мүмкін.

    АҚШ-тың мемлекеттік хатшысы Энтони Блинкен Вашингтонда өткен брифингте сарбаздардың «артиллерия, ұшқышсыз ұшу аппараттары, негізгі жаяу әскер операциялары, соның ішінде траншеяларды тазарту» бойынша дайындықтан өткенін айтты. АҚШ бұл сарбаздар Ресейге келген 10 мың жауынгерден құралған топтың бір бөлігі деп санайды. Қорғаныс министрі Ллойд Остин Украинаның осы өңірдегі позицияларын сақтай алатынына сенім білдірді.

    Сондай-ақ, Блинкен жақын арада Украинаға қосымша әскери қолдау жіберуге ниетті екенін мәлімдеп, Қытайды Солтүстік Кореяға ықпалын пайдаланып, арандатушылық әрекеттерін тоқтатуға шақырды.

    Біз Ресейдің оның (Солтүстік Корея) әскери әлеуетін күшейту үшін не істейтініне қатты алаңдаймыз. Бұл Қытай үшін де күрделі мәселе болуы тиіс, өйткені  аймақтағы жағдайды айтарлықтай тұрақсыздандырады», — деді CNN Блинкеннің сөзін келтіріп.

  • Сеул Украинаға әскер жіберуі мүмкін

    Сеул Украинаға әскер жіберуі мүмкін

    Сеул егер Солтүстік Кореяның әскері Ресейге болысатын болса, Украинаға өз барлау қызметі мен әскер жіберуі мүмкін екенін мәлімдеді.

    Солтүстік кореялық әскери қызметкерлер қолға түссе, оңтүстіккореялық әскери қызметшілер Украинаға тергеу жүргізіп, аударма қызметін көрсетуге дайын. Мұның бәрі Ресей мен Солтүстік Кореяның бірігіп әрекет етуінен төнген қауіпті сейілтуге бағытталып отыр.

    Еске сала кетсек, бұған дейін Украина президенті Владимир Зеленский Солтүстік Кореяның Ресейге жақтасуға 12 мыңнан аса арнаулы жасақ жіберу туралы шешімі қауіпті екенін мәлімдеген болатын. Ол мұндай жағдай бола қалса, дүниежүзілік соғыс басталуы мүмкін екенін ескертті.

    Солтүстік Кореядан келетін қауіптерге жауап ретінде Оңтүстік Корея президенті Юн Сук Ёль де өз елінің мүддесін қорғау мен өңірде бейбітшілікті сақтауға бағытталған шара қабылдау қажеттігін атап өтті.

  • АҚШ Украинаға тағы 425 млн доллар көмек береді

    АҚШ Украинаға тағы 425 млн доллар көмек береді

    Азаттықтың жазуына қарағанда, «Америка дауысы» сайтының мәліметінше, Пентагон қорынан берілетін қосымша көмек пакетіне NASAMS зенит зымыран жүйесі оқ-дәрілері, әуе қорғанысына арналған RIM-7 ракеталары, Stinger зенит зымырандары, HIMARS зымыран жүйесіне керек оқ-дәрілер, кассеталық оқ-дәрілер, танкіні жоятын Javelin қаруы және тағы басқалар кіреді.

    Блинкен Украинаны АҚШ пен оның аясындағы халықаралық коалиция қолдайды деп бұған дейін бірнеше рет айтқан президент Джо Байденнің сөзіне сілтеді деп жазды «Америка дауысы» сайты.

    АҚШ 2022 жылғы 24 ақпаннан бастап Украинаға құны 61 млрд доллардан асатын әскери көмек және Ресейдің Украинаға 2014 жылғы шабуылынан бергі кезеңде 64 млрд долларға жуық әскери көмек көрсеткен.